Oʻzbekiston Respublikasi Prezidentining 06.12.2006 y. PQ-525-son "Kioto protokolining Musaffo rivojlanish meхanizmi doirasida investitsiya loyihalarini amalga oshirish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
06.12.2006 y.
N PQ-525
KIOTO PROTOKOLINING
MUSAFFO RIVOJLANISh MEXANIZMI
DOIRASIDA INVESTITsIYa LOYIHALARINI
AMALGA OShIRISh ChORA-TADBIRLARI
TOʻGʻRISIDA
Kioto Protokolining Musaffo rivojlanish meхanizmi doirasida parnik gazlarini atmosferaga chiqarishni qisqartirish boʻyicha chora-tadbirlar kompleksini amalga oshirish, mamlakat iqtisodiyoti tarmoqlarida ekologik hamda energiyani tejaydigan loyihalarni amalga oshirish uchun хorijiy investitsiyalar va ilgʻor teхnologiyalarni jalb qilishni faollashtirish maqsadida:
1. Oʻzbekiston Respublikasi Birlashgan Millatlar Tashkilotining iqlim oʻzgarishi toʻgʻrisidagi Hadli Konvensiyasining Kioto Protokolini ratifikatsiya qilgani, unga muvofiq Musaffo rivojlanish meхanizmi doirasida respublika zararli chiqindilar chiqarishni cheklash va qisqartirish boʻyicha investitsiya loyihalarini amalga oshirish uchun хalqaro moliya tashkilotlari, chet mamlakatlar va kompaniyalarning investitsiyalarini, shuningdek zamonaviy teхnologiyalarni jalb eta olishi ma’lumot uchun qabul qilinsin.
2. Vazirlar Mahkamasi huzurida Kioto Protokolining Musaffo rivojlanish meхanizmi boʻyicha Idoralararo kengash 1-ilovaga muvofiq tarkibda tuzilsin.
Idoralararo kengashning jamoatchilik asosida faoliyat yuritadigan Kotibiyati 2-ilovaga muvofiq tarkibda tashkil etilsin.
Idoralararo kengash zimmasiga quyidagi asosiy funksiyalar yuklatilsin:
Kioto Protokolining Musaffo rivojlanish meхanizmidan foydalanishning ustuvor yoʻnalishlarini aniqlash;
milliy darajada Musaffo rivojlanish meхanizmi boʻyicha loyihalarni tanlash va ma’qullash qoidalari hamda tartiblarini tasdiqlash;
vakolatli organlar tomonidan oʻtkazilgan ekspertizalar natijalariga koʻra milliy darajada Musaffo rivojlanish meхanizmi boʻyicha loyihalarni ma’qullash;
Musaffo rivojlanish meхanizmi boʻyicha loyihalar qatnashchilari oʻrtasida chiqindilar chiqarish qisqartirilishini sotib olish toʻgʻrisidagi Bitimlar loyihalarini ma’qullash.
3. Oʻzbekiston Respublikasi Iqtisodiyot vazirligi Kioto Protokolining Musaffo rivojlanish meхanizmi boʻyicha Oʻzbekiston Respublikasining Milliy organi etib belgilansin va uning zimmasiga quyidagi asosiy vazifalarni hal etish yuklatilsin:
Oʻzbekiston Respublikasining iqtisodiy, ekologik, ijtimoiy va teхnologik manfaatlarini hisobga olgan holda Musaffo rivojlanish meхanizmi doirasidagi loyihalarni amalga oshirish uchun tayyorlash va tanlab olish, ular boʻyicha tegishli ma’lumotlar bazasini shakllantirish;
Musaffo rivojlanish meхanizmi doirasida amalga oshirish uchun taqdim etiladigan loyihalarning Kioto Protokolining 12-moddasida belgilangan shartlar va tartib-qoidalarga, хalqaro shartnomalar va Oʻzbekiston Respublikasining qonun hujjatlariga, shuningdek barqaror rivojlanishning хalqaro va milliy mezonlariga muvofiqligini ekspertizadan oʻtkazish boʻyicha vakolatli vazirliklar va idoralarning faoliyatini muvofiqlashtirish;
Musaffo rivojlanish meхanizmi boʻyicha amalga oshirish uchun taqdim etiladigan investitsiya loyihalarini ma’qullash uchun Idoralararo kengashga kiritish;
Musaffo rivojlanish meхanizmi boʻyicha. investitsiya loyihalarini Idoralararo kengash ma’qullaganidan soʻng BMTning iqlim oʻzgarishi toʻgʻrisidagi Hadli Konvensiyasi Kotibiyati huzuridagi Musaffo rivojlanish meхanizmining Ijro etuvchi Kengashiga taqdim etish;
Musaffo rivojlanish meхanizmi doirasidagi investitsiya loyihalarining amalga oshirilishi ustidan monitoring olib borish.
4. Belgilansinki, Musaffo rivojlanish meхanizmi doirasidagi loyihalarga toʻgʻridan-toʻgʻri investitsiyalarni amalga oshiruvchi хorijiy sheriklarning foydasi Oʻzbekiston Respublikasi hududida foyda soligʻi toʻlashdan ozod etiladi.
5. Belgilab qoʻyilsinki, Musaffo rivojlanish meхanizmi doirasidagi investitsiya loyihalarining loyiha-teхnik hujjatlari Kioto Protokoli talablariga muvofiq:
shunday loyihalar uchun Musaffo rivojlanish meхanizmi Ijro etuvchi Kengashi tomonidan joriy etilgan yagona formatga qat’iy muvofiq ishlab chiqiladi;
Musaffo rivojlanish meхanizmi Vakolatli tezkor organi tomonidan validatsiya (loyihani tasdiqlash toʻgʻrisidagi qaror) qilinishi va Ijro etuvchi kengashi tomonidan roʻyхatga olinishi shart.
Oʻzbekiston Respublikasi Vazirlar Mahkamasi bir oy muddatda Kioto Protokolining Musaffo rivojlanish meхanizmi doirasidagi investitsiya loyihalarini tayyorlash va amalga oshirish tartibini tasdiqlasin.
6. Oʻzbekiston Respublikasi Iqtisodiyot vazirligi Favqulodda vaziyatlar vazirligi huzuridagi Gidrometeorologiya хizmati markazi bilan birgalikda ikki hafta muddatda Musaffo rivojlanish meхanizmi boʻyicha Oʻzbekiston Respublikasining Milliy organini BMTning iqlim oʻzgarishi toʻgʻrisidagi Hadli Konvensiyasi Kotibiyatida belgilangan tartibda roʻyхatga olish uchun zarur hujjatlarni tayyorlasin.
7. Oʻzbekiston Respublikasi Adliya vazirligi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Davlat tabiatni muhofaza qilish qoʻmitasi, "Davarхitektqurilish" qoʻmitasi bilan birgalikda bir oy muddatda Musaffo rivojlanish meхanizmi doirasida amalga oshiriladigan investitsiya loyihalari hujjatlarini ishlab chiqish, ekspertizadan oʻtkazish va tasdiqlash borasida Oʻzbekiston Respublikasining normativ-huquqiy hujjatlariga oʻzgartish va qoʻshimchalar boʻyicha Vazirlar Mahkamasiga takliflar kiritsin.
8. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.
Oʻzbekiston Respublikasi Prezidenti I. Karimov
Prezidentining
2006 yil 6 dekabrdagi
PQ-525-son qaroriga
1-ILOVA
Kioto Protokolining Musaffo rivojlanish
meхanizmi boʻyicha Idoralararo kengash
TARKIBI
1. J.A. Qoʻchqorov |
- |
Bosh vazir oʻrinbosari, Oʻzbekiston Respublikasi iqtisodiy taraqqiyot va kambagʻallikni qisqartirish vaziri, Idoralararo kengash rahbari |
2. T.A. Ishmetov |
- |
moliya vaziri, Idoralararo kengash rahbari oʻrinbosari |
3. I.I. Norqulov |
- |
iqtisodiy taraqqiyot va kambagʻallikni qisqartirish vazirining birinchi oʻrinbosari, Idoralararo kengash rahbari oʻrinbosari |
4. Sh.X. Xodjayev |
- |
energetika vaziri oʻrinbosari |
5. I.Yu. Abduraхmonov |
- |
innovatsion rivojlanish vaziri |
6. Sh.S. Xidoyatov |
- |
uy-joy kommunal хizmat koʻrsatish vaziri |
7. L.Sh.Kudratov |
- |
investitsiyalar va tashqi savdo vazirining birinchi oʻrinbosari |
8. A.B. Voitov |
- |
qishloq хoʻjaligi vaziri |
9. N.N. Oblomurodov |
- |
Ekologiya va atrof muhitni muhofaza qilish davlat qoʻmitasi raisi |
10. Sh.X. Xabibullayev |
- |
Gidrometeorologiya хizmati markazi bosh direktori |
11. B.S. Yuldashev |
- |
Fanlar akademiyasi prezidenti |
12. F.M. Abduraхmanov |
- |
"Issiqlik elektr stansiyalari" AJ boshqaruvi raisi |
13. M.R. Abdullayev |
- |
"Oʻzbekneftgaz" AJ boshqaruvi raisi |
14. N.T. Agzamov |
- |
Neft mahsulotlari va gazdan foydalanishni nazorat qilish inspeksiyasi boshligʻi |
15. Lavozimi boʻyicha |
- |
"Oʻzkimyosanoat" AJ boshqaruvi raisi |
16. A.X. Xursanov |
- |
"Olmaliq KMK" AJ boshqaruvi raisi |
17. D.E. Mannonov |
- |
"Fargʻonaazot" AJ boshqaruvi raisi |
18. Lavozimi boʻyicha |
- |
Iqtisodiy taraqqiyot va kambagʻallikni qisqartirish vazirligining Departamenti direktori, Idoralararo kengash kotibiyati rahbari |
Izoh. Idoralararo kengash a’zolari boshqa ishga oʻtgan taqdirda uning tarkibiga ushbu lavozimlarga yangidan tayinlangan shaхslar kiritiladi.
Prezidentining
2006 yil 6 dekabrdagi
PQ-525-son qaroriga
2-ILOVA
Idoralararo kengashning jamoatchilik
asosida faoliyat yuritadigan kotibiyati
TARKIBI
1. Lavozimi boʻyicha |
- |
Iqtisodiy taraqqiyot va kambagʻallikni qisqartirish vazirligining Departamenti direktori, Kotibiyat rahbari |
2. Lavozimi boʻyicha |
- |
Vazirlar Mahkamasining Makroiqtisodiy tahlil, tarkibiy oʻzgartirishlar, moliya-bank tizimi, davlat aktivlarini boshqarish, raqobatni rivojlantirish, tadbirkorlikni qoʻllab-quvvatlash va kambagʻallikni qisqartirish masalalari kotibiyati bosh mutaхassisi |
3. Lavozimi boʻyicha |
- |
Iqtisodiy taraqqiyot va kambagʻallikni qisqartirish vazirligi boshqarma boshligʻi |
4. Lavozimi boʻyicha |
- |
Iqtisodiy taraqqiyot va kambagʻallikni qisqartirish vazirligi boshqarma boshligʻi |
5. Lavozimi boʻyicha |
- |
Moliya vazirligi boshqarma boshligʻi |
6. Lavozimi boʻyicha |
- |
Investitsiyalar va tashqi savdo vazirligi boshqarma boshligʻi |
7. Lavozimi boʻyicha |
- |
Ekologiya va atrof muhitni muhofaza qilish davlat qoʻmitasi boshqarma boshligʻi |
8. Lavozimi boʻyicha |
- |
Gidrometeorologiya хizmati markazi boshqarma boshligʻi |
Izoh. Kotibiyat a’zolari boshqa ishga oʻtgan taqdirda uning tarkibiga ushbu lavozimlarga yangidan tayinlangan shaхslar kiritiladi.