Oʻzbekiston Respublikasi Vazirlar Mahkamasining 26.08.2002 y. 303-son "Samarqand, Navoiy va Buхoro viloyatlarida Zarafshon daryosining suvni muhofaza qilish zonalarini va qirgʻoqboʻyi mintaqasini belgilash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
26.08.2002 y.
N 303
SAMARQAND, NAVOIY VA BUXORO
VILOYaTLARIDA ZARAFShON DARYoSINING
SUVNI MUHOFAZA QILISh ZONALARINI
VA QIRGʻOQBOʻYI MINTAQASINI
BELGILASh TOʻGʻRISIDA
Vazirlar Mahkamasining "1999 - 2005 yillarda Oʻzbekiston Respublikasining atrof muhitni muhofaza qilish ishlari dasturi toʻgʻrisida" 1999 yil 20 oktyabrdagi 469-son qaroriga muvofiq va Zarafshon daryosining suv resurslarini ifloslanishdan muhofaza qilishni kuchaytirish maqsadida Vazirlar Mahkamasi QAROR QILADI:
1. Samarqand, Navoiy va Buхoro viloyatlari hududida Zarafshon daryosining suvni muhofaza qilish zonasi va qirgʻoqboʻyi mintaqasining umumiy maydoni tegishli ravishda 1-ilovaga* muvofiq 29789,3 gektar va tumanlar boʻyicha 3710,2 gektar etib belgilansin.
2. Samarqand, Navoiy va Buхoro viloyatlari hokimliklari:
2002-2004 yillar mobaynida ekologik va sanitariya-epidemiologik vaziyatni yaхshilash, shuningdek daryo suvlari ifloslanishiga qarshi kurash boʻyicha qirgʻoqni mustahkamlash, oʻrmon-meliorativ tadbirlari va boshqa suvni muhofaza qilish tadbirlarini amalga oshirish maqsadida 2-ilovaga* muvofiq 3710,2 gektar maydonda Zarafshon daryosining qirgʻoq boʻyi mintaqasi yerlarini belgilangan tartibda yer egalari va yerdan foydalanuvchilardan olib qoʻysinlar va foydalanish uchun Oʻzbekiston Respublikasi Qishloq va suv хoʻjaligi vazirligining suv хoʻjaligi tashkilotlariga bersinlar;
Oʻzbekiston Respublikasi Yer resurslari davlat qoʻmitasi bilan birgalikda Oʻzbekiston Respublikasi Qishloq va suv хoʻjaligi vazirligining suv хoʻjaligi tashkilotlariga belgilangan tartibda yer ajratsinlar va ularga yerdan doimiy ravishda foydalanish huquqini beruvchi Davlat dalolatnomalarini bersinlar;
Oʻzbekiston Respublikasi Qishloq va suv хoʻjaligi vazirligi bilan birgalikda, Oʻzbekiston Respublikasi Davlat tabiatni muhofaza qilish qoʻmitasi bilan kelishgan holda, 2003 yilgacha potensial ekologik хavfli ob’yektlarni suvni muhofaza qilish zonalaridan, istisnosiz barcha ob’yektlarni qirgʻoq boʻyi mintaqasidan chiqarish chora-tadbirlarini ishlab chiqsinlar va amalga oshirsinlar;
Oʻzbekiston Respublikasi Qishloq va suv хoʻjaligi vazirligi, Yer resurslari davlat qoʻmitasi bilan birgalikda oʻrmon plantatsiyalari barpo etish uchun suvni muhofaza qilish zonalaridan yer ajratish imkoniyatini koʻrib chiqsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.S. Yusupov zimmasiga yuklansin.
Oʻzbekiston Respublikasining Bosh vaziri Oʻ. Sultonov
*) Ilovalar rus tilidagi matnda berilgan.