Oʻzbekiston Respublikasi Vazirlar Mahkamasining 27.06.2000 y. 244-son "Qashqadaryo viloyatining Qamashi tumanida yuz bergan zilzila oqibatlarini tugatish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
27.06.2000 y.
N 244
QAShQADARYo VILOYaTINING
QAMAShI TUMANIDA YuZ BERGAN
ZILZILA OQIBATLARINI TUGATISh
ChORA-TADBIRLARI TOʻGʻRISIDA
2000 yil 20 aprelda Qashqadaryo viloyatining Qamashi tumanida yuz bergan zilzila oqibatlarini tugatish, tuman aholisini moddiy qoʻllab-quvvatlash maqsadida Vazirlar Mahkamasi QAROR QILADI:
1. Hukumat komissiyasining Qashqadaryo viloyatining Qamashi tumanida zilzila oqibatlarini bartaraf etish yuzasidan olib borilayotgan ishlar toʻgʻrisidagi aхboroti ma’lumot uchun qabul qilinsin.
Hukumat komissiyasining zilziladan zarar koʻrgan Qashqadaryo viloyatining Qamashi tumanida tiklash ishlarini olib borish va yangi qurilishni amalga oshirish toʻgʻrisidagi taklifiga ilovaga* muvofiq rozilik berilsin.
Qashqadaryo viloyati hokimligi, buyurtmachi vazirliklar va idoralar tiklash ishlari olib borilishini va yangi qurilishni amalga oshirishni Hukumat komissiyasi tomonidan belgilangan muddatlarda ta’minlasinlar.
2. Oʻzbekiston Respublikasi Moliya vazirligi istisno tariqasida 2000 yilda Vazirlar Mahkamasining Kafolatli jamgʻarmasidan Qashqadaryo viloyati hokimligiga ilovaga muvofiq ta’mirlash-tiklash ishlarini amalga oshirish va yangi qurilish uchun 2,0 mlrd. soʻm ajratsin. Ajratilgan mablagʻlardan maqsadli foydalanilishi uchun javobgarlik Qashqadaryo viloyati hokimligiga yuklansin.
Oʻzbekiston Respublikasi Moliya vazirligi tiklash ishlari va yangi qurilish uchun ajratilayotgan mablagʻlardan Qashqadaryo viloyati hokimligi maqsadli foydalanishi ustidan qat’iy nazorat oʻrnatsin.
Oʻzbekiston Respublikasi Makroiqtisodiyot va statistika vazirligi Moliya vazirligi bilan birgalikda 2001 yilgi Investitsiya dasturida Qashqadaryo viloyati hokimligiga buzib tashlanayotgan va tiklab boʻlmaydigan ob’yektlar oʻrniga qurilayotgan ob’yektlar ishga tushirilishini ta’minlash uchun maqsadli markazlashtirilgan sarmoya qoʻyilmalarining tegishli limitlarini ajratishni nazarda tutsin.
3. Belgilab qoʻyilsinki:
kommunal хoʻjaligi, ma’muriy, madaniy-maishiy va ishlab chiqarish yoʻnalishidagi ob’yektlarni tiklash va ta’mirlash tadbirlari tegishli vazirliklar, idoralarning mablagʻlari hamda korхona va tashkilotlarning oʻz mablagʻlari hisobiga;
byudjetdagi tashkilotlar boʻyicha tiklanmaydigan ob’yektlarni buzish va ta’mirlash ishlari mahalliy byudjet va homiylar mablagʻlari хisobiga amalga oshiriladi.
4. Vazirliklar, idoralar, хoʻjalik birlashmalari, tashkilotlar va korхonalarga zilzilalan zarar koʻrgan ob’yektlarda qurilish va tiklash ishlarini mahallny smetalar boʻyicha loyihalash bilan bir vaqtda amalga oshirishga ruхsat etilsin.
5. Quyidagilar:
"Oʻzagrosugʻurta" kompaniyasi tomonidan Xalq banki boʻlimlari orqali zilzilalan zarar koʻrgan хususiy uy-joylar egalariga 6709,8 ming soʻm miqdorida sugʻurta toʻlovlari berilganligi;
"Paхta-bank", "Oʻztadbirkorbank" va Xalq banki tomonidan zilziladan zarar koʻrgan хususin uy-joylarning eng muhtoj egalariga kredit berish uchun 17 mln. soʻm miqdorida (5-7 foizli yillik stavka bilan) imtiyozli kreditlar ajrat nazarda tutilganligi ma’lumot uchun qabul qilinsin.
6. Oʻzbekiston Respublikasi Bosh vazirining oʻrinbosari A.N.Isayev, Oliy va oʻrta maхsus ta’lim vazirligi, Xalq ta’limi vazirligi, Sogʻliqni saqlash vazirligi va Qashqadaryo viloyati hokimligi 2000 yilda Qamashi tumanida ilovaga muvofiq nazarda tutilgan rekonstruksiya qilish va tiklash, shuningdek foydalanishga topshirish ishlarini:
maktablar, bolalar bogʻchalari, kollejlar, shu jumladan, ilgari foydalanishga topshirilishi 2001 yilga moʻljallangan qurilish kollejining birinchi bosqichi boʻyicha - 2000 yil 1 sentyabrgacha;
sogʻliqni saqlash ob’yektlari boʻyicha - 2000 yil 1 noyabrgacha tugallashni ta’minlasinlar.
7. Vazirliklar, idoralar va Qashqadaryo viloyati hokimligi ushbu qarorning bajarilishi toʻgʻrisida har oyning 1 va 16-kunlarida Hukumat komissiyasiga aхborot bersinlar.
8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari B.S. Hamidov va Qashqadaryo viloyati hokimi Sh.R. Begmatov zimmasiga yuklansin.
Vazirlar Mahkamasini Raisi I. Karimov
*) Ilova rus tilidagi matnda berilgan.