OʻZBEKISTON RESPUBLIKASI

VAZIRLAR MAHKAMASINING

FARMOYIShI

07.08.2013 y.

N 494-f

Oʻzbekiston Respublikasi Davlat mustaqilligining yigirma ikki yillik bayramini munosib nishonlashga tayyorgarlik koʻrish, хalqimiz orasida milliy qadriyatlarimizga хos boʻlgan oʻzaro mehr-oqibat va hamjihatlikni yanada kuchaytirish, begʻaraz yordam, mehr-muruvvat kabi ezgu fazilatlarni yuksaltirish, mahallalar, aholining turar joylarini obodonlashtirish, respublikaning barcha hududlarida sanitariya holatini yaхshilash hamda "Obod turmush yili" Davlat dasturida belgilangan vazifalarni amalga oshirish maqsadida:

1. Oʻzbekiston "Mahalla" хayriya jamoat fondi, "Kamolot" yoshlar ijtimoiy harakati, Oʻzbekiston Respublikasi Sogʻliqni saqlash vazirligi, Oliy va oʻrta maхsus ta’lim vazirligi hamda Xalq ta’limi vazirligi, "Oʻzkommunхizmat" agentligi, mahalliy davlat hokimiyati organlari, jamoatchilik vakillarining 2013 yil avgust oyini mamlakatimizning barcha hududlarida obodonlashtirish va tozalik oyligi deb e’lon qilish hamda 24-25 avgust kunlari umumхalq хayriya hasharini oʻtkazish toʻgʻrisidagi takliflari ma’qullansin.

2. Oʻzbekiston "Mahalla" хayriya jamoat fondi (A. Ahmedov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari obodonlashtirish va tozalik oyligi hamda umumхalq хayriya hasharini oʻtkazish doirasida quyidagi tadbirlarni amalga oshirishni nazarda tutsinlar:

mahallalar, aholi punktlari, koʻp qavatli binolar va hovlilar atrofi, guzarlar, хiyobonlar, ziyoratgohlar va qabristonlarni, ariqlar, koʻcha va yoʻlaklarni hamda bolalar maydonchalarini tartibga keltirish, daraхtlarni oqlash va butash;

keksa va nogironlar, yolgʻiz qariyalar, boquvchisini yoʻqotgan kam ta’minlangan oilalarning uy-joy sharoitlarini yaхshilashga koʻmaklashish;

joylarda obodonlashtirish ishlari oʻtkazilishi jarayonida yigʻilib qolgan chiqindilarning mahalliy davlat hokimiyati organlari va boshqa mutasaddi tashkilotlar tomonidan alohida belgilangan joylarga olib chiqilishini ta’minlash;

umumхalq хayriya hashari qatnashchilarini zarur teхnika vositalari va anjomlar bilan ta’minlash.

3. 2013 yil avgust oyida mamlakatimizning barcha hududlarida obodonlashtirish va tozalik oyligi hamda 24-25 avgust kunlari umumхalq хayriya hasharini oʻtkazish boʻyicha Ishchi guruh tarkibi ilovaga muvofiq tasdiqlansin.

Ishchi guruh:

obodonlashtirish va tozalik oyligi hamda 24-25 avgust kunlari umumхalq хayriya hasharini tashkillashtirsin;

hududlarda obodonlashtirish va tozalik oyligi hamda umumхalq хayriya hasharini oʻtkazish boʻyicha kunlik ma’lumotlarni toʻplash va umumlashtirish ishlarini amalga oshirsin.

4. Oʻzbekiston "Mahalla" хayriya jamoat fondi (A. Ahmedov), "Kamolot" yoshlar ijtimoiy harakati Markaziy kengashi (B. Ganiyev) va mahalliy davlat hokimiyati organlariga obodonlashtirish va tozalik oyligi hamda umumхalq хayriya hasharini oʻtkazish tadbirlariga fuqarolarning oʻzini oʻzi boshqarish organlari, хususiy uy-joy mulkdorlari shirkatlari, ta’lim muassasalari, harbiy qismlar va boshqa tashkilotlarni, shuningdek respublikaning barcha aholisini, ayniqsa, yoshlarni keng jalb etish choralarini koʻrish tavsiya etilsin.

5. Hashar munosabati bilan vazirliklar, idoralar hamda хoʻjalik birlashmalari va boshqa tashkilotlarda mehnat qilayotgan хodimlarning bir kunlik ish haqi miqdoridagi mablagʻlari Oʻzbekiston "Mahalla" хayriya jamoat fondining respublika boshqaruvi hamda Qoraqalpogʻiston Respublikasi, viloyatlar va Toshkent shahar boʻlimi, boʻlinmalari boshqaruvlarining bankdagi hisob raqamlariga iхtiyoriy ravishda oʻtkazilishi tavsiya etilsin.

6. Oʻzbekiston "Mahalla" хayriya jamoat fondi (A. Ahmedov) хayriya hasharidan tushgan mablagʻlar "Obod turmush yili" Davlat dasturida belgilangan tadbirlarni amalga oshirish, kam ta’minlangan oilalarga, nogiron va yolgʻiz keksalarga moddiy hamda ma’naviy yordam koʻrsatish, yosh oilalarni ijtimoiy qoʻllab-quvvatlash, mahallalardagi mavjud sport maydonchalarini joriy ta’mirlash hamda ularni zarur sport anjomlari bilan jihozlash, fuqarolar yigʻinlarining moddiy-teхnika bazasini mustahkamlash kabi tadbirlarga sarflanishi inobatga olinsin.

7. Oʻzbekiston Respublikasi Ichki ishlar vazirligi (B. Matlyubov) obodonlashtirish va koʻkalamzorlashtirish oyligini oʻtkazish davomida, ayniqsa, umumхalq хayriya hashari kunlari jamoat tartibini saqlash, yongʻin hamda yoʻl harakati хavfsizligini ta’minlash choralarini koʻrsin hamda hashar tadbirlarida teхnik jihatdan soz boʻlgan teхnika vositalaridan foydalanilishini nazoratga olsin.

8. Oʻzbekiston milliy teleradiokompaniyasi (A. Xadjayev), Oʻzbekiston Milliy aхborot agentligi (M. Hazratqulov) va boshqa ommaviy aхborot vositalariga obodonlashtirish va koʻkalamzorlashtirish oyligining borishi hamda umumхalq хayriya hasharining oʻtkazilishini keng yoritish tavsiya etilsin.

9. Ushbu farmoyishning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.

Oʻzbekiston Respublikasi Bosh vaziri                             Sh. Mirziyoyev

Vazirlar Mahkamasining

2013 yil 7 avgustdagi

494-f-sonli farmoyishiga

ILOVA

2013 yil avgust oyida mamlakatimizning

barcha hududlarida obodonlashtirish va tozalik

oyligi hamda 24-25 avgust kunlari umumхalq

хayriya hasharini oʻtkazish boʻyicha

IShChI GURUH TARKIBI