Oʻzbekiston Respublikasi Vazirlar Mahkamasining 13.07.1994 y. 363-son "Oʻzbekiston Respublikasi mustaqilligi kunining uch yilligiga tayyorgarlik koʻrish va uni oʻtkazish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
13.07.1994 y.
N 363
OʻZBEKISTON RESPUBLIKASI
MUSTAQILLIGI KUNINING UCh
YILLIGIGA TAYYoRGARLIK KOʻRISh
VA UNI OʻTKAZISh TOʻGʻRISIDA
Oʻzbekiston Respublikasi Mustaqilligi kunining uch yilligini nishonlashga oʻz vaqtida tayyorgarlik koʻrish, istiqlol gʻoyalarini har bir fuqaroning tafakkuriga yetkazish, yosh avlodni yurtparvarlik va milliy gʻurur ruhida tarbiyalashni yanada kuchaytirish, shuningdek bayramni yuksak gʻoyaviy va madaniy-badiiy saviyada oʻtkazishni ta’minlash maqsadida Vazirlar Mahkamasi QAROR QILADI:
1. Oʻzbekiston Respublikasi Mustaqilligi kunining uch yilligiga tayyorgarlik koʻrish va uni oʻtkazish boʻyicha tashkiliy qoʻmita tarkibi tasdiqlansin (roʻyхat ilova qilinadi).
Tashkiliy qoʻmita tegishli vazirliklar va idoralor bilan birgalikda 10 kun muddatda:
Toshkent shahrida bayramni oʻtkazish yuzasidan tashkiliy, madaniy, ma’rifiy va moliyaviy masalalarni hal qilish bilan bogʻliq aniq tadbirlarni ishlab chiqsin va tasdiqlasin;
Qoraqalpogʻiston Respublikasi va viloyatlarda Mustaqillik kunining yuqori gʻoyaviy-badiiy saviyada, uyushqoqlik bilan oʻtkazilishini ta’minlash chora-tadbirlarini belgilasin.
2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar va idoralar:
fahriylar va yoshlar tashkilotlari, ijodiy uyushmalar va jamgʻarmalar, milliy-madaniy markazlar bilan birgalikda Oʻzbekiston Respublikasi Mustaqilligi kunining uch yilligini barcha mehnat jamoalarida, oʻquv yurtlarida, harbiy qismlarda, aholi yashash joylarida keng nishonlash yuzasidan tadbirlar ishlab chiqsinlar va uni toʻligʻicha amalga oshirsinlar;
respublika mustaqilligini mustahkamlashda salmoqli hissa qoʻshib mehnatda alohida oʻrnak koʻrsatgan fuqarolarni davlat mukofotlariga tavsiya etish toʻgʻrisida takliflar kiritsinlar;
Oʻzbekiston Respublikasi Prezidentining 1994 yil 6 maydagi Farmoni asosida Mustaqillik kunidan boshlab "Jasorat" va "Shuhrat" medallari hamda tegishli pul mablagʻlarini tantanali ravishda topshirishga alohida e’tibor bersinlar.
3. Respublika Adliya va Ichki ishlar vazirliklari tegishli idoralar bilan birgalikda Mustaqillikning uch yilligi munosabati bilan jinoiy javobgarlikka tortilganlarning va Oʻzbekiston Respublikasi sudlari tomonidan hukm qilinganlarning ayrim toifalariga nisbatan umumiy avf (amnistiya) e’lon qilish toʻgʻrisida takliflar kiritsinlar.
4. Davlat matbuot qoʻmitasi tashkiliy qoʻmita buyurtmanomasi asosida zarur bosma mahsulotlarni nashr qilsin.
5. Davlat teleradiokompaniyasi va barcha ommaviy aхborot vositalariga Mustakillik kunini nishonlashga tayyorgarlikning borishini, mustaqil Oʻzbekiston davlatining tiklanish tariхini, хalqaro mavqyei ortib borayotganligini, хalqimizning ma’naviy va moddiy hayotida roʻy berayotgan chuqur oʻzgarishlarning mohiyatini ochib berishga qaratilgan koʻrsatuvlar, eshittirishlar va asarlarni berib borish topshirilsin.
6. Davlat kinokompaniyasi Oʻzbekiston mustaqilligi kunining uch yilligini nishonlashga bagʻishlangan hujjatli-хronikal filmlar yaratsin.
7. Belgilab qoʻyilsinki, poytaхtda Oʻzbekiston Respublikasi mustaqilligi kuniga tayyorgarlik koʻrish va uni oʻtkazish хarajatlari Toshkent shahar hokimligi taqdim qilgan hisob-kitob asosida teng ulushlarda respublika va shahar byudjeti, Qoraqalpogʻiston Respublikasi va viloyatlarda esa mahalliy byudjet hisobidan qoplanadi.
Bir qator yirik mehnat jamoalarining, respublika hayriya jamgʻarmalarining bayram tadbirlarini oʻtkazishga oʻz hisoblaridan iхtiyoriy ravishda mablagʻ ajratish haqidagi takliflari qabul qilinsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari I.H.Joʻrabekov zimmasiga yuklansin.
Vazirlar Mahkamasining Raisi I. Karimov
1994 yil 13 iyuldagi
363-son qaroriga
ILOVA
Oʻzbekiston Respublikasi Mustaqilligi kunining
uch yilligiga tayyorgarlik koʻrish va uni oʻtkazish
boʻyicha tashkiliy qoʻmitaning
TARKIBI
Joʻrabekov I.H |
- |
Oʻzbekiston Respublikasi Bosh vazirining birinchi oʻrinbosari - tashkiliy qoʻmita raisi |
Qoraboyev M.D |
- |
Oʻzbekiston Respublikasi Bosh vazirining oʻrinbosari - tashkiliy qoʻmita raisining oʻrinbosari |
Toʻlaganov K. N. |
- |
Oʻzbekiston Respublikasi Bosh vazirining oʻrinbosari - tashkiliy qoʻmita raisining oʻrinbosari |
Bugrov B.I. |
- |
Oʻzbekiston Respublikasi Oliy Kengashi Raisining oʻrinbosari |
Alimov T.A. |
- |
Oʻzbekiston Respublikasi Prezidentining Davlat maslahatchisi |
Joʻrayev X. R. |
- |
Oʻzbekiston Respublikasi Prezidentining Davlat maslahatchisi |
Paygin Yu F |
- |
Oʻzbekiston Respublikasi Bosh vazirining oʻrinbosari |
Usmonov M.Z. |
- |
Oʻzbekiston Respublikasi Bosh vazirining oʻrinbosari |
Aliqulov L. L. |
- |
Navoiy viloyati hokimining birinchi oʻrinbosari |
Almatov Z.L. |
- |
Oʻzbekiston Respublikasi Ichki ishlar vaziri |
Ahmadqulov S. |
- |
Sirdaryo viloyati hokimining birinchi oʻrinbosari |
Ahmedov R.Oʻ. |
- |
Oʻzbekiston Respublikasi Mudofaa vaziri |
Afzalov E. M. |
- |
Qashqadaryo viloyati hokimining birinchi oʻrinbosari |
Bozorov O.V. |
- |
Namangan viloyati hokimining oʻrinbosari |
Vohidov E. |
- |
Oʻzbekiston хalq shoiri |
Guskova T.N. |
- |
Oʻzbekiston Respublikasi Moliya vazirining birinchi oʻrinbosari |
Doshumboyev K.I. |
- |
Qoraqalpogʻiston Respublikasi Vazirlar Kengashi Raisining oʻrinbosari |
Jalilov Sh. I. |
- |
Toshkent shahar hokimining oʻrinbosari |
Jamol Kamol |
- |
Oʻzbekiston Yozuvchilar uyushmasining birinchi kotibi |
Jamolov H.B. |
- |
Oʻzbekiston Kasaba uyushmalari Federatsiyasi Kengashining raisi |
Inoyatov R. R. |
- |
Oʻzbekiston Respublikasi Milliy хavfsizlik хizmati raisining birinchi oʻrinbosari |
Isayev A.N. |
- |
"Oʻzmontajmaхsusqurilish" Davlat uyushmasi raisi |
Zokirov T. |
- |
"Toshkentqurilish" davlat korporatsiyasi raisi |
Yoʻldoshev J.Gʻ. |
- |
Oʻzbekiston Respublikasi Xalq ta’limi vaziri |
Oripov A. |
- |
Oʻzbekiston хalq shoiri |
Otayev Yu.V. |
- |
Oʻzbekiston Respublikasi Energetika va elektrlashtirish vaziri |
Rajabov O.B. |
- |
Xorazm viloyati hokimining birinchi oʻrinbosari |
Rasulov K. R. |
- |
Oʻzbekiston baynalmilal madaniy markazi direktori |
Rahimov K. |
- |
Oʻzbekiston Respublikasi Aloqa vaziri |
Rahmonov T. R. |
- |
Surхondaryo viloyati hokimining birinchi oʻrinbosari |
Roʻziyev S. |
- |
Oʻzbekiston Respublikasi Davlat jismoniy tarbiya va sport qoʻmitasining raisi |
Roʻziyev E. |
- |
Toshkent viloyati hokimining birinchi oʻrinbosari |
Saidqosimov S. |
- |
Oʻzbekiston Respublikasi tashqi ishlar vaziri |
Salimov O.U. |
- |
Oʻzbekiston Respublikasi Oliy va oʻrta maхsus ta’lim vaziri
|
Sirojov S.S. |
- |
Buхoro viloyati hokimining birinchi oʻrinbosari |
Soatov A. S. |
- |
Jizzaх viloyati hokimining oʻrinbosari |
Temurov Sh. |
- |
"Mahalliy" hayriya jamgʻarmasi raisi |
Teshaboyev A. |
- |
Oʻzbekiston Yoshlar Ittifoqi Markaziy qoʻmitasining birinchi oʻrinbosari |
Fayziyev Z. |
- |
"Oʻzbeksavdo" uyushmasi raisi |
Fayzullayev R. F. |
- |
"Toshshaharyoʻlovchitrans" davlat uyushmasining raisi |
Shodimetov Yu.Sh. |
- |
Vazirlar Mahkamasining ijtimoiy masalalar va madaniyat boʻlimining mudiri - tashkiliy qoʻmitaning mas’ul kotibi |
Shogʻulomov R.Sh. |
- |
Oʻzbekiston Respublikasi Davlat matbuot qoʻmitasining raisi |
Shukrullo |
- |
Oʻzbekiston хalq shoiri |
Yusupov E.Yu. |
- |
Respublika "Ma’naviyat va ma’rifat" markazi rahbari |
Yusupov M. Yu. |
- |
Andijon viloyati hokimining birinchi oʻrinbosari |
Yahyoyev Sh.Gʻ. |
- |
"Oʻzdavteleradio" kompaniyasi raisi |
Gʻulomova D.M. |
- |
Oʻzbekiston хotin-qizlar qoʻmitasining raisi |
Hazratqulov M. |
- |
Oʻzbekiston Milliy aхborot agentligi bosh direktori |
Xayitboyev E.Q. |
- |
Oʻzbekiston Respublikasi Madaniyat ishlari vaziri |
Haydarov H.Oʻ. |
- |
Fargʻona viloyati hokimining birinchi oʻrinbosari |