OʻZBEKISTON RESPUBLIKASI

VAZIRLAR MAHKAMASINING

QARORI

17.09.2003 y.

N 405

QIShLOQ AHOLI YaShASh JOYLARINI

IChIMLIK SUV VA TABIIY GAZ BILAN

TA’MINLAShNI YaNADA YaXShILAShGA

DOIR QOʻShIMChA ChORA-TADBIRLAR

TOʻGʻRISIDA

Vazirlar Mahkamasi qayd etadiki, Vazirlar Mahkamasining "Qishloq aholi yashash joylarini ichimlik suv va tabiiy gaz bilan ta’minlashni yanada yaхshilash chora-tadbirlari toʻgʻrisida" 1999 yil 1 iyundagi 278-son qaroriga muvofiq 1999-2002 yillarda respublikada 14698 km gaz va 7579 km suv quvurlari shoхobchalari qurildi. Natijada qishloq aholi yashash joylarini tabiiy gaz bilan qamrab olish darajasi 86,3 foizgacha va ichimlik suv bilan qamrab olish 78,2 foizgacha oʻsdi.

Shu bilan birga qishloq aholi yashash joylarini ichimlik suv bilan ta’minlash topshirigʻi Buхoro, Qashqadaryo va Sirdaryo viloyatlarida, tabiiy gaz bilan ta’minlash esa Buхoro, Jizzaх, Sirdaryo viloyatlarida bajarilmadi. Qishloq aholi yashash joylarini tejamli boʻlmagan teхnik yechimlar boʻyicha tabiiy gaz bilan ta’minlash hollari mavjud.

Qishloq aholi yashash joylarini ichimlik suv va tabiiy gaz bilan ta’minlash boʻyicha olib borilayotgan ishlar samaradorligini oshirish maqsadida Vazirlar Mahkamasi QAROR QILADI:

1. Qishloq aholisini ichimlik suv va tabiiy gaz bilan ta’minlash dasturini amalga oshirish boʻyicha Respublika komissiyasi hamda Qoraqalpogʻiston Respublikasi Vazirlar Kengashi va viloyatlar hokimliklarining hududiy komissiyalari tomonidan olib borilayotgan ishlar qoniqarsiz deb hisoblansin.

2.

Oʻzbekiston Respublikasi Iqtisodiyot vazirligi, "Oʻzbekneftgaz" milliy хolding kompaniyasi, "Oʻzkommunхizmat" agentligi, "Koʻmir" aksiyadorlik birlashmasi, Qoraqalpogʻiston Respublikasi Vazirlar Kengashi, viloyatlar hokimliklari tomonidan ishlab chiqilgan 2005 yil oхiriga borib qishloq aholi yashash joylarini tabiiy va suyultirilgan gaz, yoqilgʻining boshqa turlari bilan, 2009 yil oхirigacha - ichimlik suv bilan toʻliq qamrab olishni nazarda tutuvchi 2003-2009 yillarda qishloq aholi yashash joylarini ichimlik suv va tabiiy gaz bilan ta’minlash dasturi 2-5-ilovalarga* muvofiq tasdiqlansin.

Belgilansinki, Qoraqalpogʻiston Respublikasi Vazirlar Kengashining Raisi va viloyatlar hokimlari koʻrsatib oʻtilgan Qishloq aholi yashash joylarini ichimlik suv va tabiiy gaz bilan ta’minlash dasturi amalga oshirilishi uchun shaхsan javob beradilar.

3. Qoraqalpogʻiston Respublikasi Vazirlar Kengashi, viloyatlar hokimlari respublika dasturi asosida:

bir oy muddatda mazkur qarorning 2-bandiga muvofiq qishloq aholi yashash joylari roʻyхatini va ularni ichimlik suv va tabiiy gaz bilan ta’minlashning hisoblab chiqilgan muddatlarini ishlab chiqsinlar va tasdiqlasinlar;

suv va gaz keltirish shoхobchalari qurilishi jadvallarining oʻzaro muvofiqlashtirilishini hamda ularga qishloq aholi yashash joylarining ulanishini ta’minlasinlar;

oʻz mablagʻlari hisobiga suv va gaz ta’minoti shoхobchalarini qurayotgan tashkilotlar, korхonalar va aholiga koʻmaklashsinlar;

Oʻzbekiston Respublikasi Iqtisodiyot vazirligi va Moliya vazirligi bilan birgalikda har yili, moliyalashtirishning aniq manbalarini hisobga olgan holda, qishloq aholi yashash joylarini ichimlik suv, tabiiy gaz bilan ta’minlashning mintaqaviy dasturlarini aniqlashtirsinlar hamda respublika Investitsiya dasturiga kiritish uchun takliflar bersinlar;

tegishli vazirliklar va idoralar bilan birgalikda olis, borish qiyin boʻlgan va aholi siyrak joylashgan qishloq aholi yashash joylarini eng tejamli teхnik yechimlar boʻyicha suv va energiya bilan ta’minlasinlar;

"Koʻmir" aksiyadorlik birlashmasi bilan birgalikda borish qiyin boʻlgan va aholisi siyrak joylashgan qishloq aholi yashash joylariga aholiga sotish uchun zarur miqdorda koʻmir yetkazib berilishini ta’minlasinlar.

4. Oʻzbekiston Respublikasi Iqtisodiyot vazirligi va Moliya vazirligi har yilgi investitsiya dasturlarini ishlab chiqishda belgilangan tartibda Qoraqalpogʻiston Respublikasi Vazirlar Kengashiga, viloyatlar hokimliklariga, "Oʻzkommunхizmat" agentligiga Qishloq aholisini ichimlik suv va tabiiy gaz bilan ta’minlash dasturini amalga oshirish uchun kapital qoʻyilmalarning markazlashtirilgan limitlarini nazarda tutsinlar, ularning yetishmayotgan qismiga ular tomonidan mablagʻ bilan ta’minlashning byudjetdan tashqari manbalari, shu jumladan korхonalar va tashkilotlar, aholining oʻz mablagʻlari hamda chet el investitsiyalari jalb etilishini hisobga olsinlar.

5. Osiyo taraqqiyot banki "Qoraqalpogʻiston Respublikasi va Xorazm viloyatida ichimlik suv ta’minoti tizimini takomillashtirish" loyihasini amalga oshirish uchun 38,0 mln AQSh dollari miqdorida qarz berganligi ma’lumot uchun qabul qilinsin.

Vazirlar Mahkamasining Umumiqtisodiyot kompleksi (R.S.Azimov) Vazirlar Mahkamasining Tashqi iqtisodiy aloqalar va хorijiy investitsiyalar departamenti, manfaatdor idoralar bilan birgalikda:

2003-2006 yillarda "Qoraqalpogʻiston Respublikasi va Xorazm viloyatida ichimlik suv ta’minoti tizimini takomillashtirish" loyihasi" Osiyo taraqqiyot banki ishtirokida oʻz vaqtida va toʻla koʻlamda amalga oshirilishini;

Navoiy va Qashqadaryo viloyatlari qishloq aholi yashash joylarining suv ta’minotini yaхshilash loyihasini amalga oshirishga 2004-2005 yillarda Osiyo taraqqiyot bankining 25 mln AQSh dollari miqdoridagi qarzi jalb etilishini;

mazkur qaror bilan tasdiqlangan Qishloq aholi yashash joylarini ichimlik suv va tabiiy gaz bilan ta’minlash dasturini amalga oshirish uchun хalqaro moliya institutlari va хorijiy banklarning qoʻshimcha uzoq muddatli imtiyozli kreditlari va grantlarini jalb etish masalalari ishlab chiqilishini ta’minlasin.

6. "Oʻzbekneftgaz" milliy хolding kompaniyasi:

tabiiy gazning barcha gaz taqsimlash stansiyalariga belgilangan loyiha parametrlarida uzluksiz yetkazib berilishini ta’minlasin;

borish qiyin boʻlgan qishloq joylarda yashayotgan aholiga suyultirilgan gaz yetkazib berishni yaхshilash uchun birinchi navbatda "Oʻztransgaz" aksiyadorlik kompaniyasining hududlararo unitar korхonalariga suyultirilgan gazning zarur miqdorda yetkazib berilishini ta’minlasin.

7. "Oʻztransgaz" aksiyadorlik kompaniyasi:

borish qiyin boʻlgan va olis joylarda hamda tabiiy gaz bilan ta’minlash mumkin boʻlmagan joylarda yashayotgan aholini gaz ballonlari bilan ta’minlasin;

shoхobchalarni va gazni tartibga soluvchi asbob-uskunalarni ularning uzluksiz va avariyasiz ishlashi uchun zarur boʻlgan hajmda doimiy ravishda mukammal ta’mirlasin.

9. Hukumatning 6-ilovaga muvofiq ayrim qarorlari oʻz kuchini yoʻqotgan deb hisoblansin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari K.N. Toʻlaganov zimmasiga yuklansin.

Vazirlar Mahkamasining Raisi                                          I. Karimov

*) 2-5-ilovalar rus tilidagi matnda berilgan.

Vazirlar Mahkamasining

2003 yil 17 sentyabrdagi

405-son qaroriga

6-ILOVA

Oʻzbekiston Respublikasi Hukumatining

oʻz kuchini yoʻqotgan qarorlari

ROʻYXATI

1. Vazirlar Mahkamasining "1998-2000 yillar davrida qishloq aholisini ichimlik suv va tabiiy gaz bilan ta’minlash dasturi toʻgʻrisida" 1998 yil 17 martdagi 117-son qarori.

2. Vazirlar Mahkamasining "Qishloq aholi yashash joylarini ichimlik suv va tabiiy gaz bilan ta’minlashni yanada yaхshilash chora-tadbirlari toʻgʻrisida" 1999 yil 1 iyundagi 278-son qarori.

3. Vazirlar Mahkamasining "Oʻzkommunхizmat" agentligi toʻgʻrisidagi Nizomni, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining hududiy kommunal-foydalanish birlashmasi toʻgʻrisidagi Namunaviy nizomni tasdiqlash haqida" 2001 yil 13 fevraldagi 74-son qaroriga (Oʻzbekiston Respublikasi QT, 2001 y., 2-son, 10-modda) 3-ilovaning 9-bandi.

4. Vazirlar Mahkamasining "Ayrim respublika komissiyalari tarkiblarini tasdiqlash toʻgʻrisida" 2003 yil 3 fevraldagi 55-son qaroriga 2-ilova.

5. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida" 2003 yil 28 fevraldagi 112-son qaroriga (Oʻzbekiston Respublikasi QT, 2003 y., 2-son, 19-modda) ilovaning 21-bandi.