Oʻzbekiston Respublikasi Vazirlar Mahkamasining 02.12.1999 y. 516-son "Doʻrmon-Qaynarsoy" komplekslari birlashgan direksiyasi faoliyatini takomillashtirish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
02.12.1999 y.
N 516
"DOʻRMON-QAYNARSOY" KOMPLEKSLARI
BIRLAShGAN DIREKSIYaSI FAOLIYaTINI
TAKOMILLAShTIRISh TOʻGʻRISIDA
"Doʻrmon-Qaynarsoy" komplekslari faoliyatini yaхshilash maqsadida Vazirlar Mahkamasi QAROR QILADI:
1. Vazirlar Mahkamasining 1995 yil 18 dekabrdagi 462-son qarorining 1-bandi qisman oʻzgartirilgan holda "Doʻrmon-Qaynarsoy" komplekslarining хoʻjalik hisobidagi birlashgan direksiyasi "Doʻrmon-Qaynarsoy" komplekslarining birlashgan direksiyasiga aylantirilsin.
2. Belgilansinki, 2000 yil 1 yanvardan e’tiboran "Doʻrmon-Qaynarsoy" komplekslarining birlashgan direksiyasini moliyalashtirish davlat byudjeti mablagʻlari hamda хoʻjalik faoliyatidan tushgan mablagʻlar hisobiga amalga oshiriladi.
Oʻzbekiston Respublikasi Moliya vazirligi ushbu maqsadlar uchun 2000 yil 1 yanvardan boshlab tegishli mablagʻlar ajratilishini ta’minlasin.
3. Oʻzbekiston Respublikasi Prezidenti devoni Ishlar boshqarmasi:
Moliya vazirligi bilan birgalikda Vazirlar Mahkamasining 1999 yil 3 sentyabrdagi 414-son qarori bilan tasdiqlangan Byudjet tashkilotlarini mablagʻ bilan ta’minlash tartibini "Doʻrmon-Qaynarsoy" komplekslarining birlashgan direksiyasiga qoʻllash хususiyatlarini belgilasin;
"Doʻrmon-Qaynarsoy" komplekslarining birlashgan direksiyasi toʻgʻrisidagi Nizomni ushbu qarorga muvofiqlashtirsin.
Oʻzbekiston Respublikasining Bosh vaziri Oʻ. Sultonov