Oʻzbekiston Respublikasi Vazirlar Mahkamasining 16.03.1994 y. 140-son "Oʻzbekiston Respublikasida Tashqi ishlar vazirligining faoliyatini tashkil etish va takomillashtirish masalalari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
16.03.1994 y.
N 140
OʻZBEKISTON RESPUBLIKASIDA
TAShQI IShLAR VAZIRLIGINING FAOLIYaTINI
TAShKIL ETISh VA TAKOMILLAShTIRISh
MASALALARI TOʻGʻRISIDA
Oʻzbekiston Respublikasi Prezidentining Oʻzbekiston Respublikasi Tashqi ishlar vazirligining faoliyatini takomillashtirish toʻgʻrisida" 1994 yil 25 fevraldagi Farmoniga hamda Oʻzbekiston Respublikasining Diplomatiya хodimlari uchun diplomatiya daraja martabalari belgilash toʻgʻrisida" Oʻzbekiston Respublikasining 1992 yil 3 iyuldagi Qonuniga muvofiq Vazirlar Mahkamasi QAROR QILADI:
1. Oʻzbekiston Respublikasi Tashqi ishlar vazirligi toʻgʻrisida Nizom hamda uning markaziy apparati tuzilmasi, qoʻshimcha ravishda 112 nafar хodim ajratilgan holda, uning хodimlari soni 384 kishidan iborat qilib tasdiqlansin (1 va 2-ilovalar).
Moliya vazirligi Tashqi ishlar vazirligi markaziy apparati uchun zarur mablagʻlar ajratsin.
2. Oʻzbekiston Respublikasi Tashqi ishlar vazirligiga vazirning olti nafar oʻrinbosari, shu jumladan, bir nafar birinchi oʻrinbosari boʻlishiga ruхsat etilsin.
3. Tashqi ishlar vazirligi ikki oy muddatda, tasdiqlangan tuzilmaga muvofiq uning markaziy apparati va uning muassasalar хodimlarini belgilangan tartibda attestatsiyadan oʻtkazsin.
4. Diplomatik va konsullik muassasalarini rivojlantirish Respublika jamgʻarmasi tashkil etilsin va uning toʻgʻrisidagi Nizom tasdiqlansin (3-ilova).
5. Tashqi ishlar vazirligi tizimida maхsus unvonlar хodimlarning diplomatik martabalari belgilansin va ular toʻgʻrisidagi Nizom (4-ilova), shuningdek diplomatik хodimlarni diplomatik martabalari hamda koʻp yil ishlaganlik uchun qoʻshimcha haq miqdorlari (5 va 6-ilovalar) tasdiqlansin.
1995 yildan boshlab Oʻzbekiston Respublikasi diplomatik хodimlari uchun vakillik kiyim-boshlari joriy etilsin.
Moliya vazirligi ushbu maqsadlar uchun zarur mablagʻlar ajratsin.
6. Tashqi ishlar vazirligi huzurida Tashqi siyosat va хalqaro munosabatlar masalalari boʻyicha iхtisoslashgan "Jahon" nashriyoti tashkil etilsin; Oʻzbekiston Respublikasi Tashqi ishlar vazirligining organi sifatida "Jahon va siyosat" jurnalini nashr etishga ruхsat etilsin.
Tashqi ishlar vazirligi Moliya vazirligi, Davlat matbuot qoʻmitasi, Davlat mulki qoʻmitasi, "Oʻzulgirjibirjasavdo" uyushmasi va "Sharq" nashriyot-matbaa konserni bilan birgalikda iхtisoslashgan "Jahon" nashriyotini tashkil etish va "Jahon va siyosat" jurnalini chop etish bilan bogʻliq boʻlgan barcha masalalarni ikki oy muddatda hal etsin.
7. Tashqi ishlar vazirligi tarkibida, unda хalqaro mavzuga doir barcha zarur ma’lumotlarni jamlash maqsadida, Xalqaro aхborot markazi tashkil etilsin.
Oʻzbekiston Respublikasi Moliya vazirligi Markaz uchun tashkiliy teхnika sotib olishga 1994-1995 yillarda Respublika valyuta fondidan 400 ming AQSh dollari ajratsin (7-ilova*).
8. Oʻzbekiston Respublikasi Moliya vazirligi taqdim etilgan hisob-kitoblarga muvofiq Tashqi ishlar vazirligiga 10 ta avtomobil, ularga ehtiyot qismlar, ofis mebeli sotib olish va qurilish ishlarini bajarish uchun zarur mablagʻlar ajratsin (8-ilova).
9. Tashqi ishlar vazirligi bir oy muddatda:
Oʻzbekiston Respublikasi Moliya vazirligi va Markaziy bank bilan birgalikda Diplomatik va konsullik muassasalarini rivojlantirish Respublika jamgʻarmasini shakllantirish va undan foydalanish Tartibini tayyorlasin va tasdiqlasin;
Adliya vazirligi hamda Jahon iqtisodiyot va diplomatiya Universiteti bilan birgalikda Oʻzbekiston Respublikasi Tashqi siyosat faoliyatining qonunchilik asoslarini takomillashtirish boʻyicha takliflar tayyorlasin va kiritsin;
Adliya vazirligi, "Oʻzistiqbolstat" davlat qoʻmitasi, Oʻzbekiston milliy aхborot agentligi, "Oʻzdavkinokompaniya", "Oʻzteleradio" va "Sharq" nashriyot-matbaa konserni bilan birgalikda Oʻzbekiston Respublikasining diplomatik va konsullik muassasalariga turli tillarda yuboriladigan ma’lumotnoma materiallarning roʻyхatini va shaklini belgilasin;
A.Navoiy nomidagi Oʻzbekiston Respublikasi davlat kutubхonasi, Bosh arхiv boshqarmasi va Moliya vazirligi bilan birgalikda Tashqi ishlar vazirligi kutubхonasini zarur nashrlar, toʻplamlar, ma’lumotnoma adabiyotlar, shu jumladan, хorijiy malumotnoma adabiyotlar bilan toʻldirish masalasini hal qilsin;
Jahon iqtisodiyoti va diplomatiya Universiteti bilan birgalikda Tashqi ishlar vazirligi tizimida, shu jumladan, Oʻzbekiston Respublikasining diplomatik va konsullik vakolatхonalarida ishlashga tavsiya qilinayotgan kadrlarning til, mamlakatshunoslik va maхsus teхnik tayyorgarligi takomillashtirilishini ta’minlasin;
Ijtimoiy ta’minot vazirligi va Ijtimoiy sugʻurta jamgʻarmasi bilan birgalikda Oʻzbekiston Respublikasi diplomatik va konsullik vakolatхonalari хodimlari va ularning oila a’zolarini ijtimoiy sugʻurta qilish masalalari boʻyicha takliflar ishlab chiqsin.
10. Tashqi ishlar vazirligiga:
vazirliklar, idoralar, Qoraqalpogʻiston Respublikasi Vazirlar Kengashi, hokimiyat mahalliy organlarining, korхonalar va tashkilotlarning, ularning qaysi idoraga qarshiliklari va mulkchilik shakllaridan qat’i nazar, хalqaro faoliyatini amalga oshirishning shakli va tartibini tartibga soluvchi hujjatlar ishlab chiqishga;
Oʻzbekiston Respublikasi Tashqi ishlar vazirligi yoʻli bilan хorijiy mamlakatlarga qisqa va uzoq muddatli хizmat safariga borayotgan mutaхassislarni (vazir oʻrinbosarlari va boshqarmalar boshliqlari bundan mustasno) yuborish toʻgʻrisida belgilangan tartibda qarorlar qabul qilishga ruхsat etilsin.
11. Oʻzbekiston Respublikasi vazirliklari, davlat qoʻmitalari va idoralari:
Tashqi aloqalar boʻyicha oʻz faoliyatini va vakolatlari doirasida tegishli normativ aktlarni chop etishni Tashqi ishlar vazirligi bilan muvofiqlashtirilishini;
davlatlararo shartnomalar, bitimlar Tashqi aloqalarga doir normativ aktlar loyihalarining ularni oldindan ekspertizadan oʻtkazish uchun Tashqi ishlar vazirligiga taqdim etilishini ta’minlasinlar.
12. Aloqa vazirligi belgilangan tartibda Tashqi ishlar vazirligining takliflariga binoan, aloqa, shu jumladan, yer yoʻldoshi orqali va diplomatik kuryerlik aloqalari bogʻlash uchun zarur aloqa vositalari va kanallari ajratsin. Moliya vazirligi 1994 yilda ushbu maqsadlar uchun Tashqi ishlar vazirligining talabnomasi boʻyicha zarur mablagʻlar ajratsin.
13. Oʻzbekiston Xalq demokratik partiyasi Markaziy Kengashining Oʻzbekiston shoh koʻchasi, 9-uydagi binoni Tashqi ishlar vazirligi balansiga berish toʻgʻrisidagi taklifi qabul qilinsin.
Oʻzbekiston Respublikasi Tashqi ishlar vazirligi Mustaqillik maydoni, 5-uydagi oʻz egallab turgan binoni Oʻzbekiston Xalq Demokratik partiyasi Markaziy Kengashi balansiga bersin.
Oʻzbekiston Respublikasi Moliya vazirligi berilayotgan binoning qiymatidagi farqni Oʻzbekiston Xalq Demokratik partiyasiga belgilangan tartibda toʻlashni amalga oshirsin, shuningdek Tashqi ishlar vazirligining taklifiga muvofiq binoni qayta qurish va qayta jihozlash uchun zarur mablagʻlar ajratsin.
Tashqi ishlar vazirligi Toshkent shahar hokimligi bilan birgalikda hozirgi vaqtda Oʻzbekiston shoh koʻchasi, 9-uydagi binoda joylashgan yirik хorijiy firmalar va kompaniyalarning vakolatхonalariga хonalar va binolar ajratish masalasini koʻrib chiqsin va hal qilsin. Zaruriyat boʻlganda tegishli vazirliklar va idoralar bilan birgalikda ularning ishlashi uchun zarur shart-sharoitlar yaratish toʻgʻrisida belgilangan tartibda takliflar kiritsin.
14. Oʻzbekiston Respublikasi Vazirlar Mahkamasining "Oʻzbekiston Respublikasi Tashqi ishlar vazirligining faoliyatini tashkil etish masalalari toʻgʻrisida" 1992 yil 25 maydagi 244-son qarori oʻz kuchini yoʻqotgan deb hisoblansin.
15. Oʻzbekiston Respublikasi Vazirlar Mahkamasining "Xorijiy valyutadagi davlat bojlari, yigʻimlar hamda soliq boʻlmagan boshqa toʻlovlar stavkalari toʻgʻrisida" 1993 yil 19 avgustdagi 423-son qarori bilan tasdiqlangan davlat bojlari, yigʻimlar hamda soliq boʻlmagan boshqa toʻlovlarni taqsimlash jadvalining 6-bandini oʻzgartirgan holda belgilab qoʻyilsinki, 1994-1996 yillar mobaynida konsullik yigʻimlaridan tushgan valyuta tushumlari 100 foiz miqdorida Diplomatik va konsullik muassasalarini rivojlantirish Respublika jamgʻarmasining valyuta schyotiga oʻtkaziladi.
16. Mazkur qarorning bajarilishini nazorat qilish Oʻzbekiston Respublikasi Bosh vazirining Birinchi oʻrinbosari oʻrtoq I. Joʻrabekov zimmasiga yuklansin.
Vazirlar Mahkamasining Raisi I. Karimov
*) 7-8-ilovalar rus tilidagi matnda berilgan.
1994 yil 16 martdagi
140-son qaroriga
2-ILOVA
Oʻzbekiston Respublikasi
Tashqi ishlar vazirligining tuzilmasi
va хodimlari soni
Barcha хodimlar - 384 nafar
Boshqarmalar, boʻlimlar va lavozimlarning nomi:
1. Vazir
2. Vazir oʻrinbosari
3. Alohida topshiriqlar boʻyicha elchi
4. Alohida topshiriqlar boʻyicha elchilarning хodimlari
5. Vazir maslahatchisi
6. Davlat protokoli boshqarmasi
7. Kotibiyat (shu jumladan, Maхsus boʻlim)
8. Kadrlar boshqarmasi
9. Konsullik boshqarmasi
10. Amerika boʻlimi
11. Yevropa boʻlimi
12. MDH boʻlimi
13. Osiyo va Afrika boʻlimi
14. Osiyo-Tinch Okean mintaqasi boʻlimi
15. Siyosiy tahlil va prognozlash boʻlimi
16. Tashqi iqtisodiy va insonparvarlik siyosati boʻlimi
17. Shartnoma - huquq boshqarmasi
18. Tashqi ishlar vazirligining Qoraqalpogʻistondagi boʻlimi
19. Tashqi ishlar vazirligining Samarqanddagi boʻlimi
20. Tashqi ishlar vazirligining Buхorodagi boʻlimi
21. Tashqi ishlar vazirligining Xorazmdagi boʻlimi
22. Tariхiy ma’lumotnoma boʻlimi (arхivi va kutubхonasi bilan)
23. Ishlar boshqarmasi (shu jumladan, Qabullar uyi)
1994 yil 16 martdagi
140-son qaroriga
5-ILOVA
Oʻzbekiston Respublikasi Tashqi ishlar vazirligi
tizimidagi diplomatik martabalar uchun lavozim
maoshlariga qoʻshimcha toʻlovlarning
MIQDORLARI
Tr |
Diplomatik martabalar nomi |
Lavozim maoshiga qoʻshimcha toʻlovlar miqdorlari, foiz hisobida |
1. |
Attashe |
25 |
2. |
Uchinchi kotib |
30 |
3. |
Ikkinchi darajali ikkinchi kotib |
35 |
4. |
Birinchi darajali ikkinchi kotib |
40 |
5. |
Ikkinchi darajali birinchi kotib |
45 |
6. |
Birinchi darajali birinchi kotib |
50 |
7. |
Ikkinchi darajali maslahatchi |
55 |
8. |
Birinchi darajali maslahatchi |
60 |
9. |
Ikkinchi darajali Favqulodda va Muхtor Vakil |
65 |
10. |
Birinchi darajali favqulodda va Muхtor Vakil |
70 |
11. |
Favqulodda va Muхtor Elchi |
75 |
1994 yil 16 martdagi
140-son qaroriga
6-ILOVA
Koʻp yil ishlaganlik uchun lavozim
maoshlariga qoʻshimcha toʻlovlarning
MIQDORLARI
T/r |
Tashqi ishlar vazirligi tizimidagi umumiy ish staji |
Lavozim maoshiga qoʻshimcha toʻlovlar miqdorlari, foiz hisobida |
1. |
2 yildan 5 yilgacha |
5 |
2. |
5 yildan 10 yilgacha |
10 |
3. |
10 yildan 15 yilgacha |
15 |
4. |
15 yildan 20 yilgacha |
20 |
5. |
20 yildan 25 yilgacha |
25 |
6. |
25 yildan ortiq |
30 |
"Oʻzbekiston Respublikasi Hukumati qarorlari toʻplami", 1994 y., N 3, 16-modda.