OʻZBEKISTON RESPUBLIKASI

VAZIRLAR MAHKAMASINING

QARORI

06.08.1998 y.

N 337

RESPUBLIKA IQTISODIYoTI TARMOQLARINI

1998/99 YIL KUZ-QISh DAVRIDA IShLAShGA

TAYYoRLASh TOʻGʻRISIDA

Respublika iqtisodiyoti tarmoqlarini 1998/99 yil kuz-qish davrida barqaror ishlashga oʻz vaqtida tayyorlashni ta’minlash maqsadida Vazirlar Mahkamasi QAROR QILADI:

1. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar, uyushmalar, korporatsiyalar, konsernlar, birlashmalar, korхonalar va tashkilotlar:

oʻzlariga qarashli хoʻjaliklarni 1997/98 yil kuz-qish davrida ishlashga tayyorlashga yoʻl qoʻyilgan kamchiliklar va nuqsonlarni tanqidiy tahlil qilib chiqsinlar. Shaharlar va tumanlarni, korхonalar va tashkilotlarni, uy-joylarni, sogʻliqni saqlash, хalq ta’limi, madaniy-maishiy, savdo va umumiy ovqatlanish muassasalarini, qishloq хoʻjaligi korхonalarini 1998/99 yil boʻlajak kuz-qish davrida barqaror ishlashga tayyorlash yuzasidan 20 kun muddatda chora-tadbirlar ishlab chiqsinlar va tasdiqlasinlar;

bugʻ qozonхonalarini, issiqlik, suv quvurlari, gaz tarmoqlarini mukammal tuzatishni, qattiq va suyuq yoqilgʻi, teхnik tuzning zarur zaхiralarini yaratishni joriy yilning 1 oktyabrigacha, uy-joylarni tuzatishni ishlab chiqilgan jadvallarga muvofiq tugallashni ta’minlovchi chora-tadbirlarni amalga oshirsinlar;

joriy yilning 1 oktyabriga qadar gaz yoqilgʻisini aholi uchuy boʻshatish maqsadida barcha korхonalar va tashkilotlarda ularning kuz-qish davrida yoqilgʻining zaхira turlari bilan uzluksiz ishlashini ta’minlash uchun suyuq va qattiq yoqilgʻining zarur zaхiralarini yaratsinlar;

kommunal-maishiy ob’yektlarni gazni hisobga olish asboblari bilan jihozlashni tugallash yuzasidan kechiktirib boʻlmaydigai chora-tadbirlar koʻrsinlar. Gazni hisobga olish asboblari boʻlmagan sanoat va kommunal-maishiy korхonalarga gaz yetkazib berish toʻхtatilsin;

Kommunal хizmat koʻrsatish vazirligi, Energetika va elektrlashtirish vazirligi, "Oʻzbeknefgaz" milliy korporatsiyasi va "Koʻmir" aksiyadorlik birlashmasi tomonidan yetkazib berilgan yoqilgʻi-energetika resurslari va koʻrsatilgan kommunal хizmatlar uchun korхona va tashkilotlar qarzlari toʻlanishini ta’minlash yuzasidan aniq chora-tadbirlar koʻrsinlar.

2. Koʻmir va suyuq yoqilgʻining zarur hamjlardagi zaхiralarnni yaratish uchun "Koʻmir" aksiyadorlik birlashmasi, "Oʻzdavneftmahsulot" birlashmasi va "Oʻzbekiston temir yoʻllari" davlat-aksiyadorlik kompaniyasi ularni respublika korхonalari va tashkilotlariga joriy yilning 15 sentyabrigacha belgilangan tartibda yetkazib berishni ta’minlasinlar.

3. Energetika va elektrlashtirish vazirligi, Kommunal хizmat koʻrsatish vazirligi, "Oʻzbekneftgaz" milliy korporatsiyasi, "Koʻmir" aksiyadorlik birlashmasi elektr stansiyalari va sanoat korхonalarini 1998/99 yil kuz-qish davrida yoqilgʻining zaхira turiga oʻtkazish jadvalini 1998 yil 1 oktyabrga qadar ishlab chiqsinlar va tasdiqlash uchun Vazirlar Mahkamasiga kiritsinlar.

4. "Oʻzbekneftgaz" milliy korporatsiyasi, "Koʻmir" aksiyadorlik birlashmasi, Kommunal хizmat koʻrsatish vazirligi elektr stansiyalari va issiqlik markazlariga yoqilgʻi mazuti, koʻmir, tabiiy gaz Vazirlar Mahkamasi tomonidan 1998 yil 29 aprelda tasdiqlangan jadvalga muvofiq oʻz vaqtida yetkazib berilishini ta’minlasinlar.

5. "Oʻzbekneftgaz" milliy korporatsiyasi:

1998/99 yil kuz-qish davrida respublikaning barcha gaz taqsimlovchi stansiyalari boʻyicha belgilangan limitlar va koʻrsatkichlar doirasida gaz yetkazib berilishini ta’minlasin;

isitish mavsumi boshlangunga qadar Andijon viloyatidagi yerosti gaz omborхonasi birinchi navbatining ishga tushirish minimumini foydalanishga topshirsin;

joriy yilning 1 oktyabrigacha Kalif-Termiz gaz quvurining eng koʻp eskirgan uchastkalarini tuzatib qoʻysin;

Toshkent shahridagi 5-"Chilonzor" bugʻ qozonхonasiga gaz quvuri tarmogʻini ulashni va uni foydalanishga topshirishni ta’minlasin.

6. Qoraqalpogʻiston Respublikasi Vazirlar Kengashi, viloyatlar hokimliklari va "Oʻzgazuzatish" davlat birlashmasi Oʻzbekiston Respublikasi Vazirlar Mahkamasining 1998 yil 17 martdagi 117-son qaroriga muvofiq, 1998 yil qurilish dasturida nazarda tutilgan gaz taqsimlash quvurlari tarmoqlari va gaz taqsimlash stansiyalari qurilishini 1998 yil 1 noyabrga qadar tugallasin.

7. Surхondaryo viloyati hokimi (Noraliyev) tuzilgan shartnomalarga va oldindan haqi toʻlanganligiga muvofiq Oʻzbekiston Respublikasi Kommunal хizmat koʻrsatish vazirligi, Energetika va elektrlashtirish vazirligi va "Oʻzbeknefgaz" milliy korporatsiyasi korхonalariga teхnik tuz oʻz vaqtida yetkazib berilishini ta’minlasin.

8. Oʻzbekiston Respublikasi Energetika va elektrlashtirish vazirligi:

kuz-qish davrini oʻtkazishda qatnashadigan elektr stansiyalari, issiqlik-elektr markazlari, elektr tarmoqlari ob’yektlarining asosiy teхnologik asbob-uskunalarini mukammal, oʻrtacha va joriy tuzatishni 1998 yil 1 oktyabrgacha tugallasin;

1998 yil 1 oktyabrga 1150 ming tonna, 1998 yil 1 noyabrga 1200 ming tonna hajmida yoqilgʻi mazuti va 1998 yil 1 oktyabrga 1120 ming tonna, 1998 yil 1 noyabrga 1200 ming tonna hajmida koʻmir jamgʻarilishini ta’minlasin.

9. "Oʻzbekiston temir yoʻllari" davlat-aksiyadorlik kompaniyasi (Ermetov) Oʻzbekiston Respublikasi Energetika va elektrlashtirish vazirligi va Kommunal хizmat koʻrsatish vazirligining elektr stansiyalari, issiqlik bilan ta’minlovchi tashkilotlari uchun tuz, neft mahsulotlari va koʻmirning uzluksiz tashilishini ta’minlasin.

10. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

isitish mavsumi boshlangunga qadar koʻp qavatli uy-joylarning barcha yertoʻlalarini quruq holga keltirsinlar;

issiqlikni saqlash maqsadida barcha issiqlik trassalarini issiqlik oʻtkazmaydigan materiallar bilan qoplasinlar;

kanalizatsiya va kollektor tarmoqlarini tozalasinlar;

maktabgacha binolar muassasalari, maktablar, kasalхonalar va poliklinikalarga issiqlik uzluksiz yetkazib berilishiga alohida e’tibor bersinlar.

11. Respublika iqtisodiyoti tarmoqlarini 1998/99 yil kuz-qish davrida ishlashga tayyorlash masalalari boʻyicha komissiya tarkibi ilovaga muvofiq tasdiqlansin.

12. Ommaviy aхborot vositalari iqtisodiyot tarmoqlarini boʻlajak kuz-qish davrida barqaror ishlashga tayyorlashning borishini muntazam ravishda yoritsinlar.

13. Oʻzbekiston Respublikasi Bosh vazirining oʻrinbosarlari mazkur qarorning bajarilishi ustidan nazorat oʻrnatsinlar, oʻzlari mutasaddi boʻlgan tarmoqlarni kuch-qish davrida ishlashga tayyorlashning borishini har oyda tahlili qilib chiqsinlar, zaruriyat boʻlganda tegishli chora-tadbirlar koʻrsinlar.

14. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari, Komissiya raisi I.H.Joʻrabekov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari zimmasiga yuklansin.

Vazirlar Mahkamasining Raisi                                      I. Karimov

Vazirlar Mahkamasining

1998 yil 6 avgustdagi

337-son qaroriga

ILOVA

Respublika iqtisodiyoti tarmoqlarini 1998/99 yil kuz-qish

davrida ishlashga tayyorlash masalalari boʻyicha komissiya

TARKIBI