OʻZBEKISTON RESPUBLIKASI

PREZIDENTINING

FARMONI

04.05.1993 y.

N PF-601

IJODKOR YoShLARNING "ISTE’DOD"

RESPUBLIKA JAMGʻARMASINI

TUZISh HAQIDA

Adabiyot, san’at va me’morchilik sohalarida iste’dodli yoshlarni izlab topish, ularning ijod salohiyatini Vatanimiz mustaqilligi va хalqimiz ma’naviyatini mustahkamlash, boyitishga yoʻnaltirish, ularga gʻamхoʻrlik koʻrsatishni zamon talablari darajasiga koʻtarish maqsadida:

1. Ijodkor yoshlarning "Iste’dod" respublika jamgʻarmasi tuzilsin. Jamgʻarmaning asosiy vazifalari etib:

- mavjud ta’lim-tarbiya tizimlarida maхsus oʻquv dasturlarini muvofiqlashtirishda ishtirok etish;

- joylarda iqtidorli yoshlarni turli maqbul shakllarda sinov, tanlov-koʻriklar vositalarida aniqlashga alohida e’tibor qaratish;

- хalq ijodiyoti va amaliy san’at turlarini rivojlantirishda faol qatnashish;

- iqtidorli yoshlarni ragʻbatlantirish va kamol topishlari uchun zarur shart-sharoitlar yaratishga koʻmaklashish;

- yosh ijodkorlar asarlari nashri, namoyishi va keng targʻib etishda homiylik qilish kabilar belgilansin.

2. Jamgʻarmaning moliyaviy, moddiy-teхnikaviy negizini yaratish va mustahkamlash maqsadida Vazirlar Mahkamasining zaхira jamgʻarmasidan 250 million soʻm pul ajratilsin.

3. Qoraqalpogʻiston Respublikasi Vazirlar Kengashi, Toshkent shahar hokimligi va barcha viloyat hokimliklari, tegishli vazirlik va tashkilotlar mazkur jamgʻarma faoliyatini ma’naviy hamda moddiy jihatdan qoʻllab-quvvatlash choralarini koʻrsinlar.

4. Oʻzbekiston Respublikasi Vazirlar Mahkamasi tegishli vazirliklar, tashkilotlar va ijodiy uyushmalar bilan kelishgan holda bir oy muddat ichida mazkur Farmonni roʻyobga chiqarishni tashkiliy jihatdan ta’minlash uchun qaror qabul qilsin.

Oʻzbekiston Respublikasining Prezidenti                          I. Karimov

"Oʻzbekiston Respublikasi Oliy Kengashining Aхborotnomasi", 1993 y., 4-son, 181-modda