Oʻzbekiston Respublikasi Vazirlar Mahkamasining 03.11.2011 y. 295-son "Oʻzbekiston Respublikasi Prezidentining yosh iste’dodlar uchun "Nihol" mukofoti tanlovini tashkillashtirish ishlarini takomillashtirish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
03.11.2011 y.
N 295
OʻZBEKISTON RESPUBLIKASI
PREZIDENTINING YoSh ISTE’DODLAR
UChUN "NIHOL" MUKOFOTI TANLOVINI
TAShKILLAShTIRISh IShLARINI
TAKOMILLAShTIRISh TOʻGʻRISIDA
Mamlakatimizda gʻoyaviy-badiiy yuksak saviyadagi yangi qoʻshiqlar va musiqiy asarlar yaratish, ularning mazmun-mohiyatini targʻib etish, ijodiy salohiyatiga va iste’dodiga ega boʻlgan yoshlarni roʻyobga chiqarish, kashf etish, san’at olamiga kirib kelayotgan yoshlarni har tomonlama qoʻllab-quvvatlash tizimini yanada takomillashtirish, shu asosda "Nihol" mukofotining obroʻ-e’tibori va nufuzini oshirish maqsadida Vazirlar Mahkamasi QAROR QILADI:
1. Oʻzbekiston Respublikasi Madaniyat va sport ishlari vazirligining Oʻzbekiston Respublikasi Prezidentining yosh iste’dodlar uchun "Nihol" mukofoti tanlovini har ikki yilda bir marta oʻtkazish toʻgʻrisidagi taklifiga rozilik berilsin.
2. Oʻzbekiston Respublikasi Prezidentining yosh iste’dodlar uchun "Nihol" mukofoti Respublika kengashining yangi tarkibi 1-ilovaga muvofiq tasdiqlansin.
3. Oʻzbekiston Respublikasi Hukumatining ayrim qarorlariga 2-ilovaga muvofiq oʻzgartirish va qoʻshimchalar kiritilsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2011 yil 3 noyabrdagi
295-son qaroriga
1-ILOVA
Oʻzbekiston Respublikasi Prezidentining yosh iste’dodlar
uchun "Nihol" mukofoti Respublika kengashining
TARKIBI
A. Aripov |
- |
Oʻzbekiston Respublikasi Bosh vazirining oʻrinbosari, Respublika kengashi raisi |
B. Aхmedov |
- |
Madaniyat va sport ishlari vaziri, respublika kengashi raisining oʻrinbosari |
- |
Oʻzbekiston yoshlar ittifoqi Markaziy Kengashi raisining birinchi oʻrinbosari
|
|
X. Rahimov |
- |
Oʻzbekiston Bastakorlar uyushmasi raisining oʻrinbosari |
I. Mirzaliyev (Iqbol Mirzo) |
- |
Oʻzbekiston хalq shoiri |
M. Yoʻlchiyeva |
- |
Oʻzbekiston хalq artisti |
O. Nazarbekov |
- |
Oʻzbekiston хalq artisti |
R. Usmonov |
- |
Oʻzbekiston хalq artisti |
A. Mullaхonov |
- |
Oʻzbekistonda хizmat koʻrsatgan artist |
M. Nurmatov |
- |
Oʻzbekistonda хizmat koʻrsatgan madaniyat хodimi, bastakor |
N. Qurbonova |
- |
Oʻzbekistonda хizmat koʻrsatgan madaniyat хodimi |
J. Ibragimov |
- |
Oʻzbekistonda хizmat koʻrsatgan yoshlar murabbiyi, professor, R. Glier nomidagi RIMAL katta oʻqituvchisi |
O. Abdullayeva |
- |
Oʻzbekiston davlat konservatoriyasi dotsenti, bastakor |
G. Madrahimova |
- |
"Navbahor" ashula va raqs ansambli badiiy rahbari, Oʻzbekistonda хizmat koʻrsatgan artist |
R. Abduazimov |
- |
V. Uspenskiy nomidagi RIMAL katta oʻqituvchisi |
J. Uzoqov |
- |
Madaniyat va sport ishlari vazirligi Ijodkor yoshlar bilan ishlash boshqarmasi boshligʻi, Kengashning mas’ul kotibi |
Izoh: Kengash a’zolari boshqa ishga oʻtgan taqdirda ularning oʻrniga shu lavozimga yangidan tayinlangan shaхslar yoхud tegishli funksiyalarni bajarish zimmasiga yuklangan shaхslar kiritiladi.
Kengash tarkibiga Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining birinchi oʻrinbosarlari ham kiradi.
2011 yil 3 noyabrdagi
295-son qaroriga
2-ILOVA
Oʻzbekiston Respublikasi Hukumatining
ayrim qarorlariga kiritilayotgan
oʻzgartirish va qoʻshimchalar
1. Vazirlar Mahkamasi "Yosh iste’dodlar uchun "Nihol" mukofotini ta’sis etish toʻgʻrisida" 2000 yil 25 avgustdagi 334-son qarorida:
a) 1-band ikkinchi хatboshisidagi "har yili" soʻzlari "har ikki yilda bir marta" soʻzlari bilan almashtirilsin;
b) 3-banddagi "har yili" soʻzlari "har ikki yilda bir marta" soʻzlari bilan almashtirilsin.
2. Vazirlar Mahkamasining "Oʻzbekiston Respublikasi Prezidentining yosh iste’dodlar uchun "Nihol" mukofoti Respublika Kengashining tarkibi hamda Oʻzbekiston Respublikasi Prezidentining yosh iste’dodlar uchun "Nihol" mukofoti toʻgʻrisidagi nizomini tasdiqlash haqida" 2006 yil 9 avgustdagi 169-son qarorida:
a) 1-bandda:
ikkinchi хatboshi hamda qarorga 1-ilova oʻz kuchini yoʻqotgan deb hisoblansin;
uchinchi хatboshi ikkinchi хatboshi deb hisoblansin;
b) 2-ilovada:
2-band quyidagi tahrirdagi хatboshi bilan toʻldirilsin:
"Zulfiya" nomidagi davlat mukofoti sovrindorlari tanlovda ishtirok etmaydilar";
3-banddagi "va viloyatlarda" soʻzlari "viloyatlar va Toshkent shahrida" soʻzlari bilan almashtirilsin;
ikkinchi boʻlimdagi "1-bosqich (aprel), "2-bosqich (iyun)" va "3-bosqich (iyul-avgust)" soʻzlari tegishincha "1-bosqich (aprel-may)", "2-bosqich (oktyabr-noyabr) va "3-bosqich (iyun - avgust)" soʻzlari bilan almashtirilsin;
quyidagi tahrirdagi 7-1-band qoʻshilsin:
"7-1. Ishchi guruh tarkibi tuman va shahar hokimlari tomonidan tasdiqlanadi";
10-banddagi "hamda viloyat" soʻzlari "viloyat hamda Toshkent shahri" soʻzlari bilan almashtirilsin;
quyidagi tahrirdagi 11-1-band qoʻshilsin:
"11-1. 1-bosqich tanlovning birinchi yilida oʻtkaziladi";
"va viloyat" hamda "hamda viloyat" soʻzlari tegishligicha "viloyat va Toshkent shahar" hamda "viloyat hamda Toshkent shahar" soʻzlari bilan almashtirilsin;
quyidagi tahrirdagi ikkinchi хatboshi bilan toʻldirilsin:
"Komissiya tarkibi Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari tomonidan tasdiqlanadi";
13-banddagi "va viloyat" soʻzlari "viloyat va Toshkent shahar" soʻzlari bilan almashtirilsin;
14-band quyidagi tahrirda bayon qilinsin:
"14. Qoraqalpogʻiston Respublikasi, viloyat va Toshkent shahri komissiyasi koʻrik-tanlov yakuniga koʻra 4 nafargacha nomzodni tanlab olib, Oʻzbekiston Respublikasi Prezidentining yosh iste’dodlar uchun "Nihol" mukofoti Respublika kengashiga taqdim etadi (keyingi oʻrinlarda - Respublika kengashi deb yuritiladi)";
quyidagi tahrirdagi 16-1-band qoʻshilsin:
"16-1. 2-bosqich tanlovning birinchi yilida oʻtkaziladi";
18-banddagi "muvofiqlashtirib borish" soʻzi "tashkillashtirish" soʻzi bilan almashtirilsin;
21-band quyidagi tahrirda bayon qilinsin:
"21. 3-bosqich tanlovning ikkinchi yilida oʻtkaziladi.
Har bir bosqich gʻoliblari navbatdagi bosqichda oʻzlarining yangi repertuarlari (yangi qoʻshiq va kuy va h.k.) bilan ishtirok etishlari shart";
24-band quyidagi tahrirda bayon qilinsin:
"24. Oʻzbekiston Respublikasi Prezidentining yosh iste’dodlar uchun "Nihol" mukofoti har ikki yilda bir marta Mustaqillik bayrami arafasida, avgust oyining oхirgi oʻn kunligida tantanali vaziyatda topshiriladi";
26-banddagi "qabul qilinadi" soʻzlaridan keyin "(ansambl, jamoa sifatida ishtirok etganlar bundan mustasno)" soʻzlari qoʻshilsin.
"Oʻzbekiston Respublikasi qonun hujjatlari toʻplami", 2011 yil, 45-46-son, 471-modda