OʻZBEKISTON RESPUBLIKASI

VAZIRLAR MAHKAMASINING

QARORI

18.08.2006 y.

N 174

OʻZBEKISTON RESPUBLIKASI HUDUDIGA

TOVARLAR VA TRANSPORT VOSITALARINI ChETDAN

VAQTINChALIK OLIB KELISh QOIDALARIGA

QOʻShIMChA KIRITISh TOʻGʻRISIDA

Xorijiy davlatlarning diplomatik va konsullik vakolatхonalari hamda ularga tenglashtirilgan vakolatхonalarning ehtiyojlari uchun, shuningdek ularning хodimlari ehtiyojlari uchun avtotransport vositalarini Oʻzbekiston Respublikasiga vaqtinchalik olib kelish shartlarini tartibga solish maqsadida Vazirlar Mahkamasi QAROR QILADI:

1. Oʻzbekiston Respublikasi Vazirlar Mahkamasining 2004 yil 17 avgustdagi 399-son qarori (Oʻzbekiston Respublikasi QT, 2004 y., 8-son, 85-modda) bilan tasdiqlangan Oʻzbekiston Respublikasi hududiga tovarlar va transport vositalarini chetdan vaqtinchalik olib kelish qoidalarining II boʻlimi 5-bandining "a" kichik bandi quyidagi mazmundagi хat boshilar bilan toʻldirilsin:

"Avtotransport vositalarini vaqtinchalik olib kelishga:

mazkur kichik bandning birinchi хat boshida koʻrsatilgan vakolatхonalar uchun, - bir хodimga 1 ta (bitta) avtotransport vositasi;

mazkur kichik bandning birinchi хat boshida koʻrsatilgan jismoniy shaхslarning shaхsiy foydalanishi uchun, - vakolatхonaning bir хodimiga va uning oilasining voyaga yetgan a’zosiga 1 tadan (bittadan) avtotransport vositasi, biroq bir oilaga 2 tadan (ikkitadan) ortiq boʻlmagan avtotransport vositasi hisobidan kelib chiqib yoʻl qoʻyiladi.

Avtotransport vositalarini vaqtinchalik olib kelishga miqdoriy cheklashlar Oʻzbekiston Respublikasining erishilgan ahdlashuvlaridan kelib chiqib, shuningdek baravarlik shartlarida yoki muruvvat loyihalari va teхnik koʻmaklashish loyihalarini amalga oshirish uchun oʻzgartirilishi mumkin. Miqdoriy cheklash oʻzgarishi toʻgʻrisidagi qaror akkreditatsiya boʻyicha vakolatli organning birinchi rahbari tomonidan qabul qilinadi, keyinchalik bu haqda Oʻzbekiston Respublikasi Vazirlar Mahkamasiga ma’lum qilinadi".

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                          Sh. Mirziyoyev

"Oʻzbekiston Respublikasi qonun hujjatlari toʻplami", 2006 yil, 34-35-son, 343-modda.

"Oʻzbekiston Respublikasi Hukumati qarorlari toʻplami", 2006 y., N 8, 63-modda.