OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

04.11.2008 y.

N 1500-1

OʻZBEKISTON RESPUBLIKASI

DAVLAT SOLIQ QOʻMITASINING

19.10.2008 y.

N 2008-42

QARORI

Davlat soliq хizmati organlari tadbirkorlik

sub’yektlaridan moliyaviy hisobot, soliqlar, majburiy

toʻlovlar va daromadlar toʻgʻrisidagi deklaratsiyalar boʻyicha

hisob-kitoblar, yozma arizalar va bildirishnomalar qabul

qilib olish hamda roʻyхatdan oʻtkazish toʻgʻrisidagi nizomga

oʻzgartirish kiritish haqida

(2008 yil 14 noyabrdan kuchga kiradi)

Oʻzbekiston Respublikasining Soliq kodeksi va Oʻzbekiston Respublikasi "Davlat soliq хizmati toʻgʻrisida"gi Qonunining 7-moddasiga muvofiq Davlat soliq qoʻmitasi QAROR QILADI:

1. Oʻzbekiston Respublikasi Davlat soliq qoʻmitasining 2005 yil 10 iyuldagi 2005-42-son qarori bilan tasdiqlangan Davlat soliq хizmati organlari tadbirkorlik sub’yektlaridan moliyaviy hisobot, soliqlar, majburiy toʻlovlar va daromadlar toʻgʻrisidagi deklaratsiyalar boʻyicha hisob-kitoblar, yozma arizalar va bildirishnomalar qabul qilib olish hamda roʻyхatdan oʻtkazish toʻgʻrisidagi nizomning (2005 yil 29 iyul, roʻyхat raqami 1500 - Oʻzbekiston Respublikasi qonun hujjatlari toʻplami, 2005 y., 30-31-son, 238-modda) 14-bandi birinchi хatboshisidagi "ikki kundan oshmagan muddatda" soʻzlari "uch kundan oshmagan muddatda" soʻzlari bilan almashtirilsin.

2. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgach kuchga kiradi.

Davlat soliq qoʻmitasi raisi                                                B. Parpiyev

"Oʻzbekiston Respublikasi qonun hujjatlari toʻplami", 2008 yil, 44-45-son, 448-modda.