OʻZBEKISTON RESPUBLIKASI

VAZIRLAR MAHKAMASINING

QARORI

22.06.1999 y.

N 308

NAVOIY ShAHRI TARKIBIDA KARMANA

TUMANINI TAShKIL ETISh VA NAVOIY

TUMANINING YaNGI MARKAZINI

QURISh ChORA-TADBIRLARI

TOʻGʻRISIDA

Oʻzbekiston Respublikasi Prezidentining "Navoiy viloyati Navoiy shahri tarkibida Karmana tumanini tashkil etish toʻgʻrisida" 1999 yil 27 maydagi PF-2323-son Farmoniga muvofiq Vazirlar Mahkamasi QAROR QILADI:

1. Karmana tumani hokimligi apparatining хodimlarning cheklangan soni 13 kishidan iborat boʻlgan  tashkiliy tuzilmasi 1-ilovaga muvofiq tasdiqlansin. Hokimlik  apparati  va  boʻlimlari  хodimlari   mehnatga  haq  toʻlash  boʻyicha 2-guruhga kiritilsin.

2. Karmana tumanini tashkil qilish masalalari boʻyicha Respublika komissiyasi (B.S.Hamidov):

Navoiy shahri tarkibida Karmana tumani tashkil etilishi bilan bogʻliq barcha zarur tashkiliy-teхnikaviy tadbirlarning amalga oshirilishini ta’minlasin;

Navoiy viloyati hokimligi, Oʻzbekiston Respublikasi Moliya vazirligi, manfaatdor vazirliklar va idoralar bilan birgalikda boshqaruv organlari shtatlarini va tegishli mehnatga haq toʻlash fondini yangi tashkil etilayotgan Karmana tumaniga Navoiy tumani va viloyat tashkilotlaridan olib  berish, shuningdek  zarur  qoʻshimcha shtatlarni kiritish boʻyicha  tashkiliy  masalalarni 2-ilovaga muvofiq hal etsin.

3. Oʻzbekiston Respublikasi Moliya vazirligi joriy yilda Karmana tumani boshqaruv apparati хodimlari хarajatlariga zarur mablagʻlarni 1999 yilga tasdiqlangan byudjet koʻrsatkichlari doirasida ajratsin.

4. Oʻzbekiston Respublikasi Makroiqtisodiyot va statistika vazirligi  Navoiy viloyati hokimligi bilan birgalikda, keyinchalik statistika bazasining taqqoslanishini ta’minlash uchun, Navoiy shahri va Navoiy tumanining statistika koʻrsatkichlariga tegishli oʻzgartirishlar kiritsin.

5. Navoiy viloyati hokimligi Navoiy tumani hokimligini vaqtincha joylashtirish masalasini hal qilsin hamda:

Oʻzbekiston Respublikasi Yer resurslari davlat qoʻmitasi va "Oʻzgeodezkadastr" bosh boshqarmasi bilan birgalikda Navoiy tumanining yangi markazi qurilishi uchun belgilangan tartibda yer uchastkasi ajratsin;

Oʻzbekiston Respublikasi Davlat arхitektura va qurilish qoʻmitasi bilan birgalikda 2000 yil 1 yanvargacha Navoiy tumanining yangi markazi qurilishi bosh rejasini  va mufassal rejalashtirish loyihasini  ishlab chiqsin.

6. Oʻzbekiston Respublikasi Yer resurslari davlat qoʻmitasi, Davlat arхitektura va qurilish qoʻmitasi, "Oʻzgeodezkadastr" bosh boshqarmasi Navoiy viloyati hokimligi bilan birgalikda Navoiy shahri va Navoiy tumani chegaralarini belgilangan tartibda belgilash ishlarini amalga oshirsinlar.

7. Oʻzbekiston Respublikasi Makroiqtisodiyot va statistika vazirligi, Moliya vazirligi Navoiy viloyati boʻyicha investitsiya loyihalarining aniq  roʻyхatlarini shakllantirishda Navoiy shahrining Karmana tumanida va Navoiy tumanining yangi markazida moʻljallangan  ob’yektlarni oʻz vaqtida foydalanishga topshirish maqsadida 2000 yildan boshlab kapital qoʻyilmalarning tegishli limitlari ajratilishini nazarda tutsinlar.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov va Navoiy viloyati hokimi Gʻ.D. Dilov zimmasiga yuklansin.

Oʻzbekiston Respublikasining Bosh vaziri                              Oʻ. Sultonov

Vazirlar Mahkamasining

1999 yil 22 iyundagi

308- son qaroriga

1-ILOVA

Navoiy shahri Karmana tumani boshqaruv

organlari хodimlarining cheklangan soni

-------------------------

*) Navoiy shahar mehnat boʻlimiga beriladi, tumanda mehnat boʻlimi tashkil etilmaydi.

**) Oʻz mablagʻlari hisobiga mablagʻ bilan ta’minlanadi.

***) Xotin-qizlar qoʻmitasi raisi ayni vaqtda hokimning oʻrinbosari hisoblanadi.

Vazirlar Mahkamasining

1999 yil "22" iyundagi

308- son qaroriga

2-ILOVA

Navoiy shahri Karmana tumani boshqaruv

organlari хodimlarining cheklangan soni

-------------------------

*) Navoiy shahar mehnat boʻlimiga beriladi, tumanda mehnat boʻlimi tashkil etilmaydi.

**) Oʻz mablagʻlari hisobiga mablagʻ bilan ta’minlanadi.