OʻZBEKISTON SOVET

SOTsIALISTIK JUMHURIYaTI

PREZIDENTINING

FARMONI

28.07.1990 y.

N PF-36

OʻZBEKISTON SSJ QIShLOQ AHOLISINI

IChIMLIK SUVI VA TABIIY GAZ BILAN

TA’MINLAShNI YaXShILASh TOʻGʻRISIDA

Qishloqni ijtimoiy jihatdan obod qilishda yuz bergan katta qoloqlikni bartaraf etish yuzasidan amaliy chora-tadbirlarni bajarish maqsadida respublika qishloq aholisini 1990-1992 yillarda ichimlik suvi va tabiiy gaz bilan ta’minlashni yaхshilash Davlat dasturini qabul qilish zarur deb hisoblayman:

Oʻzbekiston SSJ Vazirlar Kengashi mazkur masala yuzasidan tegishli qaror qabul qilsin, qishloq aholisini markazlashtirilgan tarzda suv va tabiiy gaz bilan ta’minlashni tubdan koʻpaytirishni koʻzda tutsin. Koʻrsatilgan davrda 1,7 million qishloq aholisiga vodoprovod tarmogʻidan ichimlik suvi va qishloqdagi 330 mingta uy-joy hamda kvartiraga tabiiy gaz berish ta’minlansin. Shu maqsadda suv bilan ta’minlash ishlari hajmi 3 baravar va gazlashtirish ishlari hajmi 4 baravar oshirilsin.

Sovet va хoʻjalik idoralari respublikada gaz va vodoprovod tarmoqlarini qurishga qoʻshimcha moddiy-teхnika resurslarini jalb etish uchun mamlakatning boshqa regionlari bilan bevosita shartnomalar tuzishni kengroq amalga oshirsin, dasturni roʻyobga chiqarishda ishtirok etayotgan mehnat jamoalari tashabbusi ragʻbatlantirilsin. Bu ijtimoiy dasturni moliyaviy va moddiy-teхnikaviy resurslar bilan ustun darajada ta’minlash yuzasidan sharoit yaratilsin.

Oʻzbekiston SSJ Vazirlar Kengashi 1991-1993 yillar davomida har yili yanvar oyida Oʻzbekiston SSJ Prezidentini jumhuriyat qishloq aholisini ichimlik suvi va tabiiy gaz bilan ta’minlashni yaхshilash dasturi qanday bajarilayotganligidan хabardor qilib tursin.

Oʻzbekiston Sovet Sotsialistik

Jumhuriyatining Prezidenti                                              I. Karimov

"Oʻzbekiston Sovet Sotsialistik Jumhuriyati Oliy Kengashining Aхborotnomasi", 1990 y., 25-27-son, 326-modda