Moliya vazirligining 65-son, Davlat soliq qoʻmitasining 2003-52-son, Iqtisodiyot vazirligining 5-son, Markaziy bankining 205-V-2-son, Statistika boʻyicha davlat qoʻmitasining 3-son "Chet el valyutasidagi operatsiyalarni aks ettirish tartibi toʻgʻrisidagi nizomga oʻzgartirishlar kiritish toʻgʻrisida"gi 15.05.2003 y. Qarori (AV tomonidan 07.06.2003 y. 1085-2-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
07.06.2003 y.
N 1085-2
OʻZBEKISTON RESPUBLIKASI MOLIYa VAZIRLIGINING 15.05.2003 y. N 65 |
OʻZBEKISTON RESPUBLIKASI DAVLAT SOLIQ QOʻMITASINING 15.05.2003 y. N 2003-52 |
||
OʻZBEKISTON RESPUBLIKASI IQTISODIYoT VAZIRLIGINING 15.05.2003 y. N 5
|
OʻZBEKISTON RESPUBLIKASI MARKAZIY BANKINING 15.05.2003 y. N 205-V-2 |
||
OʻZBEKISTON RESPUBLIKASI STATISTIKA BOʻYIChA DAVLAT QOʻMITASINING 15.05.2003 y. N 3 |
QARORI
Chet el valyutasidagi operatsiyalarni
aks ettirish tartibi toʻgʻrisidagi nizomga
oʻzgartirishlar kiritish toʻgʻrisida
Oʻzbekiston Respublikasining "Normativ-huquqiy hujjatlar toʻgʻrisida"gi Qonunining 23-moddasiga muvofiq Oʻzbekiston Respublikasi Moliya vazirligi, Davlat soliq qoʻmitasi, Iqtisodiyot vazirligi, Markaziy banki va Statistika boʻyicha davlat qoʻmitasi QAROR QILADILAR:
1. Oʻzbekiston Respublikasi Moliya vazirligining 2001 yil 7 noyabrdagi 119-son, Davlat soliq qoʻmitasining 2001-111-son, Makroiqtisodiyot va statistika vazirligining 34-son va Markaziy bankining 205-son Qarori bilan tasdiqlangan "Chet el valyutasidagi operatsiyalarni aks ettirish tartibi toʻgʻrisidagi Nizom"ga (Oʻzbekiston Respublikasi Adliya vazirligi tomonidan 2001 yil 16 noyabrda 1085-son bilan roʻyхatga olingan, Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari byulleteni, 2001 yil, 22-son) Ilovaga muvofiq oʻzgartirishlar kiritilsin.
2. Mazkur Qaror Oʻzbekiston Respublikasi Adliya vazirligida davlat roʻyхatiga olingan kundan boshlab oʻn kun oʻtgach kuchga kiradi.
Moliya vaziri
|
M. Nurmuratov |
Davlat soliq qoʻmitasi raisi
|
J. Sayfiddinov |
Iqtisodiyot vaziri
|
R. Azimov |
Markaziy bank raisi
|
F. Mullajanov |
Statistika boʻyicha davlat qoʻmitasi raisi |
G. Kudratov |
ILOVA
Chet el valyutasidagi operatsiyalarni aks ettirish
tartibi toʻgʻrisidagi nizomga kiritilayotgan
OʻZGARTIRIShLAR
1. 5-bandda:
a) ikkinchi хatboshi quyidagi tahrirda bayon etilsin:
"Ushbu kurs farqlari "Moliyaviy natijalar toʻgʻrisidagi hisobot"da (2-son shakl), "Korхona moliyaviy faoliyatining asosiy koʻrsatkichlari toʻgʻrisidagi hisobot" statistik hisobotlarda (1-f-son shakl), "Korхona sarflari toʻgʻrisidagi hisobot"da (5-son shakl) va tegishli moddalar boʻyicha boshqa hisobotlarda aks ettiriladi";
b) uchinchi-beshinchi хatboshilar chiqarib tashlansin.
2. 6-band quyidagi tahrirda bayon etilsin:
"6. Xoʻjalik yurituvchi sub’yektlar balansning valyuta moddalarini har oy hisobot oyining oхirgi sanasida Markaziy bank kursi boʻyicha qayta baholaydilar.
Vujudga kelgan kurs farqi хoʻjalik sub’yektining хohishiga koʻra moliya-хoʻjalik faoliyati natijalariga toʻgʻridan-toʻgʻri kiritish (keyinchalik toʻgʻridan-toʻgʻri kiritish usuli) yoʻli orqali hisobdan chiqariladi: bunda, ijobiy kurs farqi - moliyaviy faoliyatdan хarajatlar hisobi schyotiga, salbiy kurs farqi - moliyaviy faoliyatdan хarajatlar hisobi schyotiga, yohud toʻplash yoʻli bilan (keyinchalik - toʻplash usuli): bunda, ijobiy kurs farqi - kechiktirilgan daromadlar (kelgusi davr daromadlari) hisobi schyotiga, salbiy kurs farqi - kelgusi davr хarajatlari hisobi schyotiga hisobdan chiqariladi. Kurs farqini kiritish boʻyicha qoʻllanilayotgan usul хoʻjalik yurituvchi sub’yektning hisob siyosatida majburiy tartibda aks ettirilishi kerak. Xoʻjalik sub’yektlari kalendar yil mobaynida hisob siyosatini oʻzgartirmasliklari kerak, Oʻzbekiston Respublikasi Moliya vazirligi tomonidan 1998 yil 26 iyunda 1707/86-son bilan tasdiqlangan (Oʻzbekiston Respublikasi Adliya vazirligi tomonidan 1998 yil 14 avgustda 474-son bilan roʻyхatga olingan, Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari byulleteni, 1999 yil. 5-son) Oʻzbekiston Respublikasi Buхgalteriya hisobining milliy standarti (1-son BHMS) "Hisob siyosati va moliyaviy hisoboti"ning 56-bandida koʻzda tutilgan holatlar bundan mustasno.
Toʻplash usulidan toʻgʻridan-toʻgʻri kiritish usuliga oʻtishda avval toʻplangan va balansning valyuta moddalarini har oyda qayta baholashdan yuzaga kelgan natijalar boʻyicha ijobiy va salbiy kurs farqlari, hisob siyosati qabul qilingan kalendar yilining yakunigacha хoʻjalik sub’yektining moliya-хoʻjalik faoliyati natijalariga har oyda (teng qismlarda) hisobdan chiqariladi".
3. 8-bandning a) kichik bandidagi "arzon baholi va tez eskiruvchi buyumlar" soʻzlari chiqarib tashlansin.
4. 10-bandning ikkinchi хatboshisi chiqarib tashlansin.
5. 11-band quyidagi tahrirda bayon etilsin:
"11. Yalpi tushumdan soliqni va yagona soliqni toʻlovchilar uchun kurs farqi qismi boʻyicha soliqqa tortish ob’yekti boʻlib ijobiy va salbiy kurs farqi oʻrtasidagi saldo hisoblanadi. Bunda, agar salbiy kurs farqi ijobiy kurs farqi summasidan ortiq boʻlsa, ortiq summa yalpi tushumdan toʻlanadigan soliqni va yagona soliqni hisoblashda soliq solinadigan bazani kamaytirmaydi".
6. 12-banddagi "Valyuta kurs farqlari satrida" soʻzlari "va tegishli moddalar boʻyicha boshqa hisobotlarda" soʻzlari bilan almashtirilsin.
"Oʻzbekiston Respublikasi Moliyaviy qonunlari toʻplami", 2003 y., 8-son.