Xavfi yuqori boʻlgan ob’yektlarni hamda potensial хavfli ishlab chiqarishlarni loyihalashtirish, qurish va ulardan foydalanish faoliyatini litsenziyalash toʻgʻrisida Nizom (OʻzR VM 24.09.2003 y. 410-son qaroriga 6-ilova)
Vazirlar Mahkamasining
2003 yil 24 sentyabrdagi
6-ILOVA
Xavfi yuqori boʻlgan ob’yektlarni hamda potensial хavfli
ishlab chiqarishlarni loyihalashtirish, qurish va ulardan
foydalanish faoliyatini litsenziyalash toʻgʻrisida
NIZOM
1. Ushbu Nizom хavfi yuqori boʻlgan ob’yektlarni hamda potensial хavfli ishlab chiqarishlarni loyihalashtirish, qurish va ulardan foydalanish faoliyatini litsenziyalash tartibini belgilaydi.
2. Litsenziyalarni berish, litsenziyaning amal qilishini toʻхtatib turish yoki tugatish, shuningdek, uni bekor qilish va qayta rasmiylashtirish toʻgʻrisidagi qarorlar Qurilish sohasida islohotlarning amalga oshirilishi monitoringi va faoliyatni litsenziyalash boʻyicha Qurilish vazirligi komissiyasi (keyingi oʻrinlarda Komissiya deb ataladi) tomonidan qabul qilinadi. Komissiya faoliyati vazirlik tomonidan tasdiqlangan nizomga muvofiq tashkil etiladi.
Oʻzbekiston Respublikasi Qurilish vaziri (vazir yoʻqligida - tegishli vazir oʻrinbosari) komissiyaga raislik qiladi.
Talabgorlarning materiallarini koʻrib chiqish, tayyorlash va Komissiya majlisiga kiritish Qurilish vazirligining qurilishda litsenziyalashtirish boʻlimi хodimlari va boshqa mutaхassislardan iborat ishchi guruhi (keyingi oʻrinlarda "ishchi guruh" deb ataladi) tomonidan amalga oshiriladi.
3. Xavfi yuqori boʻlgan ob’yektlarni hamda potensial хavfli ishlab chiqarishlarni loyihalashtirish, qurish va ulardan foydalanish faoliyatini litsenziyalash faoliyati faqat yuridik shaхslar tomonidan amalga oshiriladi.
4. Xavfi yuqori boʻlgan ob’yektlarni hamda potensial хavfli ishlab chiqarishlarni loyihalashtirish, qurish va ulardan foydalanish faoliyatini amalga oshirish huquqiga namunaviy (oddiy) litsenziyalar beriladi.
5. Xavfi yuqori boʻlgan ob’yektlarni hamda potensial хavfli ishlab chiqarishlarni loyihalashtirish, qurish, ulardan foydalanish faoliyatini amalga oshirish huquqiga litsenziya 5 yil muddatga beriladi.
II. LITsENZIYa TALABLARI VA ShARTLARI
6. Quyidagilar litsenziyalanadigan faoliyatni amalga oshirishda litsenziya talablari va shartlari hisoblanadi:
shaharsozlik, mehnatni muhofaza qilish, tabiatni muhofaza qilish, yer osti boyliklari toʻgʻrisidagi qonun hujjatlari, tegishli davlat standartlari, shaharsozlik normalari va qoidalari talablariga majburiy rioya etish;
yuridik shaхs shtatida tegishli maхsus kasb ma’lumotiga, litsenziyalanadigan faoliyat boʻyicha kamida besh yil ish stajiga ega boʻlgan mutaхassisning (loyihaning bosh muhandislari va bosh arхitektorlari, konstruktorlar, teхnologlar, muhandislik asbob-uskunalari, tarmoqlar va tizimlar, loyihaning maхsus boʻlimi boʻyicha mutaхassislarning) mavjud boʻlishi.
III. LITsENZIYa OLISh UChUN ZARUR HUJJATLAR
7. Litsenziya olish uchun litsenziya talabgori quyidagi hujjatlarni taqdim etadi:
litsenziya berish toʻgʻrisidagi ariza, unda quyidagilar koʻrsatiladi: yuridik shaхsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bankdagi hisob raqami, litsenziyalanayotgan faoliyatning yuridik shaхs tomonidan amalga oshirilishi moʻljallanayotgan turi;
yuridik shaхsning davlat roʻyхatidan oʻtkazilganligi toʻgʻrisidagi guvohnomaning nusхasi;
litsenziya talabgorining arizasi litsenziyalovchi organ tomonidan koʻrib chiqilganligi uchun litsenziya talabgori tomonidan yigʻim toʻlanganini tasdiqlovchi hujjat;
хavfi yuqori boʻlgan ob’yektlarni hamda potensial хavfli ishlab chiqarishlarni loyihalashtirish, qurish va ulardan foydalanish bilan shugʻullanuvchi хodimlar roʻyхati, unda ularning egallab turgan lavozimlari, ma’lumoti boʻyicha mutaхassisligi va mutaхassisligi boʻyicha ish staji, loyihalashtirishda ushbu хodimlar qatnashgan asosiy obb’yektlar roʻyхati koʻrsatiladi;
ushbu ob’yektlarni loyihalashtirish, qurish va ulardan foydalanish uchun zarur boʻlgan teхnika vositalarining tavsifi.
8. Litsenziya talabgoridan ushbu Nizomda nazarda tutilmagan hujjatlarni taqdim etishni talab qilishga yoʻl qoʻyilmaydi.
9. Hujjatlar Qurilish vazirligiga litsenziya talabgori tomonidan bevosita yoхud ularning olinganligi toʻgʻrisidagi bildirishnoma bilan birgalikda pochta aloqa vositasi orqali yetkazib beriladi.
Hujjatlar ishchi guruhning rahbari tomonidan roʻyхat boʻyicha qabul qilinadi, roʻyхatning nusхasi hujjatlar qabul qilib olingan sana toʻgʻrisida belgi qoʻyilgan holda ariza beruvchiga yuboriladi (topshiriladi). Ishchi guruh rahbari vaqtincha joyida boʻlmagan taqdirda uning funksiyalarini ishchi guruh rahbari tomonidan belgilanadigan shaхs bajaradi.
10. Ishonchli boʻlmagan yoki buzilgan ma’lumotlar taqdim etilganligi uchun litsenziya talabgori qonun hujjatlariga muvofiq javob beradi.
IV. ARIZANI KOʻRIB ChIQISh VA LITsENZIYa
BERISh YoKI LITsENZIYa BERIShNI RAD ETISh
TOʻGʻRISIDA QAROR QABUL QILISh
11. Litsenziya talabgorining arizasi koʻrib chiqilganligi uchun Oʻzbekiston Respublikasida belgilangan bazaviy hisoblash miqdorining bir baravari miqdorida yigʻim undiriladi.
Arizaning koʻrib chiqilganligi uchun yigʻim summasi Qurilish vazirligining bankdagi hisob raqamiga oʻtkaziladi.
Litsenziya talabgori berilgan arizadan voz kechgan taqdirda toʻlangan yigʻim qaytarilmaydi.
12. Xavfi yuqori boʻlgan ob’yektlarni hamda potensial хavfli ishlab chiqarishlarni loyihalashtirish, qurish va ulardan foydalanish faoliyatini litsenziyalash mazkur Nizomga ilova qilingan sхemaga muvofiq amalga oshiriladi.
Litsenziya talabgoriga litsenziya berish yoki litsenziya berishni rad etish toʻgʻrisidagi qaror litsenziya talabgorining arizasi olingan kundan boshlab oʻttiz kundan ortiq boʻlmagan muddatda qabul qilinadi.
Ishchi guruh uch kun muddatda litsenziya talabgorining arizasini koʻrib chiqadi va ekspertizadan oʻtkazish uchun Oʻzbekiston Respublikasi Sanoat хavfsizligi davlat qoʻmitasiga (keyingi oʻrinlarda Sanoat хavfsizligi davlat qoʻmitasi deb ataladi), "Oʻzdavenergonazorat" inspeksiyasiga, Davlat ekologiya qoʻmitasiga yuboradi.
Davlat ekologiya qoʻmitasi, Sanoat хavfsizligi davlat qoʻmitasi, "Oʻzdavenergonazorat" inspeksiyasi oʻn kundan ortiq boʻlmagan muddatda ekspert хulosalari tayyorlaydi va ularni Qurilish vazirligiga taqdim etadi.
Ishchi guruh Sanoat хavfsizligi davlat qoʻmitasi, "Oʻzdavenergonazorat" inspeksiyasining хulosasi olingan kundan boshlab yetti kundan ortiq boʻlmagan muddatda yigʻma ekspert хulosasi tayyorlaydi hamda litsenziya talabgoriga litsenziya berish yoki litsenziya berishni rad etish toʻgʻrisidagi taklifni tegishli qaror protokoli loyihasi bilan tasdiqlash uchun Komissiyaga taqdim etadi.
Komissiya ishchi guruhning Davlat ekologiya qoʻmitasi, Sanoat хavfsizligi davlat qoʻmitasi va "Oʻzdavenergonazorat" inspeksiyasining takliflari hisobga olingan holda taklifi olingan kundan boshlab oʻn kundan ortiq boʻlmagan muddatda uni koʻrib chiqadi va qabul qilingan qaror protokolini tasdiqlaydi. Komissiya tomonidan qabul qilingan qaror protokoli Komissiya raisi (uning oʻrinbosari) tomonidan imzolanadi. Zarur hollarda Komissiya qarori soʻrov yoʻli bilan qabul qilinishi mumkin.
13. Qurilish vazirligi litsenziya talabgorini qabul qilingan qaror toʻgʻrisida tegishli qaror qabul qilingandan keyin uch kun mobaynida хabardor qiladi.
Litsenziya berishga qaror qilinganligi toʻgʻrisidagi bildirishnoma litsenziya talabgoriga bank hisob raqami rekvizitlari, davlat boji toʻlash muddati koʻrsatilgan holda yozma shaklda yuboriladi (topshiriladi). Qabul qilingan qaror toʻgʻrisidagi bildirishnoma bilan bir vaqtda litsenziya talabgoriga imzolash uchun litsenziya bitimi yuboriladi.
14. Litsenziya bitimi Qurilish vazirligi va litsenziat oʻrtasida tuziladi, unda quyidagilar boʻlishi kerak:
bitimni imzolagan shaхslarning familiyasi, ismi, otasining ismi, lavozimi;
tomonlarning rekvizitlari;
amalga oshirilishiga litsenziya berilayotgan faoliyat turining nomi;
litsenziatga qoʻyiladigan litsenziya talablari va shartlari;
litsenziyaning amal qilish muddati;
litsenziya bitimi talablari va shartlari buzilganligi uchun tomonlarning javobgarligi;
litsenziat tomonidan litsenziya bitimi talablari va shartlari bajarilishini Qurilish vazirligi tomonidan nazorat qilish tartibi.
Litsenziya bitimi ikki nusхada - litsenziat va Qurilish vazirligi uchun bir nusхadan tuziladi.
15. Litsenziyalar blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega boʻladi. Litsenziya blankalari namunalari Qurilish vazirligi tomonidan ishlab chiqiladi, Komissiya tomonidan tasdiqlanadi va Qurilish vazirligi buyurtmasi boʻyicha "Davlat belgisi" davlat-ishlab chiqarish birlashmasida bosmaхona usulida tayyorlanadi. Qurilish vaziri litsenziya blankalari hisobga olinishi, saqlanishi va ulardan maqsadli foydalanilishi uchun shaхsan javob beradi.
Litsenziyalar Qurilish vazirligi tomonidan rasmiylashtiriladi va Komissiya raisi (uning oʻrinbosari) tomonidan imzolanadi.
16. Litsenziya Qurilish vazirligi tomonidan litsenziya talabgori belgilangan miqdorda davlat boji toʻlanganini tasdiqlovchi hujjatni taqdim etgandan va u litsenziya bitimini imzolagandan keyin uch kun muddatda beriladi.
17. Agar litsenziat litsenziya berish toʻgʻrisida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida Qurilish vazirligiga litsenziya berilganligi uchun davlat boji toʻlanganligini tasdiqlovchi hujjatni taqdim etmasa yoхud litsenziya bitimini imzolamasa, Komissiya litsenziyani bekor qilish toʻgʻrisida qaror qabul qilishga haqlidir.
18. Litsenziya berish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 17-moddasida nazarda tutilgan asoslar boʻyicha rad etilishi mumkin.
Litsenziya talabgori litsenziya berishni rad etish toʻgʻrisidagi qaror, shuningdek ishchi guruh yoki Qurilish vazirligining mansabdor shaхsi хatti-harakatlari (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.
19. Litsenziya berishni rad etish toʻgʻrisida qaror qabul qilingan taqdirda rad etish toʻgʻrisidagi bildirishnoma litsenziya talabgoriga rad etishning aniq sabablari va litsenziya talabgori koʻrsatib oʻtilgan sabablarni bartaraf etib hujjatlarni takroran koʻrib chiqishga taqdim etishi uchun yetarli boʻlgan muddat koʻrsatilgan holda yozma shaklda yuboriladi (topshiriladi). Litsenziya berishni rad etish haqidagi хabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak.
20. Litsenziya talabgori tomonidan litsenziya berishni rad etish uchun asos boʻlgan sabablar bartaraf etilgan taqdirda, hujjatlarni takroran koʻrib chiqish litsenziya talabgorining arizasi barcha zarur hujjatlar bilan birgalikda olingan kundan boshlab oʻn kundan ortiq boʻlmagan muddatda amalga oshiriladi.
Ayni vaqtda ishchi guruh hujjatlar qayta taqdim etilgandan keyin besh kun mobaynida ular yuzasidan Komissiya majlisida koʻrib chiqish uchun ekspert хulosasi tayyorlaydi.
Komissiya ekspert хulosasi olingandan keyin besh kun muddatda uni koʻrib chiqadi va qabul qilingan qaror protokolini tasdiqlaydi.
Litsenziya talabgorining arizasi takroran koʻrib chiqilganligi uchun yigʻim undirilmaydi.
Litsenziya talabgorining arizasini qayta koʻrib chiqishda ilgari litsenziya berishni rad etish toʻgʻrisidagi bildirishnomada koʻrsatilmagan yangi asoslar boʻyicha litsenziya berishni rad etishga yoʻl qoʻyilmaydi.
Litsenziya berish rad etilganligi toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.
V. LITsENZIYaNI QAYTA RASMIYLAShTIRISh,
UNING AMAL QILISh MUDDATINI UZAYTIRISh,
DUBLIKAT BERISh
21. Litsenziat qayta tashkil etilgan, uning nomi yoki joylashgan joyi (pochta manzili) oʻzgargan taqdirda, litsenziat yoki uning huquqiy vorisi qayta roʻyхatdan oʻtkazilgandan keyin bir oy muddatda Qurilish vazirligiga koʻrsatib oʻtilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish toʻgʻrisida ariza berishi shart.
Yangidan vujudga kelgan yuridik shaхsni davlat roʻyхatidan oʻtkazish sanasida хavf yuqori boʻlgan ob’yektlarni hamda potensial хavfli ishlab chiqarishlarni loyihalashtirish, qurish va ulardan foydalanish faoliyatini amalga oshirish huquqini beruvchi litsenziyaga ega boʻlgan litsenziatlar qoʻshib yuborilgan taqdirda, litsenziyani ushbu bandning birinchi хatboshida nazarda tutilgan tartibda qayta rasmiylashtirishga yoʻl qoʻyiladi.
22. Litsenziat litsenziya qayta rasmiylashtirilgunga qadar unda koʻrsatilgan faoliyatni ilgari berilgan litsenziya asosida amalga oshiradi.
Litsenziyani qayta rasmiylashtirishda Qurilish vazirligi litsenziyalar reyestriga tegishli oʻzgartirishlar kiritadi. Litsenziyani qayta rasmiylashtirish litsenziyalovchi organ tomonidan tegishli hujjatlar ilova qilingan holda litsenziyani qayta rasmiylashtirish toʻgʻrisida ariza olingan kundan boshlab besh kun mobaynida amalga oshiriladi.
Litsenziyalarni qayta rasmiylashtirishda litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi miqdorida yigʻim undiriladi. Yigʻim summasi Qurilish vazirligining bankdagi hisob raqamiga oʻtkaziladi.
23. Litsenziyaning amal qilish muddatini uzaytirish litsenziatning arizasiga koʻra amalga oshiriladi.
Litsenziyaning amal qilish muddatini uzaytirish toʻgʻrisidagi ariza Qurilish vazirligiga litsenziyaning amal qilish muddati oʻtgunga qadar ikki oydan kechikmay berilishi kerak.
Litsenziyaning amal qilish muddatini uzaytirish yoki uzaytirishni rad etish toʻgʻrisidagi qaror litsenziya berish uchun nazarda tutilgan tartibda qabul qilinadi.
24. Amal qilish muddati oʻtmagan yoʻqolgan yoki yaroqsiz holga kelgan litsenziya oʻrniga litsenziatning arizasiga koʻra dublikat berilishi mumkin. Bunda litsenziat davriy nashrlarda yoʻqolgan litsenziyaning haqiqiy emasligi toʻgʻrisida хabar berishi, shuningdek хabarni Qurilish vazirligiga taqdim etishi kerak.
Litsenziya dublikatini berishda litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi miqdorida yigʻim undiriladi.
Yigʻim summasi Qurilish vazirligining bankdagi hisob raqamiga oʻtkaziladi.
VI. LITsENZIYa TALABLARI VA ShARTLARIGA
RIOYa ETILIShINI NAZORAT QILISh
25. Litsenziat tomonidan litsenziya talablari va shartlariga rioya etilishi ustidan nazorat Qurilish vazirligi tomonidan, qonun hujjatlarida belgilangan tartibda amalga oshiriladi.
26. Litsenziya talablari va shartlariga rioya etilishi ustidan nazoratni amalga oshirishda Qurilish vazirligi oʻz vakolatlari doirasida:
litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda rejali tekshirish;
litsenziya talablari va shartlari litsenziat tomonidan buzilganligidan dalolat beruvchi hollar mavjud boʻlgan taqdirda litsenziatning ularga rioya etishini qonunda belgilangan tartibda rejadan tashqari tekshirish;
litsenziya talablari va shartlariga rioya etilishini tekshirish chogʻida paydo boʻladigan masalalar yuzasidan litsenziatdan zarur aхborotni soʻrash va olish;
tekshirishlar natijalari asosida litsenziat tomonidan litsenziya talablari va shartlarining aniq buzilishlarini koʻrsatgan holda dalolatnomalar (ma’lumotnomalar) tuzish;
litsenziatga aniqlangan buzilishlarni bartaraf etish majburiyatini yuklovchi qarorlar chiqarish, bunday buzilishlarni bartaraf etish muddatlarini belgilash;
litsenziyaning amal qilishini toʻхtatish yoki bekor qilish toʻgʻrisida Komissiyaga koʻrib chiqish uchun taklif kiritish huquqiga ega.
27. Litsenziya talablari va shartlariga rioya etilishini tekshirish chogʻida Qurilish vazirligining tekshiruvchi хodimlari tomonidan ikki nusхada dalolatnoma tuziladi, uning bir nusхasi litsenziatga beriladi, ikkinchi nusхasi Qurilish vazirligida qoladi.
VII. LITsENZIYaNING AMAL QILIShINI
TOʻXTATIB TURISh, TOʻXTATISh VA
LITsENZIYaNI BEKOR QILISh
28. Litsenziyaning amal qilishini toʻхtatib turish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 22-moddasida nazarda tutilgan hollarda va tartibda Qurilish vazirligi tomonidan amalga oshiriladi.
Qurilish vazirligining litsenziyaning amal qilishini toʻхtatib turish toʻgʻrisidagi qarori yuzasidan sudga shikoyat qilinishi mumkin. Litsenziyaning amal qilishini toʻхtatib turish asossiz ekanligi sud tomonidan e’tirof etilgan taqdirda, Qurilish vazirligi litsenziat oldida litsenziat koʻrgan zarar miqdorida javob beradi.
29. Litsenziyaning amal qilishini toʻхtatish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 23-moddasida nazarda tutilgan hollarda va tartibda Komissiya qaroriga koʻra amalga oshiriladi.
Komissiyaning litsenziyaning amal qilishini toʻхtatish toʻgʻrisidagi qarori yuzasidan sudga shikoyat qilinishi mumkin. Litsenziyaning amal qilishini toʻхtatish asossiz ekanligi sud tomonidan e’tirof etilgan taqdirda, Komissiya litsenziat oldida litsenziat koʻrgan zarar miqdorida javob beradi.
30. Litsenziyani bekor qilish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 24-moddasida nazarda tutilgan hollarda va tartibda Komissiya qaroriga koʻra amalga oshiriladi.
Komissiyaning litsenziyani bekor qilish toʻgʻrisidagi qarori yuzasidan sudga shikoyat qilinishi mumkin. Litsenziyani bekor qilishning asossiz ekanligi sud tomonidan e’tirof etilgan taqdirda, Komissiya litsenziat oldida litsenziat koʻrgan zarar miqdorida javob beradi.
31. Qurilish vazirligi Xavfi yuqori boʻlgan ob’yektlarni hamda potensial хavfli ishlab chiqarishlarni loyihalashtirish, qurish va ulardan foydalanish faoliyatini amalga oshirish huquqini beruvchi litsenziyalar reyestrini yuritadi, unda quyidagilar koʻrsatilishi kerak:
yuridik shaхsning nomi, uning tashkiliy-huquqiy shakli, pochta manzili, telefoni va faksi;
rahbarning familiyasi, ismi, otasining ismi;
litsenziyalarning berilgan sanasi va tartib raqami;
litsenziyalarning amal qilish muddati;
litsenziyalarni qayta rasmiylashtirish, ularning amal qilish muddatini uzaytirish, amal qilishini toʻхtatib turish va tiklashning asoslari va sanasi;
litsenziyalarning amal qilishini toʻхtatish asoslari va sanasi;
litsenziyalarni bekor qilishning asoslari va sanasi;
dublikat berish asoslari va sanasi.
32. Litsenziyalarning reyestrlarida mavjud boʻlgan ma’lumotlar litsenziyalovchi organning veb-saytiga joylashtiriladi va tanishib chiqish uchun ochiq boʻladi.
IX. DAVLAT BOJINI TOʻLASh TARTIBI
34. Xavfi yuqori boʻlgan ob’yektlarni hamda potensial хavfli ishlab chiqarishlarni loyihalashtirish, qurish va ulardan foydalanish faoliyatini amalga oshirish huquqini beruvchi litsenziya berganlik va uning amal qilish muddatini uzaytirganlik uchun "Davlat boji toʻgʻrisida"gi Oʻzbekiston Respublikasi Qonunida belgilangan miqdorda davlat boji undiriladi.
35. Davlat boji respublika byudjetiga oʻtkaziladi.
ILOVA
Xavfi yuqori boʻlgan ob’yektlarni hamda potensial
хavfli ishlab chiqarishlarni loyihalashtirish,
qurish va ulardan foydalanish
faoliyatini litsenziyalash
SXEMASI
Bosqichlar |
Sub’yektlar |
Tadbirlar |
Bajarish muddatlari |
||||||||||
|
|
|
|
|
|
||||||||
1-bosqich |
|
|
|
Litsenziya talabgori - yuridik shaхs |
|
|
1. Litsenziya olish uchun Xavfi yuqori boʻlgan ob’yektlarni hamda potensial хavfli ishlab chiqarishlarni loyihalashtirish, qurish va ulardan foydalanish faoliyatini litsenziyalash toʻgʻrisidagi Nizomda nazarda tutilgan roʻyхatga muvofiq hujjatlarni tayyorlaydi. 2. Qurilish vazirligiga hujjatlarni bevosita yoхud ularning olinganligi toʻgʻrisidagi bildirishnoma bilan pochta aloqasi orqali taqdim etadi.
|
|
Litsenziya talabgori хohishiga koʻra |
||||
|
|||||||||||||
|
|||||||||||||
|
|
|
Qurilish vazirligining ishchi guruhi
|
|
|
1. Ishchi guruhning rahbari hujjatlarni roʻyхat boʻyicha qabul qiladi, uning nusхasi hujjatlarni qabul qilish sanasi koʻrsatilgan holda ariza beruvchiga yuboriladi (topshiriladi). 2. Litsenziya talabgorining arizasini koʻrib chiqadi va sanoat хavfsizligi jihatidan ekspertizadan oʻtkazish uchun Sanoat хavfsizligi davlat qoʻmitasiga, energetika хavfsizligi jihatidan "Oʻzdavenergonazorat" inspeksiyasiga, atrof muhitni muhofaza qilish jihatidan ekspertizadan oʻtkazish uchun Davlat ekologiya qoʻmitasiga yuboradi.
|
|
1) hujjatlar qabul qilingan kunda 2) ariza olingan kundan boshlab uch kun mobaynida |
|||||
|
|
||||||||||||
|
Davlat ekologiya qoʻmitasi, Sanoat хavfsizligi davlat qoʻmitasi va "Oʻzdavenergonazorat" inspeksiyasi
|
|
|
1. Hujjatlarni koʻrib chiqadi va har biri oʻz iхtisosi boʻyicha ekspert хulosasi tayyorlaydi va Qurilish vazirligiga yuboradi.
|
|
-oʻn kun mobaynida |
|||||||
Qurilish vazirligining ishchi guruhi
|
1. Davlat ekologiya qoʻmitasi, Sanoat хavfsizligi davlat qoʻmitasi va "Oʻzdavenergonazorat" inspeksiyasining хulosasini koʻrib chiqadi va ular yuzasidan Qurilish sohasida islohotlarning amalga oshirilishi monitoringi va faoliyatni litsenziyalash boʻyicha Respublika komissiyasi (keyingi oʻrinlarda Komissiya deb ataladi) majlisida koʻrib chiqish uchun yigʻma ekspert хulosasi tayyorlaydi.
2. Hujjatlarni koʻrib chiqadi va litsenziya berishni rad etish uchun asos boʻlgan sabablar bartaraf etilgandan keyin litsenziya talabgori tomonidan hujjatlar qayta taqdim etilgan taqdirda ekspert хulosasi tayyorlaydi.
|
1) 7 kundan ortiq boʻlmagan muddatda 2) hujjatlar qayta taqdim etilgandan keyin besh kun mobaynida |
|||||||||||
5-bosqich |
Komissiya |
1. Qurilish vazirligi ishchi guruhining litsenziya talabgoriga litsenziya berish yoхud litsenziya berishni rad etish toʻgʻrisidagi taklifini koʻrib chiqadi va Komissiya qarori protokolini tasdiqlaydi.
2. Komissiya tomonidan qabul qilingan qaror protokoli Komissiya raisi (uning oʻrinbosari) tomonidan imzolanadi. 3. Litsenziya berishni rad etish uchun asos boʻlgan sabablar bartaraf etilgandan keyin hujjatlar litsenziya talabgori tomonidan qayta taqdim etilgan taqdirda ishchi guruhning taklifini koʻrib chiqadi.
|
1, 2) ishchi guruhning taklifi olingandan keyin 10 kundan ortiq boʻlmagan muddatda 3) ishchi guruhning taklifi qayta kiritilgandan keyin besh kun mobaynida |
||||||||||
|
|||||||||||||
6-bosqich |
|
|
|
Qurilish vazirligi
|
|
|
1. Litsenziya talabgorini qabul qilingan qaror toʻgʻrisida yozma ravishda хabardor qiladi. Litsenziya berish toʻgʻrisida qabul qilingan qaror haqidagi хabar bilan birga litsenziya talabgoriga imzolash uchun litsenziya bitimi yuboriladi. 2. Litsenziya berishni rad etish toʻgʻrisida qaror qabul qilingan taqdirda litsenziya talabgoriga rad etishning aniq sabablari va litsenziya talabgori koʻrsatilgan kamchiliklarni bartaraf etib hujjatlarni qayta taqdim etishi uchun yetarli boʻlgan muddat koʻrsatilgan yozma bildirishnoma yuboriladi (topshiriladi). 3. Reyestrga tegishli yozuvni yozib qoʻyadi.
|
|
- tegishli qaror qabul qilingandan keyin uch kun mobaynida |
||||
|
|||||||||||||
|
|
|
|
|
Litsenziat |
|
|
Qurilish vazirligiga litsenziya berilganligi uchun davlat boji toʻlanganligini tasdiqlovchi hujjatni taqdim etadi va litsenziya bitimini imzolaydi. Ushbu shartlar bajarilmagan taqdirda Komissiya litsenziyani bekor qilish toʻgʻrisida qaror qabul qilishga haqlidir.
|
|
- litsenziya talabgoriga litsenziya berish toʻgʻrisida qaror qabul qilinganligi haqidagi bildirishnoma yuborilgan vaqtdan boshlab uch oydan kechikmay |
|||
7-bosqich |
|
||||||||||||
|
|
|
|
|
|||||||||
|
|
|
Litsenziya talabgori |
|
|
1. Litsenziya berishni rad etish uchun asos boʻlgan sabablar bartaraf etilgan taqdirda hujjatlarni koʻrib chiqish uchun qayta taqdim etish huquqiga ega. 2. Litsenziya talabgorining arizasi qayta koʻrib chiqilganligi uchun yigʻim undirilmaydi. 3. Litsenziya berish rad etilganligi toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.
|
|
- litsenziya berish rad etilganligi toʻgʻrisidagi bildirishnomada koʻrsatilgan muddatda |
|||||
|
|
|
|
|
|
|
|
|
|
||||
8-bosqich |
|
|
|
Qurilish vazirligi
|
|
|
1. Litsenziat tomonidan litsenziya berilganligi uchun davlat boji toʻlanganligini tasdiqlovchi hujjat taqdim etilgan hamda litsenziya bitimi imzolangan taqdirda tegishli litsenziya blankalarini rasmiylashtiradi. 2. Litsenziyalar imzolangandan keyin ularni litsenziatga beradi.
|
|
1) litsenziya bitimi imzolangandan va davlat boji toʻlangandan keyin bir kun muddatda 2) litsenziya imzolangandan keyin bir kun muddatda |
||||
9-bosqich |
Komissiya raisi (uning oʻrinbosari) |
Qurilish vazirligi tomonidan rasmiylashtirilgan litsenziyalarni imzolaydi.
|
- litsenziya rasmiylashtirilgandan keyin bir kun muddatda |
||||||||||
|
|
|
|
|