Oʻzbekiston Respublikasi Vazirlar Mahkamasining 02.06.2016 y. 182-son "Respublika issiqlik ta’minoti tizimini yanada takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
02.06.2016 y.
N 182
RESPUBLIKA ISSIQLIK TA’MINOTI
TIZIMINI YaNADA TAKOMILLAShTIRISh
ChORA-TADBIRLARI TOʻGʻRISIDA
Oʻzbekiston Respublikasi Prezidentining "Aksiyadorlik jamiyatlarida zamonaviy korporativ boshqaruv uslublarini joriy etish chora-tadbirlari toʻgʻrisida" 2015 yil 24 apreldagi PF-4720-son Farmoniga muvofiq Vazirlar Mahkamasi QAROR QILADI:
1. Aksiyadorlik jamiyati aksiyadorlari, Qoraqalpogʻiston Respublikasi Vazirlar Kengashi, Andijon, Buхoro, Qashqadaryo, Samarqand, Xorazm viloyatlari va Toshkent shahri hokimliklari, Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasining ilovaga muvofiq roʻyхat boʻyicha aksiyadorlik jamiyatlarini qonun hujjatlarida belgilangan tartibda davlat unitar korхonalariga aylantirish toʻgʻrisidagi takliflariga rozilik berilsin.
2. Belgilansinki, Qoraqalpogʻiston Respublikasi Vazirlar Kengashi, Andijon, Buхoro, Qashqadaryo, Samarqand, Xorazm viloyatlari va Toshkent shahri hokimliklari tegishli ravishda ushbu qarorga ilovada koʻrsatilgan qayta tashkil etish natijasida tashkil etilgan davlat unitar korхonalarining muassislari hisoblanadilar.
3. Qoraqalpogʻiston Respublikasi Vazirlar Kengashi, Andijon, Buхoro, Qashqadaryo, Samarqand, Xorazm viloyatlari va Toshkent shahri hokimliklari Xususiylashtirish, monopoliyadan chiqarish va raqobatni rivojlantirish davlat qoʻmitasi bilan birgalikda 2017 yil 1 yanvargacha ushbu qarorga ilovada koʻrsatilgan aksiyadorlik jamiyatlarini davlat unitar korхonalariga aylantirish jarayoni toʻliq tugallanishini ta’minlasinlar.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zakirov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2016 yil 2 iyundagi
182-son qaroriga
ILOVA
Davlat unitar korхonalariga aylantirilayotgan
aksiyadorlik jamiyatlari
ROʻYXATI
T/r |
Nomi |
Mintaqa |
Ustav fondi (ming soʻm) |
Davlat ulushi (%) |
Davlat unitar korхonasining nomi |
1. |
"Kommunallik issilik orayi" AJ |
Qoraqalpogʻiston Respublikasi |
562 447,0 |
99,00 |
"Qoraqalpogʻiston Respublikasi kommunallik issilik orayi" DUK |
2. |
"Andijon viloyati issiqlik manbai" AJ |
Andijon viloyati |
3 140 293,0 |
100,00 |
"Andijon viloyati issiqlik manbai" DUK |
3. |
"Issiqlik manbai" AJ |
Buхoro viloyati |
979 518,0 |
95,00 |
"Buхoro viloyati issiqlik manbai" DUK |
4. |
"Qashqadaryo viloyati issiqlik manbai" AJ |
Qashqadaryo viloyati |
2 711 485,0 |
100,00 |
"Qashqadaryo viloyati issiqlik manbai" DUK |
5. |
"Issiqlik manbai" AJ |
Samarqand viloyati |
600 000,0 |
100,00 |
"Samarqand viloyati issiqlik manbai" DUK |
6. |
"Xorazm issiqlik manbai" AJ |
Xorazm viloyati |
825 416,0 |
99,00 |
"Xorazm viloyati issiqlik manbai" DUK |
7. |
"Toshkent issiqlik markazi" AJ |
Toshkent shahri |
7 803 200,0 |
98,98 |
"Toshkent issiqlik markazi" DUK |
"Oʻzbekiston Respublikasi qonun hujjatlari toʻplami",
2016 yil 6 iyun, 22-son, 251-modda
Telegram kanali 