Oʻzbekiston Respublikasi Vazirlar Mahkamasining 02.10.1997 y. 463-son "Andijon davlat tillar pedagogika institutiga Abdulhamid Sulaymon oʻgʻli-Choʻlpon nomini berish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
02.10.1997 y.
N 463
ANDIJON DAVLAT TILLAR PEDAGOGIKA
INSTITUTIGA ABDULHAMID SULAYMON
OʻGʻLI-ChOʻLPON NOMINI BERISh TOʻGʻRISIDA
Atoqli oʻzbek yozuvchisi va jamoat arbobi Abdulhamid Sulaymon oʻgʻli - Choʻlponning oʻzbek madaniyati va adabiyoti rivojiga qoʻshgan beqiyos hissasi va kelajak avlodga oʻrnak boʻluvchi fuqarolik jasoratini inobatga olib hamda uning tavalludiga 100 yil toʻlishi munosabati bilan Vazirlar Mahkamasi QAROR QILADI:
1. Oʻzbekiston Respublikasi Oliy va oʻrta maхsus ta’lim vazirligi va Andijon viloyati hokimligining Andijon davlat tillar pedagogika institutiga Abdulhamid Sulaymon oʻgʻli - Choʻlpon nomini berish haqidagi takliflari qabul qilinsin.
2. Oʻzbekiston Respublikasi Oliy va oʻrta maхsus ta’lim vazirligi va Andijon viloyati hokimligiga tegishli idoralar, homiylar mablagʻlari hisobidan AndDTPIda adibga yodgorlik oʻrnatish hamda institut binosini ta’mirlash va uning atrofini obodonlashtirish ishlarini amalga oshirish topshirilsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A. Azizхoʻjayev zimmasiga yuklansin.
Vazirlar Mahkamasining Raisi I. Karimov