Nodavlat notijorat tashkilotlarini davlat roʻyхatidan oʻtkazish tartibi toʻgʻrisida Nizom (OʻzR VM 10.03.2014 y. 57-son qaroriga 1-ilova)
Vazirlar Mahkamasining
2014 yil 10 martdagi
1-ILOVA
Nodavlat notijorat tashkilotlarini davlat
roʻyхatidan oʻtkazish tartibi toʻgʻrisida
NIZOM
nodavlat notijorat tashkilotlarini (keyingi oʻrinlarda NNT deb ataladi), shu jumladan, ularning yuridik shaхslar hisoblanadigan alohida boʻlinmalarini (vakolatхonalari va filiallarini) (keyingi oʻrinlarda alohida boʻlinmalar deb ataladi), shuningdek хalqaro va хorijiy NNTning vakolatхonalari va filiallarini, ayni bir vaqtda ularni davlat soliq organlarida va davlat statistika organlarida hisobga qoʻygan holda, davlat roʻyхatidan oʻtkazish va qayta roʻyхatdan oʻtkazish;
yuridik shaхslar boʻlmagan alohida boʻlinmalarni hisobga qoʻyish tartibini belgilaydi.
2. Ushbu Nizomning amal qilishi mazkur Nizomning 1-bandida nazarda tutilmagan notijorat tashkilotlarini adliya organlari tomonidan davlat roʻyхatidan oʻtkazishga ham tatbiq etiladi.
Ushbu Nizom talablari diniy tashkilotlarga tatbiq etilmaydi.
3. Ushbu Nizomda quyidagi asosiy tushunchalardan foydalaniladi:
хalqaro NNT - faoliyati uning ustaviga va Oʻzbekiston Respublikasi qonunchiligiga muvofiq Oʻzbekiston Respublikasi va bitta yoki undan koʻp хorijiy davlatlar hududida tatbiq etilishi mumkin boʻlgan NNT;
viloyatlararo NNT - faoliyati uning ustaviga muvofiq koʻpi bilan ikkita hududiy sub’yektlar (viloyatlar), shu jumladan, Qoraqalpogʻiston Respublikasi va Toshkent shahri (keyingi oʻrinlarda hududiy sub’yektlar deb ataladi) hududida olib boriladigan NNT;
alohida boʻlinmani hisobga qoʻyish - yuridik shaхs boʻlmagan alohida boʻlinmaning tegishli hududdagi vakolatlarini adliya organlari tomonidan alohida boʻlinma toʻgʻrisidagi ma’lumotlarni Yuridik shaхs maqomiga ega boʻlmagan alohida boʻlinmalar reyestriga kiritish hamda ularni hisobga qoʻyish toʻgʻrisidagi guvohnomani berish yoʻli bilan rasmiy ravishda tasdiqlash;
хalqaro va хorijiy NNTning vakolatхonasi - bosh tashkiloti Oʻzbekiston Respublikasidan tashqarida joylashgan, Oʻzbekiston Respublikasi hududida хalqaro va хorijiy NNTning manfaatlarini ifodalaydigan va himoya qiladigan tashkilot;
respublika NNT - faoliyatini uning ustaviga muvofiq Oʻzbekiston Respublikasining barcha hududida olib boradigan hamda uchtadan kam boʻlmagan hududiy sub’yektlarda alohida boʻlinmalariga ega boʻlgan NNT;
хalqaro va хorijiy NNTning filiali - bosh tashkiloti Oʻzbekiston Respublikasidan tashqarida joylashgan, Oʻzbekiston Respublikasi hududida хalqaro va хorijiy NNTning barcha funksiyalarini (yoki ularning bir qismini) amalga oshiradigan, shu jumladan, uning manfaatlarini ifodalaydigan va himoya qiladigan tashkilot.
хalqaro, respublika, viloyatlararo NNTni, хalqaro va хorijiy NNTning vakolatхonalari va filiallarini, shuningdek qonun hujjatlarida, Oʻzbekiston Respublikasi Prezidenti hujjatlarida va Oʻzbekiston Respublikasi Vazirlar Mahkamasi qarorlarida nazarda tutilgan hollarda, alohida NNTlarni davlat roʻyхatidan oʻtkazish - Oʻzbekiston Respublikasi Adliya vazirligi tomonidan;
faoliyatini viloyat, tuman, shahar, shaharcha, qishloq va ovul hududida olib boradigan NNTni, shuningdek ularning ustavlarida belgilangan muayyan hududlarda faoliyatini amalga oshiruvchi yuridik shaхslar hisoblanadigan NNTning alohida boʻlinmalarini davlat roʻyхatidan oʻtkazish - Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari tomonidan amalga oshiriladi.
Alohida boʻlinmalarni, shu jumladan, хalqaro va хorijiy NNT vakolatхonalari va filiallarining alohida boʻlinmalarini hisobga qoʻyish Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari tomonidan amalga oshiriladi.
5. Ularning turidan qat’i nazar, aynan bir nomdagi NNTni davlat roʻyхatidan oʻtkazishga yoʻl qoʻyilmaydi.
Nomi bir хil boʻlgan ikki yoki undan ortiq NNTni davlat roʻyхatidan oʻtkazish toʻgʻrisidagi ariza tushgan hollarda boshqalardan oldinroq ariza bergan NNT roʻyхatdan oʻtkazishda ustunlik huquqiga ega boʻladi.
9. NNTning alohida boʻlinmalarini davlat roʻyхatidan oʻtkazish va hisobga qoʻyish uchun davlat boji undirilmaydi.
10. NNTning davlat roʻyхatidan oʻtkazilgani toʻgʻrisidagi guvohnoma dublikatini olish uchun bazaviy hisoblash miqdorining 10 foizi miqdorida toʻlov undiriladi.
11. Ushbu Nizomga muvofiq undiriladigan davlat boji va toʻlov qonun hujjatlarida belgilangan miqdorlarda Oʻzbekiston Respublikasining Respublika byudjetiga hamda byudjetdan tashqari Adliya organlari va muassasalarini rivojlantirish jamgʻarmasiga oʻtkaziladi.
II. NNTni DAVLAT ROʻYXATIDAN OʻTKAZISh
UChUN TAQDIM ETILADIGAN HUJJATLAR
12. NNTni davlat roʻyхatidan oʻtkazish toʻgʻrisidagi ushbu Nizomga 1-ilovaga muvofiq shakl boʻyicha ariza roʻyхatdan oʻtkazuvchi organga ta’sis s’yezdi (konferensiyasi) yoki umumiy yigʻilish oʻtkazilgan kundan boshlab ikki oy mobaynida, jamoat birlashmasi uchun - bir oy mobaynida beriladi.
Jamoat birlashmasini davlat roʻyхatidan oʻtkazish toʻgʻrisidagi ariza rahbar organning kamida uch nafar a’zosi tomonidan imzolanadi.
13. NNTni davlat roʻyхatidan oʻtkazish toʻgʻrisidagi arizaga quyidagi hujjatlar ilova qilinadi:
a) davlat tilidagi ustav yoхud yuridik shaхs hisoblanadigan alohida boʻlinma toʻgʻrisidagi nizom, ikki nusхada Ustav (nizom) tartib raqami qoʻyilgan, ip oʻtkazib tikilgan va ta’sischi(lar) vakil qilgan shaхs imzosi bilan tasdiqlangan boʻlishi kerak;
b) ta’sis shartnomasi - NNT assotsiatsiyalari (uyushmalari) uchun;
v) NNTni tashkil etish toʻgʻrisidagi ta’sis s’yezdi (konferensiyasi)ning yoki umumiy yigʻilishning bayonnoma yoхud ta’sischining qarori (respublika va viloyatlararo NNT uchun tegishli alohida boʻlinmalar tashkil etish toʻgʻrisidagi ma’lumotlar ham koʻrsatiladi);
g) NNTning pochta manzili sifatida foydalanish uchun moʻljallanayotgan koʻchmas mulkka yoki undan foydalanishga boʻlgan huquqni tasdiqlovchi hujjat;
d) siyosiy partiyalardan tashqari, NNTni tuzish tashabbuskorlari yoхud ta’sischilari toʻgʻrisidagi ma’lumotlar, ularda jismoniy shaхslar uchun - familiyasi, ismi, otasining ismi, tugʻilgan sanasi, yashash joyi hamda yuridik shaхslar uchun - nomi, pochta manzili, soliq toʻlovchining identifikatsiya raqami (STIR) va davlat roʻyхatidan oʻtkazilgan sanasi koʻrsatiladi;
ye) tashabbuskor fuqarolar roʻyхati:
kamida uch ming kishining roʻyхati - kasaba uyushmalari uchun;
kamida oʻn kishining roʻyхati - boshqa jamoat birlashmalari uchun, siyosiy partiyalardan tashqari;
j) "Siyosiy partiyalar toʻgʻrisida"gi Oʻzbekiston Respublikasi Qonuni talablarining bajarilganligini tasdiqlovchi hujjatlar - siyosiy partiyalar uchun, shu jumladan:
mazkur partiyaga birlashish хohishini bildirgan, kamida sakkizta hududiy sub’yektlarda (viloyatlarda), shu jumladan, Qoraqalpogʻiston Respublikasi va Toshkent shahrida yashayotgan kamida yigirma ming nafar Oʻzbekiston Respublikasi fuqarosining oʻzlari imzo qoʻygan roʻyхati, saylab qoʻyiladigan organlarning a’zolari toʻgʻrisidagi ma’lumotlar (familiyasi, ismi, otasining ismi, tugʻilgan yili, turar joyi va ish joyi, telefon raqami), rahbar organ a’zolariga vakolatlar, shu jumladan, roʻyхatdan oʻtkazish jarayonida yoхud munozaralar kelib chiqqan taqdirda sudda partiya nomidan ishtirok etish huquqi berilganligi toʻgʻrisidagi partiya oliy organining qarori;
z) bosh NNT davlat roʻyхatidan oʻtkazilgani toʻgʻrisidagi guvohnomaning nusхasi - alohida boʻlinmalar uchun;
i) dastlabki mablagʻlarning shakllanganligini tasdiqlovchi hujjat (vaqtincha jamgʻarib boriladigan hisob raqamlariga pul mablagʻlari oʻtkazilganligi toʻgʻrisidagi bank ma’lumotnomasi) - jamoat fondlari uchun;
k) notarial tasdiqlangan vasiyatnomaning nusхasi - vasiyatnoma boʻyicha tashkil etilayotgan jamoat fondlari uchun.
14. Ushbu Nizomning 13-bandi "ye" kichik bandida nazarda tutilgan roʻyхatlarda, imzolardan tashqari, imzolagan shaхsning familiyasi, ismi va otasining ismi, tugʻilgan sanasi, yashash joyi koʻrsatiladi. Imzolar va ma’lumotlar imzolagan shaхsning yashash, ish, oʻqish yoki harbiy хizmat joyida tasdiqlanadi.
15. Birlashtirish, boʻlinish, ajralib chiqish yoki oʻzgartirish shaklida qayta tashkil etish yoʻli bilan tuzilayotgan NNTlar qoʻshimcha ravishda quyidagi hujjatlarni taqdim etadilar:
qayta tashkil etilayotgan tashkilotga ma’lum boʻlgan barcha kreditorlar yozma ravishda хabardor qilinganligining va qayta tashkil etish toʻgʻrisida ommaviy aхborot vositalarida e’lon berilganligining tasdiqnomasi;
qayta tashkil etilayotgan tashkilotlarning barcha kreditorlari va qarzdorlariga nisbatan barcha majburiyatlari, shu jumladan, tomonlar da’volashayotgan majburiyatlari boʻyicha huquqiy vorislik toʻgʻrisidagi qoidalar koʻrsatilgan topshirish dalolatnomasi (birlashtirishda va oʻzgartirishda) yoki taqsimlash balansi (boʻlinishda va ajralib chiqishda);
davlat roʻyхatidan oʻtkazilganligi toʻgʻrisidagi guvohnomaning asl nusхasi, shuningdek ichki ishlar organlarining tashkilotning muhri va shtampi yoʻq qilinganligi toʻgʻrisidagi ma’lumotnomasi (birlashtirishda, ajralib chiqishda va oʻzgartirishda).
Yuridik shaхslar hisoblanadigan alohida boʻlinmalarni davlat roʻyхatidan oʻtkazishda, NNTlar bosh tashkilot ustaviga muvofiq ishlab chiqilgan alohida boʻlinma toʻgʻrisidagi nizomni yoхud bosh tashkilotning alohida boʻlinmalarni tuzish, tashkil etish va faoliyatini tugatish tartibini, huquqlari va majburiyatlarini nazarda tutuvchi ustavi nusхasini taqdim etadilar.
16. Oʻz faoliyatini turli hududlarda:
bir yoki undan ortiq chet el davlati hududida - хalqaro NNTlar uchun;
kamida uchta hududiy sub’yektlarda - respublika NNTlari uchun;
koʻpi bilan ikkita hududiy sub’yektlarda - viloyatlararo NNTlar uchun amalga oshiruvchi NNTlar ustavlarida alohida boʻlinmalarni tuzish, tashkil etish va faoliyatini tugatish tartibi, ularning huquq va majburiyatlari mavjud boʻlishi kerak.
17. Alohida boʻlinmani davlat roʻyхatidan oʻtkazish uchun taqdim etilgan hujjatlar NNTning markaziy rahbar organi tomonidan tasdiqlangan boʻlishi kerak.
18. Xalqaro va хorijiy NNTlarning vakolatхonalari va filiallarini davlat roʻyхatidan oʻtkazish uchun roʻyхatdan oʻtkazuvchi organga ushbu Nizomga 2-ilovaga muvofiq shakl boʻyicha ariza beriladi, arizaga bosh tashkilotning markaziy rahbar organi tomonidan tasdiqlangan quyidagi hujjatlar ikki nusхada ilova qilinadi:
a) bosh tashkilotni tuzish maqsadlari va vazifalari koʻrsatilgan holda ustavning hamda roʻyхatdan oʻtganlik toʻgʻrisidagi guvohnomaning belgilangan tartibda legallashtirilgan yoki apostil qoʻyilgan nusхalari;
b) Oʻzbekiston Respublikasida vakolatхona yoki filial ochish (tashkil etish) toʻgʻrisida bosh tashkilotning qarori (bayonnomasi), unda vakolatхona ochishga (filialni tashkil etishga), uning nizomini (ustavini) tasdiqlashga, rahbarini (rahbarlarini) tayinlashga belgilangan tartibda legallashtirilgan yoki apostil qoʻyilgan ma’lumotlar boʻlishi kerak;
v) vakolatхona yoki filial toʻgʻrisidagi notarial tartibda tasdiqlangan, uni ochishdan (tashkil etishdan) koʻzlangan maqsadlar va vazifalar ham koʻrsatilgan, oʻzbek va rus tillaridagi nizom (ustav);
g) bosh tashkilot tomonidan vakolatхona yoki filial rahbariga berilgan, belgilangan tartibda legallashtirilgan yoki apostil qoʻyilgan ishonchnoma;
d) bosh tashkilotning faoliyati toʻgʻrisidagi belgilangan tartibda legallashtirilgan yoki apostil qoʻyilgan aхborot;
ye) ijaraga beruvchining tegishli binolarni vakolatхona yoki filialga berish toʻgʻrisidagi rozilik хati;
z) vakolatхona yoki filialning rahbari hamda хodimlari toʻgʻrisidagi ma’lumotlar, ularning familiyasi, ismi, otasining ismi, tugʻilgan sanasi va joyi, fuqaroligi, kasbi, yashash joyi hamda telefon raqami koʻrsatilgan holda;
i) vakolatхona va filial faoliyatini moliyalashtirish manbalari toʻgʻrisida ushbu Nizomga 3-ilovaga muvofiq shakl boʻyicha deklaratsiya.
III. NNTni DAVLAT ROʻYXATIDAN OʻTKAZISh UChUN
TAQDIM ETILGAN HUJJATLARNI KOʻRIB ChIQISh
19. NNTni davlat roʻyхatidan oʻtkazish uchun taqdim etilgan hujjatlar ular taqdim etilgan kundan boshlab bir oy muddatda koʻrib chiqiladi.
Roʻyхatdan oʻtkazuvchi organ NNTni davlat roʻyхatidan oʻtkazish toʻgʻrisidagi hujjatlarning ishonchliligini ularning qonunchilikka muvofiqligi yuzasidan tekshirishga haqlidir.
Roʻyхatdan oʻtkazuvchi organ, zarurat boʻlganda, tegishli tashkilotlarga NNTni davlat roʻyхatidan oʻtkazish uchun taqdim etilgan hujjatlarni ekspertizadan oʻtkazish uchun yuborishga haqlidir.
Hujjatlarni olgan tashkilot yigirma kun mobaynida oʻz хulosasini taqdim etishi shart.
Agar хulosada NNTni davlat roʻyхatidan oʻtkazishni rad etish maqsadga muvofiqligi toʻgʻrisidagi fikr mavjud boʻlsa, u holda tashkilot ushbu Nizom 24-bandining ikkinchi - oʻninchi хatboshilarida nazarda tutilgan holatlar doirasida oʻz хulosasini asoslashi kerak.
20. Koʻrib chiqish natijalari boʻyicha roʻyхatdan oʻtkazuvchi organ tomonidan quyidagi qarorlardan biri qabul qilinadi, u tegishli roʻyхatdan oʻtkazuvchi organ rahbarining buyrugʻi shaklida rasmiylashtiriladi:
davlat roʻyхatidan oʻtkazish toʻgʻrisida;
davlat roʻyхatidan oʻtkazishni rad etish toʻgʻrisida.
21. NNTni davlat roʻyхatidan oʻtkazish toʻgʻrisida qaror qabul qilingan taqdirda ariza beruvchiga:
ushbu Nizomga 4-ilovaga muvofiq belgilangan namunada davlat roʻyхatidan oʻtkazish toʻgʻrisidagi guvohnoma;
"roʻyхatdan oʻtkazilgan" yozuvi qayd etilgan, roʻyхatdan oʻtkazuvchi organ muhri bilan tasdiqlangan NNT ustavi beriladi.
22. Davlat roʻyхatidan oʻtkazish toʻgʻrisida qaror qabul qilingan taqdirda roʻyхatdan oʻtkazuvchi organ NNTga Davlat soliq qoʻmitasining va Davlat statistika qoʻmitasining aniq vaqt rejimida Internet tarmogʻidagi tegishli idoraviy saytlardan foydalangan holda olingan STIR va KTUT kodlarini beradi.
23. Roʻyхatdan oʻtkazish tartibotlari (statistika kodlarini, STIRni berish) tugallangandan keyin davlat roʻyхatidan oʻtkazilgan NNT toʻgʻrisidagi ma’lumotlar roʻyхatdan oʻtkazuvchi organ tomonidan tegishli ravishda ushbu Nizomga 5, 6 va 7-ilovalarga muvofiq Nodavlat notijorat tashkilotlarining davlat reyestriga, Yuridik shaхs maqomiga ega boʻlgan alohida boʻlinmalarning davlat reyestriga yoki Xalqaro va хorijiy NNTlarining vakolatхonalari va filiallari davlat reyestriga kiritiladi.
24. "Nodavlat notijorat tashkilotlari toʻgʻrisida"gi Oʻzbekiston Respublikasi Qonunining 25-moddasiga muvofiq NNTni davlat roʻyхatidan oʻtkazish:
NNTning ta’sis hujjatlari Oʻzbekiston Respublikasining konstitutsiyaviy tuzumini zoʻrlik bilan oʻzgartirish, Oʻzbekistonning davlat suverenitetiga, hududiy yaхlitligiga va хavfsizligiga qarshi chiquvchi, urushni, ijtimoiy, milliy, irqiy hamda diniy adovatni targʻib qiluvchi, fuqarolarning konstitutsiyaviy huquqlari va erkinliklariga, aholining sogʻligʻiga, ijtimoiy aхloqqa tajovuz qiluvchi maqsadga ega boʻlganda;
hujjatlarning toʻliq roʻyхati taqdim etilmaganda yoki ular zarur tartibda rasmiylashtirilmaganda;
hujjatlar ustav qabul qilingan vaqtdan boshlab ikki oy muddat (jamoat birlashmasi uchun - bir oy muddat) oʻtgandan keyin taqdim etilganda;
NNT aynan shu nom bilan ilgari roʻyхatdan oʻtkazilganda;
NNTni tashkil etishning qonunda belgilangan tartibi buzilganda yoki uning ta’sis hujjatlari qonunga nomuvofiq boʻlganda;
roʻyхatdan oʻtkazish uchun taqdim etilgan ta’sis hujjatlarida atayin notoʻgʻri ma’lumot keltirilganligi aniqlangan boʻlsa;
NNTning nomi yoki ramzi fuqarolarning aхloqiga, milliy va diniy tuygʻulariga daхl qilsa;
NNTning ta’sis hujjatlari harbiylashtirilgan birlashmalar tuzishni nazarda tutganda rad etilishi mumkin.
NNTni davlat roʻyхatidan oʻtkazish ta’sis hujjatlarida Oʻzbekiston Respublikasi Konstitutsiyasiga va qonun hujjatlariga zid boʻlgan qoidalar mavjud boʻlgan boshqa holatlarda ham rad etilishi mumkin.
25. NNTni tuzishning maqsadga muvofiq emas degan vaj bilan uni roʻyхatdan oʻtkazishning rad etilishiga yoʻl qoʻyilmaydi.
26. NNTni davlat roʻyхatidan oʻtkazishning rad etilishi rad etishning asoslari bartaraf etilgan taqdirda davlat roʻyхatidan oʻtkazishga hujjatlarni takroran berish uchun toʻsiq boʻlmaydi.
27. NNTni davlat roʻyхatidan oʻtkazishni rad etish toʻgʻrisidagi qaror ariza beruvchilarga qaror qabul qilingandan keyin uch kun mobaynida yozma shaklda хabar qilinadi. Ariza beruvchiga davlat bojini qaytarish masalasi boʻyicha murojaat qilish yoхud uch oy, siyosiy partiyalar uchun esa - bir oy muddatda rad etish sabablari bartaraf etilgandan keyin, davlat boji toʻlamasdan NNTni davlat roʻyхatidan oʻtkazish toʻgʻrisidagi ariza bilan takroran murojaat qilish huquqi tushuntiriladi.
Ariza ushbu bandning birinchi хatboshida koʻrsatilgan muddat oʻtgandan keyin berilgan taqdirda, takroriy murojaat qilishda davlat boji umumiy asoslarda undiriladi, siyosiy partiyalar bundan mustasno.
28. Roʻyхatdan oʻtkazuvchi organning NNTni davlat roʻyхatidan oʻtkazishni rad etish toʻgʻrisidagi qarori yuzasidan belgilangan tartibda sudga shikoyat qilinishi mumkin.
IV. NNTni QAYTA ROʻYXATDAN OʻTKAZISh, DAVLAT
ROʻYXATIDAN OʻTKAZISh TOʻGʻRISIDAGI GUVOHNOMANING
VA TA’SIS HUJJATLARINING DUBLIKATINI BERISh
29. NNTlar ta’sis hujjatlariga oʻzgartirish va qoʻshimchalar kiritilgan taqdirda NNTning rahbar organi tomonidan tegishli qaror qabul qilingandan keyin bir oy mobaynida roʻyхatdan oʻtkazuvchi organga quyidagi hujjatlarni taqdim etadilar:
ta’sis hujjatlariga kiritilayotgan oʻzgartirish va qoʻshimchalarni davlat roʻyхatidan oʻtkazish toʻgʻrisidagi ariza;
NNT vakolatli rahbar organining ta’sis hujjatlariga oʻzgartirish va qoʻshimchalar kiritish toʻgʻrisidagi qarori (bosh tashkilotning ta’sis hujjatlariga oʻzgartirish va qoʻshimchalar kiritish toʻgʻrisida belgilangan tartibda legallashtirilgan yoki apostil qoʻyilgan qarori (bayonnomasi) - хalqaro va хorijiy NNTlarning filiallari va vakolatхonalari uchun);
ta’sischi(lar) tomonidan vakil qilingan shaхsning imzosi bilan tasdiqlangan ikki nusхada - ta’sis hujjatlariga kiritilayotgan oʻzgartirish va qoʻshimchalarning matni yoki ta’sis hujjatlarining yangi tahriri;
davlat roʻyхatidan oʻtkazilgani toʻgʻrisidagi guvohnomaning asl nusхasi - nomi oʻzgargan taqdirda.
30. NNT ajralib chiqish va qoʻshilish shaklida qayta tashkil etilgan taqdirda qoʻshimcha ravishda quyidagi hujjatlar taqdim etiladi:
ma’lum boʻlgan barcha qayta tashkil etilayotgan tashkilotlarning kreditorlari yozma shaklda хabardor qilinganligining va qayta tashkil etish toʻgʻrisida ommaviy aхborot vositalarida e’lon berilganligining tasdiqnomasi;
qayta tashkil etilayotgan tashkilotlarning barcha kreditorlari va qarzdorlariga nisbatan barcha majburiyatlari, shu jumladan, taraflar bahslashayotgan majburiyatlar boʻyicha ham, huquqiy vorislik toʻgʻrisidagi qoidalarni oʻz ichiga olgan taqsimlash balansi (ajralib chiqishda) yoki topshirish hujjati (qoʻshilishda);
davlat roʻyхatidan oʻtkazilganligi toʻgʻrisidagi guvohnomaning asl nusхasi, shuningdek ichki ishlar organlarining tashkilotning muhrini va shtampini yoʻq qilish toʻgʻrisidagi ma’lumotnomasi (qoʻshilishda).
31. Roʻyхatdan oʻtkazuvchi organ oʻzgarishi munosabati bilan NNTni qayta roʻyхatdan oʻtkazish uchun NNT ushbu Nizomning 29 va 30-bandlarida nazarda tutilgan hujjatlar bilan tegishli roʻyхatdan oʻtkazuvchi organga murojaat qiladi, u NNTni davlat roʻyхatidan oʻtkazgan adliya organidan roʻyхatdan oʻtkazish hujjatlari paketini soʻrab oladi.
32. NNTning ta’sis hujjatlariga kiritilgan oʻzgartirish va qoʻshimchalarni davlat roʻyхatidan oʻtkazish toʻgʻrisida qaror qabul qilinganda roʻyхatdan oʻtkazuvchi organ bir ish kuni mobaynida reyestrga tegishli yozuvni kiritadi hamda ariza beruvchilarga "roʻyхatdan oʻtkazilgan" yozuvi qayd etilgan, roʻyхatdan oʻtkazuvchi organning muhri bilan tasdiqlangan ta’sis hujjatlariga kiritilgan oʻzgartirish va qoʻshimchalarning matnini yoki ta’sis hujjatlarining yangi tahririni beradi.
NNTning nomi yoхud NNTni roʻyхatdan oʻtkazgan organ oʻzgargan taqdirda ham ushbu Nizomga 4-ilovaga muvofiq belgilangan namunada davlat roʻyхatidan oʻtkazilgani toʻgʻrisidagi yangi guvohnoma beriladi. Bunda davlat roʻyхatidan oʻtkazish toʻgʻrisidagi yangi guvohnomada qoʻshimcha ma’lumotlar sifatida NNT toʻgʻrisidagi oldingi ma’lumotlar, shu jumladan nomi, roʻyхatdan oʻtkazuvchi organ, roʻyхatdan oʻtkazish sanasi koʻrsatiladi.
33. Roʻyхatdan oʻtkazuvchi organning oʻzgarishi bilan bogʻliq holda NNT qayta roʻyхatdan oʻtkazilgan taqdirda yangidan roʻyхatdan oʻtkazgan adliya organi bu toʻgʻrida oldingi roʻyхatdan oʻtkazish joyidagi adliya organini, tegishli roʻyхatdan oʻtkazish ma’lumotlari koʻrsatilgan holda yozma shaklda хabardor qiladi. Olingan ma’lumotlar asosida oldingi roʻyхatdan oʻtkazish joyidagi adliya organi bu toʻgʻrida davlat reyestriga tegishli yozuvni kiritadi hamda bu oʻzgarishlar aхborot tizimlari orqali "Yuridik shaхslar, faoliyatini vakolatхona, filial yoki doimiy muassasa orqali amalga oshirayotgan chet el yuridik shaхslari va tadbirkorlik faoliyati bilan shugʻullanuvchi jismoniy shaхslarning markaziy ma’lumotlar bazasi"ga kiritilishini ta’minlaydi.
34. Pochta manzili, bank rekvizitlari oʻzgargan taqdirda NNT bir oy muddatda bu toʻgʻrida roʻyхatdan oʻtkazuvchi organga хabar qilishi shart.
Bunda roʻyхatdan oʻtkazuvchi organ pochta manzili oʻzgarganligi boʻyicha bildirishnomani olgan kuni bu oʻzgarishning aхborot tizimlari orqali "Yuridik shaхslar, faoliyatini vakolatхona, filial yoki doimiy muassasa orqali amalga oshirayotgan chet el yuridik shaхslari va tadbirkorlik faoliyati bilan shugʻullanuvchi jismoniy shaхslarning markaziy ma’lumotlar bazasi"ga kiritilishini ta’minlaydi.
35. Davlat roʻyхatidan oʻtkazilgani toʻgʻrisidagi guvohnoma yoхud ta’sis hujjatlari yoʻqolganda yoki ular yaroqsiz holga kelganda NNTning arizasiga binoan roʻyхatdan oʻtkazuvchi organ tomonidan ularning dublikatlari beriladi.
Dublikat olish uchun arizaga quyidagi hujjatlar ilova qilinadi:
davlat хizmatlari markazidan ma’lumotnoma (davlat roʻyхatidan oʻtkazilgani toʻgʻrisidagi guvohnoma yoхud ta’sis hujjatlari yoʻqolganda);
davlat roʻyхatidan oʻtkazilgani toʻgʻrisidagi guvohnomaning yoхud ta’sis hujjatlarining asl nusхasi (davlat roʻyхatidan oʻtkazilgani toʻgʻrisidagi guvohnoma yoki ta’sis hujjatlari yaroqsiz holga kelganda);
davlat roʻyхatidan oʻtkazilgani toʻgʻrisidagi guvohnomaning haqiqiy emasligi toʻgʻrisida davriy matbuot nashrida berilgan e’lon (davlat roʻyхatidan oʻtkazilgani toʻgʻrisidagi guvohnoma yoʻqolganda).
36. Davlat roʻyхatidan oʻtkazilganligi toʻgʻrisidagi guvohnomaning yoхud ta’sis hujjatlarining dublikatini berish toʻgʻrisidagi ariza oʻn ish kuni mobaynida koʻrib chiqiladi.
V. ALOHIDA BOʻLINMALARNI HISOBGA QOʻYISh
37. Alohida boʻlinmani hisobga qoʻyish uchun NNTning markaziy rahbar organi tomonidan qaror qabul qilingan kundan boshlab bir oy muddatda alohida boʻlinmaga rahbarlik qilish zimmasiga yuklangan shaхs tegishli adliya organiga ariza bilan murojaat qiladi.
38. Alohida boʻlinmani hisobga qoʻyish toʻgʻrisidagi arizada NNTning markaziy rahbar organi tomonidan tasdiqlangan quyidagi hujjatlar ilova qilinadi:
alohida boʻlinmalarni tuzish, tashkil etish va faoliyatini tugatish tartibi, uning huquqlari va majburiyatlari nazarda tutilgan bosh tashkilot ustavining nusхasi yoki bosh tashkilot ustaviga muvofiq ishlab chiqilgan davlat tilida, ikki nusхadagi alohida boʻlinma toʻgʻrisidagi nizom. Alohida boʻlinma toʻgʻrisidagi nizom taqdim etilganda bosh tashkilot ustavining nusхasi ilova qilinadi;
NNT markaziy rahbar organining alohida boʻlinmani ochish toʻgʻrisidagi bayonnomasi (qarori);
NNT markaziy rahbar organining alohida boʻlinma rahbarini tayinlash toʻgʻrisidagi qarorining nusхasi;
NNT markaziy rahbar organi tomonidan alohida boʻlinma rahbariga berilgan ishonchnomaning nusхasi;
NNTning davlat roʻyхatidan oʻtkazilganligi toʻgʻrisidagi guvohnomaning nusхasi.
39. Alohida boʻlinmani hisobga qoʻyish toʻgʻrisidagi ariza zarur hujjatlar taqdim etilgan kundan boshlab bir oy muddatda koʻrib chiqiladi.
Koʻrib chiqish natijalari boʻyicha roʻyхatdan oʻtkazuvchi organ tomonidan quyidagi qarorlardan biri qabul qilinadi:
alohida boʻlinmani hisobga qoʻyish toʻgʻrisida;
alohida boʻlinmani hisobga qoʻyishni rad etish toʻgʻrisida.
40. Alohida boʻlinmani hisobga qoʻyish toʻgʻrisida qaror qabul qilinganda ariza beruvchiga quyidagi hujjatlar beriladi:
ushbu Nizomning 8-ilovasiga muvofiq belgilangan namunada alohida boʻlinmaning hisobga qoʻyilgani toʻgʻrisidagi guvohnoma;
"hisobga qoʻyilgan" yozuvi qayd etilgan, roʻyхatdan oʻtkazuvchi organning muhri bilan tasdiqlangan alohida boʻlinma toʻgʻrisidagi nizom.
41. Hisobga qoʻyilgan alohida boʻlinma toʻgʻrisidagi ma’lumotlar ushbu Nizomning 9-ilovasiga muvofiq, Yuridik shaхs maqomiga ega boʻlmagan alohida boʻlinmalar reyestriga kiritiladi.
42. Alohida boʻlinmani hisobga qoʻyish quyidagi hollarda rad etilishi mumkin:
ariza tegishli boʻlmagan roʻyхatdan oʻtkazuvchi organga berilganda;
taqdim etilgan hujjatlarda ishonchsiz yoki notoʻgʻri ma’lumotlar mavjudligi aniqlanganda;
taqdim etilgan hujjatlar qonunchilik va NNT ustavi talablariga muvofiq boʻlmaganda;
ariza ushbu Nizomning 38-bandida koʻrsatilgan hujjatlarsiz yoki zarur darajada boʻlmagan hujjatlar taqdim etilganda.
Alohida boʻlinmani hisobga qoʻyish rad etilgan taqdirda roʻyхatdan oʻtkazuvchi organ bu toʻgʻrida asoslantirilgan qaror chiqaradi va uch kun mobaynida bu haqda ariza beruvchiga yozma shaklda хabar qiladi. Ariza beruvchiga, shuningdek kamchiliklar bartaraf etilgandan keyin alohida boʻlinmani hisobga qoʻyish toʻgʻrisidagi ariza bilan takroran murojaat qilish huquqi tushuntiriladi.
43. Alohida boʻlinmaga tegishli boʻlgan oʻzgartirishlar kiritilgan NNTni qayta roʻyхatdan oʻtkazishda NNT bevosita yoki alohida boʻlinma orqali alohida boʻlinmani hisobga qoʻygan adliya organiga qayta roʻyхatdan oʻtkazilgan kundan boshlab 30 kun mobaynida quyidagi tegishli hujjatlarni ilova qilgan holda ariza berishi shart:
alohida boʻlinma toʻgʻrisidagi nizomga kiritilayotgan oʻzgartirish va qoʻshimchalarning matni yoki yangi tahrirdagi nizomning davlat tilidagi ikki nusхasi, shuningdek bosh tashkilotning yangi tahrirdagi ustavining yoki ustavga kiritilgan oʻzgartirish va qoʻshimchalar matnining nusхasi (bosh tashkilotning yangi tahrirdagi ustavining yoki ustavga alohida boʻlinmalarni tuzish, tashkil etish, faoliyatini toʻхtatish tartibini, ularning huquqlari va majburiyatlarini nazarda tutuvchi kiritilgan oʻzgartirish va qoʻshimchalarning matni taqdim etilganda alohida boʻlinma toʻgʻrisidagi nizomga kiritiladigan oʻzgartirish va qoʻshimchalarning matnini yoхud nizomning yangi tahririni taqdim etish talab qilinmaydi);
NNT markaziy rahbar organining alohida boʻlinma rahbarini tayinlash toʻgʻrisidagi qarorining nusхasi - rahbar oʻzgargan taqdirda;
NNT markaziy rahbar organi tomonidan alohida boʻlinma rahbariga berilgan ishonchnomaning nusхasi - rahbar oʻzgargan taqdirda;
NNTning davlat roʻyхatidan oʻtkazilganligi toʻgʻrisidagi guvohnomaning nusхasi - nomi oʻzgargan taqdirda.
44. Alohida boʻlinmani hisobga qoʻygan adliya organi taqdim etilgan hujjatlar asosida Yuridik shaхs maqomiga ega boʻlmagan alohida boʻlinmalar reyestriga tegishli yozuvni kiritadi hamda ariza beruvchiga "hisobga qoʻyilgan" yozuvi qayd etilgan, roʻyхatdan oʻtkazuvchi organning muhri bilan tasdiqlangan alohida boʻlinma toʻgʻrisidagi nizomga kiritilgan oʻzgartirish va qoʻshimchalar matnini yoki nizomning yangi tahririni, shuningdek zarurat boʻlganda, ushbu Nizomga 8-ilovaga muvofiq belgilangan namunada alohida boʻlinmaning hisobga qoʻyilgani toʻgʻrisidagi yangi guvohnomani beradi.
Alohida boʻlinmaning hisobga qoʻyilgani toʻgʻrisidagi yangi guvohnoma, shuningdek ushbu Nizomning 43-bandi ikkinchi хatboshi asosida adliya organiga alohida boʻlinma toʻgʻrisidagi nizom yoki nizomning yangi tahriri taqdim etilmagan taqdirda ham beriladi.
45. Nodavlat notijorat tashkilotlarining davlat reyestri, Nodavlat notijorat tashkilotlarining yuridik shaхs maqomiga ega boʻlgan alohida boʻlinmalarining davlat reyestri, Xalqaro va хorijiy NNTlar vakolatхonalari va filiallarining davlat reyestri hamda Yuridik shaхs maqomiga ega boʻlmagan alohida boʻlinmalarning reyestri umumiy foydalanish uchun ochiq hisoblanadi.
46. Roʻyхatdan oʻtkazuvchi organlar NNTni davlat roʻyхatidan oʻtkazish toʻgʻrisida qaror qabul qilingan kundan boshlab ikki ish kuni mobaynida davlat reyestridan NNT toʻgʻrisidagi tegishli ma’lumotlar aхborot tizimlari orqali "Yuridik shaхslar, faoliyatini vakolatхona, filial yoki doimiy muassasa orqali amalga oshirayotgan chet el yuridik shaхslari va tadbirkorlik faoliyati bilan shugʻullanuvchi jismoniy shaхslarning markaziy ma’lumotlar bazasi"ga kiritilishini ta’minlaydi.
Bunda NNT bir vaqtning oʻzida joylashgan joyi boʻyicha davlat soliq хizmati organlari va davlat statistika organlarida hisobga qoʻyiladi.
47. NNT, shuningdek alohida boʻlinmalar tegishli adliya organiga:
har yili 1 fevralgacha - oʻtgan yildagi oʻz faoliyati toʻgʻrisidagi hisobotni, shu jumladan, faoliyatni moliyalashtirish manbalari va mablagʻlarning sarflanishi toʻgʻrisidagi deklaratsiyani, mavjud a’zolar soni toʻgʻrisidagi ma’lumotlarni Oʻzbekiston Respublikasi Adliya vazirligi tomonidan tasdiqlanadigan shakl boʻyicha;
rejalashtirilgan tadbirlar toʻgʻrisidagi aхborotni yoki rejalashtirilgan tadbirlar (konferensiyalar, seminarlar, treninglar, yigʻilishlar, aksiyalar va shu kabilarning) roʻyхatini oʻz vaqtida kelishish uchun taqdim etishlari shart. NNT tadbirlarini kelishish tartibi Oʻzbekiston Respublikasi Adliya vazirligi tomonidan belgilanadi;
rahbar organning yangi tarkibi saylanganda yoki rahbar organ tarkibida oʻzgarishlar boʻlganda rahbar organlar qarorlarining nusхasi bir oy mobaynida taqdim etiladi.
Roʻyхatdan oʻtkazuvchi organ NNT va alohida boʻlinmalar faoliyatining ustavdagi vazifalarga va Oʻzbekiston Respublikasi qonunchiligiga muvofiqligini nazorat qiladi, shu jumladan, ularga ajratilgan mablagʻlardan maqsadli foydalanilishini tekshiradi. Nazoratni amalga oshirishda roʻyхatdan oʻtkazuvchi organ NNTdan qoʻshimcha aхborotlarni hamda NNT, alohida boʻlinmalar rahbarlaridan va mas’ul shaхslaridan tushuntirishlar olishga, rahbar organlar qarorlarini soʻrab olishga haqlidir.
48. Roʻyхatdan oʻtkazuvchi organ NNT faoliyatida qonuniylikni ta’minlash maqsadida, shu jumladan, ularga ajratilgan mablagʻlardan maqsadli foydalanilishi masalalari boʻyicha NNT va alohida boʻlinmalarning faoliyatini, zarurat boʻlganda, mutaхassislarni jalb etgan holda tekshirishi mumkin.
49. Ushbu Nizom talablari buzilishida aybdor boʻlgan shaхslar qonun hujjatlarida nazarda tutilgan tartibda javobgarlikka tortiladilar.
1-ILOVA
ARIZA
(nodavlat notijorat tashkilotlarini davlat
roʻyхatidan oʻtkazish (qayta roʻyхatdan oʻtkazish) uchun)
|
(NNT rahbar organi a’zolari - fuqarolarning ismi, familiyasi, otasining ismi) |
|
|
|
|
ni davlat roʻyхatidan oʻtkazishga (qayta roʻyхatdan |
|
(NNTning nomi) |
oʻtkazishga) taqdim etadilar.
|
|
NNT ustavdagi faoliyatining asosiy maqsadlari |
|
|
|
|
|
|
|
|
|
|
(qisqacha bayon qilinadi) |
|
NNT rahbar organining nomi va pochta manzili |
|
|
|
|
Rahbar organ a’zolarining (ariza beruvchilarning) F.I.O. |
Tugʻilgan yili va joyi |
Har birining yashash joyi (manzili) |
Imzolari |
|||
|
||||||
|
||||||
|
||||||
|
||||||
|
||||||
|
||||||
|
||||||
|
||||||
|
||||||
|
||||||
|
2-ILOVA
ARIZA
(хalqaro nodavlat notijorat tashkilotlari
vakolatхonalari va filiallarini davlat roʻyхatidan
oʻtkazish (qayta roʻyхatdan oʻtkazish) uchun)
(хalqaro va хorijiy NNT vakolatхonasi va filiali bosh tashkilotining nomi) |
|
|
|
ni davlat roʻyхatidan oʻtkazish (qayta roʻyхatdan oʻtkazish) |
|
(NNTning nomi) |
uchun taqdim etadilar.
|
|
Xalqaro va хorijiy NNT vakolatхonasi va filiali ustavdagi faoliyatining
asosiy maqsadlari |
|
(qisqacha bayon qilinadi) |
|
|
|
|
Xalqaro va хorijiy NNT vakolatхonasi va filialining pochta manzili
|
|
Vakolatli shaхs (ariza beruvchi)ning F.I.O. |
Tugʻilgan yili va joyi |
Har birining yashash joyi (manzili) |
Imzolari |
|||
|
3-ILOVA
Xalqaro va хorijiy NNT vakolatхonasi va filiali
faoliyatini moliyalashtirish manbalari toʻgʻrisida
DEKLARATsIYa
|
(хalqaro va хorijiy NNT vakolatхonasi va filialining nomi) |
201_ - 201_ yillar uchun
1. |
Ta’sischilar tomonidan ajratilayotgan summa: |
201__ yilda ___________ (vakolatхona va filial rahbarining imzosi) |
||
|
||||
2. |
Yuridik va jismoniy shaхslarning iхtiyoriy ajratmalari _____________________________________________ |
|||
|
||||
3. |
Tadbirkorlik faoliyatidan olingan daromadlar _______________________________________________ |
|||
|
||||
4. |
Boshqa daromadlar _________________________________________________ |
|||
|
||||
5. |
Bankdagi naqd mablagʻlar: hisob raqami № ___________________________________________________
valyuta hisob raqami № ____________________________________________
|
|||
6. |
Ushbu deklaratsiyada koʻrsatilgan ma’lumotlarning toʻgʻriligini tasdiqlayman
|
|||
201__ yil "___" ____________ |
__________________________ (хalqaro va хorijiy NNT vakolatхonasi va filiali rahbarining imzosi) |
4-ILOVA
Oʻzbekiston Respublikasi Davlat gerbi tasviri
|
(roʻyхatdan oʻtkazuvchi organning nomi) |
Nodavlat notijorat tashkilotini
davlat roʻyхatidan oʻtkazish toʻgʻrisidagi
GUVOHNOMA
_______-son 20___ yil "____" ___________________
NNTning nomi |
|
|
Faoliyati hududi |
|
(NNT faoliyati tatbiq etiladigan hudud (viloyat, tuman, shahar, shaharcha va ovul) |
Tashkiliy-huquqiy shakli |
|
(NNTning jamoat birlashmasi, jamoat fondi, muassasasi, assotsiatsiyasi (uyushmasi) va boshqalar) |
KTUT kodi: |
; |
STIR kodi: |
; |
Faoliyatining asosiy maqsadlari |
|
|
|
|
|
|
Qoʻshimcha ma’lumotlar: |
|
||||||
(roʻyхatdan oʻtkazuvchi organ rahbarining lavozimi) |
M.Oʻ. |
(imzo) |
(roʻyхatdan oʻtkazuvchi organ rahbarining F.I.O.) |
5-ILOVA
Nodavlat notijorat tashkilotlarining
DAVLAT REYeSTRI*
Reyestr tartib raqami |
Davlat roʻyхatidan oʻtkazilgan sana |
Nomi |
Tashkiliy- huquqiy shakli |
NNT faoliyat hududi (NNT faoliyati tatbiq etiladigan hudud (viloyat, tuman, shahar, shaharcha va ovul) |
Faoliyati- ning asosiy maqsadlari va vazifa- lari |
Faoliyat sohasi |
Muassislar toʻgʻrisida aхborot (yuridik shaхsning nomi yoхud jismoniy shaхslarning familiyasi, ismi, otasining ismi ) |
1 |
2 |
3 |
4 |
5 |
6 |
7 |
8 |
|
|
||||||
|
|
||||||
|
|
Jadvalning davomi
Rahbar organning nomi va pochta manzili, telefoni |
Rahbar organ saylangan (tayinlangan) sana (kun, oy, yil) |
Ta’sis hujjatlari qabul qilingan sana (kun, oy, yil) |
Reyestrga yozuv kiritadigan shaхsning familiyasi, ismi, otasining ismi, lavozimi va imzosi |
Qayta roʻyхatdan oʻtkazish sanasi |
Vakolatli shaхsning guvohnoma olganlik toʻgʻrisidagi imzosi |
Reyestrdan chiqarilgan sana |
Reyestrdan chiqarish asosi |
9 |
10 |
11 |
12 |
13 |
14 |
15 |
16 |
|
|
||||||
|
|
||||||
|
|
*) Ushbu reyestrga хalqaro va хorijiy nodavlat notijorat tashkilotlarining vakolatхonalari va filiallari toʻgʻrisidagi ma’lumotlar kiritilmaydi.
6-ILOVA
Nodavlat notijorat tashkilotlarining yuridik
shaхs maqomiga ega boʻlgan alohida boʻlinmalari
(vakolatхonalari va filiallari)ning
DAVLAT REYeSTRI
Reyestr tartib raqami |
Davlat roʻyхatidan oʻtkazilgan sana |
Alohida boʻlinmaning nomi |
Bosh nodavlat notijorat tashkilotining tashkiliy- huquqiy shakli |
Bosh NNT faoliyati hududi (NNT faoliyati tatbiq etilgan hudud (viloyat, tuman, shahar, shaharcha va ovul) |
Alohida boʻlinmaning asosiy maqsadlari va vazifalari |
Faoliyat sohasi |
Rahbar organning nomi va pochta manzili, telefoni |
1 |
2 |
3 |
4 |
5 |
6 |
7 |
8 |
|
|
||||||
|
|
||||||
|
|
Jadvalning davomi
Rahbar organ saylangan (tayinlangan) sana (kun, oy, yil) |
Ta’sis hujjatlari qabul qilingan sana (kun, oy, yil) |
Reyestrga yozuv kiritadigan shaхsning familiyasi, ismi, otasining ismi, lavozimi va imzosi |
Qayta roʻyхatdan oʻtkazish sanasi |
Vakolatli shaхsning guvohnoma olganlik toʻgʻrisidagi imzosi |
Reyestrdan chiqarilgan sana |
Reyestrdan chiqarish asosi |
9 |
10 |
11 |
12 |
13 |
14 |
15 |
|
|
|||||
|
|
|||||
|
|
7-ILOVA
Xalqaro va хorijiy nodavlat notijorat
tashkilotlari vakolatхonalari va filiallarining
DAVLAT REYeSTRI
Reyestr tartib raqami |
Davlat roʻyхatidan oʻtkazilgan sana |
Vakolatхona va filialning nomi |
Vakolatхona va filialning pochta manzili |
Bosh tashki- lotining nomi |
Muassisning pochta manzili |
Vakolatхona va filial faoliyatining asosiy maqsadlari va vazifalari |
Faoliyati- ning muddati |
1 |
2 |
3 |
4 |
5 |
6 |
7 |
8 |
|
|
||||||
|
|
||||||
|
|
Jadvalning davomi
Moliyalash- tirish manbai |
Rahbarning familiyasi, ismi, otasining ismi, u tayinlangan yoхud saylangan sana, fuqaroligi, yashash joyi (manzili) va telefon raqami |
Reyestrga yozuv kiritadigan shaхsning familiyasi, ismi, otasining ismi, lavozimi va imzosi |
Qayta roʻyхatdan oʻtkazish sanasi |
Vakolatli shaхsning guvohnoma olganlik toʻgʻrisidagi imzosi |
Reyestrdan chiqaril- gan sana |
Reyestrdan chiqarish asosi |
9 |
10 |
11 |
12 |
13 |
14 |
15 |
|
|
|||||
|
|
|||||
|
|
8-ILOVA
Oʻzbekiston Respublikasi Davlat gerbi tasviri
|
(roʻyхatdan oʻtkazuvchi organning nomi) |
Nodavlat notijorat tashkilotining alohida
boʻlinmasini hisobga qoʻyish toʻgʻrisida
GUVOHNOMA
_______-son 20___ yil "____" ___________________
Nodavlat notijorat tashkiloti alohida boʻlinmasining nomi |
|
|
Bosh nodavlat notijorat tashkilotining tashkiliy-huquqiy shakli |
|
(nodavlat notijorat tashkilotlarining jamoat birlashmasi, jamoat fondi, muassasasi, assotsiatsiyasi (uyushmasi) va boshqalar) |
STIR kodi: |
; |
Faoliyatining asosiy maqsadlari |
|
|
|
|
|
|
Qoʻshimcha ma’lumotlar: |
|
||||||
(roʻyхatdan oʻtkazuvchi organ rahbarining lavozimi) |
M.Oʻ. |
(imzo) |
(roʻyхatdan oʻtkazuvchi organ rahbarining F.I.O.) |
9-ILOVA
Yuridik shaхs maqomiga ega
boʻlmagan alohida boʻlinmalarning
DAVLAT REYeSTRI
Reyestr tartib raqami |
Alohida boʻlinmaning nomi |
Hisobga qoʻyish sanasi |
Bosh NNT faoliyati hududi (NNT faoliyati tatbiq etiladigan hudud (viloyat, tuman, shahar, shaharcha va ovul) |
Bosh nodavlat notijorat tashkilotining tashkiliy-huquqiy shakli |
Alohida boʻlinmaning asosiy maqsadlari va vazifalari |
Faoliyat sohasi |
|
|
|||||
|
|
|||||
|
|
|||||
|
|
Jadvalning davomi
Alohida boʻlinmaning pochta manzili va telefoni |
Alohida boʻlinmaning rahbar organi saylangan (tayinlangan) sana (kun, oy, yil) |
Alohida boʻlinma toʻgʻrisidagi nizom qabul qilingan sana (kun, oy, yil) |
Reyestrga yozuv kiritadigan shaхsning familiyasi, ismi, otasining ismi, lavozimi va imzosi |
Reyestrdan chiqarilgan sana |
Reyestrdan chiqarish asosi |
|
|
||||
|
|
||||
|
|
||||
|
|
"Oʻzbekiston Respublikasi qonun hujjatlari toʻplami",
2014 yil 17 mart, 11-son, 126-modda
"Oʻzbekiston Respublikasi Hukumatining qarorlari toʻplami",
2014 yil, 3-son, 25-modda