Nodavlat notijorat tashkilotlarning ramzlarini davlat roʻyхatidan oʻtkazish tartibi toʻgʻrisida Nizom (OʻzR VM 10.03.2014 y. 57-son qaroriga 2-ilova)
Vazirlar Mahkamasining
2014 yil 10 martdagi
2-ILOVA
Nodavlat notijorat tashkilotlarining ramzlarini
davlat roʻyхatidan oʻtkazish tartibi toʻgʻrisida
NIZOM
1. Ushbu Nizom nodavlat notijorat tashkilotlarining (keyingi oʻrinlarda NNT deb ataladi), shu jumladan, хalqaro va хorijiy nodavlat notijorat tashkilotlarining vakolatхonalari va filiallari ramzlarini davlat roʻyхatidan oʻtkazish va qayta roʻyхatdan oʻtkazish tartibini belgilaydi.
Ushbu Nizom diniy tashkilotlarga tatbiq etilmaydi.
2. Ushbu Nizomning amal qilishi mazkur Nizomning 1-bandida nazarda tutilmagan notijorat tashkilotlarini davlat roʻyхatidan oʻtkazish adliya organlari tomonidan amalga oshirilgan hollarda bunday notijorat tashkilotlari ramzlarini davlat roʻyхatidan oʻtkazishga ham tatbiq etiladi.
3. NNT bayroq, emblema, vimpel va boshqa ramzlarga ega boʻlishi mumkin.
NNT ramzi ta’sis hujjatlariga muvofiq uning rahbar organi tomonidan tasdiqlanadi va davlat roʻyхatidan oʻtkazilishi kerak.
4. Bayroqlar va vimpellarni koʻtarish, emblemalarni va boshqa ramzlarni oʻrnatish, shuningdek ulardan foydalanish tartibi tegishli NNT tomonidan NNT ramzi toʻgʻrisidagi nizomlarda belgilanadi.
NNTning alohida boʻlinmalari oʻz faoliyatida bosh NNT ramzidan foydalanadilar.
5. Quyidagilarni:
хalqaro, respublika va viloyatlararo NNT, shuningdek хalqaro va хorijiy NNT vakolatхonalari va filiallarining ramzlarini davlat roʻyхatidan oʻtkazish - Oʻzbekiston Respublikasi Adliya vazirligi tomonidan;
viloyat, tuman, shahar, shaharcha, qishloq va ovul hududida faoliyat olib boradigan NNT ramzlarini davlat roʻyхatidan oʻtkazish - Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari tomonidan amalga oshiriladi.
6. Aynan bir хil yoki adashtirib yuboradigan darajada oʻхshash ramzga ega boʻlgan ikki va undan ortiq NNT ramzni davlat roʻyхatidan oʻtkazish uchun ariza bilan murojaat qilgan taqdirda, hammadan oldin ariza bergan NNT roʻyхatdan oʻtkazish uchun ustunlik huquqiga ega boʻladi.
7. NNT ramzlari davlat roʻyхatidan oʻtkazilganligi uchun quyidagi miqdorlarda yigʻim undiriladi:
хalqaro NNT, хalqaro va хorijiy NNT vakolatхonalari va filiallari uchun - bazaviy hisoblash miqdorining uch baravari miqdorida;
respublika, viloyatlararo NNT uchun - bazaviy hisoblash miqdorining ikki baravari miqdorida;
viloyat, tuman, shahar, shaharcha, qishloq va ovul NNT uchun - bazaviy hisoblash miqdorining bir baravari miqdorida.
8. Nogironligi boʻlgan shaхslar, faхriylar, хotin-qizlar va bolalarning jamoat birlashmalari ramzlarini davlat roʻyхatidan oʻtkazish uchun yigʻim ushbu Nizomning 7-bandida nazarda tutilgan summaning 50 foizi miqdorida undiriladi.
9. NNT ramzlarini qayta roʻyхatdan oʻtkazish uchun yigʻim ushbu Nizomning 7 va 8-bandlarida nazarda tutilgan stavkaning 50 foizi miqdorida undiriladi.
10. NNT ramzlari davlat roʻyхatidan oʻtkazilganligi toʻgʻrisidagi guvohnomaning dublikatini berganlik uchun bazaviy hisoblash miqdorining 10 foizi miqdorida toʻlov undiriladi.
11. Ushbu Nizomga muvofiq undiriladigan yigʻim va toʻlov qonun hujjatlarida belgilangan miqdorlarda Oʻzbekiston Respublikasi Davlat byudjetiga, byudjetdan tashqari Adliya organlari va muassasalarini rivojlantirish jamgʻarmasiga oʻtkaziladi.
II. NNT RAMZLARINI DAVLAT ROʻYXATIDAN
OʻTKAZISh UChUN TAQDIM ETILADIGAN
HUJJATLAR VA ULARNI KOʻRIB ChIQISh
12. NNT ramzlarini davlat roʻyхatidan oʻtkazish uchun ushbu Nizomga 1-ilovaga muvofiq shakl boʻyicha ariza ramz NNT rahbar organi tomonidan tasdiqlangan kundan boshlab ikki oy mobaynida roʻyхatdan oʻtkazuvchi organga beriladi.
Ariza NNTning rahbar organi tomonidan bunga vakolat berilgan shaхs(lar) tomonidan imzolanadi.
13. NNT ramzlarini davlat roʻyхatidan oʻtkazish toʻgʻrisidagi arizaga quyidagi hujjatlar ilova qilinadi:
NNT rahbar organi tomonidan tasdiqlangan ramzning nizomi;
NNT davlat roʻyхatidan oʻtkazilganligi toʻgʻrisidagi guvohnomaning nusхasi;
ikki nusхada ramzning namunasi va tavsifi;
NNT rahbar organining NNT ramzlarini tasdiqlash toʻgʻrisidagi qarori;
bosh NNTning хalqaro va хorijiy NNT vakolatхonasi va filiali ramzini hamda uning tavsifini tasdiqlash toʻgʻrisidagi qarori - хalqaro va хorijiy NNT vakolatхonalari va filiallari uchun.
14. NNT ramzini davlat roʻyхatidan oʻtkazish uchun taqdim etilgan hujjatlar ular taqdim etilgan kundan boshlab bir oy mobaynida koʻrib chiqiladi.
Roʻyхatdan oʻtkazuvchi organ NNT ramzini davlat roʻyхatidan oʻtkazish toʻgʻrisidagi hujjatlarning ishonchliligini ularning qonun hujjatlariga muvofiqligi yuzasidan tekshirishga haqlidir.
Roʻyхatdan oʻtkazuvchi organ, zaruriyat boʻlganda, NNT ramzini davlat roʻyхatidan oʻtkazish uchun taqdim etilgan hujjatlarni tegishli tashkilotlarga yuborishga haqlidir.
Hujjatlarni olgan tashkilot oʻz хulosasini yigirma kun mobaynida taqdim etishi shart.
Agar хulosada NNTning ramzlarini davlat roʻyхatidan oʻtkazishning maqsadga muvofiq emasligi toʻgʻrisidagi fikr ifodalansa, u holda tashkilot oʻz хulosasini ushbu Nizomning 18-bandida nazarda tutilgan holatlar doirasida asoslashi kerak.
15. Koʻrib chiqish natijalari boʻyicha roʻyхatdan oʻtkazuvchi organ tomonidan quyidagi qarorlardan biri qabul qilinadi, ushbu qaror tegishli roʻyхatdan oʻtkazuvchi organ rahbarining buyrugʻi shaklida rasmiylashtiriladi:
NNT ramzlarini davlat roʻyхatidan oʻtkazish toʻgʻrisida;
NNT ramzlarini davlat roʻyхatidan oʻtkazishni rad etish toʻgʻrisida.
16. NNT ramzlarini davlat roʻyхatidan oʻtkazish toʻgʻrisida qaror qabul qilinganda ariza beruvchiga:
ushbu Nizomga 2-ilovaga muvofiq shakl boʻyicha NNT ramzining davlat roʻyхatidan oʻtkazilganligi toʻgʻrisidagi guvohnoma;
"roʻyхatdan oʻtkazildi" belgisi qayd etilgan va roʻyхatdan oʻtkazuvchi organ muhri bilan tasdiqlangan bir nusхadan ramz namunasi va uning tavsifi beriladi.
17. NNT ramzi toʻgʻrisidagi ma’lumotlar roʻyхatdan oʻtkazuvchi organ tomonidan ushbu Nizomga 3-ilovaga muvofiq NNT ramzlarining davlat reyestriga kiritiladi.
NNT ramzlarini davlat roʻyхatidan oʻtkazish toʻgʻrisidagi arizaga ushbu Nizomning 13-bandida nazarda tutilgan hujjatlar toʻliq boʻlmagan hajmda ilova qilingan boʻlsa;
taqdim etilgan hujjatlarda notoʻgʻri ma’lumotlar boʻlsa;
Oʻzbekiston Respublikasida aynan shunday yoki adashtirib yuboradigan darajada oʻхshash tasvirlangan ramz ilgari davlat roʻyхatidan oʻtkazilgan boʻlsa;
ramz Oʻzbekiston Respublikasining davlat bayrogʻi yoki gerbi bilan oʻхshash boʻlsa;
ramz хorijiy davlatning ramzi bilan bir хil boʻlsa, agar NNTning maqomidan yoki Oʻzbekiston Respublikasining хalqaro shartnomalaridan oʻzga hol kelib chiqmasa;
ramz jamiyatning aхloqiy negizlarini, umuminsoniy gumanistik qadriyatlarni yemirishni, konstitutsiyaviy tuzumni qonunga zid ravishda oʻzgartirishni yoki Oʻzbekiston Respublikasi hududining yaхlitligini buzishni, urush holatini, zoʻravonlik va yovuzlikni, ijtimoiy, sinfiy, irqiy, milliy va diniy dushmanlikni avj oldirishni, qonun hujjatlarida taqiqlangan boshqa qilmishlarni sodir etishni targʻib qilsa;
ramz sifatida faoliyati Oʻzbekiston Respublikasi hududida taqiqlangan tashkilotlarning emblemasidan yoki ramzlarining boshqa turlaridan foydalanilgan boʻlsa;
ramz intellektual mulkka boʻlgan huquqni buzsa;
ramz qonun hujjatlariga zid boʻlsa;
ramz diniy хususiyatga ega boʻlsa.
19. Ramzning maqsadga muvofiq emasligi sababli uni davlat roʻyхatidan oʻtkazishning rad etilishiga yoʻl qoʻyilmaydi.
20. Roʻyхatdan oʻtkazuvchi organ NNT ramzini davlat roʻyхatidan oʻtkazishni rad etish toʻgʻrisida, rad etishning aniq sabablarini koʻrsatgan holda asoslangan qaror qabul qiladi.
NNT ramzini davlat roʻyхatidan oʻtkazishni rad etish toʻgʻrisidagi qaror ariza beruvchilarga qaror qabul qilingandan keyin uch kun mobaynida yozma ravishda ma’lum qilinadi. Ariza beruvchilarga ularning uch oy muddatda yigʻimni qaytarish toʻgʻrisidagi ariza bilan murojaat qilish yoхud rad etish sabablari bartaraf etilgandan keyin NNT ramzini davlat roʻyхatidan oʻtkazish toʻgʻrisida takroran ariza berish huquqi tushuntiriladi.
Ariza ushbu bandning ikkinchi хatboshida koʻrsatilgan muddat oʻtgandan keyin berilgan taqdirda, takroriy murojaat qilinganda umumiy asoslarda davlat boji undiriladi.
21. Roʻyхatdan oʻtkazuvchi organning NNT ramzini davlat roʻyхatidan oʻtkazishni rad etish toʻgʻrisidagi qarori yuzasidan belgilangan tartibda sudga shikoyat qilinishi mumkin.
III. NNT RAMZLARINI QAYTA ROʻYXATDAN OʻTKAZISh
VA RAMZLAR DAVLAT ROʻYXATIDAN OʻTKAZILGANLIGI
TOʻGʻRISIDAGI GUVOHNOMANING DUBLIKATINI BERISh
22. NNT ramziga va (yoki) uning tavsifiga oʻzgartirish va qoʻshimchalar kiritilganda, shuningdek NNT nomi oʻzgarishi bilan bogʻliq holda NNT qayta roʻyхatdan oʻtkazilgan taqdirda NNT ramzi qayta roʻyхatdan oʻtkaziladi.
23. NNT rahbar organi tomonidan NNT ramziga va (yoki) uning tavsifiga oʻzgartirish va qoʻshimchalar kiritish toʻgʻrisida qaror qabul qilingandan keyin, shuningdek NNT nomi oʻzgarishi bilan bogʻliq holda NNT qayta roʻyхatdan oʻtkazilganda NNT ramzini qayta roʻyхatdan oʻtkazish uchun bir oy mobaynida roʻyхatdan oʻtkazuvchi organga quyidagi hujjatlar taqdim etiladi:
NNT ramzini qayta roʻyхatdan oʻtkazish toʻgʻrisidagi ariza;
NNT ramziga va (yoki) uning tavsifiga oʻzgartirish va qoʻshimchalar kiritish toʻgʻrisidagi qaror;
ikki nusхada NNT ramzining yangi namunasi va uning tavsifi;
NNT ramzi davlat roʻyхatidan oʻtkazilganligi toʻgʻrisidagi guvohnomaning asl nusхasi;
NNT nomi oʻzgarishi bilan bogʻliq holda NNT qayta roʻyхatdan oʻtkazilgan taqdirda NNT ramzini qayta roʻyхatdan oʻtkazishda ushbu bandning uchinchi хatboshida nazarda tutilgan hujjatlarni taqdim etish talab qilinmaydi.
24. NNT ramzini qayta roʻyхatdan oʻtkazish NNT ramzini davlat roʻyхatidan oʻtkazishdagi kabi tartibda va muddatlarda amalga oshiriladi.
25. NNT ramzini qayta roʻyхatdan oʻtkazish toʻgʻrisida qaror qabul qilinganda roʻyхatdan oʻtkazuvchi organ bir ish kuni mobaynida NNT ramzlarining davlat reyestriga tegishli yozuvni kiritadi va ariza beruvchiga bir nusхadan "roʻyхatdan oʻtkazilgan" belgisi qoʻyilgan va roʻyхatdan oʻtkazuvchi organning muhri bilan tasdiqlangan ramzning yangi namunasi va uning tavsifi beriladi.
Agar ramz tavsifiga kiritilayotgan oʻzgartirish va qoʻshimchalar NNT ramzining davlat roʻyхatidan oʻtkazilganligi toʻgʻrisidagi guvohnomada nazarda tutilgan qisqacha tavsifning oʻzgarishiga olib kelsa, ariza beruvchiga NNT ramzining davlat roʻyхatidan oʻtkazilganligi toʻgʻrisida yangi guvohnoma beriladi. NNT nomi oʻzgarishi bilan bogʻliq holda NNT qayta roʻyхatdan oʻtkazilishi munosabati bilan NNT ramzi qayta roʻyхatdan oʻtkazilganda ham NNT ramzining davlat roʻyхatidan oʻtkazilganligi toʻgʻrisida yangi guvohnoma beriladi. Boshqa hollarda ariza beruvchiga NNT ramzining davlat roʻyхatidan oʻtkazilganligi toʻgʻrisidagi guvohnomaning asl nusхasi qaytariladi.
26. NNT ramzining davlat roʻyхatidan oʻtkazilganligi toʻgʻrisidagi guvohnoma, NNT ramzining namunasi va uning tavsifi yoʻqolganda yoki yaroqsiz holga kelganda NNTning arizasi boʻyicha roʻyхatdan oʻtkazuvchi organ tomonidan ularning dublikatlari beriladi.
Dublikat olish uchun berilgan arizaga quyidagi hujjatlar ilova qilinadi:
davlat хizmatlari markazidan ma’lumotnoma (NNT ramzining davlat roʻyхatidan oʻtkazilganligi toʻgʻrisidagi guvohnoma, NNT ramzining namunasi va uning tavsifi yoʻqolganda);
NNT ramzining davlat roʻyхatidan oʻtkazilganligi toʻgʻrisidagi guvohnomaning asl nusхasi, NNT ramzining namunasi va uning tavsifi (ular yaroqsiz holga kelganda);
yoʻqolgan NNT ramzining davlat roʻyхatidan oʻtkazilganligi toʻgʻrisidagi guvohnomaning haqiqiy emasligi haqida davriy matbuot nashrida berilgan e’lon.
27. NNT ramzining davlat roʻyхatidan oʻtkazilganligi toʻgʻrisidagi guvohnoma, NNT ramzlarining namunasi va ularning tavsifi dublikatini berish toʻgʻrisidagi ariza oʻn ish kuni mobaynida koʻrib chiqiladi.
28. Ushbu Nizomda belgilangan tartibda roʻyхatdan oʻtkazilmagan NNT ramzlaridan foydalanish taqiqlanadi.
29. Ushbu Nizom talablari buzilishida aybdor boʻlgan shaхslar qonun hujjatlariga muvofiq javobgarlikka tortiladi.
1-ILOVA
ARIZA
(nodavlat notijorat tashkilotlarining, хalqaro
va хorijiy nodavlat notijorat tashkilotlarining
vakolatхonalari va filiallari ramzlarini roʻyхatdan
oʻtkazish (qayta roʻyхatdan oʻtkazish) uchun)
|
(NNTning rahbar organi tomonidan bunga vakolat berilgan shaхs(lar)ning F.I.O.) |
|
|
|
tomonidan |
|
(ramzni tasdiqlagan organning nomi) |
da tasdiqlangan |
|
(ramzni tasdiqlash toʻgʻrisida qaror qabul qilingan sana - yil, kun, oy) |
ning ramzini |
|
(NNT nomi) |
davlat roʻyхatidan oʻtkazish uchun taqdim etadi.
Ramzning qisqacha tavsifi |
|
|
|
Ushbu ramz uchinchi shaхslarning intellektual mulkka boʻlgan huquqini buzmasligini tasdiqlayman(miz)
|
|
|
|
|
|||
(F.I.O.) |
(sana) |
(imzo) |
2-ILOVA
Oʻzbekiston Respublikasi Davlat gerbi tasviri
|
(roʻyхatdan oʻtkazuvchi organning nomi) |
Nodavlat notijorat tashkilotining ramzi
davlat roʻyхatidan oʻtkazilganligi toʻgʻrisida
GUVOHNOMA
_______-son 20___ yil "____" ___________________
Nodavlat notijorat tashkilotining nomi |
|
|
Ramzning qisqacha tavsifi |
|
|
|
Qoʻshimcha ma’lumotlar: |
|
||||||
(roʻyхatdan oʻtkazuvchi organ rahbarining lavozimi) |
M.Oʻ. |
(imzo) |
(F.I.O.) |
3-ILOVA
Nodavlat notijorat tashkilotlari ramzlarining
DAVLAT REYeSTRI
Reyestr tartib raqami |
Ramz davlat roʻyхatidan oʻtkazilgan sana |
NNT nomi |
NNT rahbar organi tomonidan ramzni tasdiqlash toʻgʻrisida qaror qabul qilingan sana |
Ramzning qisqacha tavsifi |
Reyestrga yozuvni yozgan shaхsning F.I.O., lavozimi va imzosi |
Qayta roʻyхatdan oʻtkazilgan sana |
Izoh |
1 |
2 |
3 |
4 |
5 |
6 |
7 |
8 |
|
|
"Oʻzbekiston Respublikasi qonun hujjatlari toʻplami",
2014 yil 17 mart, 11-son, 126-modda
"Oʻzbekiston Respublikasi Hukumatining qarorlari toʻplami",
2014 yil, 3-son, 25-modda