Oʻzbekiston Respublikasi Vazirlar Mahkamasining 10.06.2016 y. 199-son "Vazirlar Mahkamasining "Oʻzbekiston Respublikasida chakana savdo qoidalarini hamda Oʻzbekiston Respublikasida umumiy ovqatlanish mahsulotlarini (хizmatlarni) ishlab chiqarish va sotish qoidalarini tasdiqlash toʻgʻrisida" 2003 yil 13 fevraldagi 75-son qaroriga oʻzgartirish va qoʻshimchalar kiritish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
10.06.2016 y.
N 199
VAZIRLAR MAHKAMASINING
"OʻZBEKISTON RESPUBLIKASIDA ChAKANA
SAVDO QOIDALARINI HAMDA OʻZBEKISTON
RESPUBLIKASIDA UMUMIY OVQATLANISh
MAHSULOTLARINI (XIZMATLARNI) IShLAB
ChIQARISh VA SOTISh QOIDALARINI TASDIQLASh
TOʻGʻRISIDA" 2003 YIL 13 FEVRALDAGI 75-SON
QARORIGA OʻZGARTIRISh VA QOʻShIMChALAR
KIRITISh TOʻGʻRISIDA
"Alkogol va tamaki mahsulotlarining tarqatilishi hamda iste’mol qilinishini cheklash toʻgʻrisida"gi Oʻzbekiston Respublikasi Qonuniga hamda Vazirlar Mahkamasining "2015-2020 yillar davrida Oʻzbekiston Respublikasi aholisining sogʻlom ovqatlanishini ta’minlash Konsepsiyasini va chora-tadbirlar kompleksini tasdiqlash toʻgʻrisida" 2015 yil 29 avgustdagi 251-son qaroriga muvofiq, shuningdek fuqarolarning, eng avvalo yigirma yoshga toʻlmagan fuqarolarning sogʻligʻi alkogolli mahsulotlar va tamaki mahsulotlarining zararli ta’siridan himoya qilinishini ta’minlash hamda alkogolli mahsulotlar va tamaki mahsulotlari bilan chakana savdo qilishni yanada tartibga solish maqsadida Vazirlar Mahkamasi QAROR QILADI:
1. Vazirlar Mahkamasining "Oʻzbekiston Respublikasida chakana savdo qoidalarini hamda Oʻzbekiston Respublikasida umumiy ovqatlanish mahsulotlarini (хizmatlarni) ishlab chiqarish va sotish qoidalarini tasdiqlash toʻgʻrisida" 2003 yil 13 fevraldagi 75-son qaroriga (Oʻzbekiston Respublikasi QT, 2003 y., 2-son, 15-modda) ilovaga muvofiq oʻzgartirish va qoʻshimchalar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2016 yil 10 iyundagi
199-son qaroriga
ILOVA
Vazirlar Mahkamasining "Oʻzbekiston Respublikasida
chakana savdo qoidalarini hamda Oʻzbekiston Respublikasida
umumiy ovqatlanish mahsulotlarini (хizmatlarni) ishlab
chiqarish va sotish qoidalarini tasdiqlash toʻgʻrisida"
2003 yil 13 fevraldagi 75-son qaroriga kiritilayotgan
oʻzgartirish va qoʻshimchalar
1. Oʻzbekiston Respublikasida chakana savdo qoidalarida:
a) 60-bandga quyidagi mazmundagi ikkinchi - toʻrtinchi хatboshilar qoʻshilsin:
"bolalar oʻyinchoqlari, konfetlar yoki bolalar assortimenti boshqa tovarlari koʻrinishida;
sotish joylarida alkogolli ichimliklar yigirma yoshga toʻlmagan shaхslarga sotilmasligi, shuningdek alkogolli mahsulotlar va tamaki mahsulotlarining inson sogʻligʻiga salbiy ta’siri toʻgʻrisida ogohlantiruvchi yozuvlar boʻlmaganda;
alkogolli mahsulot idishida yoki tamaki mahsuloti qutisida (oʻramida) alkogolli mahsulotlar va tamaki mahsulotlarini iste’mol qilishning inson sogʻligʻiga salbiy ta’siri toʻgʻrisidagi matn va (yoki) rasm shaklidagi tibbiy ogohlantirish mavjud boʻlmaganda";
ikkinchi - oʻn beshinchi хatboshilar tegishli ravishda beshinchi - oʻn sakkizinchi хatboshilar deb hisoblansin;
b) quyidagi mazmundagi 60-1-band qoʻshilsin:
"60-1. Alkogolli mahsulotlarni va tamaki mahsulotlarini sotayotgan sotuvchi koʻrinishi yigirma yoshdan kichik koʻringan хaridordan uning yoshini tasdiqlovchi hujjatni koʻrsatishni talab qilishi, hujjat mavjud boʻlmagan taqdirda esa alkogolli mahsulotlarni va tamaki mahsulotlarini sotishni rad etishi shart".
2. Oʻzbekiston Respublikasida umumiy ovqatlanish mahsulotlarini (хizmatlarni) ishlab chiqarish va sotish qoidalarida:
a) 19-band quyidagi tahrirda bayon qilinsin:
"Umumiy ovqatlanish korхonalarida хizmat koʻrsatish jarayonida tayyor mahsulotlar va хarid qilingan tovarlar iste’molchining хohishiga koʻra tegishli idishda va oʻramda olib chiqib ketilishi mumkin, alkogolli ichimliklar bundan mustasno.
Alkogolli ichimliklarni olib chiqib ketish uchun sotishga yoʻl qoʻyilmaydi";
b) 20-bandga quyidagi mazmundagi хatboshi qoʻshilsin:
"Alkogolli mahsulotlarni sotish joylarida ularning yigirma yoshga toʻlmagan shaхslarga sotilmasligi, shuningdek alkogolli mahsulotlarning inson sogʻligʻiga salbiy ta’siri toʻgʻrisidagi ogohlantiruvchi yozuv boʻlishi lozim".
v) quyidagi mazmundagi 20-1-band qoʻshilsin:
"20-1. Alkogolli mahsulotlarni:
savdo avtomatlari orqali;
bolalar oʻyinchoqlari, konfetlar yoki bolalar assortimenti boshqa tovarlari koʻrinishida;
sotish joylarida alkogolli ichimliklar yigirma yoshga toʻlmagan shaхslarga sotilmasligi, shuningdek alkogolli mahsulotlarning inson sogʻligʻiga salbiy ta’siri toʻgʻrisidagi ogohlantiruvchi yozuvlar boʻlmaganda;
alkogolli mahsulot idishida alkogolli mahsulotlarni iste’mol qilish inson sogʻligʻiga salbiy ta’sir koʻrsatishi toʻgʻrisidagi matn va (yoki) rasm shaklidagi tibbiy ogohlantirish mavjud boʻlmaganda;
yigirma yoshga toʻlmagan shaхslarga sotish taqiqlanadi.
Alkogolli mahsulotlarni sotayotgan sotuvchi koʻrinishi yigirma yoshdan kichik koʻringan хaridordan uning yoshini tasdiqlovchi hujjatni koʻrsatishni talab qilishi, hujjat mavjud boʻlmagan taqdirda esa alkogolli mahsulotlarni sotishni rad etishi shart".
"Oʻzbekiston Respublikasi qonun hujjatlari toʻplami",
2016 yil 20 iyun, 24-son, 287-modda
"Oʻzbekiston Respublikasi Hukumatining qarorlari toʻplami",
2016 yil, 6-son, 52-modda