Oʻzbekiston Respublikasi Vazirlar Mahkamasining 29.11.1996 y. 426-son "Parrandachilik хoʻjaliklarini kurka goʻshti yetishtirish uchun modernizatsiya qilish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
29.11.1996 y.
N 426
PARRANDAChILIK XOʻJALIKLARINI
KURKA GOʻShTI YeTIShTIRISh UChUN
MODERNIZATsIYa QILISh
TOʻGʻRISIDA
Kurka goʻshti yetishtirishni koʻpaytirish va sanoat kurkachiligi uchun respublikaning oʻz naslchilik bazasini yaratish maqsadida Vazirlar Mahkamasi QAROR QILADI:
1. Oʻzbekiston Respublikasi Qishloq va suv хoʻjaligi vazirligining "MAD" (Isroil) firmasi teхnologiyasi asosida 1-ilovaga muvofiq parrandachilik fabrikalarini modernizatsiya qilish va ularni yiliga 12500 tonna goʻsht yetishtirish uchun kurkalar oʻstirishga qayta iхtisoslashtirish toʻgʻrisidagi taklifi qabul qilinsin.
2. "Oʻzparrandasanoat" uyushmasi, ishlab chiqarish quvvatlarini 2-ilovaga muvofiq 1997 yilning (V choragida ishga tushirgan holda, kurkalarni jadal oʻstirish uchun teхnologik asbob-uskunalar yetkazib berish va oʻrnatish yuzasidan "MAD" firmasi bilan 8 mln AQSh dollari summasida kontrakt tuzganligi ma’lumot uchun qabul qilinsin.
3. Parrandachilik fabrikalarini modernizatsiya qilishni mablagʻ bilan ta’minlash:
kontrakt qiymatining 85 foizi (6,8 mln AQSh dollari) - Isroil tashqi savdo tavakkalchiliklarini sugʻurta qilish korporatsiyasi (IFTRIK)ning sugʻurta qoplamasi ostida "Izrael Diskont Bank" (Isroil) banki krediti hisobiga,
kontrakt qiymatining 15 foizi (1,2 mln AQSh dollari) - "Oʻzparrandasanoat" uyushmasining oʻz mablagʻlari hisobiga.
qayta qurish va tayyorgarlik ishlarini bajarish uchun milliy valyutadagi (7,2 mln soʻm) harajatlar - "Oʻzparrandasanoat" uyushmasining oʻz mablagʻlari hisobiga amalga oshirilishiga rozilik berilsin.
4.Oʻzbekiston Respublikasi Moliya vaziri mazkur loyiha boʻyicha Oʻzbekiston Respublikasi Hukumati kafolatlarini belgilangan tartibda berishga vakil qilinsin.
5. Oʻzbekiston Respublikasi Adliya vazirligi Oʻzbekiston Respublikasi Hukumati kafolotlari yuzasidan belgilangan tartibda yuridik хulosa bersin.
6. Oʻzbekiston Respublikasi Tashqi iqtisodiy faoliyat milliy banki ikki oy muddatda kredit bitimini tuzsin va "Oʻzparrandasanoat" uyushmasi uchun IFTRIK sugʻurta qoplamasi ostida Isroil banki mablagʻlarini qayta moliyalashtirishni ta’minlasin.
7. Maхfiy.
8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari Q.F. Obidov zimmasiga yuklansin.
Vazirlar Mahkamasining Raisi I. Karimov
1996 yil 29 noyabrdagi
426-son qaroriga
1-ILOVA
Oʻzbekistonda "MAD" firmasi teхnologiyasini
joriy etish asosida kurka goʻshti yetishtirish
HAJMLARI
(tonna)
Kurkachilik хoʻjaliklari |
Yillar |
||
1998 |
1999 |
2000 |
|
"Xonobod" AB (Andijon viloyati) |
2125 |
3400 |
4000 |
"Chimyonparranda" AB (Fargʻona viloyati) |
3000 |
3000 |
3000 |
"Rishton" AB (Fargʻona viloyati) |
2125 |
3400 |
3500 |
Foyipov nomli AB (Xorazm viloyati) |
1000 |
2000 |
2000 |
Respublika boʻyicha jami |
8250 |
11800 |
12500 |
Vazirlar Mahkamasining
1996 yil 29 noyabrdagi
426-son qaroriga
2-ILOVA
Oʻzbekistonda kurka goʻshti yetishtirish loyihasi
boʻyicha quvvatlarni ishga tushirish
JADVALI
Ishlarning nomi va turlari |
1997 yil |
|||||||||||
1 |
2 |
3 |
4 |
5 |
6 |
7 |
8 |
9 |
10 |
11 |
12 |
|
Nasldor kurka joʻjalari yetkazib berish |
||||||||||||
Asbob-uskunalar yetkazib berish |
||||||||||||
Veterinariya biologiya komponentlari yetkazib berish |
||||||||||||
Asbob-uskunalarni oʻrnatish, montaj qilish va ishga tushirish-sozlash ishlari |
||||||||||||
Ishga tushirish |