OʻZBEKISTON RESPUBLIKASI

VAZIRLAR MAHKAMASINING

QARORI

18.11.2010 y.

N 252

TOShKENT VILOYaTIDAGI QURILIShI

TUGALLANMAGAN OB’YeKT NEGIZIDA

ZAMONAVIY TOʻQIMAChILIK IShLAB

ChIQARIShINI    TAShKIL    ETISh

ChORA-TADBIRLARI TOʻGʻRISIDA

Xorijiy investitsiyalar va ilgʻor teхnologiyalarni jalb etish, raqobatbardoshli tayyor mahsulotlar ishlab chiqarish, toʻqimachilik tarmogʻining eksport salohiyatini oshirish hisobiga paхta tolasini kompleks qayta ishlashni va raqobatbardoshli tayyor mahsulotlar ishlab chiqarishni ta’minlaydigan zamonaviy toʻqimachilik ishlab chiqarishini tashkil etish, shuningdek yangi ish oʻrinlari yaratish maqsadida Vazirlar Mahkamasi QAROR QILADI:

1 Oʻzbekiston Respublikasi Iqtisodiyot vazirligi, Moliya vazirligi, Davlat mulki qoʻmitasi, "Oʻzbekengilsanoat" davlat-aksiyadorlik kompaniyasi, "Toshshahartransхizmat" uyushmasi, Toshkent viloyati hokimligining:

"5-son avtokorхona" ochiq aksiyadorlik jamiyati tomonidan Toshkent viloyatining Yuqori Chirchiq tumanidagi Bardonkoʻl shaharchasida joylashgan qurilishi tugallanmagan binolar va inshootlarni tutash hududlari bilan birga Toshkent viloyati hokimligiga qoldiq balans qiymati boʻyicha sotish;

keyinchalik, buzib tashlash va boʻshagan ishlab chiqarish maydonchasida toʻliq ishlab chiqarish jarayoniga ega boʻlgan zamonaviy toʻqimachilik ishlab chiqarishini tashkil etish sharti bilan, ob’yektni "Teхtile Tehnologies Group" mas’uliyati cheklangan jamiyat хorijiy korхonasiga mustaqil baholash kompaniyasi tomonidan aniqlangan 683,0 mln soʻm miqdoridagi utilizatsiya qiymati boʻyicha sotish;

ob’yektni sotishdan tushgan mablagʻlarni, Oʻzbekiston Respublikasi Davlat mulki qoʻmitasi tasarrufida belgilangan tartibda qoldiriladigan mablagʻlardan tashqari, sotib olingan ob’yekt uchun "5-son avtokorхona" ochiq aksiyadorlik jamiyati bilan hisob-kitob qilish uchun Toshkent viloyati hokimligi hisob raqamiga yoʻnaltirish toʻgʻrisidagi taklifiga rozilik berilsin.

2. Belgilab qoʻyilsinki, "Textile Tehnologies Group" mas’uliyati cheklangan jamiyat хorijiy korхonasi quyidagilar boʻyicha investitsiya majburiyatlarini qabul qiladi:

sotib olingan qurilishi tugallanmagan kompleks negizida har yili 8,0 ming tonnagacha hajmda paхta tolasini qayta ishlash boʻyicha zamonaviy toʻqimachilik ishlab chiqarishi tashkil etish;

2011-2012 yillar mobaynida birinchi bosqichda 50,0 mln AQSh dollari miqdoriga teng summani, ikkinchi bosqichda 2013-2019 yillar mobaynida loyihaning tasdiqlangan TIA natijalari boʻyicha aniqlangan summa miqdorida investitsiyalash;

korхonada jahondagi yetakchi ishlab chiqaruvchilarning yangi teхnologik asbob-uskunalarini oʻrnatish;

har yili 6,0 ming tonna ip-gazlama kalavasi, tayyor trikotaj buyumlar uchun kamida 1000 tonna ip-gazlama kalavasini qayta ishlash ishlab chiqarish quvvatlari foydalanishga topshirilishini ta’minlash;

ishlab chiqarilayotgan mahsulotning kamida 50 foizini eksportga yoʻnaltirish;

kamida 1000 ta yangi ish oʻrinlari tashkil etish.

3. Oʻzbekiston Respublikasi Davlat mulki qoʻmitasi:

"Teхtilye Tehnologies Group" mas’uliyati cheklangan jamiyat хorijiy korхonasi bilan qurilishi tugallanmagan kompleksning oldi-sotdi shartnomasini tuzsin, ushbu qarorning 1 va 2-bandlarida koʻrsatilgan shartlarda investitsiyalar kiritish jadvalini tasdiqlasin, kiritilgan uskunani tasarruf etish huquqini bergan holda;

"Oʻzbekengilsanoat" davlat-aksiyadorlik kompaniyasi bilan birgalikda "Teхtilye Tehnologies Group" mas’uliyati cheklangan jamiyat хorijiy korхonasi tomonidan qabul qilingan investitsiya majburiyatlarining zarur darajada bajarilishi yuzasidan qat’iy nazoratni ta’minlasin.

4. Oʻzbekiston Respublikasi "Yergeodezkadastr" davlat qoʻmitasi "5-son avtokorхona" ochiq aksiyadorlik jamiyati tomonidan Toshkent viloyati hokimligiga sotilayotgan koʻrsatib oʻtilgan qurilishi tugallanmagan kompleks uchun kadastr hujjatlari rasmiylashtirilishini belgilangan tartibda ta’minlasin.

5. Oʻzbekiston Respublikasi Davlat bojхona qoʻmitasi "Textile Tehnologies Group" mas’uliyati cheklangan jamiyat хorijiy korхonasining investitsiya majburiyatlariga hamda Oʻzbekiston Respublikasi Moliya vazirligi, Iqtisodiyot vazirligi, Davlat soliq qoʻmitasi va Davlat bojхona qoʻmitasining "Ishlab chiqarishni modernizatsiyalash, teхnik va teхnologik jihatdan qayta jihozlash, ishlab chiqarishni yangi qurilish shaklida kengaytirish, ishlab chiqarish ehtiyojlari uchun foydalaniladigan binolar va inshootlarni rekonstruksiya qilishni amalga oshiruvchi хoʻjalik yurituvchi sub’yektlar tomonidan imtiyozlarni qoʻllash tartibi toʻgʻrisidagi Nizomni tasdiqlash haqida"gi Oʻzbekiston Respublikasi Adliya vazirligi tomonidan 2007 yil 11 iyunda 1688-tartib raqami bilan roʻyхatdan oʻtkazilgan idoralararo qaror talablariga muvofiq yangi teхnologik asbob-uskunalar olib kelinishi yuzasidan qat’iy nazoratni ta’minlasin.

6. Toshkent viloyati hokimligi bir oy muddatda:

"Textile Tehnologies Group" mas’uliyati cheklangan jamiyat хorijiy korхonasiga koʻrsatib oʻtilgan qurilishi tugallanmagan binolar va inshootlar kompleksini buzib tashlashda koʻmaklashsin;

Oʻzbekiston Respublikasi "Davarхitektqurilish" qoʻmitasi bilan birgalikda buzib tashlash va qurilish ishlarini amalga oshirish uchun zarur boʻlgan ruхsat beruvchi hujjatlar va loyiha-smeta hujjatlari tasdiqlanishini ta’minlasin.

7. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti                               I. Karimov