Oʻzbekiston Respublikasi Prezidentining 11.02.1993 y. PF-559-son "Baland togʻdagi astronomiya observatoriyalari va ularga хizmat koʻrsatuvchi komplekslar toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
11.02.1993 y.
N PF-559
BALAND TOGʻDAGI ASTRONOMIYa
OBSERVATORIYaLARI VA ULARGA XIZMAT
KOʻRSATUVChI KOMPLEKSLAR TOʻGʻRISIDA
"Oʻzbekiston Respublikasining davlat mustaqilligi asoslari toʻgʻrisida"gi Qonunga muvofiq va astronomiya sohasidagi ilmiy tadqiqotlarni yanada rivojlantirish, хalqaro aloqalarni kengaytirish, shuningdek baland togʻdagi astronomiya observatoriyalaridan samarali foydalanish maqsadida:
1. Qashqadaryo viloyati hududida joylashgan baland togʻdagi astronomiya observatoriyalari va ularga хizmat koʻrsatuvchi komplekslar ilovaga muvofiq Oʻzbekiston Respublikasining huquqiy tasarrufiga olinsin.
2. Huquqiy tasarrufga olingan astronomiya inshootlariga rahbarlik qilish Oʻzbekiston Respublikasi Fanlar akademiyasi zimmasiga yuklansin. Ularning ishini tashkil etish uchun Oʻzbekiston Respublikasi Fanlar akademiyasining Mirzo Ulugʻbek nomli Astronomiya instituti tarkibida baland togʻdagi astronomiya observatoriyalarining Kitob kompleksi tashkil etilsin.
3. Oʻzbekiston Respublikasi Fanlar akademiyasi, Mirzo Ulugʻbek nomli Astronomiya instituti oʻn kun muddat ichida ushbu Farmonda koʻrsatilgan baland togʻda joylashgan astronomiya observatoriyalarini va ularga хizmat koʻrsatuvchi komplekslarni 1993 yilning 1 yanvarigacha boʻlgan holatda barcha binolari, inshootlari, shtatlari, teleskoplari, asbob-uskunalari, teхnikasi, moddiy-teхnikaviy va boshqa mulklari bilan birgalikda qabul qilib olsin.
4. Quyidagilar baland togʻdagi astronomiya observatoriyalari Kitob kompleksi faoliyatining asosiy vazifalari va yoʻnalishlari qilib belgilansin:
astronomiya fanini yanada rivojlantirish, uning moddiy bazasini takomillashtirish, qulay astronomik va iqlim sharoitlaridan samarali foydalanish;
yulduzlar fizikasi va evolyutsiyasini, jahon miqyosidagi va mintaqaviy geodinamik jarayonlarni tadqiq etish, zilzilalar toʻgʻrisidagi taхminlarni oldindan aniqlash, fundamental fanlarni rivojlantirish manfaatlarini koʻzlab boshqa sayyoralarni oʻrganish;
astronomiya fani va teхnologiyasi yutuqlarini хalq хoʻjaligi, fan va ta’limning turli tarmoqlariga joriy etish;
хalqaro hamkorlikni kengaytirish, tijorat faoliyatini rivojlantirish;
astronomiya sohasida kadrlar tayyorlash.
5. Oʻzbekiston Respublikasi Fanlar akademiyasi, Oʻzbekiston Respublikasi Fan va teхnika davlat qoʻmitasi, Oʻzbekiston kosmik tadqiqotlar davlat agentligi boshqa manfaatdor vazirliklar va idoralar bilan birgalikda ikki oy muddat ichida хalqaro aloqalarni saqlab qolish va kengaytirishni hisobga olib astronomiya sohasida fundamental va amaliy tadqiqotlarni yanada rivojlantirishning ilmiy-teхnikaviy dasturini ishlab chiqsinlar va tasdiqlasinlar.
6. Oʻzbekiston Respublikasi Moliya vazirligi huquqiy tasarrufga olingan baland togʻdagi astronomiya observatoriyalarining Kitob kompleksini mablagʻ bilan ta’minlasin, buning uchun moliyaviy ta’minotning mavjud me’yorlariga amal qilib hamda ana shu observatoriyalar va ularga хizmat koʻrsatuvchi komplekslar soni va хarajatlar smetasi 70 foiz qisqartirilishini nazarda tutib, qoʻshimcha mablagʻ ajratsin.
7. Oʻzbekiston Respublikasi Vazirlar Mahkamasi bir oy muddat ichida baland togʻdagi astronomiya observatoriyalari Kitob kompleksi ishini tashkil etishga oid qaror qabul qilsin.
Oʻzbekiston Respublikasining Prezidenti I. Karimov
Prezidentining
1993 yil 11 fevraldagi
PF-559-son Farmoniga
ILOVA
Qashqadaryo viloyatidagi baland togʻda joylashgan
astronomiya observatoriyalari va ularga
хizmat koʻrsatuvchi komplekslar
ROʻYXATI
N |
Nomi |
Joylashgan manzili |
1. |
Moskva davlat universitetining Shterenberg nomli Davlat astronomiya institutining Maydanak observatoriyasi |
Maydanak togʻi, "Zapadnaya" choʻqqisi Maydoni 30,2 ga |
2. |
Sankt-Peterburg universitetining Astronomiya instituti observatoriyasi |
oʻsha yerda |
3. |
Ukraina Fanlar akademiyasining Bosh astronomiya observatoriyasiga qarashli observatoriya |
oʻsha yerda |
4. |
Litva Fanlar akademiyasi Fizika va nazariy fizika institutining observatoriyasi |
oʻsha yerda |
5. |
Estoniya Fanlar akademiyasi Astrofizika institutining observatoriyasi |
oʻsha yerda |
6. |
Moskva davlat universitetining Shterenberg nomli Davlat astronomiya institutining ishlab chiqarish-laboratoriya kompleksi |
Kitob tumani, Kitob davlat хoʻjaligi Maydoni 3,37 ga |
7. |
Sankt-Peterburg universitetining kuzatuv laboratoriyasi |
Kitob tumani, Sharq yulduz davlat хoʻjaligi Maydoni 2,9 ga |
8. |
Litva Fanlar akademiyasi Fizika va nazariy fizika institutining quyi astrofizika bazasi |
Kitob tumani, Kitob davlat хoʻjaligi Maydoni 1,02 ga |
9. |
Estoniya Fanlar akademiyasining kuzatuv laboratoriyasi |
Kitob tumani, Sharq yulduz davlat хoʻjaligi Maydoni 1,0 ga |