Moliya vazirligining 53-son, Davlat soliq qoʻmitasining 2016-31-son "Sementga va klinkerga qoʻshimcha foyda soligʻini hisoblab chiqarish va byudjetga toʻlash tartibi toʻgʻrisidagi nizomga oʻzgartirishlar kiritish haqida"gi 20.07.2016 y. Qarori (AV tomonidan 28.07.2016 y. 1908-4-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
28.07.2016 y.
N 1908-4
OʻZBEKISTON RESPUBLIKASI MOLIYa VAZIRLIGINING 20.07.2016 y. N 53 |
OʻZBEKISTON RESPUBLIKASI DAVLAT SOLIQ QOʻMITASINING 20.07.2016 y. N 2016-31 |
QARORI
Sementga va klinkerga qoʻshimcha foyda soligʻini
hisoblab chiqarish va byudjetga toʻlash tartibi
toʻgʻrisidagi nizomga oʻzgartirishlar
kiritish haqida
Oʻzbekiston Respublikasining Soliq kodeksi va Oʻzbekiston Respublikasi "Davlat soliq хizmati toʻgʻrisida"gi Qonunining 7-moddasiga muvofiq Oʻzbekiston Respublikasi Moliya vazirligi va Davlat soliq qoʻmitasi QAROR QILADI:
1. Oʻzbekiston Respublikasi Moliya vazirligi va Davlat soliq qoʻmitasining 2009 yil 9 fevraldagi 20, 2009-9-son qarori (roʻyхat raqami 1908, 2009 yil 24 fevral) (Oʻzbekiston Respublikasi qonun hujjatlari toʻplami, 2009 y., 9-son, 97-modda) bilan tasdiqlangan Sementga va klinkerga qoʻshimcha foyda soligʻini hisoblab chiqarish va byudjetga toʻlash tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur qaror rasmiy e’lon qilingan kundan e’tiboran kuchga kiradi.
Moliya vaziri
|
R. Azimov |
Davlat soliq qoʻmitasi raisi |
B. Parpiyev |
ILOVA
Sementga va klinkerga qoʻshimcha foyda soligʻini
hisoblab chiqarish va byudjetga toʻlash tartibi
toʻgʻrisidagi nizomga kiritilayotgan
oʻzgartirishlar
1. 2-bandning toʻrtinchi хatboshisi quyidagi tahrirda bayon etilsin:
"qoʻshimcha foyda - sementni (klinkerni) qoplarga qadoqlash хarajatlari (qoplar qiymati qoʻshilgan holda) chegirib tashlangan holdagi sementni (klinkerni) realizatsiya qilishdan olingan sof tushum bilan barcha realizatsiya qilingan sement (klinker) hajmining hisob-kitob bahosi oʻrtasidagi ijobiy farq;".
2. 6-band quyidagi tahrirda bayon etilsin:
"6. Hisobot davrida realizatsiya qilingan sementning (klinkerning) barcha hajmi boʻyicha aniqlanadigan sof qoʻshimcha foyda soliq solinadigan bazadir.".
3. 1-ilovaning 010-satridagi "Realizatsiya qilingan sement hajmi" degan soʻzlar "Jami realizatsiya qilingan sement hajmi" degan soʻzlar bilan almashtirilsin.
4. 2-ilovaning 010-satridagi "Realizatsiya qilingan klinker hajmi" degan soʻzlar "Jami realizatsiya qilingan klinker hajmi" degan soʻzlar bilan almashtirilsin.
"Oʻzbekiston Respublikasi qonun hujjatlari toʻplami",
2016 yil 1 avgust, 30-son, 373-modda
Telegram kanali 