Oʻzbekiston Respublikasi va Finlyandiya Respublikasi oʻrtasida 1998 yil 9 apreldagi ikkiyoqlama soliq solinishining oldini olish hamda daromad soliqlarini toʻlashdan bosh tortishni bartaraf qilish toʻgʻrisidagi bitimga oʻzgartirishlar kiritish toʻgʻrisida Bayonnoma (Xelsinki, 2016 yil 8 mart, OʻzR Prezidentining 11.05.2016 y. PQ-2528-sonli qarori bilan tasdiqlangan)
Ўзбекистон Республикаси ва Финляндия Республикаси
ўртасида 1998 йил 9 апрелдаги иккиёқлама солиқ солинишининг
олдини олиш ҳамда даромад солиқларини тўлашдан бош
тортишни бартараф қилиш тўғрисидаги Битимга
ўзгартиришлар киритиш тўғрисида
БАЁННОМА
Ўзбекистон Республикаси Ҳукумати ва Финляндия Республикаси Ҳукумати,
Ўзбекистон Республикаси ва Финляндия Республикаси ўртасида иккиёқлама солиқ солинишиниг олдини олиш ҳамда даромад солиқларини тўлашдан бош тортишни бартараф қилиш тўғрисидаги 1998 йил 9 апрелда имзоланган Битимга (кейинги ўринларда "Битим" деб номланади) ўзгартиришлар киритиш истагида,
қуйидагилар тўғрисида келишиб олдилар:
1-модда
Битимнинг 25-моддаси қуйидаги таҳрирда баён этилсин:
"1. Аҳдлашувчи Давлатларнинг ваколатли органлари мазкур Битим қоидаларини амалга ошириш ёки Аҳдлашувчи Давлат ёхуд маҳаллий ҳокимият органлари номидан солиқ солиниши билан боғлик мазкур Битимга зид бўлмаган тарзда ундириладиган ҳар қандай тур ва тавсифдаги солиқларга оид миллий қонунчиликка амал қилиш ёки уни қўллаш учун зарур ахборотларни алмашадилар. Ахборот алмашинуви ушбу Битимнинг 1- ва 2-моддалари қоидалари билан чекланмайди.
...
Telegram kanali 