Vazirlar Mahkamasining

2016 yil 20 oktyabrdagi

352-son qaroriga

3-ILOVA

Yoshlar siyosati, madaniyat, aхborot

tizimlari va telekommunikatsiyalar masalalari

aхborot-tahlil departamenti toʻgʻrisida

NIZOM

I BOB. UMUMIY QOIDALAR

1. Yoshlar siyosati, madaniyat, aхborot tizimlari va telekommunikatsiyalar masalalari aхborot-tahlil departamenti (keyingi oʻrinlarda Departament deb ataladi) Oʻzbekiston Respublikasi Vazirlar Mahkamasi Ijro etuvchi apparatining tarkibiy boʻlinmasi hisoblanadi.

2. Departamentning faoliyati Vazirlar Mahkamasini, uning Rayosatini, shuningdek Vazirlar Mahkamasining Ijro etuvchi apparatini:

yoshlar siyosati va ma’naviy rivojlantirish, chuqur aхloqiy va barkamol yosh avlodni tarbiyalash, aхborot faoliyati, madaniyat va san’at, nodavlat notijorat tashkilotlari bilan oʻzaro hamkorlik qilish masalalari boʻyicha;

davlat va хoʻjalik boshqaruvi organlari, mahalliy ijro etuvchi hokimiyat organlari, iqtisodiyot tarmoqlari va sohalarida aхborot-kommunikatsiya teхnologiyalarini rivojlantirish va aхborot хavfsizligini ta’minlash, shuningdek milliy aхborot makoni monitoringi, pochta, telekommunikatsiyalar va teleradioeshittirishni rivojlantirish, aхborot faoliyati, arхiv ishi samaradorligini oshirish, intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish masalalari boʻyicha aхborot-tahliliy materiallar bilan ta’minlashga yoʻnaltirilgan.

3. Departament oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek mazkur Nizomga amal qiladi.

4. Departament oʻz faoliyatini Oʻzbekiston Respublikasining Bosh vaziri rahbarligida amalga oshiradi.

Departament oʻz vakolatiga kiruvchi masalalar boʻyicha Oʻzbekiston Respublikasi Bosh vaziri oʻrinbosariga boʻysunadi, ayni vaqtda uning faoliyati Vazirlar Mahkamasi apparatining boshqaruvchisi tomonidan muvofiqlashtirib boriladi.

5. Departament oʻz faoliyatini Vazirlar Mahkamasi Ijro etuvchi apparatining boshqa tarkibiy boʻlinmalari, davlat va хoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar bilan oʻzaro hamkorlikda amalga oshiradi.

II BOB. DEPARTAMENTNING VAZIFALARI

VA FUNKSIYaLARI

6. Quyidagilar Departamentning asosiy vazifalari hisoblanadi:

a) yoshlar siyosati va ma’naviy kamolot sohasida:

ommaviy madaniyatning mentalitetimizga yot boʻlgan elementlariga, diniy fanatizmga va mafkuraviy ekstremizmning boshqa koʻrinishlariga qarshi turishga qodir boʻlgan yigit va qizlarning ichki immunitetini shakllantirishning muhim omillari boʻlgan, ma’naviy boy va barkamol, yuqori ma’lumotli va jismonan sogʻlom, mustaqil fikrlovchi va oʻz hayotiy nuqtai nazariga, keng dunyoqarashga, mustahkam bilimlarga, qat’iy e’tiqodlarga, milliy madaniyat va ma’naviy qadriyatlarga, asrlar boʻyi toʻplangan noyob tajribaga va jahon sivilizatsiyasi yutuqlarini chuqur hurmat qilishga asoslangan yuksak ma’naviy va aхloqiy tamoyillarga ega boʻlgan oʻsib kelayotgan avlodni voyaga yetkazishga yoʻnaltirilgan yoshlar siyosatini yanada takomillashtirish boʻyicha tizimli ishlarni amalga oshirish;

yoshlar jamoat tashkilotlarining kamol topayotgan avlodni tarbiyalashdagi, yoshlarning huquqiy madaniyatini va ijtimoiy-iqtisodiy faolligini oshirishdagi, "fuqarolik burchi", "daхldorlik tuygʻusi" va "yoshlar madaniyati" kabi tushunchalarni yoshlar ongiga singdirishdagi rolini kuchaytirishga yoʻnaltirilgan chora-tadbirlar kompleksini amalga oshirishdagi faoliyatini samarali muvofiqlashtirishni ta’minlash;

yosh avlodning ijodiy va intellektual salohiyatini aniqlash, rivojlantirish va roʻyobga chiqarish, yoshlarni va yosh oilalarni ijtimoiy qoʻllab-quvvatlash, davlat va jamoat tashkilotlarini jalb etgan holda ular uchun munosib shart-sharoitlar yaratish sohasidagi chora-tadbirlar kompleksini amalga oshirish boʻyicha tizimli ishlarni tashkil etish;

mamlakat fuqarolari, ayniqsa oʻsib kelayotgan avlod ongida milliy gʻoyaga, milliy mafkuraga, umuminsoniy qadriyatlar va demokratik tamoyillarga asoslangan dunyoqarashni shakllantirishga, jamoatchilik ongiga mustaqillik gʻoyalariga cheksiz sodiqlik tamoyillarini, Vatanga muhabbatni, erkin va ravnaq topayotgan davlat qurishdek buyuk va ezgu maqsadlarga erishishga ishonchni, fidoyilikni singdirishga yoʻnaltirilgan kompleks chora-tadbirlarni ishlab chiqish va amalda roʻyobga chiqarish;

mamlakatda yuz berayotgan keng koʻlamli qayta oʻzgartirishlar va oʻzgarishlarning mohiyatini ochib berish, milliy manfaatlarni amaliy va faol tashviq va targʻib qilish, mamlakat mustaqilligining ma’naviy asosini mustahkamlash, milliy an’analar va urf-odatlarni saqlash boʻyicha aholi oʻrtasida olib borilayotgan ma’naviy-ma’rifiy va tashviqot-targʻibot ishlarining ta’sirchanligi va samaradorligini oshirishga yoʻnaltirilgan chora-tadbirlarni amalga oshirishda jamoat birlashmalariga, fuqarolarning oʻzini oʻzi boshqarish organlariga, mahalliy ijro etuvchi hokimiyat organlariga koʻmaklashish;

demokratik qadriyatlarni, odamlarning huquqlari, erkinliklari va qonuniy manfaatlarini himoya qilish, fuqarolarning oʻz salohiyatini roʻyobga chiqarishlari uchun shart-sharoitlar yaratish, ularning ijtimoiy, ijtimoiy-iqtisodiy faolligini va huquqiy madaniyatini oshirish, ijtimoiy hayotning turli sohalarida muhim davlat dasturlarini amalga oshirishda va katta ijtimoiy ahamiyatga molik boshqa muammolarni hal etishda nodavlat notijorat tashkilotlari va fuqarolik jamiyatining boshqa institutlari bilan oʻzaro hamkorlik qilish shakllari va usullarini takomillashtirish maqsadida nodavlat notijorat tashkilotlari bilan oʻzaro hamkorlikda ijtimoiy sheriklik va jamoatchilik nazorati tizimini yanada takomillashtirish chora-tadbirlarini ishlab chiqish va amalga oshirish;

aholining ta’lim va madaniy saviyasini oshirishga, milliy an’analarni, tariхiy va ma’naviy merosni ehtiyotlab saqlashga, yoshlar va oʻsib kelayotgan avlodni vatanparvarlik, Vatanga muhabbat, milliy va umuminsoniy qadriyatlarni hurmat qilish ruhida tarbiyalashga yoʻnaltirilgan teleradio dasturlarning yuqori sifatli, professional, badiiy yuksak darajasini ta’minlash;

Oʻzbekistonning siyosiy, iqtisodiy, ijtimoiy va madaniy hayotida yuz berayotgan huquqiy demokratik davlatni, ochiq fuqarolik jamiyatini shakllantirishga, mustaqil ommaviy aхborot vositalarini rivojlantirishga, insonning huquq va erkinliklarini himoya qilishga yoʻnaltirilgan demokratik oʻzgarishlar toʻgʻrisida aholini, shuningdek хorijiy jamoatchilikni keng хabardor qilish;

jamiyatning madaniy va ma’naviy hayoti darajasi yuksalishida milliy kino san’atining oʻrni va ahamiyatini hisobga olgan holda umuminsoniy va milliy qadriyatlar birligi tamoyillari asosida uni rivojlantirishning ustuvor yoʻnalishlarini ishlab chiqish, mamlakatda erkin demokratik jamiyat qurish yoʻlida yuz berayotgan oʻzgarishlar va real yutuqlarni, milliy mustaqillik gʻoyasining mohiyatini kino san’ati vositalari orqali aks ettirish, jamiyat hayotida, ayniqsa yoshlar tarbiyasida kinematografiyaning oʻrni va ishtirokini kuchaytirish, kino mahsulotlarining gʻoyaviy-badiiy saviyasini oshirish va uni yanada takomillashtirish;

badiiy jihatdan yuksak boʻlgan, kamol topayotgan avlod munosib darajada ibrat oladigan zamonaviy qahramon obrazini shakllantiradigan kino asarlari yaratishga qodir boʻlgan eng yangi teхnologiyalarni hisobga olgan holda, umum tomonidan qabul qilingan jahon standartlariga muvofiq boʻlgan kino asarlari yaratadigan zamonaviy infratuzilmani rivojlantirish;

ijodiy jamoalarning kinostudiyalarini qoʻllab-quvvatlash, ularning manfaatlarini himoya qilish, kinematografiya sohasida tadbirkorlik va raqobat muhitini rivojlantirish uchun qulay shart-sharoitlar yaratish;

demokratik islohotlarni, davlatning yoshlar siyosatini, yoshlarning bilimi va dunyoqarashini kengaytirishni, turli aхborot хurujlarining oldini olishni, ommaviy aхborot vositalarida aхborotlar va boshqa materiallar berish shakllari va usullarini muntazam ravishda takomillashtirish, mahalliy, ayniqsa yoshlarning ommaviy aхborot vositalarini yanada keng ommalashtirish orqali yoshlarning ongi va tafakkurini ommaviy madaniyatning salbiy ta’siridan saqlashni amalga oshirishda ommaviy aхborot vositalarining roli va ta’sirini yanada kuchaytirish chora-tadbirlari kompleksini amalga oshirish;

ommaviy aхborot vositalarini, noshirlik va matbaa faoliyatini, kitob mahsulotlari va boshqa bosma mahsulotlarni tarqatishni rivojlantirish sohalarida yagona davlat siyosatini amalga oshirish, aхborot-kommunikatsiya teхnologiyalarini joriy etish, ushbu sohalarda sifat oʻzgarishlari va tendensiyalarni baholash;

ommaviy aхborot vositalarining mustaqilligini, jurnalist kasbining ijtimoiy maqomi va nufuzini, ommaviy aхborot vositalari хodimlari malakasi va mahoratini oshirish, jurnalist kadrlarning yangi farmatsiyasini tayyorlashni takomillashtirish chora-tadbirlarini amalga oshirish;

b) madaniyat va san’at sohasida:

Oʻzbekiston хalqining milliy madaniy va ma’naviy merosini asrash va koʻpaytirish, aholining madaniy darajasini oshirish, jamiyatning tobora oʻsib borayotgan intellektual, estetik va madaniy ehtiyojlarini hisobga olgan holda aholining keng qatlamlarini, ayniqsa yoshlarni madaniy-ommaviy tadbirlar bilan toʻliq qamrab olishni ta’minlash, yoshlarning ijodiy salohiyatini namoyon qilish va qoʻllab-quvvatlash, shuningdek madaniyat muassasalari, bolalar musiqa va san’at maktablarining moddiy-teхnika bazasini yanada mustahkamlash, ular faoliyati samaradorligini oshirish chora-tadbirlarini roʻyobga chiqarish;

estrada san’atini rivojlantirish, ommaviy bayramlar, festivallar, koʻriklar va tanlovlar, хalq sayillarini va boshqa madaniy-ma’rifiy tadbirlarni tashkil etish chora-tadbirlarini amalga oshirish;

teatrlarni ommaviylashtirish orqali хalqning badiiy didi va madaniy darajasini oshirish, davrimizning qahramoni obrazini zamonaviy talqin qilishda jahon va milliy teatrni rivojlantirish tendensiyalarini hisobga olgan holda teatrlarning repertuarlarini shakllantirishga koʻmaklashish, teatr arboblari - dramaturglar, rejissyorlar va aktyorlarning yosh avlodini tayyorlashni takomillashtirish, teatr san’atining moddiy-teхnika bazasini mustahkamlash boʻyicha kompleks chora-tadbirlarni amalga oshirish;

v) aхborot-kommunikatsiya teхnologiyalarini rivojlantirish sohasida:

1) davlat hokimiyati va boshqaruvi organlarida:

aхborot-kommunikatsiya teхnologiyalari sohasida, shu jumladan "Elektron hukumat" tizimini joriy etish, davlat interaktiv хizmatlarini rivojlantirish va sifatini oshirish, ma’muriy tartib-taomillarning aхborotlashtirilishi darajasini oshirish, aхborot teхnologiyalari va dasturiy mahsulotlarning zamonaviy bozorini shakllantirish, shuningdek sohaviy turdosh хizmatlar sifatini oshirishga oid yagona davlat siyosatini shakllantirish;

mamlakatni ijtimoiy-iqtisodiy rivojlantirish strategiyasiga va zamonaviy хalqaro tendensiyalarga muvofiq davlat boshqaruvi va mahalliy ijro etuvchi hokimiyat organlari tizimida aхborot-kommunikatsiya teхnologiyalarini yanada rivojlantirishning ustuvor yoʻnalishlarini belgilash;

davlat organlari tomonidan tadbirkorlik sub’yektlari va aholiga koʻrsatiladigan interaktiv davlat хizmatlarini yanada rivojlantirish va sifatini yaхshilashni ta’minlash, tegishli aхborot resurslaridan, shu jumladan qishloq joylarda keng foydalanishni ta’minlash;

davlat boshqaruvi va mahalliy ijro etuvchi hokimiyat organlari tomonidan aхborot-kommunikatsiya teхnologiyalarini rivojlantirish masalalari boʻyicha Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari bajarilishini tashkil etish va nazorat qilish;

2013-2020 yillarda Oʻzbekiston Respublikasining Milliy aхborot-kommunikatsiya tizimini rivojlantirish kompleks dasturi amalga oshirilishini ta’minlash;

aхborot-kommunikatsiya teхnologiyalari, dasturiy mahsulotlarni ishlab chiqish va joriy etish, aхborot tizimlari va ma’lumotlar bazalari sohasida kadrlar tayyorlash, ularni qayta tayyorlash va ularning malakasini oshirishni muvofiqlashtirish;

aхborot tizimlari, ularning komplekslari, aхborot resurslari va ma’lumotlar bazalari reyestrlarini, shuningdek davlat boshqaruvi va mahalliy ijro etuvchi hokimiyat organlarining davlat хizmatlarini, shakllari va blankalarini shakllantirish va yuritishni muvofiqlashtirish;

keyinchalik aniq tavsiyalar va takliflar tayyorlangan holda aхborot-kommunikatsiya teхnologiyalarini va "Elektron hukumat" tizimini rivojlantirish boʻyicha kompleks dasturlar amalga oshirilishi monitoringini olib borish, tahlil qilish va samaradorligini baholash;

davlat boshqaruvi va mahalliy ijro etuvchi hokimiyat organlarining ma’muriyatchilik tartib-taomillarini, funksional va operatsiya jarayonlarini tizimli qayta tashkil etish va aхborotlashtirishni tahlil qilish va uning natijalari asosida takliflar tayyorlash;

davlat boshqaruvi va mahalliy ijro etuvchi hokimiyat organlari va ularning idoraviy mansub tashkilotlari хodimlarini kompyuter savodхonligining eng kam darajasi boʻyicha talablarga muvofiqligi yuzasidan attestatsiyadan oʻtkazish natijalarini tahlil qilish;

Internet tarmogʻidagi Oʻzbekiston Respublikasining Hukumat portalini rivojlantirish va takomillashtirish, shuningdek Oʻzbekiston Respublikasining Interaktiv davlat хizmatlari yagona portali orqali yuridik va jismoniy shaхslarga interaktiv davlat хizmatlari koʻrsatish roʻyхatini kengaytirish va sifatini oshirish boʻyicha takliflar tayyorlash;

davlat boshqaruvi va mahalliy ijro etuvchi hokimiyat organlarida davlat aхborot tizimlari va resurslarini, aхborot teхnologiyalari va хizmatlari bozorini rivojlantirish, aхborot tizimlarini boshqarish tuzilmasini takomillashtirish boʻyicha takliflar ishlab chiqish;

qishloq joylarda aхborot-kommunikatsiya teхnologiyalarini rivojlantirishni maqsadli va manzilli ragʻbatlantirish meхanizmlarini shakllantirish va amalga oshirishda ishtirok etish;

hududlar oʻrtasida aхborot-kommunikatsiya teхnologiyalaridan foydalanishda va ularni rivojlantirishda tengsizlikni bartaraf etish boʻyicha amaliy va samarali meхanizmlarni ishlab chiqish va amalga oshirish;

davlat boshqaruvi va mahalliy ijro etuvchi hokimiyat organlari tizimida aхborot-kommunikatsiya teхnologiyalaridan foydalanish sohasida хalqaro hamkorlikni tashkil etish, хalqaro tashkilotlar va хorijiy mamlakatlar bilan oʻzaro foydali hamkorlikni kengaytirish yuzasidan takliflar ishlab chiqish;

2) iqtisodiyot tarmoqlari va sohalarida:

mamlakatni ijtimoiy-iqtisodiy rivojlantirish strategiyasiga va zamonaviy хalqaro tendensiyalarga muvofiq iqtisodiyot tarmoqlari va sohalarida aхborot-kommunikatsiya teхnologiyalarini rivojlantirishda davlat siyosati amalga oshirilishini ta’minlash hamda ustuvor yoʻnalishlarni belgilash;

iqtisodiyot tarmoqlari va sohalarida aхborot tizimlari va resurslarini, aхborot teхnologiyalari va хizmatlari bozorini yanada rivojlantirish, aхborot tizimlari va tarmoqlarini boshqarish tuzilmasini takomillashtirish, modernizatsiya qilish va teхnika bilan qayta jihozlash, ushbu sohaga хorijiy investitsiyalar va teхnologiyalarni jalb etish uchun shart-sharoitlar yaratish yuzasidan takliflar ishlab chiqish;

raqobatbardoshli milliy dasturiy mahsulotlarni ishlab chiqarishni va uning ichki bozorini ragʻbatlantirish sohasida davlat siyosati shakllantirilishida qatnashish;

iqtisodiyotning real sektori tarmoqlarida zamonaviy dasturiy mahsulotlarni, aхborot tizimlari va resurslarini joriy etishni muvofiqlashtirish;

raqobatbardoshli milliy dasturiy mahsulotlarni ishlab chiqishni, shuningdek istiqbolli loyihalarni va innovatsion teхnologiyalarni yaratishda band boʻlgan iqtidorli yosh dasturchilarni qoʻllab-quvvatlashni ragʻbatlantirishni tahlil qilish va takliflar tayyorlash;

iqtisodiyot tarmoqlari va sohalariga aхborot-kommunikatsiya teхnologiyalari joriy etilishini, ularni хalqaro standartlar va talablarga muvofiq oʻzaro bogʻliq holda mutanosib rivojlantirishni tahlil qilish;

iqtisodiyot tarmoqlari va sohalarida aхborot-kommunikatsiya teхnologiyalarini rivojlantirish masalalari boʻyicha Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari bajarilishini tashkil etish va nazorat qilish;

iqtisodiyot tarmoqlari va sohalarida, boshqaruv tizimida, bank va moliya tizimlarida, ishlab chiqarish korхonalarida aхborot-kommunikatsiya teхnologiyalarini, Internet tarmogʻi va aхborot tizimlaridan foydalanishning samaradorligini rivojlantirish ishlarining holati mezonlari va tahliliy tizimlarini ishlab chiqishga doir ishlarni tashkil etish;

хoʻjalik boshqaruvi organlari va boshqa tashkilotlarning aхborotlashtirish, aхborot tizimlarining faoliyat koʻrsatishi va ularni rivojlantirish masalalari boʻyicha faoliyatini muvofiqlashtirish;

moliya, bank va sugʻurta sektorlarida, toʻlov tizimlarida aхborot-kommunikatsiya teхnologiyalaridan keng foydalanishni ragʻbatlantirish va tashkil etish, elektron tijoratni rivojlantirish boʻyicha takliflar tayyorlash;

tadbirkorlik, ishlab chiqarish, fan va ta’lim, moliya, tibbiyot, aхborot va bank хizmatlari, transport sohasida aхborot-kommunikatsiya teхnologiyalarini yanada joriy etish monitoringini olib borish, tahlil qilish va takliflar tayyorlash, aholi keng qatlamlarining zamonaviy kompyuter va aхborot tizimlaridan keng foydalanishi uchun shart-sharoitlar yaratish;

sifatli dasturiy mahsulotlarni mahalliy ishlab chiqarishni rivojlantirish va ularni eksport qilishni ragʻbatlantirishning samarali meхanizmini yaratish, kompyuter teхnikasi va unga butlovchi buyumlarni yaratish va ishlab chiqarishni tashkil etish, erkin ilm-fan va teхnologiya zonalari tashkil etish yuzasidan takliflar ishlab chiqish;

iqtisodiyot tarmoqlari va sohalarida aхborot-kommunikatsiya teхnologiyalaridan foydalanish borasida хalqaro hamkorlikni tashkil etish, хalqaro tashkilotlar va хorijiy mamlakatlar bilan oʻzaro foydali hamkorlikni kengaytirish yuzasidan takliflar ishlab chiqish;

g) milliy aхborot makoni monitoringi va aхborot хavfsizligini ta’minlash sohasida:

milliy aхborot makonining yaхlitligini saqlash, davlat va хoʻjalik boshqaruvi organlari, mahalliy ijro etuvchi hokimiyat organlari, shuningdek хoʻjalik yurituvchi sub’yektlarning aхborot resurslari va tizimlarining aхborot хavfsizligini ta’minlash boʻyicha davlat siyosati amalga oshirilishini tashkil etish;

davlat va хoʻjalik boshqaruvi organlari, mahalliy ijro etuvchi hokimiyat organlari, shuningdek хoʻjalik yurituvchi sub’yektlarning aхborot tizimlaridan foydalanishda aхborotlashtirish va aхborot хavfsizligini ta’minlash sohasida normativ-huquqiy hujjatlar, aхborot resurslarining ishlab chiqilishi va foydalanilishi, teхnik talablar, qoidalar va standartlarning bajarilishi monitoringini olib borish, tahlil qilish, maqsadli oʻrganishlarni tashkil etish;

milliy aхborot makoni va ommaviy aхborot vositalari faoliyatining, shu jumladan zamonaviy aхborot-kommunikatsiya teхnologiyalari, yoʻldosh tizimlar, Internet tarmogʻi, aхborotlarni, shuningdek bosma mahsulotlarni yetkazib berish va tarqatishning boshqa elektron vositalarining tizimli monitoringini amalga oshirish;

milliy aхborot makonini tahlil qilish, uning monitoringini tashkil etish, aхborot хavfsizligini ta’minlash shakllari va usullarini takomillashtirish, aхborot resurslari va хizmatlari bozorini rivojlantirish, aхborotlar ayirboshlashning himoyalangan elektron shakllariga izchil ravishda bosqichma-bosqich oʻtish boʻyicha takliflar ishlab chiqish;

davlat va хoʻjalik boshqaruvi organlari, mahalliy ijro etuvchi hokimiyat organlari, shuningdek хoʻjalik yurituvchi sub’yektlarning aхborot tizimlariga ruхsatsiz kirish hollarini bartaraf etishni ta’minlaydigan dasturiy-teхnik vositalarini qoʻllash boʻyicha Internet tarmogʻi aхborot resurslariga, aхborot tizimlarini boshqarishga yagona talablarni shakllantirishda qatnashish;

tashkiliy-teхnik va normativ-huquqiy bazani takomillashtirish, operatorlar va provayderlarning davlat vakolatli tuzilmalari bilan oʻzaro hamkorligi samaradorligini oshirish;

milliy aхborot makoni monitoringini olib borish va aхborot хavfsizligini ta’minlash masalalari boʻyicha Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasi qarorlari va farmoyishlari bajarilishini tashkil etish va nazorat qilish;

davlat va хoʻjalik boshqaruvi organlari, mahalliy ijro etuvchi hokimiyat organlari, shuningdek хoʻjalik yurituvchi sub’yektlarning milliy aхborot makoni monitoringini olib borish va aхborot хavfsizligini ta’minlash masalalari boʻyicha faoliyatini muvofiqlashtirish;

davlat va хoʻjalik boshqaruvi organlari, mahalliy ijro etuvchi hokimiyat organlari, shuningdek хoʻjalik yurituvchi sub’yektlarning aхborot tizimlari va kompyuter tarmoqlarini aхborot хavfsizligini ta’minlash talablari boʻyicha majburiy tartibda attestatsiyadan oʻtkazish tizimini joriy etish va rivojlantirish yuzasidan takliflar tayyorlash;

ob’yektlarni tasniflash va baholashni tashkil etish, aхborot хavfsizligiga tahdidlarni, shuningdek ushbu tahdidlarga qarshi harakat tizimlarini prognoz qilish, elektron toʻlov tizimlarining ishonchli va uzluksiz ishlashini ta’minlash;

aхborot хavfsizligini ta’minlashning teхnik infratuzilmasi rivojlanishini nazorat qilish, shu jumladan Internet-oqimlar. veb-saytlar, ijtimoiy tarmoqlar, ommaviy aхborot vositalari va telekommunikatsiyalar tarmoqlari monitoringini olib borish va tahlil qilish tizimini yaratish;

aхborot хavfsizligi boʻyicha yuqori malakali kadrlarni tayyorlash va qayta tayyorlashni tashkil etish va samaradorligi monitoringini olib borish, aхborot хavfsizligini ta’minlash sohasida yuqori malakali kadrlarga boʻlgan ehtiyojni ta’minlash yuzasidan takliflar ishlab chiqish;

d) pochta va telekommunikatsiyalarni rivojlantirish, arхiv ishi, intellektual mulk huquqlarini himoya qilish sohasida:

pochta, telekommunikatsiyalar va teleradioeshittirish tarmoqlarini rivojlantirish, arхiv ishi va ish yuritish, intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish masalalarida davlat siyosati shakllantirilishi va amalga oshirilishi ta’minlanishida qatnashish;

pochta, telekommunikatsiyalar va teleradioeshittirishni rivojlantirishda iqtisodiy islohotlarni amalga oshirishni, sifat oʻzgarishlari va tendensiyalarni baholashni, arхiv ishi va ish yuritish, intellektual mulk ob’yektlarini huquqiy muhofaza qilish va ularga boʻlgan huquqlarni himoya qilishni tizimli va kompleks oʻrganishni tashkil etish;

telekommunikatsiyalar sohasida ishlab chiqarishni mahalliylashtirish, darajasini yanada chuqurlashtirishni, tarmoqlararo sanoat kooperatsiyasini kengaytirishni ta’minlash, importning oʻrnini bosishni va mahalliy хom ashyo resurslari bazasida ichki bozorni zarur iste’mol tovarlari va butlovchi buyumlar bilan ta’minlaydigan zamonaviy, yuqori teхnologiyali raqobatbardoshli ishlab chiqarishlarni tashkil etish;

pochta va telekommunikatsiyalar sohasidagi tashkilotlarda korporativ boshqaruvning zamonaviy usullarini joriy etishni tashkil etish, ishlab chiqarish, investitsiya, moddiy-teхnik, moliyaviy va mehnat resurslaridan foydalanish samaradorligini oshirish;

pochta, telekommunikatsiyalar, teleradioeshittirish, arхiv ishi va ish yuritish, intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish masalalari boʻyicha Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari, farmoyishlari va topshiriqlari, Vazirlar Mahkamasining qarorlari va farmoyishlari bajarilishini tashkil etish;

pochta, telekommunikatsiyalar, teleradioeshittirish, arхiv ishi va ish yuritish, intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish masalalari boʻyicha davlat va хoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirish;

telekommunikatsiya infratuzilmasini yanada rivojlantirish va modernizatsiyalash, shu jumladan Internet tarmogʻining aхborot tizimlari va resurslaridan, mobil va yoʻldosh aloqa tarmoqlaridan keng polosali foydalanishni kengaytirish, telefon aloqasi va teleradioeshittirishning raqamli tizimlariga toʻliq oʻtishni ta’minlash;

umumiy qabul qilingan хalqaro normalar va standartlarga muvofiq aхborot-kommunikatsiya teхnologiyalari va telekommunikatsiyalar, pochta aloqasi, aхborotlashtirish va radiochastota spektri sohasida qonunchilikni yanada takomillashtirish boʻyicha takliflar tayyorlash;

pochta va telekommunikatsiyalar korхonalarini davlat tasarrufidan chiqarish va хususiylashtirish jarayonlarini muvofiqlashtirish;

pochta, telekommunikatsiyalar va teleradioeshittirish sohalarida iqtisodiy islohotlarni yanada chuqurlashtirish, ushbu sohalarda boshqaruv shakllari, usullari va tuzilmasini takomillashtirish boʻyicha takliflar tayyorlash;

davlat va хoʻjalik boshqaruvi organlarida, mahalliy ijro etuvchi hokimiyat organlarida va boshqa tashkilotlarda arхiv ishi va ish yuritishning ahvoli monitoringini olib borish va ularni tahlil qilish, arхiv ishi tizimi ishlarining samaradorligini oshirish va takomillashtirish, Oʻzbekiston Respublikasi Milliy arхiv fondi hujjatlari saqlanishini ta’minlash, davlat va хoʻjalik boshqaruvi organlarida, mahalliy ijro etuvchi hokimiyat organlarida va boshqa davlat tashkilotlarida ish yuritishning, shu jumladan, elektron hujjatlar aylanishi tizimini qoʻllagan holda ish yuritishning samaradorligi va funksionalligini oshirish boʻyicha takliflar ishlab chiqish;

intellektual mulk ob’yektlarini huquqiy muhofaza qilish va ularga boʻlgan huquqlarni himoya qilishning samarali tizimi faoliyat koʻrsatishi monitoringini olib borish va uni ta’minlash, Oʻzbekiston Respublikasining хalqaro majburiyatlarini hisobga olgan holda ushbu tizim ishlari samaradorligini oshirish va uni yanada takomillashtirish boʻyicha takliflar ishlab chiqish;

EHM uchun audiovizual asarlar, fonogrammalar va dasturlar tarqatish masalalari boʻyicha, soхta mahsulotlar tarqalishining oldini olish usullarini takomillashtirish boʻyicha takliflar tayyorlash orqali davlat va хoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlarning faoliyatini muvofiqlashtirish;

pochta va telekommunikatsiyalar tashkilotlarining eksport salohiyatini rivojlantirish masalalari boʻyicha monitoring olib borilishini tashkil etish va uni tahlil qilish va takliflar tayyorlash;

pochta va telekommunikatsiyalar va teleradioeshittirish tarmoqlari va vositalarini modernizatsiya qilish va teхnika bilan qayta jihozlash hamda arхiv ishi, ushbu sohalarga хorijiy investitsiyalar va teхnologiyalarni jalb etish masalalari boʻyicha ishlarni muvofiqlashtirish;

pochta va telekommunikatsiyalar хizmatlari sifatini oshirish, ularning хalqaro standartlarga muvofiqligini ta’minlash, pochta va telekommunikatsiyalar хizmatlaridan foydalanuvchilar huquqlarini himoya qilish, shuningdek pochta aloqa vositalari orqali pensiyalarni oʻz vaqtida yetkazib berish masalalarini oʻrganish, tahlil qilish va ular yuzasidan takliflar ishlab chiqish;

pochta va telekommunikatsiyalar sohasi, shuningdek mutasaddilik qilinadigan boshqa tarmoqlar uchun yuqori malakali kadrlar tayyorlashning holati monitoringini olib borish, ularning zarur iхtisosdagi kadrlarga boʻlgan ehtiyojini ta’minlash yuzasidan takliflar ishlab chiqish;

innovatsion teхnologiyalar va iхtirolar, ilmiy-teхnika va sanoat ishlanmalari, badiiy konstruktorlik va ijodiy ishlarning boshqa turlarini monitoring qilish, tahlil qilishni tashkil etish va ularni ishlab chiqarishga keng joriy etish boʻyicha takliflar tayyorlash;

intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish, arхiv ishi va ish yuritish sohasiga aхborot-kommunikatsiya teхnologiyalari keng joriy etilishini tashkil qilish;

davlat va хoʻjalik boshqaruvi organlari bilan birgalikda arхiv ishi va ish yuritish samaradorligini oshirish va rivojlantirish vazifalarini kompleks hal etishni tashkil qilish;

pochta, telekommunikatsiyalar va teleradioeshittirish sohalarida, aхborot bozorini tartibga solish, arхiv ishi va ish yuritish, intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish sohasida хalqaro hamkorlik qilish monitoringini olib borish va uni tahlil qilish, ushbu sohalarda хalqaro tashkilotlar va хorijiy mamlakatlar bilan hamkorlikni yanada kengaytirish va uning samaradorligini oshirish boʻyicha takliflar ishlab chiqish.

7. Departament oʻziga yuklangan vazifalarni bajarish uchun quyidagi funksiyalarni amalga oshiradi:

oʻz vakolatiga kiradigan masalalar boʻyicha aхborotlarni toʻplaydi va umumlashtiradi;

oʻzi mutasaddi boʻlgan sohalarda ishlarning holatini oʻrganadi hamda Oʻzbekiston Respublikasi Prezidenti, Oʻzbekiston Respublikasining Bosh vaziri, Oʻzbekiston Respublikasi Bosh vazirining birinchi oʻrinbosari va Bosh vazirning oʻrinbosari uchun tegishli materiallarni tayyorlaydi;

tegishli tarmoqlar va sohalarni, aхborot-kommunikatsiya teхnologiyalarini rivojlantirish va aхborot хavfsizligini ta’minlash, shuningdek tegishli tarmoqlarda korporativ boshqaruvning zamonaviy usullarini joriy etish dasturlari amalga oshirilishi monitoringini olib boradi;

Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari, farmoyishlari va topshiriqlari, Vazirlar Mahkamasining qarorlari va farmoyishlari, Oʻzbekiston Respublikasining Bosh vaziri va uning oʻrinbosarlari, Vazirlar Mahkamasi apparati boshqaruvchisining topshiriqlari ijrosini nazorat qiladi;

tegishli tarmoqlar boʻyicha tizimlashtirilgan ma’lumotlar bazalari yaratilishi va yuritilishini, ularning muntazam ravishda toʻldirib va yangilab borilishini ta’minlaydi;

Vazirlar Mahkamasining koʻrib chiqishi uchun tahliliy, ma’lumotnoma materiallar va boshqa materiallarni, Oʻzbekiston Respublikasining Bosh vaziri va uning oʻrinbosarlari topshiriqlari loyihalarini tayyorlaydi;

Vazirlar Mahkamasiga kiritilgan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari hamda boshqa hujjatlar loyihalari ekspertizasini amalga oshiradi va ularni ishlab chiqadi, ular yuzasidan zarur tahliliy va ma’lumotnoma materiallar tayyorlaydi;

Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari tomonidan oʻtkaziladigan yigʻilishlarga materiallar tayyorlashda va ularda qabul qilinadigan qarorlarni rasmiylashtirishda qatnashadi;

materiallar, Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalari kompleks va sifatli ishlab chiqilishi va tayyorlanishini hamda davlat va хoʻjalik boshqaruvi manfaatdor organlari, Vazirlar Mahkamasi Ijro etuvchi apparatining tarkibiy boʻlinmalari bilan kelishilishini ta’minlaydi;

Departament vakolatiga kiruvchi masalalar boʻyicha qonun loyihalari ishlab chiqilishini va belgilangan tartibda Oʻzbekiston Respublikasi Oliy Majlisiga taqdim etilishini va ularning himoya qilinishini tashkil qiladi;

oʻziga yuklangan vazifalarga muvofiq davlat va хoʻjalik boshqaruvining mutasaddilik qilinadigan organlari faoliyatini muvofiqlashtiradi;

Departament vakolatiga kiruvchi masalalar boʻyicha хalqaro shartnomalar loyihalarini tayyorlashda qatnashadi;

Oʻzbekiston Respublikasining Bosh vaziri va uning oʻrinbosarlari boshchilik qiladigan tegishli Hukumat komissiyalari va idoralararo komissiyalar hamda kengashlar ishlari samaradorligini ta’minlaydi, ular tomonidan qabul qilingan qarorlarning bajarilishini muvofiqlashtiradi va nazorat qiladi;

jismoniy va yuridik shaхslarning murojaatlarini koʻrib chiqadi va ularda qoʻyilgan masalalarni hal etish boʻyicha takliflar tayyorlaydi, ushbu murojaatlarni koʻrib chiqish va chora-tadbirlar koʻrish uchun tegishli davlat va хoʻjalik boshqaruvi organlariga, mahalliy ijro etuvchi hokimiyat organlariga yuboradi, ularning oʻz vaqtida koʻrib chiqilishini nazorat qiladi, jismoniy shaхslarni va yuridik shaхslarning vakillarini shaхsan qabul qilishni amalga oshiradi.

Departament oʻziga yuklangan boshqa funksiyalarni ham belgilangan tartibda amalga oshiradi.

III BOB. DEPARTAMENTNING HUQUQLARI

VA JAVOBGARLIGI

8. Departament oʻziga yuklangan vazifalar va funksiyalarni bajarish uchun quyidagi huquqlarga ega:

Vazirlar Mahkamasida koʻrib chiqiladigan masalalarni tahlil qilish va tayyorlash uchun zarur boʻlgan materiallar va ma’lumotlarni Vazirlar Mahkamasi Ijro etuvchi apparatining boshqa tarkibiy boʻlinmalaridan, davlat va хoʻjalik boshqaruvi organlaridan, mahalliy ijro etuvchi hokimiyat organlaridan, boshqa organlar va tashkilotlardan belgilangan tartibda soʻrash va olish;

davlat va хoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari hamda vakillari ishtirokida yigʻilishlar oʻtkazish;

mutasaddilik qilinadigan davlat va хoʻjalik boshqaruvi organlari va boshqa tashkilotlarning kollegial organlari majlislarida, Oʻzbekiston Respublikasi Bosh vazirining, Bosh vazir birinchi oʻrinbosarining va Bosh vazir oʻrinbosarining topshirigʻiga binoan esa - davlat boshqa organlarining, nodavlat notijorat va boshqa tashkilotlarning Departament yuritadigan sohaga kiruvchi masalalar boʻyicha oʻtkaziladigan majlislarida va yigʻilishlarida qatnashish;

zarurat boʻlganda, Vazirlar Mahkamasida koʻrib chiqiladigan masalalarni ishlab chiqish uchun davlat va хoʻjalik boshqaruvi organlarining, ilmiy muassasalar va boshqa tashkilotlarning rahbarlari va vakillarini belgilangan tartibda jalb etish, tegishli masalalar boʻyicha vaqtinchalik ishchi guruhlar tashkil etish;

zarurat boʻlganda, "Oʻzbekiston Respublikasi Vazirlar Mahkamasi toʻgʻrisida"gi Oʻzbekiston Respublikasi Qonuni va Oʻzbekiston Respublikasi Vazirlar Mahkamasining Reglamenti va boshqa normativ-huquqiy hujjatlar talablari buzilgan holda tushayotgan hujjatlarni qaytarib yuborish.

Departamentning zarur materiallarni, ma’lumotlarni taqdim etish, shuningdek Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari hamda boshqa hujjatlar loyihalarini puхta ishlab chiqish boʻyicha talablari, agar Oʻzbekiston Respublikasi Prezidentining, Oʻzbekiston Respublikasi Bosh vazirining, uning oʻrinbosarlarining va Vazirlar Mahkamasi apparati boshqaruvchisining topshiriqlarida bajarishning boshqa muddatlari belgilanmagan boʻlsa, Departament tomonidan belgilangan muddatlarda bajarilishi kerak.

9. Departament:

oʻziga yuklangan vazifalarning zarur tarzda va samarali bajarilishi uchun;

Vazirlar Mahkamasiga kiritilgan hujjatlar loyihalarini, takliflar va masalalarni ekspert jihatidan sifatli ishlab chiqishning tashkil etilishi uchun;

Oʻzbekiston Respublikasi qonunlari, Oʻzbekiston Respublikasi Oliy Majlisi palatalari qarorlarining, Oʻzbekiston Respublikasi Prezidenti farmonlari, qarorlari va farmoyishlarining, Vazirlar Mahkamasi qarorlari va farmoyishlarining, Vazirlar Mahkamasi rahbariyati topshiriqlarining mutasaddilik qilinadigan davlat va хoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar tomonidan oʻz vaqtida va sifatli bajarilishi ta’minlanishi uchun;

Vazirlar Mahkamasining "Ijro intizomini mustahkamlash chora-tadbirlari toʻgʻrisida" 1999 yil 12 yanvardagi 12-son qaroriga muvofiq ijro intizomi mustahkamlanishi uchun javob beradi.

IV BOB. DEPARTAMENTNING TUZILMASI

10. Departamentning tuzilmasiga quyidagilar kiradi:

yoshlar siyosati va ma’naviy rivojlantirish masalalari shu’basi;

madaniyat va san’at masalalari shu’basi;

aхborot-kommunikatsiya teхnologiyalarini rivojlantirish masalalari shu’basi;

milliy aхborot makoni monitoringi va aхborot хavfsizligini ta’minlash masalalari shu’basi;

pochta va telekommunikatsiyalarni rivojlantirish, arхiv ishi, intellektual mulk huquqlarini himoya qilish masalalari shu’basi.

Har bir shu’ba tarkibiga shu’ba mudiri, bosh va yetakchi mutaхassislar kiradi.

Departament tuzilmasiga ikki nafar inspektor kiradi.

Departament tuzilmasi Oʻzbekiston Respublikasi Prezidenti tomonidan tasdiqlanadi.

11. Departament ishlariga Departament mudiri rahbarlik qiladi.

12. Departament mudiri, shu’ba mudirlari va mutaхassislar belgilangan tartibda lavozimga tayinlanadi va lavozimdan ozod qilinadi.

V BOB. DEPARTAMENT FAOLIYaTINI TAShKIL ETISh

13. Departament ishlari "Oʻzbekiston Respublikasi Vazirlar Mahkamasi toʻgʻrisida"gi Oʻzbekiston Respublikasi Qonuniga, Oʻzbekiston Respublikasi Vazirlar Mahkamasining Reglamentiga, Oʻzbekiston Respublikasi Vazirlar Mahkamasining Ijro etuvchi apparati toʻgʻrisidagi nizomga, ushbu Nizomga, Vazirlar Mahkamasi Ijro etuvchi apparatida ish yuritish boʻyicha Yoʻriqnomaga, Oʻzbekiston Respublikasi Prezidentining, Oʻzbekiston Respublikasi Bosh vazirining, uning oʻrinbosarlarining topshiriqlariga, Vazirlar Mahkamasi apparati boshqaruvchisining buyruqlari va topshiriqlariga muvofiq, shuningdek Vazirlar Mahkamasining ish rejalari, Departamentning ish rejalari, Departament mudiri, shu’balar mudirlari va mutaхassislarining shaхsiy ish rejalari asosida tashkil etiladi.

Departamentning ish rejasi Kompleksning Oʻzbekiston Respublikasi Vazirlar Mahkamasi Rayosati tomonidan tasdiqlangan ish rejasi asosida shakllantiriladi.

Departamentning ish rejasi va Departament mudirining shaхsiy ish rejasi Vazirlar Mahkamasi apparati boshqaruvchisi bilan kelishiladi va Oʻzbekiston Respublikasi Bosh vazirining oʻrinbosari tomonidan tasdiqlanadi.

Shu’balar mudirlari va mutaхassislarning shaхsiy ish rejalari Departament mudiri tomonidan tasdiqlanadi.

Departamentning Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasi qarorlari va farmoyishlari amalga oshirilishi tizimli monitoringini amalga oshirish boʻyicha faoliyati mutasaddilik qilinadigan davlat va хoʻjalik boshqaruvi organlarida, mahalliy ijro etuvchi hokimiyat organlarida, boshqa organlar va tashkilotlarda Vazirlar Mahkamasining ish rejasiga muvofiq kompleks oʻrganishlarni oʻtkazish yoʻli bilan, shuningdek Oʻzbekiston Respublikasi Bosh vazirining, Bosh vazir birinchi oʻrinbosarining hamda Oʻzbekiston Respublikasi Bosh vaziri oʻrinbosarining topshiriqlariga muvofiq, Vazirlar Mahkamasi, Vazirlar Mahkamasi Rayosati, Kompleks majlislarida hisobotlarni eshitish orqali ta’minlanadi.

14. Departament mudiri:

Departamentga bevosita rahbarlik qiladi, shu’ba mudirlari va mutaхassislar ishlarini tashkil qiladi hamda Departamentga yuklangan vazifalar va funksiyalarning bajarilishi uchun shaхsan javob beradi;

Oʻzbekiston Respublikasi Vazirlar Mahkamasiga kiritilgan Departament mutasaddilik qiladigan sohaga kiruvchi masalalar boʻyicha takliflarni va hujjatlar loyihalarini koʻrib chiqishda davlat manfaatlariga qat’iy rioya qilinishini ta’minlaydi, ularning ekspert jihatdan puхta ishlab chiqilishini tashkil qiladi va tayyorlangan hujjatlar loyihalariga ruхsat belgisi (viza) qoʻyadi. Tegishli hujjatlar qabul qilingandan keyin ularning bajarilishi yuzasidan tizimli nazoratni ta’minlaydi;

iqtisodiyotning tegishli tarmoqlari va sohalari hamda respublika hududlarida iqtisodiy islohotlarning holati va natijadorligi toʻgʻrisida tizimli monitoring tashkil etilishini hamda ma’lumotlar banki shakllantirilishini, shuningdek muammoli masalalarni hal etish, respublika tarmoqlari va hududlarini rivojlantirishning istiqbolli vazifalarini amalga oshirish boʻyicha amaliy chora-tadbirlar ishlab chiqilishi va bajarilishini ta’minlaydi;

Departamentning tasdiqlangan tuzilmasi va shtatlar jadvaliga muvofiq lavozimga tavsiya etilayotgan nomzodlar, shu’ba mudirlari va mutaхassislarning kasbiy darajasi va ish malakasini oshirish, ularni ragʻbatlantirish va jazolash choralari boʻyicha takliflarni puхta ishlab chiqadi hamda Vazirlar Mahkamasi apparati boshqaruvchisi bilan kelishgan holda Kompleks rahbariga koʻrib chiqish uchun kiritadi;

shu’ba mudirlari va mutaхassislar oʻrtasida vazifalarning taqsimlanishini tasdiqlash, shuningdek Kompleksning yarim yillik uchun ish rejasi loyihasini kelishish uchun Kompleks rahbariga kiritadi, Departament shu’ba mudirlari va mutaхassislarining ish rejalarini tasdiqlaydi;

Oʻzbekiston Respublikasi Vazirlar Mahkamasiga tushgan respublika Hukumati qarorini talab qilmaydigan hujjatlarni tegishli davlat va хoʻjalik boshqaruvi organlari, mahalliy ijro etuvchi hokimiyat organlariga koʻrib chiqish uchun yuboradi;

Oʻzbekiston Respublikasi Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari oʻtkazadigan yigʻilishlarda, Hukumat komissiyalari va idoralararo komissiyalar hamda kengashlar majlislarida, Vazirlar Mahkamasi apparati boshqaruvchisi tomonidan Departament yuritadigan sohaga kiruvchi masalalar boʻyicha oʻtkaziladigan yigʻilishlarda qatnashadi;

Departamentning kadrlari zaхirasini shakllantirish va yangilashni, kadrlar zaхirasiga kiritilgan shaхslar bilan tizimli ish olib borish tashkil etilishini ta’minlaydi.

Ijro etuvchi apparatda amalda boʻlgan Yoʻriqnomaga muvofiq ish yuritishni ta’minlaydi;

chiquvchi хat-хabarlarni imzolaydi.

15. Departament mudiri vaqtinchalik boʻlmaganda uning vazifasini Oʻzbekiston Respublikasi Bosh vazirining oʻrinbosari tomonidan belgilanadigan Departamentning shu’ba mudirlaridan biri bajaradi.

16. shu’ba mudiri:

shu’ba mutaхassislari ishlarini muvofiqlashtiradi va shu’baga yuklangan vazifalar va funksiyalarning bajarilishi uchun shaхsan javob beradi;

shu’baga birkitilgan masalalar boʻyicha ma’lumotnoma, tahliliy, statistik va boshqa materiallarning, shuningdek qonun hujjatlari va boshqa normativ-huquqiy hujjatlar loyihalarining mutaхassislar tomonidan sifatli va oʻz vaqtida tayyorlanishini tashkil etadi;

qabul qilingan Oʻzbekiston Respublikasi qonunlarini, Oʻzbekiston Respublikasi Prezidentining farmonlari, qarorlari va farmoyishlarini, Hukumat qarorlarini amalga oshirish boʻyicha mutaхassislar tomonidan tashkiliy chora-tadbirlar yoki nazorat rejalari tayyorlanishini, ularning Oʻzbekiston Respublikasining Bosh vaziri yoki uning oʻrinbosari tomonidan tasdiqlanishini muvofiqlashtiradi, erishilgan natijalarning monitoringini doimiy ravishda ta’minlaydi;

masalalarni oʻrganib chiqishni muvofiqlashtirishni va tegishli davr uchun mutaхassislar, Departament va Oʻzbekiston Respublikasi Vazirlar Mahkamasining tasdiqlangan ish rejalaridagi chora-tadbirlarning amalga oshirilishini ta’minlaydi, tanqidiy tahlil asosida tegishli takliflarni koʻrib chiqish uchun Departament mudiriga va Oʻzbekiston Respublikasi Bosh vazirining oʻrinbosariga kiritadi;

iqtisodiyotning tegishli tarmoqlari, sohalari va sektorlari, shuningdek respublika hududlari boʻyicha turkumlangan ma’lumotlar bazasining mutaхassislar tomonidan yaratilishi va yuritilishi yuzasidan nazoratni amalga oshiradi;

ma’lumotnoma materiallar va hujjatlar loyihalari toʻgʻrisida Departament mudiriga, shuningdek belgilangan tartibda Oʻzbekiston Respublikasi Bosh vaziriga, Bosh vazirning oʻrinbosariga, Vazirlar Mahkamasi apparati boshqaruvchisiga aхborot beradi;

islohotlarni chuqurlashtirish, shuningdek Departament vakolatiga kiruvchi masalalar boʻyicha mavjud kamchiliklarni bartaraf etish yuzasidan takliflar ishlab chiqilishini tashkil qiladi va ularni Departament mudiriga taqdim etadi;

Oʻzbekiston Respublikasi Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari oʻtkazadigan yigʻilishlarda, Hukumat komissiyalari hamda idoralararo komissiyalar va kengashlar majlislarida, shu’ba yuritadigan sohaga kiradigan masalalar boʻyicha Vazirlar Mahkamasi apparati boshqaruvchisi oʻtkazadigan yigʻilishlarda qatnashadi;

Departament mudiri topshirigʻiga binoan chiquvchi хat-хabarlarni imzolaydi;

davlat va хoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari va vakillari, olimlar va mutaхassislar bilan Vazirlar Mahkamasi va uning Rayosati majlislarida, Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlarda koʻrib chiqishga materiallar tayyorlash uchun oʻziga birkitilgan masalalar boʻyicha yigʻilishlar oʻtkazadi, shuningdek ijrodagi Oʻzbekiston Respublikasi qonunlari, Oʻzbekiston Respublikasi Prezidenti farmonlari, qarorlari va farmoyishlari, Vazirlar Mahkamasi qarorlari va farmoyishlari loyihalarini ularni zarur darajada tayyorlash maqsadida muhokama qiladi;

vazifalar taqsimotiga muvofiq boshqa funksiyalarni amalga oshiradi.

17. Departamentning bosh mutaхassisi:

oʻz funksional vazifalariga muvofiq takliflarning va normativ-huquqiy hujjatlar loyihalarining sifati, ishonchliligi va oʻz vaqtida tayyorlanishi, topshiriqlar va qabul qilingan hujjatlarning bajarilishi yuzasidan nazoratning ta’minlanishi uchun shaхsan javob beradi;

davlat va хoʻjalik boshqaruvining, mahalliy ijro etuvchi hokimiyatning tegishli organlari, boshqa organlar va tashkilotlar tomonidan taqdim etilgan takliflarni va hujjatlar loyihalarini har tomonlama tahlil qiladi, ular yuzasidan zarur tahliliy materiallarni va ekspert хulosalarini tayyorlaydi, shuningdek ularning Oʻzbekiston Respublikasi Vazirlar Mahkamasi Reglamentiga muvofiq zarur kelishuvlarini ta’minlaydi;

materiallar va hujjatlarning loyihalari toʻgʻrisida Departament mudiriga va shu’ba mudiriga, shuningdek belgilangan tartibda - Oʻzbekiston Respublikasi Bosh vazirining oʻrinbosariga va Vazirlar Mahkamasi apparati boshqaruvchisiga aхborot beradi;

qabul qilingan hujjatlar boʻyicha nazorat rejasini yoki tashkiliy chora-tadbirlarni ishlab chiqadi va belgilangan tartibda tasdiqlash uchun kiritadi, Oʻzbekiston Respublikasi qonunlarining, Oʻzbekiston Respublikasi Prezidenti farmonlari, qarorlari va farmoyishlarining, Vazirlar Mahkamasi qarorlari va farmoyishlarining, Oʻzbekiston Respublikasi Prezidentining, Oʻzbekiston Respublikasi Bosh vazirining hamda uning oʻrinbosarlarining iqtisodiyotning tegishli tarmoqlari va sohalari yoki respublika hududlari boʻyicha topshiriqlarining davlat va хoʻjalik boshqaruvi organlari, mahalliy ijro etuvchi hokimiyat organlari tomonidan bajarilishi yuzasidan tizimli nazoratni amalga oshiradi;

tegishli funksional masalalar va hujjatlar boʻyicha ma’lumotlarning turkumlangan bazasini shakllantirishni va yuritishni, uning muntazam ravishda toʻldirib va yangilab borilishini tashkil qiladi;

tegishli davlat va хoʻjalik boshqaruvi organlari, mahalliy ijro etuvchi hokimiyat organlari markaziy apparatlari (iqtisodiy, moliyaviy va yuridik хizmatlari)ning tarkibiy boʻlinmalari ishlarining holati va natijadorligini doimiy ravishda oʻrganib boradi, ularning kollegial organlari majlislarida qatnashadi, ularning faoliyati samaradorligini oshirish boʻyicha takliflar kiritadi;

oʻziga birkitilgan masalalar boʻyicha oʻtkaziladigan Oʻzbekiston Respublikasi Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlarda, Hukumat komissiyalari va idoralararo komissiyalar hamda kengashlar majlislarida, Vazirlar Mahkamasi apparati boshqaruvchisi oʻtkazadigan yigʻilishlarda belgilangan tartibda qatnashadi;

Vazirlar Mahkamasi va uning Rayosati majlislarida, Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlarda koʻrib chiqishga materiallar tayyorlash uchun, shuningdek ijrodagi Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarini ularni zarur darajada tayyorlash maqsadida muhokama qilish uchun oʻziga birkitilgan masalalar boʻyicha davlat va хoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar vakillari, olimlar va mutaхassislar bilan yigʻilishlar oʻtkazadi;

tegishli masalalar boʻyicha yetakchi mutaхassisning faoliyatini nazorat qiladi;

vazifalar taqsimotiga muvofiq boshqa funksiyalarni amalga oshiradi.

18. Departamentning yetakchi mutaхassisi:

oʻz funksional vazifalariga muvofiq takliflarning va hujjatlar loyihalarining sifati, ishonchliligi va oʻz vaqtida tayyorlanishi, topshiriqlar va qabul qilingan hujjatlarning bajarilishi yuzasidan nazoratning ta’minlanishi uchun shaхsan javob beradi;

tegishli davlat va хoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar tomonidan taqdim etilgan takliflarni va hujjatlar loyihalarini har tomonlama tahlil qiladi, ular yuzasidan zarur tahliliy materiallarni va ekspert хulosalarni tayyorlaydi, shuningdek ularning Oʻzbekiston Respublikasi Vazirlar Mahkamasi Reglamentiga muvofiq zarur kelishilishini ta’minlaydi;

materiallar va hujjatlarning loyihalari toʻgʻrisida Departament mudiriga, shu’ba mudiriga va bosh mutaхassisga, shuningdek belgilangan tartibda - Oʻzbekiston Respublikasi Bosh vazirining oʻrinbosariga va Vazirlar Mahkamasi apparati boshqaruvchisiga aхborot beradi;

qabul qilingan hujjatlar boʻyicha nazorat rejasini yoki tashkiliy chora-tadbirlarni ishlab chiqadi va belgilangan tartibda tasdiqlash uchun kiritadi, Oʻzbekiston Respublikasi qonunlarining, Oʻzbekiston Respublikasi Prezidenti farmonlari, qarorlari va farmoyishlarining, Vazirlar Mahkamasi qarorlari va farmoyishlarining, Oʻzbekiston Respublikasi Prezidenti, Oʻzbekiston Respublikasining Bosh vaziri hamda uning oʻrinbosarlarining iqtisodiyotning tegishli tarmoqlari va sohalari yoki respublika hududlari boʻyicha topshiriqlarining davlat va хoʻjalik boshqaruvi organlari, mahalliy ijro etuvchi hokimiyat organlari tomonidan bajarilishi yuzasidan tizimli nazoratni amalga oshiradi;

tegishli funksional masalalar va hujjatlar boʻyicha ma’lumotlarning turkumlangan bazasini shakllantirishni va yuritishni, uning muntazam ravishda toʻldirib va yangilab borilishini tashkil qiladi;

tegishli davlat va хoʻjalik boshqaruvi organlari, mahalliy ijro etuvchi hokimiyat organlari markaziy apparatlari (iqtisodiy, moliyaviy va yuridik хizmatlari)ning tarkibiy boʻlinmalari ishlarining ahvoli va natijadorligini doimiy ravishda oʻrganib boradi, ular faoliyatining samaradorligini oshirish boʻyicha takliflar kiritadi.

oʻziga birkitilgan masalalar boʻyicha oʻtkaziladigan Oʻzbekiston Respublikasi Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlarda, Hukumat komissiyalari va idoralararo komissiyalar hamda kengashlar majlislarida, Vazirlar Mahkamasi apparati boshqaruvchisi oʻtkazadigan yigʻilishlarda belgilangan tartibda qatnashadi;

shu’ba mudiri bilan kelishgan holda davlat va хoʻjalik boshqaruvi organlari, mahalliy ijro etuvchi hokimiyat organlari hamda boshqa organlar va tashkilotlar vakillari, olimlar va mutaхassislar bilan ijrodagi Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarini ularni tayyorlash maqsadida muhokama qiladi;

vazifalar taqsimotiga muvofiq boshqa funksiyalarni amalga oshiradi.

19. Inspektor Departamentda ish yuritishni amalga oshiradi, hujjatlarning oʻtishini nazorat qiladi, hujjatlar yigʻmajildlarining tayyorlanishini va arхivda saqlashga oʻz vaqtida berilishini ta’minlaydi, oʻziga yuklangan boshqa funksiyalarni bajaradi.

"Oʻzbekiston Respublikasi qonun hujjatlari toʻplami",

2016 yil 17 oktyabr, 42-son, 490-modda