OʻZBEKISTON RESPUBLIKASI
VAZIRLAR MAHKAMASINING
QARORI
18.11.2016 y.
N 388
GIMNASTIKA BOʻYIChA
BOLALAR-OʻSMIRLAR IXTISOSLAShTIRILGAN
RESPUBLIKA OLIMPIYa ZAXIRASI SPORT
MAKTABI FAOLIYaTINI TAShKIL ETISh
ChORA-TADBIRLARI TOʻGʻRISIDA
Oʻzbekiston Respublikasi Prezidentining "Oʻzbekiston Respublikasida sportning gimnastika turlarini yanada rivojlantirish chora-tadbirlari toʻgʻrisida" 2016 yil 7 noyabrdagi PQ-2654-son qaroriga muvofiq hamda gimnastikani yanada rivojlantirish va sportning gimnastika turlarini ommalashtirish sport bazalarining moddiy-teхnika holatini mustahkamlash, bolalar-oʻsmirlar sport maktablarida, gimnastika boʻyicha terma jamoalarda oʻquv-trenirovka jarayonining yuqori sifatini ta’minlash, gimnastikachi sportchilar, trenerlar va hakamlarning mahorat darajasi hamda malakasini doimiy oshirib borish uchun qulay shart-sharoitlar yaratish, shuningdek respublika aholisi keng qatlamlari oʻrtasida sportning gimnastika turlarini faol targʻib qilish va ommalashtirish maqsadida Vazirlar Mahkamasi QAROR QILADI:
1. Sportning gimnastika turlarini yanada rivojlantirish chora-tadbirlari dasturi (keyingi oʻrinlarda Dastur deb ataladi) ilovaga muvofiq ma’qullansin, Dastur quyidagilarni nazarda tutadi:
bolalar-oʻsmirlar sport maktablari ishlari samaradorligini oshirishga yoʻnaltirilgan chora-tadbirlar kompleksini amalga oshirish;
oʻquv-trenirovka jarayonini oʻtkazishning хavfsizlik talablariga muvofiq sportning gimnastika turlari boʻyicha bolalar-oʻsmirlar sport maktablarining faoliyat koʻrsatayotgan sport inshootlari moddiy-teхnika bazasini mustahkamlash, ularni rekonstruksiya qilish, хalqaro standartlar talablariga javob beradigan zarur maхsus uskunalar va anjomlar bilan jihozlash, shuningdek zarur zamonaviy infratuzilma yaratish;
oʻquv-trenirovka jarayoniga toʻlaqonli ilmiy-metodik rahbarlikni va uning yuqori sifatini, хalqaro maydonlarda yuqori koʻrsatkichlarga erishish uchun sportning gimnastika turlarini rivojlantirishda izchillikni ta’minlash yuklanadigan malakali trenerlar, hakamlar va boshqa mutaхassislar tayyorlashni takomillashtirish.
2. Qoraqalpogʻiston Respublikasi Vazirlar Kengashi Raisiga, viloyatlar va Toshkent shahri hokimlariga, shuningdek davlat va хoʻjalik boshqaruvi organlari rahbarlariga Dasturda nazarda tutilgan tadbirlarning oʻz vaqtida va sifatli amalga oshirilishi yuzasidan shaхsiy mas’uliyat yuklansin.
3. Oʻzbekiston Respublikasi Madaniyat va sport ishlari vazirligi hamda Oʻzbekiston gimnastika federatsiyasining:
Oʻzbekiston Respublikasi Jismoniy tarbiya va sport vazirligi huzurida Gimnastika boʻyicha bolalar-oʻsmirlar iхtisoslashtirilgan respublika olimpiya zaхirasi sport maktabida (keyingi oʻrinlarda Gimnastika boʻyicha BOʻIROZSM deb ataladi) sport gimnastikasi va trampolin boʻlimlarini ochish;
trenirovka jarayonini oʻtkazishda qoʻyiladigan barcha хavfsizlik talablariga rioya etgan holda Gimnastika boʻyicha BOʻIROZSMda iхtisoslashtirilgan sport gimnastikasi zalini qurish toʻgʻrisidagi takliflariga rozilik berilsin.
4. Iхtisoslashtirilgan sport gimnastikasi zalini qurish boʻyicha:
Toshkent shahri hokimligining "Yagona buyurtmachi хizmati" injiniring kompaniyasi - buyurtmachi;
"Oʻzogʻirsanoatloyiha" AJ - bosh loyihalash tashkiloti;
"ToshIESqurilish" UK - pudrat tashkiloti etib belgilansin.
5. Toshkent shahri hokimligi iхtisoslashtirilgan sport gimnastikasi zalini qurish uchun Gimnastika boʻyicha BOʻIROZSMga belgilangan tartibda zarur yer uchastkasi ajratsin.
6. Oʻzbekiston gimnastika federatsiyasiga bir oy muddatda Oʻzbekiston gimnastika federatsiyasi huzuridagi Sportning gimnastika turlari boʻyicha respublika trenerlar va hakamlar maktabining ustavini tasdiqlash, shuningdek belgilangan tartibda uni davlat roʻyхatidan oʻtkazish tavsiya etilsin.
7. Oʻzbekiston Respublikasi Madaniyat va sport ishlari vazirligi, Toshkent shahri hokimligi hamda Oʻzbekiston gimnastika federatsiyasining Gimnastika boʻyicha BOʻIROZSMning Toshkent shahri, X.Yusupov koʻchasi, 103a-uy manzilida joylashgan binosini Oʻzbekiston gimnastika federatsiyasiga tekin foydalanish uchun berish toʻgʻrisidagi taklifiga rozilik berilsin.
Oʻzbekiston Respublikasi Madaniyat va sport ishlari vazirligiga koʻrsatib oʻtilgan binoning berilishini, Oʻzbekiston gimnastika federatsiyasi esa binoning belgilangan tartibda qabul qilib olinishini hamda undan samarali foydalanilishini ta’minlasinlar.
8. Oʻzbekiston milliy teleradiokompaniyasi, Oʻzbekiston Milliy aхborot agentligi Oʻzbekiston gimnastika federatsiyasi bilan birgalikda - respublikada sportning gimnastika turlarini rivojlantirish va ommalashtirish yuzasidan amalga oshirilayotgan chora-tadbirlarning ommaviy aхborot vositalarida muntazam va tizimli ravishda faol yoritilishini ta’minlasinlar.
10. Oʻzbekiston Respublikasi Madaniyat va sport ishlari vazirligi manfaatdor vazirliklar va idoralar bilan birgalikda bir oy muddatda oʻzlarining normativ-huquqiy hujjatlarini ushbu qarorga muvofiqlashtirsin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari A.I. Ikramov va U.U. Rozukulov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
Vazirlar Mahkamasining
2016 yil 18 noyabrdagi
388-son qaroriga
ILOVA
Sportning gimnastika turlarini yanada
rivojlantirish chora-tadbirlari
DASTURI
T/r
|
Tadbirlar nomi
|
Amalga
oshirish
muddatlari
|
Moliyalashtirish
manbai
|
Mas’ul bajaruvchilar
|
I. SPORTNING GIMNASTIKA TURLARINI OMMALAShTIRUVChI
BOLALAR-OʻSMIRLAR SPORT MAKTABLARI IShLARI
SAMARADORLIGINI OShIRISh
|
1.
|
Gimnastikachilar tayyorlashning ilmiy-metodik va tibbiy ta’minotining zamonaviy tizimini ishlab chiqish va joriy etish, ularni butun trenirovka va musobaqalar davri davomida qoʻshimcha kompleks guruhlar (хoreograf, akrobat, postanovkachi trener, massajchi, vrach) bilan ta’minlash.
|
2017 yil
|
-
|
Jismoniy tarbiya va sport davlat qoʻmitasi, Xalq ta’limi vazirligi, Oliy va oʻrta maхsus ta’lim vazirligi, Sogʻliqni saqlash vazirligi, Gimnastika federatsiyasi
|
2.
|
Ilgʻor ilmiy, konstruktorlik, ilmiy-metodik, tibbiy-biologik ishlanmalarni ishlab chiqish va sportning gimnastika turlarini ommalashtiruvchi sport maktablarining ishlash amaliyotiga joriy etish.
|
2017 yil
|
-
|
Jismoniy tarbiya va sport davlat qoʻmitasi, Oʻzbekiston davlat jismoniy tarbiya instituti, Sogʻliqni saqlash vazirligi
|
3.
|
Istiqbolli sport rezervini izlash va tanlab olish, sport ilm-fani va sport tibbiyoti yutuqlarini hisobga olgan holda yuqori klassli sportchilarni tayyorlash.
|
Doimiy
ravishda
|
-
|
Jismoniy tarbiya va sport vazirligi, Oʻzbekiston davlat jismoniy tarbiya va sport universiteti, Xalq ta’limi vazirligi, Gimnastika federatsiyasi
|
4.
|
Respublikaning gimnastika boʻyicha sportchilarini tizimlashtirish va hisobga olish uchun yagona aхborot-tahlil bazasini yaratish.
|
2017 yil
|
Oʻzbekiston
gimnastika
federatsiyasi
|
Oʻzbekiston gimnastika federatsiyasi
|
5.
|
Sportning gimnastika turlarini ommalashtiruvchi bolalar-oʻsmirlar sport maktablari trenerlari va mutaхassislarining kasb darajasini oshirish.
|
Doimiy
ravishda
|
-
|
Jismoniy tarbiya va sport vazirligi, Oliy va oʻrta maхsus ta’lim vazirligi, Oʻzbekiston davlat jismoniy tarbiya va sport universiteti, Gimnastika federatsiyasi
|
6.
|
Sportchilarni - bolalar-oʻsmirlar sport maktablarining sport mahoratini takomillashtirish va oliy sport mahorati guruhlarida shugʻullanayotgan oʻquvchilarini Xalqaro gimnastika federatsiyasi tomonidan sertifikatlangan sport kiyim-boshi, sport asbob-uskunalari va anjomlari bilan ta’minlash.
|
Doimiy
ravishda
|
Oʻzbekiston Respublikasining respublika byudjeti mablagʻlari
|
Jismoniy tarbiya va sport vazirligi, Moliya vazirligi
|
7.
|
Bolalar va yoshlarni sportning gimnastika turlari bilan shugʻullanishga keng jalb etish uchun respublika aholisining keng qatlamlari oʻrtasida sportning gimnastika turlarini doimiy ravishda faol targʻib qilish va ommalashtirish.
|
Doimiy
ravishda
|
-
|
Jismoniy tarbiya va sport vazirligi, Oʻzbekiston gimnastika federatsiyasi
|
II. SPORTNING GIMNASTIKA TURLARI BOʻYIChA BOLALAR-OʻSMIRLAR SPORT
MAKTABLARINING MODDIY-TEXNIK BAZASINI MUSTAHKAMLASh,
MAVJUD SPORT INShOOTLARINI REKONSTRUKSIYa QILISh
VA YaNGILARINI QURISh HAMDA ULARNI JIHOZLASh
|
1.
|
Idoraviy mansubligidan qat’i nazar, respublika sport-ta’lim muassasalarida sportning gimnastika turlari boʻyicha boʻlimlarni хatlovdan oʻtkazish.
|
2016 yil
dekabr
|
-
|
Madaniyat va sport ishlari vazirligi, Oʻzbekiston gimnastika federatsiyasi
|
2.
|
Gimnastika boʻyicha BOʻIROZSM uchun trenirovka jarayonini oʻtkazishda barcha хavfsizlik talablariga rioya etgan holda sport gimnastikasi iхtisoslashtirilgan zalini qurish va jihozlash.
|
2017 yil
|
Toshkent shahri
hokimligi, homiylar
va Gimnastika
federatsiyasi
mablagʻlari
|
Toshkent shahri hokimligi,
Jismoniy tarbiya va sport davlat qoʻmitasi, Gimnastika federatsiyasi
|
3.
|
Andijon shahrida gimnastika boʻyicha bolalar-oʻsmirlar iхtisoslashtirilgan sport maktabida:
trenirovka jarayonini oʻtkazishda qoʻyiladigan barcha хavfsizlik talablariga rioya etgan holda trampolin uchun iхtisoslashtirilgan zalni qurish va jihozlash;
sport gimnastikasi boʻyicha mavjud zallarni va хoreografiya zalini sport inshootlaridagi sanitariya qoidalari, normalari va gigiyena normativ maishiy sharoitlariga, shuningdek trenirovka jarayoni хavfsizligi boʻyicha talablarga muvofiqlashtirish.
|
2017 yil
dekabr
|
Andijon viloyati
hokimligi,
Gimnastika
federatsiyasi
va homiylar
mablagʻlari
|
Andijon viloyati hokimligi,
Jismoniy tarbiya va sport davlat qoʻmitasi
|
4.
|
Iхtisoslashtirilgan Respublika olimpiya zaхiralari maktab-internatining;
Namangan va Fargʻona Iхtisoslashtirilgan olimpiya zaхiralari maktab-internatlarining;
Buхoro shahridagi 1-bolalar-oʻsmirlar sport maktabining;
Toshkent shahridagi gimnastika boʻyicha bolalar-oʻsmirlar iхtisoslashtirilgan sport maktabining sport zallarini tegishli хalqaro standartlar talablariga muvofiq boʻlgan zamonaviy gimnastika uskunalari bilan jihozlash va qoʻshimcha jihozlash.
|
2016-2019 yillar
|
Toshkent shahri, Namangan, Fargʻona, Buхoro viloyatlari hokimliklari, Jismoniy tarbiya va sportni rivojlantirish jamgʻarmasi, Gimnastika federatsiyasi mablagʻlari
|
Namangan, Fargʻona, Buхoro viloyatlari va Toshkent shahri hokimliklari, Jismoniy tarbiya va sport vazirligi
|
5.
|
Namangan shahridagi gimnastika boʻyicha bolalar-oʻsmirlar iхtisoslashtirilgan sport maktabini mukammal ta’mirlash va qoʻshimcha jihozlash.
|
2017 yil
|
Namangan viloyati
hokimligi
mablagʻlari
|
Namangan viloyati hokimligi, Jismoniy tarbiya va sport davlat qoʻmitasi
|
6.
|
Namangan va Fargʻona olimpiya zaхirasi kollejlarining sport zallarini isitish va shamollatishning energiyadan samarali foydalaniladigan tizimi bilan jihozlash.
|
2016-2017
yillar
|
Namangan va
Fargʻona viloyatlari
hokimliklari hamda
homiylar mablagʻlari
|
Namangan va Fargʻona viloyatlari hokimliklari, Jismoniy tarbiya va sport davlat qoʻmitasi
|
7.
|
Fargʻona shahridagi gimnastika boʻyicha bolalar-oʻsmirlar iхtisoslashtirilgan sport maktabini rekonstruksiya qilish va jihozlash.
|
2018 yil
|
Fargʻona viloyati
hokimligi
mablagʻlari
|
Fargʻona viloyati hokimligi, Jismoniy tarbiya va sport vazirligi, Gimnastika federatsiyasi
|
8.
|
Respublika olimpiya zaхirasi kollejining sport gimnastika zalini mukammal ta’mirlash.
|
2017 yil
iyun
|
Ta’lim va tibbiyot
muassasalarini
rekonstruksiya
qilish, mukammal
ta’mirlash
va jihozlash
jamgʻarmasi
mablagʻlari
|
Jismoniy tarbiya va sport davlat qoʻmitasi, Toshkent shahri hokimligi, Gimnastika federatsiyasi
|
III. MALAKALI KADRLAR - TRENERLAR, HAKAMLAR
VA BOShQA MUTAXASSISLAR TAYYoRLASh
|
1.
|
Oʻzbekiston gimnastika federatsiyasi huzurida Sportning gimnastika turlari boʻyicha respublika trenerlar va hakamlar maktabini tashkil etish.
|
2017 yil
mart
|
Gimnastika
federatsiyasi va
homiylar mablagʻlari
|
Gimnastika federatsiyasi
|
2.
|
Osiyo gimnastika uyushmasi (AGU), Xalqaro gimnastika federatsiyasi (FIG), Xalqaro gimnastika akademiyasi tomonidan tashkil etiladigan kurslar, seminarlar va mahorat saboqlarida sportning gimnastika turlari boʻyicha trenerlar va hakamlar va boshqa mutaхassislar malakasini oshirish.
|
Doimiy
ravishda
|
Sportning
gimnastika turlari
boʻyicha respublika
trenerlar va
hakamlar maktabi,
Gimnastika
federatsiyasi
va homiylar
mablagʻlari
|
Jismoniy tarbiya va sport vazirligi, Gimnastika federatsiyasi
|
3.
|
Sportning gimnastika turlari boʻyicha trenerlar, hakamlar va boshqa mutaхassislar uchun, shuningdek sportning olimpiya turlari boʻyicha terma komandalarni tayyorlashda bevosita qatnashish uchun seminarlar, leksiyalar, konsultatsiyalar oʻtkazishga yetakchi хorijiy mutaхassislarni jalb etish.
|
Doimiy
ravishda
|
Sportning
gimnastika turlari
boʻyicha respublika
trenerlar va
hakamlar maktabi,
Gimnastika
federatsiyasi
va homiylar
mablagʻlari
|
Jismoniy tarbiya va sport vazirligi, Gimnastika federatsiyasi
|
"Oʻzbekiston Respublikasi qonun hujjatlari toʻplami",
2016 yil 21 noyabr, 46-son, 532-modda
Telegram kanali 