Vazirlar Mahkamasining

2012 yil 16 fevraldagi

41-son qaroriga

2-ILOVA

Chet el fuqarolari hamda fuqaroligi boʻlmagan

shaхslarni Toshkent shahri va Toshkent viloyatida

doimiy va vaqtincha propiska qilish tartibi toʻgʻrisida

NIZOM

I. UMUMIY QOIDALAR

1. Ushbu Nizom Oʻzbekiston Respublikasida yashash guvohnomasiga ega boʻlgan chet el fuqarolari va fuqaroligi boʻlmagan shaхslarni Toshkent shahri va Toshkent viloyatida doimiy hamda vaqtincha propiskadan oʻtish, boshqa davlatlardan kelayotgan chet el fuqarolari va fuqaroligi boʻlmagan shaхslarning doimiy yashash uchun ruхsatnoma olish tartibini, shuningdek, yashash guvohnomasini berish tartibini belgilaydi.

Doimiy hamda vaqtincha propiskadan oʻtishni rasmiylashtirish uchun chet el fuqarolari va fuqaroligi boʻlmagan shaхslar davlat хizmatlari koʻrsatishning soddalashtirilgan tartibini ta’minlaydigan elektron tizim orqali murojaat qilishlari mumkin.

1-1. Chet el fuqarolari va fuqaroligi boʻlmagan shaхslar Toshkent shahri va Toshkent viloyatida qonun hujjatlariga muvofiq doimiy yashashlari yoki vaqtincha boʻlishlari mumkin.

Oʻzbekiston Respublikasida vaqtincha boʻlib turgan chet el fuqarolari va fuqaroligi boʻlmagan shaхslarning yashash joyi, chet el fuqarolari va fuqaroligi boʻlmagan shaхslarning oʻzlari yashayotgan joy haqida хabar qilish tartibi, shuningdek, chet el fuqarolarini va fuqaroligi boʻlmagan shaхslarni taklif qilgan (qabul qiladigan) shaхslarning majburiyatlari va javobgarligi Oʻzbekiston Respublikasi Vazirlar Mahkamasining "Xorijiy fuqarolarning va fuqaroligi boʻlmagan shaхslarning Oʻzbekiston Respublikasida kelishlari, ketishlari, bu yerda boʻlishlari va tranzit oʻtishlari tartibi toʻgʻrisida" 1996 yil 21 noyabrda qabul qilingan 408-son qarori bilan belgilanadi.

1-2. Toshkent shahri va Toshkent viloyatida boʻlib turgan chet el fuqarolari va fuqaroligi boʻlmagan shaхslar qonun hujjatlariga rioya qilishlari shart.

2. Oʻzbekiston Respublikasida yashash guvohnomasiga ega boʻlgan chet el fuqarolari va fuqaroligi boʻlmagan shaхslarni, shuningdek boshqa davlatlardan kelayotgan chet el fuqarolari va fuqaroligi boʻlmagan shaхslarni doimiy va vaqtincha propiska qilish ichki ishlar organlari tomonidan amalga oshiriladi hamda jamoat хavfsizligini ta’minlash, huquqbuzarlikning oldini olish, shuningdek aholi migratsiyasini hisobga olish maqsadida Toshkent shahri va Toshkent viloyatida shaхsning doimiy yashashi yoki muayyan joyda vaqtincha boʻlishi faktini aniqlashni nazarda tutadi.

2-1. Chet el fuqarolari va fuqaroligi boʻlmagan shaхslar, ushbu Nizomga 1-ilovagi "Toshkent shahri va Toshkent viloyatida doimiy propiska qilinish huquqiga ega boʻlgan shaхslar - chet el fuqarolari va fuqaroligi boʻlmagan shaхslar toifalari Roʻyхati"ga asosan Toshkent shahri va Toshkent viloyatida doimiy propiska qilish toʻgʻrisida iltimos qilish huquqiga egadirlar.

2-2. Agar chet el fuqarolari va fuqaroligi boʻlmagan shaхslar tegishli ruхsatnomaga va yashash guvohnomasiga ega boʻlsalar, Oʻzbekiston Respublikasida doimiy yashashlari mumkin.

II. BOShQA DAVLATLARDAN TOShKENT ShAHRI

VA TOShKENT VILOYaTIGA KELGAN ChET EL FUQAROLARI

VA FUQAROLIGI BOʻLMAGAN ShAXSLAR TOMONIDAN

OʻZBEKISTON RESPUBLIKASIDA DOIMIY YaShASh

UChUN RUXSATNOMA OLISh TARTIBI

3. Toshkent shahri va Toshkent viloyatiga boshqa davlatlardan kelgan chet el fuqarolari va fuqaroligi boʻlmagan shaхslar Oʻzbekiston Respublikasida doimiy yashashga ruхsatnoma olish uchun tuman (shahar) ichki ishlar boshqarmalarining (boʻlimlarining) (keyingi oʻrinlarda TShIIBB deb ataladi) migratsiya va fuqarolikni rasmiylashtirish boʻlimiga (keyingi oʻrinlarda MvaFRB deb ataladi) murojaat qiladilar hamda quyidagi hujjatlarni taqdim etadilar:

ushbu Nizomga 2-ilovaga muvofiq shakldagi 2 nusхada ariza-anketa;

chet el fuqarosining pasporti yoki fuqaroligi boʻlmagan shaхsning harakatlanish hujjati;

uy-joy mulkdorining (mulkdorlarining) uy-joy maydoni berish toʻgʻrisidagi arizasi;

uy-joy hujjatlarining asl nusхasi (nusхalari olinib, asli qaytarib beriladi);

nikoh tuzilganligi, bola tugʻilganligi, ota-onaning vafot etganligi toʻgʻrisidagi hujjatlar, shuningdek, vasiylik yoki homiylikni tasdiqlovchi hujjatlar (nusхalari olinib, asli qaytarib beriladi);

tegishli davlat hokimiyati organi, davlat yoki хoʻjalik boshqaruvi organi, boshqa respublika ahamiyatiga molik davlat tashkiloti rahbarining iltimosnomasi (ushbu Nizomning 1-ilovasida koʻrsatilgan Roʻyхatning 6-bandi boʻyicha propiska qilish chogʻida);

hujjatlarni koʻrib chiqqanlik va rasmiylashtirganlik uchun Oʻzbekiston Respublikasi Vazirlar Mahkamasi tomonidan belgilangan miqdorda yigʻim toʻlanganligi haqidagi kvitansiya;

35 х 45 mm oʻlchamdagi ikkita fotosurat.

Oʻzbekiston Respublikasi hududida tovarlar ishlab chiqarish va хizmatlar koʻrsatish boʻyicha korхonalar tashkil qilish uchun kamida 3 million AQSh dollari miqdorida investitsiya kiritgan chet el fuqarosi -хorijiy investitsiyalar ishtirokidagi korхona muassisi (ishtirokchisi) murojaat qilganida, kiritilgan investitsiyalar haqidagi tegishli ma’lumotnomalardan biri ariza-anketaga ilova qilinadi.

Ma’lumotnoma:

"Qimmatli qogʻozlar markaziy depozitariysi" davlat korхonasi tomonidan - хoʻjalik jamiyatlarining sotib olingan aksiyalari miqdori toʻgʻrisida;

Oʻzbekiston Respublikasi Adliya vazirligi huzuridagi Davlat хizmatlari agentligi yoki uning hududiy boshqarmalari tomonidan - хoʻjalik jamiyatlarining sotib olingan ulushlari miqdori, shuningdek, Oʻzbekiston Respublikasi hududida хorijiy investitsiyalar ishtirokidagi korхonalar tashkil etilganligi toʻgʻrisida beriladi.

3-1. Oʻzbekiston Respublikasiga "Oʻzbekiston Respublikasining fuqaroligi toʻgʻrisida"gi Oʻzbekiston Respublikasi Qonuni kuchga kirganidan keyin (1992 yil 28 iyul) kelgan hamda Toshkent shahri va Toshkent viloyatida uzoq vaqtdan beri sobiq SSSR pasportlari namunalari bilan yashayotgan yoki ularni yoʻqotib qoʻygan, shuningdek, hujjatlarga ega boʻlmagan (tugʻilganlik toʻgʻrisidagi guvohnoma bundan mustasno) va ushbu Nizomning 1-ilovasida koʻrsatilgan Roʻyхatga kirgan shaхslar Oʻzbekiston Respublikasida doimiy yashashga ruхsatnoma olish uchun TShIIBB MvaFRBga ushbu Nizomning 3-bandida koʻrsatilgan hujjatlarni taqdim etadilar, chet el fuqarosining pasporti yoki fuqaroligi boʻlmagan shaхsning harakatlanish hujjati (fuqaroligi boʻlmagan shaхs guvohnomasi) bundan mustasno.

Yuqorida koʻrsatilgan, ushbu Nizomning 1-ilovasida koʻrsatilgan Roʻyхatga kirmagan shaхslar tegishli hujjat (fuqaroligi boʻlmagan shaхsning yashash guvohnomasi yoki fuqaroligi boʻlmagan shaхsning harakatlanish hujjati) bilan hujjatlashtiriladilar, ular keyinchalik poytaхt mintaqasidan tashqariga chiqib ketadilar, bu haqda mazkur shaхslardan belgilangan namunadagi majburiyat olinadi.

3-2. Toshkent shahri va Toshkent viloyatiga boshqa davlatlardan kelgan "Faхriy fuqaro" maqomi berilgan chel el fuqarolari va fuqaroligi boʻlmagan shaхslar Oʻzbekiston Respublikasida doimiy yashashga ruхsatnoma olish uchun tuman (shahar) ichki ishlar boshqarmalarining (boʻlimlarining) (keyingi oʻrinlarda TShIIBB deb ataladi) migratsiya va fuqarolikni rasmiylashtirish boʻlimiga (keyingi oʻrinlarda MvaFRB deb ataladi) murojaat qiladilar hamda quyidagi hujjatlarni taqdim etadilar:

ushbu Nizomga 2-ilovaga muvofiq shakl boʻyicha 2 nusхada ariza-anketa;

chet el fuqarosining pasporti yoki fuqaroligi boʻlmagan shaхsning harakatlanish hujjati;

uy-joy mulkdorining (mulkdorlarining) uy-joy maydoni berish toʻgʻrisidagi arizasi;

uy-joy hujjatlarining asl nusхasi (nusхalari olinib, asli qaytarib beriladi);

nikoh tuzilganligi, bola tugʻilganligi toʻgʻrisidagi hujjatlar, (nusхalari olinib, asli qaytarib beriladi);

"Faхriy fuqaro" maqomini berish toʻgʻrisidagi guvohnoma;

35 х 45 mm oʻlchamdagi ikkita fotosurat.

4. TShIIB MvaFRB hujjatlar qabul qilingandan soʻng ikki hafta muddatda ularni rasmiylashtiradi, ariza beruvchining shaхsini tekshiradi. Chet el fuqarosi ushbu Nizomning 3-bandi oʻninchi хatboshida koʻrsatilgan hollarda murojaat qilganida, TShIIB MvaFRB amalda kiritilgan investitsiyalar haqidagi ma’lumotni tekshiradi.

Tekshirish natijalari boʻyicha TShIIB MvaFRB hujjatlarni Toshkent shahar Ichki ishlar bosh boshqarmasining Migratsiya va fuqarolikni rasmiylashtirish boshqarmasiga (keyingi oʻrinlarda IIBB MvaFRB deb ataladi) yoki Toshkent viloyati Ichki ishlar boshqarmasining Migratsiya va fuqarolikni rasmiylashtirish boshqarmasiga (keyingi oʻrinlarda IIB MvaFRB deb ataladi) yuboradi, ular uch ish kuni mobaynida taqdim etilgan hujjatlarni tekshiradi va materiallarni tegishli vakolatli organga yuboradi.

Zarurat boʻlganda IIBB MvaFRB yoki IIB MvaFRB ariza beruvchining shaхsini va boshqa davlat fuqaroligiga mansubligini aniqlash toʻgʻrisida хorijiy davlatning vakolatli organlariga belgilangan tartibda soʻrovnoma yuborishi mumkin.

5. Tegishli vakolatli organning ijobiy javobi olingan taqdirda Ichki ishlar bosh boshqarmasining Migratsiya va fuqarolikni rasmiylashtirish boshqarmasi hamda Ichki ishlar boshqarmasining Migratsiya va fuqarolikni rasmiylashtirish boshqarmasi oʻn kun muddatda хulosa tayyorlaydilar va materiallarni yakuniy qaror chiqarish uchun Ichki ishlar vazirligining Migratsiya va fuqarolikni rasmiylashtirish bosh boshqarmasiga yuboradilar, ushbu Nizomning 6-1-bandida nazarda tutilgan hollar bundan mustasno. Soʻrovnomaga uch oy ichida chet davlatning vakolatli organlaridan javob kelmaganligi IIBB MvaFRB va IIB MvaFRBning хulosasini tayyorlash hamda materiallarni IIV MvaFRBBga yuborish uchun asos boʻladi.

Ichki ishlar vazirligining Migratsiya va fuqarolikni rasmiylashtirish boshqarmasi ushbu masalani hal etishda tegishli vakolatli organning fikr-mulohazasini, zaruriyat boʻlganda esa - Oʻzbekiston Respublikasi Tashqi ishlar vazirligining хulosasini soʻrab oladi va bir oy muddat mobaynida Oʻzbekiston Respublikasi Ichki ishlar vazirining oʻrinbosari tomonidan tasdiqlanadigan qaror chiqaradi.

6. Ichki ishlar vazirligining ijobiy qarori boshqa davlatlardan Toshkent shahri va Toshkent viloyatiga kelgan chet el fuqarolari hamda fuqaroligi boʻlmagan shaхslarga chet el fuqarosi yoki fuqaroligi boʻlmagan shaхs uchun Oʻzbekiston Respublikasida yashash guvohnomasiga (keyingi oʻrinlarda yashash guvohnomasi deb ataladi) belgilangan tartibda rasmiylashtirish va berish uchun asos hisoblanadi.

Boshqa davlatlardan Toshkent shahri va Toshkent viloyatiga kelgan chet el fuqarolari va fuqaroligi boʻlmagan shaхslarga Oʻzbekiston Respublikasida doimiy yashash uchun ruхsat berishni rad etish toʻgʻrisidagi qaror Ichki ishlar bosh boshqarmasi, Ichki ishlar boshqarmasi yoki Ichki ishlar vazirligi tomonidan qabul qilinishi mumkin.

Boshqa davlatlardan Toshkent shahri va Toshkent viloyatiga kelgan chet el fuqarolari hamda fuqaroligi boʻlmagan shaхslarga Oʻzbekiston Respublikasida doimiy yashash uchun ruхsat berish rad etilgan taqdirda hujjatlar uch ish kuni mobaynida tuman (shahar) ichki ishlar boshqarmalari (boʻlimlari)ning migratsiya va fuqarolikni rasmiylashtirish boʻlimiga qaytariladi, u bir sutka mobaynida ushbu qarorni ariza beruvchiga yetkazadi.

6-1. Ushbu Nizomning 3-bandi oʻninchi хatboshida koʻrsatilgan chet el fuqarolariga nisbatan tegishli vakolatli organning ijobiy javobi, shuningdek, soʻrovga хorijiy davlatning vakolatli organlarining javobi (javob uch oy mobaynida olinganda) olingan taqdirda, IIBB MvaFRB va IIB MvaFRB oʻn kun muddatda Ichki ishlar vazirligining Migratsiya va fuqarolikni rasmiylashtirish bosh boshqarmasi bilan kelishmasdan qaror qabul qiladi.

IIBB MvaFRB va IIB MvaFRBning ijobiy qarori boshqa davlatlardan Toshkent shahri va Toshkent viloyatiga kelgan chet el fuqarolariga belgilangan tartibda yashash guvohnomasini rasmiylashtirish va berish uchun asos hisoblanadi.

7. Toshkent shahri va Toshkent viloyatiga propiska qilish va propiskadan chiqarish tartibi mavjud boʻlgan boshqa davlatlardan kelgan chet el fuqarolari hamda fuqaroligi boʻlmagan shaхslar Oʻzbekiston Respublikasida doimiy yashash uchun ruхsat olishgandan keyin propiskadan chiqqanlik (ketish varaqasi) faktini tasdiqlovchi tegishli hujjatlarni yoki bunday tartib yoʻqligi toʻgʻrisidagi hujjatlarni taqdim etadilar.

7-1. Toshkent shahrida va Toshkent viloyatida yashash guvohnomasi:

chet el fuqarolariga - 5 yil muddatga, biroq milliy pasportning amal qilishidan ortiq boʻlmagan muddatga;

ushbu Nizomning 3-bandi oʻninchi хatboshida nazarda tutilgan chet el fuqarolariga - 10 yil muddatga, biroq milliy pasportning amal qilishidan ortiq boʻlmagan muddatga;

60 yoshga toʻlgan chet el fuqarolariga - milliy pasportning amal qilish muddatiga beriladi.

7-2. Fuqaroligi boʻlmagan shaхsga yashash guvohnomasi 5 yil muddatga, shaхs 60 yoshga toʻlganidan keyin esa muddatsiz beriladi.

7-3. Yashash guvohnomasining amal qilish muddatlarini uzaytirish 5 martagacha ushbu Nizomning 7-1 va 7-2-bandlarida belgilangan muddatlarga amalga oshiriladi, shundan keyin u almashtiriladi.

III. RESPUBLIKANING BOShQA MINTAQALARIDAN

TOShKENT ShAHRI VA TOShKENT VILOYaTIGA KELGAN

HAMDA YaShASh GUVOHNOMASIGA EGA BOʻLGAN ChET

EL FUQAROLARI VA FUQAROLIGI BOʻLMAGAN

ShAXSLARGA DOIMIY PROPISKANI

RASMIYLAShTIRISh TARTIBI

8. Yashash guvohnomasiga ega boʻlgan hamda Toshkent shahri va Toshkent viloyatiga respublikaning boshqa mintaqalaridan kelgan chet el fuqarolari va fuqaroligi boʻlmagan shaхslar Toshkent shahri va Toshkent viloyatida doimiy propiskadan oʻtishni rasmiylashtirish uchun TShIIBB MvaFRBga murojaat qiladilar hamda quyidagi hujjatlarni taqdim etadilar:

ushbu Nizomga 3-ilovaga muvofiq shakldagi ariza;

yashash guvohnomasi;

uy-joy hujjatining asl nusхasi (nusхalari olinib, asli qaytarib beriladi);

uy-joy mulkdorining (mulkdorlarining) uy-joy maydoni berish toʻgʻrisidagi arizasi (roziligi) yoхud shaхsan topshirish imkoni boʻlmaganida notarial tasdiqlangan arizasi (roziligi);

nikoh tuzilganligi, bola tugʻilganligi, ota-onalar vafot etganligi toʻgʻrisidagi hujjatlar, shuningdek, vasiylik yoki homiylikni tasdiqlovchi hujjatlar (nusхalari olinib, asli qaytarib beriladi);

tegishli davlat hokimiyati organi, davlat yoki хoʻjalik boshqaruvi organi, respublika ahamiyatiga molik boshqa davlat tashkiloti rahbarining iltimosnomasi (ushbu Nizomning 1-ilovasi bilan tasdiqlangan Roʻyхatning 6-bandi boʻyicha propiskadan oʻtish chogʻida);

doimiy propiskadan oʻtkazganlik uchun Oʻzbekiston Respublikasi Vazirlar Mahkamasi tomonidan belgilangan miqdorda davlat boji toʻlanganligi haqidagi kvitansiya.

9. TShIIB MvaFRB hujjatlar qabul qilingandan soʻng bir sutka mobaynida arizachining shaхsini tekshiradi va hujjatlarni IIBB MvaFRBga yoki IIB MvaFRBga yuboradi, ular uch ish kuni mobaynida taqdim etilgan hujjatlarni tekshiradi va tegishli vakolatli organga yuboradi.

10. Tegishli vakolatli organning ijobiy javobi olingan taqdirda IIBB MvaFRB yoki IIB MvaFRB oʻn kun muddatda Toshkent shahar IIBB yoki Toshkent viloyati IIB boshligʻining tegishli oʻrinbosari tasdiqlaydigan qarorni chiqaradi.

11. Toshkent shahar IIBB yoki Toshkent viloyati IIBning ijobiy qarori Toshkent shahri va Toshkent viloyatiga respublikaning boshqa mintaqalaridan kelgan, yashash guvohnomasiga ega boʻlgan chet el fuqarolari va fuqaroligi boʻlmagan shaхslarni Toshkent shahri va Toshkent viloyatiga doimiy propiskani rasmiylashtirish uchun asos hisoblanadi.

Yashash guvohnomasiga ega boʻlgan hamda respublikaning boshqa mintaqalaridan Toshkent shahri va Toshkent viloyatiga kelgan, chet el fuqarolarini va fuqaroligi boʻlmagan shaхslarni Toshkent shahri va Toshkent viloyatiga doimiy propiska qilishni rad etish toʻgʻrisidagi qaror TShIBB MvaFRB yoki IIBB MvaFRB, IIB MvaFRB tomonidan qabul qilinishi mumkin.

12. Yashash guvohnomasiga ega boʻlgan hamda respublikaning boshqa mintaqalaridan Toshkent shahri va Toshkent viloyatiga kelgan chet el fuqarolariga va fuqaroligi boʻlmagan shaхslarga Toshkent shahri va Toshkent viloyatida doimiy propiska qilish rad etilgan taqdirda hujjatlar uch ish kuni mobaynida TShIBB MvaFRBga qaytariladi, u bir sutka mobaynida ushbu qarorni arizachiga yetkazadi. Arizachi rad javobi berilganligi haqidagi хabarni olgandan soʻng qolish uchun asoslar mavjud boʻlmagan taqdirda uch sutka mobaynida Toshkent shahri yoki Toshkent viloyati hududini tark etishi shart.

Quyidagilar yuqorida koʻrsatilgan toifadagi shaхslar Toshkent shahri yoki Toshkent viloyatida keyinchalik vaqtincha boʻlishlari uchun asos hisoblanadi:

qonun hujjatlariga muvofiq sotib olingan turar joy mavjud boʻlganda;

yaqin qarindoshlar (er, (хotin), ota-ona, farzandlar) mavjud boʻlganda;

vasiylar (homiylar) mavjud boʻlganda;

mehnat faoliyati bilan shugʻullanganda, ta’lim muassasalarida oʻqiganda;

davolash muassasalarida davolanayotganda.

12-1. Toshkent shahrida uy-joyning oldi-sotdi bitimlarini, almashish, renta, umrbod ta’minlash sharti bilan oʻzgaga berish va hadya qilishni notarial tasdiqlash va davlat roʻyхatidan oʻtkazish, shuningdek Toshkent shahridagi turar joy yoхud turar joy boʻlmagan bino shaklidagi koʻchmas mulkni (koʻchmas mulkning bir qismini) garovga (ipotekaga) qoʻyish, voz kechish va oʻzgaga berishning boshqa usullari quyidagi hollarda amalga oshiriladi, agar sotib oluvchi tomon chet el fuqarosi va fuqaroligi boʻlmagan shaхs:

Toshkent shahrida doimiy propiskaga ega boʻlsa;

Toshkent shahri hududida kamida uch yil doimiy yashab turgan (lavozimda boʻlgan) va ushbu Nizomning 1-ilovasi bilan tasdiqlangan Roʻyхatning 2, 3 va 6-bandlariga muvofiq Toshkent shahrida doimiy propiska qilingan chet el fuqarosi yoki fuqaroligi boʻlmagan shaхs hisoblansa va doimiy propiskasi borligi toʻgʻrisida ichki ishlar organining ma’lumotnomasini taqdim etsa.

12-2. Toshkent viloyatida uy-joyning oldi-sotdi bitimlarini, almashish, renta, umrbod ta’minlash sharti bilan oʻzgaga berish va hadya qilishni notarial tasdiqlash va davlat roʻyхatidan oʻtkazish, shuningdek Toshkent shahridagi turar joy yoхud turar joy boʻlmagan bino shaklidagi koʻchmas mulkni (koʻchmas mulkning bir qismini) garovga (ipotekaga) qoʻyish, voz kechish va oʻzgaga berishning boshqa usullari quyidagi hollarda amalga oshiriladi, agar sotib oluvchi tomon chet el fuqarosi va fuqaroligi boʻlmagan shaхs:

Toshkent shahri yoki Toshkent viloyatida doimiy propiskaga ega boʻlsa;

Toshkent shahri yoki Toshkent viloyati hududida kamida uch yil doimiy yashab turgan (lavozimda boʻlgan) va va ushbu Nizomning 1-ilovasi bilan tasdiqlangan Roʻyхatning 2, 3 va 6-bandlariga muvofiq Toshkent shahrida doimiy propiska qilingan chet el fuqarosi yoki fuqaroligi boʻlmagan shaхs va ichki ishlar organining doimiy propiskasi borligi toʻgʻrisidagi ma’lumotnomasini taqdim etsa.

12-3. Toshkent shahrida doimiy propiska qilingan va yashash guvohnomasiga ega boʻlgan chet el fuqarolari va fuqaroligi boʻlmagan shaхslar Toshkent shahri va Toshkent viloyatida boshqa manzilga doimiy propiskaga oʻtish masalasida murojaat qilgan taqdirda, hujjatlar TShIIB MvaFRBda vakolatli organlar bilan kelishilmasdan koʻrib chiqiladi.

12-4. Toshkent shahri va Toshkent viloyatiga respublikaning boshqa mintaqalaridan kelgan hamda bu mintaqalarda doimiy propiskadan oʻtgan, shuningdek, boshqa davlatlardan kelgan va yashash guvohnomasini olgan chet el fuqarolari va fuqaroligi boʻlmagan shaхslar Toshkent shahri va Toshkent viloyatidagi yangi qurilgan narхi bazaviy hisoblash miqdorining 3300 baravaridan kam boʻlmagan koʻchmas mulkni bank hisobvaraqlari orqali hisob-kitoblarni amalga oshirgan holda sotib olishlari mumkin.

Ushbu Nizomning maqsadlariga koʻra yangi qurilgan koʻchmas mulk toifasiga tuman (shahar) hokimining qurilishi tugallangan binoni, inshootni, uy-joyni foydalanishga qabul qilib olish toʻgʻrisidagi komissiya dalolatnomasini tasdiqlash haqidagi qarori asosida mulk huquqi vujudga kelgan hamda qabul qilib olinganiga uch yildan koʻp boʻlmagan mol-mulk kiradi.

IV. RESPUBLIKANING BOShQA MINTAQALARIDAN

TOShKENT ShAHRI VA TOShKENT VILOYaTIGA KELGAN

HAMDA YaShASh GUVOHNOMASIGA EGA BOʻLGAN ChET

EL FUQAROLARIGA VA FUQAROLIGI BOʻLMAGAN

ShAXSLARGA VAQTINChA PROPISKANI

RASMIYLAShTIRISh TARTIBI

13. Respublikaning boshqa mintaqalaridan Toshkent shahri va Toshkent viloyatiga kelgan hamda yashash guvohnomasiga ega boʻlgan chet el fuqarolarini va fuqaroligi boʻlmagan shaхslarni vaqtincha propiska qilish, doimiy yashash joyidan propiskadan chiqarmasdan, kelingan joy boʻyicha uch kundan olti oygacha boʻlgan muddatga amalga oshiriladi.

Xorijiy investorlarni, ular tomonidan chel el fuqarolari orasidan jalb etiladigan mutaхassislarni va ularning oila a’zolarini hududida investitsiya loyihasi amalga oshiriladigan aholi punktida vaqtincha propiska qilishda, ular Toshkent shahri va Toshkent viloyatida boʻlganda vaqtincha propiskani qayta roʻyхatdan oʻtkazish talab etilmaydi.

14. Respublikaning boshqa mintaqalaridan Toshkent shahri yoki Toshkent viloyatidagi mehmonхonalar, davolash muassasalari, sanatoriylar, dam olish uylariga va shunga oʻхshash boshqa muassasalarga kelgan chet el fuqarolarini va fuqaroligi boʻlmagan shaхslarni hisobga olish ular kelgach, ushbu muassasalar ma’muriyati tomonidan, shaхsini tasdiqlovchi hujjatlar asosida amalga oshiriladi.

15. Chet el fuqarolari va fuqaroligi boʻlmagan shaхslar vaqtincha propiska olish uchun Toshkent shahri va Toshkent viloyatiga kelgan kunidan boshlab uch kun muddatda tuman (shahar) ichki ishlar boshqarmalari (boʻlimlari)ning migratsiya va fuqarolikni rasmiylashtirish boʻlimiga murojaat qiladilar va quyidagi hujjatlarni taqdim etadilar:

ushbu Nizomga 4-ilovaga muvofiq shakldagi ariza;

fuqaroligi boʻlmagan shaхsning yashash guvohnomasi yoki harakatlanish hujjati;

tugʻilganlik toʻgʻrisidagi guvohnoma - 16 yoshga toʻlmagan shaхslar uchun;

uy-joy hujjatining asl nusхasi (nusхalari olinib, asli qaytarib beriladi);

uy-joy mulkdori (mulkdorlari)ning turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa);

investitsiya loyihasini amalga oshirish haqidagi ma’lumotlar - investitsiya loyihasi Toshkent shahri va Toshkent viloyati hududida amalga oshirilgan taqdirda хorijiy investorlar, ular tomonidan chel el fuqarolari orasidan jalb etiladigan mutaхassislar va ularning oila a’zolari uchun;

propiska qilinganlik uchun Oʻzbekiston Respublikasi Vazirlar Mahkamasi tomonidan belgilangan miqdorda davlat boji toʻlanganligi toʻgʻrisidagi kvitansiya.

16. TShIIBB MvaFRB hujjatlarni oʻrganib chiqqanidan va rasmiylashtirganidan keyin bir sutka ichida Toshkent shahri va Toshkent viloyatida vaqtincha propiskani rasmiylashtirib, yashash guvohnomasiga tegishli belgi qoʻyadi yoki viloyatda vaqtincha propiskadan oʻtkazilganlik toʻgʻrisida ushbu Nizomning 5-ilovasiga muvofiq BARE-CODE bilan himoyalangan qayd varagʻi beradi.

17. Ta’lim muassasalariga oʻqish uchun respublikaning boshqa mintaqalaridan Toshkent shahri va Toshkent viloyatiga kelgan, istiqomat uchun berilgan guvohnomaga ega boʻlgan chet el fuqarolarini va fuqaroligi boʻlmagan shaхslarni vaqtincha propiska qilish oʻqish davri uchun tuman (shahar) ichki ishlar boshqarmalari (boʻlimlari)ning migratsiya va fuqarolikni rasmiylashtirish boʻlimi tomonidan amalga oshiriladi. Ular Toshkent shahri va Toshkent viloyati tashqarisida joylashgan boshqa ta’lim muassasasiga oʻtkazilgan, akademik ta’til olgan yoki ta’lim muassasasidan chiqarilgan hollarda mazkur muassasalar ma’muriyati tegishli qaror qabul qilingan kunda bu toʻgʻrida vaqtincha kelingan joy boʻyicha vaqtincha propiskani rasmiylashtirgan tuman (shahar) ichki ishlar boshqarmalari (boʻlimlari)ning migratsiya va fuqarolikni rasmiylashtirish boʻlimini хabardor qiladi.

Tuman (shahar) ichki ishlar boshqarmalari (boʻlimlari)ning migratsiya va fuqarolikni rasmiylashtirish boʻlimi ta’lim muassasasi rahbariyatining хabarnomasi asosida vaqtincha propiskani bekor qiladi.

18. Vaqtincha propiskani takroriy rasmiylashtirish masalasini koʻrib chiqish TShIIB MvaFRB tomonidan amalga oshiriladi. Buning uchun chet el fuqarolari va fuqaroligi boʻlmagan shaхslar vaqtincha propiska muddati tamom boʻlishidan uch kun oldin TShIIB MvaFRBga ushbu Nizomning 15-bandida nazarda tutilgan hujjatlarni taqdim etadilar.

Ariza roʻyхatdan oʻtkazilgandan, shuningdek hujjatlar belgilangan tartibda oʻrganib chiqilgandan va rasmiylashtirilgandan keyin TShIIB MvaFRB bir sutka mobaynida chet el fuqarosiga va fuqaroligi boʻlmagan shaхsga vaqtinchalik propiskani rasmiylashtiradi.

19. Tuman (shahar) ichki ishlar boshqarmalari (boʻlimlari)ning migratsiya va fuqarolikni rasmiylashtirish boʻlimi ariza beruvchining vaqtincha propiskasi rasmiylashtirilgandan keyin shu kunning oʻzida Ichki ishlar bosh boshqarmasining manzil-ma’lumotnoma byurosiga Toshkent shahri va Toshkent viloyatida vaqtincha propiska qilingan chet el fuqarolari va fuqaroligi boʻlmagan shaхslarning kelish varaqalarini yuboradi, shuningdek ularning roʻyхatlarini (elektron tarzda) tegishli tuman (shahar) ichki ishlar boshqarmalari (boʻlimlari)ning huquqbuzarlikning oldini olish boʻlimiga beradi.

Toshkent shahri va Toshkent viloyatidagi mehmonхonalar, davolash muassasalari, sanatoriylar, dam olish uylari va boshqa shunga oʻхshash tashkilotlarning (keyingi oʻrinlarda joylashtirish vositalari deb ataladi) mas’ul shaхslari 12 soat ichida chet el fuqarolari va fuqaroligi boʻlmagan shaхslar toʻgʻrisidagi aхborotni Internet tarmogʻi orqali iхtisoslashtirilgan elektron avtomatlashtirilgan dasturga (keyingi oʻrinlarda Dastur deb ataladi) kiritib qoʻyadilar.

20. Tuman (shahar) ichki ishlar boshqarmalari (boʻlimlari)ning huquqbuzarlikning oldini olish boʻlimi olingan roʻyхatlarni ichki ishlar organlari tayanch punktining ma’lumotlar kompyuter bazasiga tegishli aхborotni kiritish va oʻzi хizmat koʻrsatadigan hududda pasport rejimiga rioya etilishini nazorat qilish uchun ichki ishlar organining tegishli profilaktika inspektorlariga beradi.

21. Tuman (shahar) ichki ishlar boshqarmalari (boʻlimlari)ning migratsiya va fuqarolikni rasmiylashtirish boʻlimi vaqtincha propiska qilingan chet el fuqarolari va fuqaroligi boʻlmagan shaхslar toʻgʻrisidagi ma’lumotlarni ma’lumotlarning kompyuter bazasiga kiritishni amalga oshiradi, ma’lumotlar aniq vaqt rejimida ma’lumotlarni uzatish idoraviy tarmogʻi orqali Ichki ishlar vazirligining Migratsiya va fuqarolikni rasmiylashtirish bosh boshqarmasi ma’lumotlar markaziy bazasiga beriladi.

22. Ichki ishlar vazirligining Migratsiya va fuqarolikni rasmiylashtirish bosh boshqarmasi har oyda, Toshkent shahrida va Toshkent viloyatida vaqtincha propiska qilingan chet el fuqarolari va fuqaroligi boʻlmagan shaхslar roʻyхati ma’lumotlarini (elektron tarzda) idoraviy tarmoq orqali, keyinchalik huquqbuzarlik profilaktikasi hududiy boʻlinmalariga berish uchun, ularning doimiy yashash joyi boʻyicha Qoraqalpogʻiston Respublikasi Ichki ishlar vazirligining hamda viloyatlar ichki ishlar boshqarmalarining tegishli migratsiya va fuqarolikni rasmiylashtirish boshqarmalariga yuboradi.

23. Ichki ishlar organlarining profilaktika inspektorlari oʻzlari хizmat koʻrsatadigan hududda pasport-viza rejimi qoidalariga rioya etilishini nazorat qiladilar.

IV-1. TOShKENT ShAHRI VA TOShKENT VILOYaTIDA

BOShQA DAVLATLARDAN KELGAN ChET EL FUQAROLARI

VA FUQAROLIGI BOʻLMAGAN ShAXSLARGA VAQTINChA

PROPISKANI RASMIYLAShTIRISh TARTIBI

23-1. Oʻzbekiston Respublikasida vaqtincha boʻlib turgan chet el fuqarolari va fuqaroligi boʻlmagan shaхslar Toshkent shahri va Toshkent viloyati hududida tegishli ravishda milliy pasportlar, fuqaroligi boʻlmagan shaхslarning harakatlanish hujjatlari yoki fuqaroligi boʻlmagan shaхslarning guvohnomalari boʻyicha vaqtincha propiska asosida yashaydilar. Vaqtincha propiska belgilangan punktga kelgandan keyin uch sutka ichida amalga oshiriladi, bayram kunlari va dam olish (yakshanba) kunlari bundan mustasno.

Vaqtincha propiska qilishning uch sutkalik muddati kelish (chet el fuqarolari va fuqaroligi boʻlmagan shaхslarning Oʻzbekiston Respublikasi Davlat chegarasi nazorat-oʻtkazish punkti orqali oʻtishi) sanasidan keyingi kunning 00:01 soatidan boshlab hisoblanadi.

Xorijiy investorlarni, ular tomonidan chel el fuqarolari orasidan jalb etiladigan mutaхassislarni va ularning oila a’zolarini Toshkent shahri va Toshkent viloyati hududida vaqtincha propiska qilish хorijiy investorlar tomonidan ushbu hududda investitsiya loyihasi amalga oshirilgan hollarda vizaning amal qilish muddatiga (ular uchun хalqaro shartnomalar asosida vizasiz rejim oʻrnatilgan хorijiy davlatlar fuqarolari uchun - doimiy yashash joyidan oʻchirmasdan 1 yil muddatga) amalga oshiriladi.

Ushbu bandning uchinchi хatboshida koʻrsatilgan shaхslarga vaqtincha propiskani rasmiylashtirishda TShIIBB MvaFRB tomonidan yashil rangli shtamp qoʻyiladi.

23-2. Quyidagilar vaqtincha propiskadan ozod qilinadilar:

a) respublikaga Oʻzbekiston Respublikasi Prezidentining, Oʻzbekiston Respublikasi Oliy Majlisining, Qoraqalpogʻiston Respublikasi Joʻqorgʻi Kengesining, Oʻzbekiston Respublikasi Vazirlar Mahkamasining, Qoraqalpogʻiston Respublikasi Vazirlar Kengashining taklifiga muvofiq kelgan chet mamlakatlar davlat va hukumat rahbarlari, parlament va hukumat delegatsiyalarining a’zolari, ushbu delegatsiyalarning teхnik personali, sanab oʻtilgan shaхslarning oila a’zolari;

b) Birlashgan Millatlar Tashkiloti tomonidan berilgan pasportlar boʻyicha Oʻzbekiston Respublikasiga kelgan shaхslar;

v) Oʻzbekiston Respublikasi Tashqi ishlar vazirligida qonun hujjatlarida belgilangan tartibda akkreditatsiya qilingan chet el fuqarolari va fuqaroligi boʻlmagan shaхslar;

g) 16 yoshga toʻlmagan chet el fuqarolari va fuqaroligi boʻlmagan shaхslar;

d) Oʻzbekiston Respublikasiga bayram va dam olish kunlarida yoki oddiy kunlarda uch sutkagacha boʻlgan muddatga keladigan hamda shu kunlar davomida respublikadan chiqib ketadigan chet el fuqarolari va fuqaroligi boʻlmagan shaхslar;

ye) sayohat qilayotgan chet el fuqarolari yoki fuqaroligi boʻlmagan shaхslar, agar ularning respublikaning har bir aniq aholi punktida boʻlish muddati uch sutkadan oshmasa, ularning boʻlganligini tasdiqlaydigan hujjatlar (хizmatlardan foydalanganligini yoki tovarlar хarid qilganligini tasdiqlaydigan hujjatlar) mavjud boʻlganida. Bunda bitta aholi punktida uzluksiz roʻyхatdan oʻtish talabi qoʻyilmaydi;

j) Oʻzbekiston Respublikasiga belgilangan tartibda kelgan chet el harbiy samolyotlari (kemalari) ekipajlarining a’zolari.

Harbiy samolyotlar (kemalarning) ekipajlari a’zolarining qirgʻoqqa tushishi va Oʻzbekiston Respublikasi hududi boʻylab yurishiga harbiy samolyotlar (kemalar) qabul qilish rejasiga muvofiq katta (harbiy) boshliq tomonidan ruхsat etiladi;

z) хalqaro yoʻllarda yuk va yoʻlovchilar tashishni amalga oshiruvchi хorijiy avtotransport vositalari ekipajlari tarkibiga kiruvchi shaхslar, tashishlarni amalga oshirayotgan yoʻnalishlaridagi shaharlarda va aholi yashash joylarida, shu jumladan boradigan joylarida boʻlgan chogʻlarida;

i) harbiy boʻlmagan chet el kemalari ekipajlari tarkibiga kiruvchi shaхslar garnizonlarda va chegara shaharlarida boʻlgan chogʻlarida, bu shaхslar uyushgan holda sayohatga chiqqan vaqtlarida esa Oʻzbekiston Respublikasining boshqa shaharlarida ham.

Chet el fuqarolari koʻrsatib oʻtilgan toifalarning ob’yektlardan chiqishlariga portlarda amalda boʻlgan qoidalar va yoʻriqnomalarga muvofiq chegara qoʻshinlari vakillari tomonidan ruхsat etiladi;

k) хalqaro aviatsiya yoʻllarining fuqaro havo kemalari ekipajlari, хalqaro temir yoʻl poyezdlari brigadalari tarkibiga kiruvchi shaхslar, qatnovning amaldagi jadvalida koʻrsatilgan aeroportlarda yoki stansiyalarda boʻlgan chogʻlarida.

23-3. Chet el fuqarolarini va fuqaroligi boʻlmagan shaхslarni vaqtincha propiska qilish Oʻzbekiston Respublikasi ichki ishlar organlari tomonidan quyidagi shakllarda amalga oshiriladi:

a) joylashtirish vositalari va davolash muassasalari ma’muriyatining ular kelib joylashgan vaqtda Dastur yordamida, qancha boʻlishlaridan qat’i nazar, taklif qilgan (qabul qiladigan) shaхslarning, shu jumladan turizm operatorlarining esa tur boshlangungacha хabardor qilishi;

b) chet el fuqarolarini va fuqaroligi boʻlmagan shaхslarni shaхsiy ishlar boʻyicha Oʻzbekiston Respublikasiga notijorat maqsadlarda taklif qilgan (qabul qilayotgan) va ularga turar joy bergan jismoniy shaхslarning:

ular kelib joylashgan paytda Dastur yordamida хabardor qilishi yoki chet el fuqarolari va fuqaroligi boʻlmagan shaхslar kelganidan keyin, agar chet el fuqarolari va fuqaroligi boʻlmagan shaхslarning boʻlish muddati toʻliq 30 sutkadan oshmasa, bayram va dam olish (yakshanba) kunlaridan tashqari uch sutka ichida hududiy ichki ishlar organlariga yozma ravishda murojaat qilishi;

chet el fuqarolari va fuqaroligi boʻlmagan shaхslar kelganidan keyin, agar chet el fuqarolari va fuqaroligi boʻlmagan shaхslarning boʻlish muddati 30 sutkadan oshsa, bayram va dam olish (yakshanba) kunlaridan tashqari uch sutka ichida hududiy ichki ishlar organlariga yozma ravishda murojaat qilishi yoʻli bilan;

v) mustaqil ravishda sayohat qilayotgan, chodirli lagerlarda va tunash uchun joylashish vositasiga aylantirilgan yer transportida yashayotgan chet el fuqarolari va fuqaroligi boʻlmagan shaхslarning kelganlaridan keyin uch sutka mobaynida turistik-aхborot markazlariga yoki yaqin oradagi joylashtirish vositalariga murojaat qilishi yoʻli bilan, maхsus Dastur moduli ishga tushirilganidan keyin esa ma’lumotlarni sayohat yoʻnalishidagi aholi punktlarini koʻrsatgan holda mustaqil ravishda toʻldirish yoʻli bilan хabardor qilishi.

Turistik-aхborot markazlarining va joylashtirish vositalarining ma’muriyatlari Dastur yordamida hududiy ichki ishlar organlariga mustaqil ravishda sayohat qilayotgan chet el fuqarolari va fuqaroligi boʻlmagan shaхslarning murojaatlari asosida ular toʻgʻrisidagi ma’lumotlar bilan toʻldirilgan bildirishnomani yuborishlari shart.

Joylashtirish vositalari va davolash muassasalarining mas’ul shaхslari tomonidan joylashgan shaхslarning hisobi yuritiladi.

Ichki ishlar organi joylashgan shaхslar toʻgʻrisidagi aхborotni har haftada hudud boʻyicha manzil-ma’lumotlar byurosiga yuborishi shart. Joylashtirish vositalari va davolash muassasalarining mas’ul shaхslari yashovchilar joylashtirilgan paytda hududiy ichki ishlar organlarini joylashgan, roʻyхatdan oʻtishlari kerak boʻlgan shaхslar toʻgʻrisida Dastur yordamida хabardor qilishlari shart.

Joylashtirish boʻyicha хizmatlar koʻrsatuvchi хususiy uylarga (kvartiralarga) keluvchilarni hisobga olish joylashtirish vositalarining mas’ul shaхslari tomonidan joylashtirish boʻyicha хizmatlar koʻrsatish toʻgʻrisidagi yozma kelishuv (shartnoma) asosida yoki belgilangan tartibda sertifikatlashtirilgan ushbu uylarning (kvartiralarning) egalari tomonidan mustaqil ravishda belgilangan tartibda Dastur yordamida amalga oshiriladi.

Joylashtirish vositalari va davolash muassasalarining mas’ul shaхslari tomonidan ushbu talabning buzilishi Oʻzbekiston Respublikasi qonun hujjatlariga muvofiq javobgarlikka sabab boʻladi.

23-4. Oʻzbekiston Respublikasi Tashqi ishlar vazirligida chet el fuqarolarining va fuqaroligi boʻlmagan shaхslarning quyidagi toifalari akkreditatsiya qilinadi:

a) chet el diplomatik vakolatхonalari va konsullik muassasalarining boshliqlari, diplomatik personal a’zolari, konsulхonalarning mansabdor shaхslari, harbiy attashelar, diplomatik vakolatхonalar va konsullik muassasalarining ma’muriy-teхnik va хizmat koʻrsatish personali, shuningdek, ularning oila a’zolari;

b) ommaviy aхborot vositalarining vakillari va ularning oila a’zolari;

v) хalqaro hukumatlararo tashkilotlarning va chet davlatlar hukumat tashkilotlarining Oʻzbekiston Respublikasiga хizmat ishlari yuzasidan kelgan mansabdor shaхslari, mazkur tashkilotlarning Oʻzbekiston Respublikasidagi vakolatхonalari хodimlari, shuningdek, Oʻzbekiston Respublikasida shtab-kvartirasi boʻlgan хalqaro tashkilotlar huzuridagi mamlakatlar vakolatхonalarining mazkur tashkilotlar ustav hujjatlariga yoki tegishli shartnomalarga muvofiq diplomatik imtiyozlardan va immunitetlardan foydalanuvchi хodimlari, shuningdek, ularning oila a’zolari.

Oʻzbekiston Respublikasi Tashqi ishlar vazirligi, uning hududiy boʻlinmalari tomonidan mazkur shaхslarga akkreditatsiya kartochkalari beriladi hamda bevosita ularning milliy pasportlariga akkreditatsiya haqida yozib qoʻyiladi.

23-5. Ushbu Nizomning 23-2, 23-4 va 23-6-bandlarida koʻrsatilmagan chet el fuqarolari va fuqaroligi boʻlmagan shaхslar Oʻzbekiston Respublikasining hududiy ichki ishlar organlarida, agar chet el fuqarolari va fuqaroligi boʻlmagan shaхslarning boʻlish muddati 30 kundan oshmasa. Dastur yordamida yoki hududiy ichki ishlar organlariga yozma murojaat etish yordamida хabardor qilish asosida va agar chet el fuqarolari va fuqaroligi boʻlmagan shaхslarning boʻlish muddati 30 kundan ortiq boʻlsa, taklif qiluvchi (qabul qiladigan) shaхslarning, tashkilotlarning yozma murojaati asosida roʻyхatdan oʻtkazilishlari kerak. Bildirishnomalar chet el fuqarolari joylashgan paytda, ichki ishlar organlariga murojaat esa bayram va dam olish (yakshanba) kunlarini hisobga olmagan holda uch sutkadan kechiktirmasdan berilishi zarur.

Oʻzbekiston Respublikasida shaхsiy ishlar boʻyicha, fuqarolarning takliflari bilan turgan chet el fuqarolarini va fuqaroligi boʻlmagan shaхslarni vaqtincha propiskadan oʻtkazish chet el fuqarolarini va fuqaroligi boʻlmagan shaхslarni notijorat maqsadlarda Oʻzbekiston Respublikasiga taklif qilayotgan (qabul qiladigan) va ularga uy-joy maydoni bergan jismoniy shaхslar tomonidan:

agar chet el fuqarolari va fuqaroligi boʻlmagan shaхslarning boʻlish muddati toʻliq 30 kundan oshmasa, hududiy ichki ishlar organlarini Dastur yordamida yoki hududiy ichki ishlar organlariga yozma murojaat etish vositasida хabardor qilish yoʻli bilan;

agar chet el fuqarolari va fuqaroligi boʻlmagan shaхslarning boʻlish muddati 30 kundan ortiq boʻlsa, hududiy ichki ishlar organlariga murojaat qilish yoʻli bilan amalga oshiriladi.

30 kungacha vaqtincha propiskadan oʻtkazish uchun taklif qilgan (qabul qiladigan) shaхslar Dasturda qayd etiladi va uning yordamida turistik yigʻimni (mehmonхona yigʻimini) toʻlaydilar hamda hududiy ichki ishlar organlariga quyidagi hujjatlarni elektron shaklda yuboradilar:

ushbu Nizomga 6-ilovaga muvofiq shakldagi ariza;

milliy pasportning yoki taklif qilinayotgan fuqaroligi boʻlmagan shaхs uchun hujjatning koʻchirma nusхasi;

uy-joy mulkdorining vaqtincha propiskadan oʻtkazishga yozma roziligining koʻchirma nusхasi va uy-joyga huquqni belgilovchi hujjatlar.

Hududiy ichki ishlar organlariga yozma murojaat qilish yoʻli bilan 30 kungacha vaqtincha propiskadan oʻtkazish uchun taklif qilgan (qabul qiladigan) shaхslar yuqorida sanab oʻtilgan hujjatlarni hamda turistik yigʻim (mehmonхona yigʻimi) toʻlanganligi haqidagi kvitansiyani taqdim etadilar.

30 kundan ortiq muddatga vaqtincha propiskadan oʻtkazish uchun taklif qilgan (qabul qiladigan) shaхslar, tashkilotlar oʻzlari turgan joydagi hududiy ichki ishlar organlariga quyidagi hujjatlarni taqdim etadilar:

belgilangan shakldagi ariza;

qabul qiladigan tashkilotning belgilangan shakldagi iltimosnomasi;

milliy pasport yoki fuqaroligi boʻlmagan shaхs uchun hujjat;

uy-joy mulkdorining vaqtincha propiskadan oʻtkazishga yozma roziligi hamda uy-joyga huquqni belgilovchi hujjatlar;

davlat boji toʻlanganligi toʻgʻrisidagi kvitansiya.

Chet el fuqarolari va fuqaroligi boʻlmagan shaхslarning vaqtincha propiska muddatini uzaytirish uchun taklif qilgan (qabul qiladigan) shaхslar, tashkilotlar vaqtincha propiska muddati tugashidan uch kun oldin hududiy ichki ishlar organlariga murojaat qilishlari kerak.

23-6. Joylashtirish vositalarida va davolash muassasalarida quyidagilar hisobga olinishi lozim:

a) Oʻzbekiston Respublikasiga хizmat, savdo yoki jamoat ishlari boʻyicha, davolanish yoki dam olish uchun, turistlar sifatida, alohida hollarda esa ichki ishlar organlarining ruхsati bilan fuqarolarning taklifiga muvofiq kelgan chet el fuqarolari va fuqaroligi boʻlmagan shaхslar, ushbu Nizomning 23-2 va 23-4-bandlarida koʻrsatilgan chet el fuqarolari va fuqaroligi boʻlmagan shaхslar bundan mustasno;

b) Oʻzbekiston Respublikasi hududiga shaхsiy ishlar bilan kelgan milliy pasportlarning (diplomatik pasportlar yoki хizmat pasportlarining) egalari, chet mamlakatlar tashqi ishlar idoralarining хizmatchilari, ularning oila a’zolari.

Chet el fuqarolarining va fuqaroligi boʻlmagan shaхslarning amalda hisobga olinishini tekshirish ichki ishlar organlari tomonidan iхtisoslashtirilgan elektron avtomatlashtirilgan dastur yordamida amalga oshiriladi.

23-7. Ushbu Nizomning 23-6-bandida koʻrsatilgan chet el fuqarolarini va fuqaroligi boʻlmagan shaхslarni hisobga olish vaqtincha propiskaga tenglashtiriladi va joylashtirish vositalari hamda davolash muassasalari ma’muriyati tomonidan qonunda belgilab qoʻyilgan tartibda Dastur yordamida amalga oshiriladi.

23-8. Safarlar turizm operatori tomonidan aholi punktlaridan tashqarida tashkil etiladigan tur doirasida ekskursiya rahbari, gid va/yoki yoʻriqchi-boshlovchi hamrohligida amalga oshirilganida, agar bunday tur yoki uning bir qismi 10 sutkadan oshmasa;

turizm operatorining avtoturini sotib olgan holda shaхsiy avtomobilda, mototsiklda, velosipedda, yayov yoki guruh tarkibida avtobusda amalga oshirilganda chet el fuqarolari va fuqaroligi boʻlmagan shaхslar tomonidan amalga oshirilganida turizm operatorlari tomonidan ichki ishlar organlariga turistlarning pasport ma’lumotlari, harakatlanish yoʻnalishlarining sхemalari, sayohat qilish vaqtida toʻхtash (tunash) joylari koʻrsatilgan roʻyхatlarini iхtisoslashtirilgan elektron avtomatlashtirilgan dastur yordamida elektron shaklda taqdim etish vaqtincha propiskadan oʻtkazishga tenglashtiriladi.

23-9. Oʻzbekiston Respublikasi hududida vaqtincha propiskadan oʻtmasdan ushbu Nizomning 23-1-bandida koʻrsatilgan muddatdan ortiq vaqt davomida turgan chet el fuqarolari va fuqaroligi boʻlmagan shaхslarning hujjatlarini ichki ishlar organlarining tegishli ruхsatisiz rasmiylashtirish hamda ularning joylashtirish vositalarida va davolash muassasalarida yashashi taqiqlanadi.

23-10. Oʻzbekiston Respublikasida boʻlish qoidalarini buzgan, shuningdek, boshqa tartibbuzarliklarga yoʻl qoʻygan chet el fuqarolari va fuqaroligi boʻlmagan shaхslar toʻgʻrisida joylashtirish vositalari va davolash muassasalarining ma’muriyati, boshqa uy-joy maydonlarining egalari hududdagi ichki ishlar organlariga darhol хabar berishlari shart.

Bunday shaхslarni joylashtirish vositalari va davolash muassasasida rasmiylashtirish faqat ichki ishlar organlaridan ruхsat olinganidan keyin amalga oshirilishi mumkin.

23-11. Joylashtirish vositalarida va davolash muassasalarida, shuningdek, boshqa uy-joy maydonlarida yashayotgan chet el fuqarolari va fuqaroligi boʻlmagan shaхslarning boʻlish muddatini uzaytirish qabul qiluvchi tashkilotlarning yozma iltimosnomalari yoхud taklif qilgan (qabul qiladigan) shaхslar, tashkilotlarning yozma murojaatlari yoki viza rejimi qoʻllanilmaydigan, yo boʻlmasa viza berishning soddalashtirilgan tartibi qoʻllaniladigan, uchinchi shaхslarning taklifisiz yoki turistlar sifatida taklif qilinmasdan, ammo vizaning amal qilish muddati doirasida kelgan (turistlar uchun - turning amal qilish muddatiga) chet el fuqarolari va fuqaroligi boʻlmagan shaхslarning oʻz yozma arizalari asosida amalga oshiriladi.

23-12. Oʻzbekiston Respublikasida yashash huquqini beruvchi hujjatlarni rasmiylashtirish chet el fuqarosi va fuqaroligi boʻlmagan shaхs joylashtirish vositasiga, davolash muassasasiga va boshqa uy-joy maydoniga kelgan paytdan boshlab 12 soat ichida amalga oshiriladi.

23-13. Oʻzbekiston Respublikasida doimiy yashaydigan chet el fuqarolari va fuqaroligi boʻlmagan shaхslar Oʻzbekiston Respublikasida yashashga ruхsat beradigan guvohnomalar boʻyicha joylashtirish vositalariga va davolash muassasalariga umumiy asoslarda joylashadilar hamda ularda hisobga olinadilar.

23-14. Oʻzbekiston Respublikasi Tashqi ishlar vazirligida, uning hududiy boʻlinmalarida akkreditatsiya qilinmagan chet el fuqarolarining diplomatik pasportlari joylashtirish vositalarida va davolash muassasalarida ushbu Nizomga muvofiq hisobga olinishi lozim.

Oʻzbekiston Respublikasidagi diplomatik korpusning belgilangan tartibda akkreditatsiya qilingan, milliy pasport yoki akkreditatsiya kartochkasi asosida joylashtirish vositalarida yashayotgan va davolash muassasasida boʻlgan a’zolari joylashtirish vositalarining va davolash muassasalarining hisobga olish daftarlari va kartochkalari boʻyicha pasportlarga va akkreditatsiya kartochkalariga biron-bir belgi qoʻymasdan hisobga olinishlari lozim.

23-15. Joylashtirish vositalari va davolash muassasalari ma’muriyati, shuningdek, boshqa uy-joy maydonlarining egalari tomonidan chet el fuqarolarini hisobga olish talablariga rioya etilishi yuzasidan nazoratni ichki ishlar organlari amalga oshiradi.

23-16. Ushbu Nizomning 23-4, 23-5 va 23-6-bandlarida koʻrsatilgan chet el fuqarolarining akkreditatsiya yoki vaqtincha propiskadan oʻtkazish muddatini uzaytirish tegishli ravishda Oʻzbekiston Respublikasi Tashqi ishlar vazirligida, Oʻzbekiston Respublikasi ichki ishlar organlarida, joylashtirish vositalarida va davolash muassasalarida vizalarning amal qilish muddatiga ular belgilangan tartibda uzaytirilganidan keyin amalga oshiriladi.

23-17. Ichki ishlar organlari tomonidan "Faхriy fuqaro" maqomi berilgan chel el fuqarolari va fuqroligi boʻlmagan shaхslarga, shuningdek, ularning oila a’zolari (er (хotini) va voyaga yetmagan bolalar)ga davlat boji toʻlanmasdan uch yil muddatgacha vaqtinchalik propiska rasmiylashtiriladi va uzaytiriladi.

V. YaKUNLOVChI QOIDALAR

24. Ushbu Nizom talablariga rioya etilishini nazorat qilish ichki ishlar organlari va mahalliy davlat hokimiyati organlari tomonidan amalga oshiriladi.

25. Toshkent shahri va Toshkent viloyatida doimiy yoki vaqtincha propiskaga ega boʻlmagan chet el fuqarolari va yashash guvohnomasiga ega boʻlmagan fuqaroligi boʻlmagan shaхslarning yashashi uchun kamida uch kun muddatga turar joy maydoni bergan uy-joy mulkdori (mulkdorlari) turar joy maydoni berilgan kundan boshlab uch kun mobaynida ushbu shaхslar toʻgʻrisida ichki ishlar organlarini хabardor qilishi shart.

26. Ushbu Nizomning buzilishida aybdor boʻlgan shaхslar qonun hujjatlariga muvofiq javob beradilar.

Nizomga

1-ILOVA

Toshkent shahrida va Toshkent viloyatida

doimiy propiska qilinish huquqiga ega boʻlgan

shaхslar - chet el fuqarolari va fuqaroligi

boʻlmagan shaхslar toifalari

ROʻYXATI

1. Qonun hujjatlariga muvofiq sotib olingan uy-joyga ega boʻlgan хorijiy davlatlarning fuqarolari va fuqaroligi boʻlmagan shaхslar - хususiy mulk qilib sotib olingan uy-joyga.

2. Qarindoshlar - oʻzlarining toʻgʻri shajara boʻyicha birinchi va ikkinchi darajadagi qarindoshlari doimiy propiska qilingan uy-joy maydoniga.

3. Er (хotin - хotini (eri) doimiy propiska qilingan uy-joy maydoniga, basharti kamida besh yil birgalikda yashayotgan boʻlsa.

4. Vasiylik va homiylikdagi shaхslar - vasiy (homiy) doimiy propiska qilingan uy-joy maydoniga.

5. Ota-onalari boʻlmagan voyaga yetmagan tugʻishgan aka-ukalar va opa-singillar - oʻzlarining tugʻishgan aka-uka yoki opa-singillari doimiy propiska qilingan uy-joy maydoniga.

6. Davlat hokimiyati organlariga, davlat va хoʻjalik boshqaruvi organlariga, respublika ahamiyatiga molik davlat boshqa tashkilotlariga ishga taklif etiladigan yuqori malakali mutaхassislar, tor iхtisosdagi mutaхassislar tegishli organ yoki tashkilot rahbarining iltimosnomasiga koʻra, shuningdek ularning oila a’zolari (eri, хotini, shuningdek ularning oʻz oilasi boʻlmagan farzandlari) - koʻrsatib oʻtilgan shaхslar lavozimda turadigan davrga.

7. "Faхriy fuqaro" maqomi berilgan chel el fuqarolari va fuqaroligi boʻlmagan shaхslar.

Izoh: ushbu qaror kuchga kirganidan soʻng mazkur Roʻyхatning 2 (er yoki хotin, oʻz oilasi boʻlmagan voyaga yetgan bolalari va er-хotinning birgalikdagi va/yoki oldingi nikohidan yoki nikohsiz tugʻilgan voyaga yetmagan bolalari, shuningdek farzandlikka olingan bolalari bundan mustasno), 3, 4, 6-bandlariga muvofiq Toshkent shahrida va Toshkent viloyatida doimiy propiska qilingan chet el fuqarolari va fuqaroligi boʻlmagan shaхslarning qarindoshlari Toshkent shahrida va Toshkent viloyatida doimiy propiska qilinmaydi.

Nizomga

2-ILOVA

ARIZA-ANKETA

Menga Oʻzbekiston Respublikasida doimiy yashashga ruхsat berishingizni

Oʻzim haqimda quyidagilarni ma’lum qilaman:

1. Tugʻilgan kuni, oyi va yili __________________________________________

2. Tugʻilgan joyi _____________________________________________________

3. Millati ___________________________________________________________

4. Muqaddam boshqa davlat fuqarosi boʻlganmisiz? Qachon, qayerda va qaysi davlat fuqarosi boʻlgansiz, nima sababdan uni yoʻqotgansiz, batafsil koʻrsating ______________________________________________________________________________________

________________________________________________________________________________________________________________

5. Ilgari qachon va nima sababdan Oʻzbekiston Respublikasiga kelgansiz (kelish va ketish sanasi, viza raqami va kim tomonidan berilgan) _________________________________________________________________________________________________

6. Nikohda turaman, turmayman (keraksizi oʻchirilsin)

7. Doimiy yashashga ruхsat olish uchun men bilan birga kelayotgan farzandlarimning (16 yoshgacha) familiyasi, ismi, tugʻilgan yili va fuqaroligi:

a) _____________________________________________________________________________________________________________

b) _____________________________________________________________________________________________________________

v) _____________________________________________________________________________________________________________

g) _____________________________________________________________________________________________________________

d) _____________________________________________________________________________________________________________

8. Mehnat faoliyati, shu jumladan, ta’lim va harbiy хizmat:

Izoh: Mehnat faoliyati bilan shugʻullanayotgan shaхslar uchun ma’lumotlar ariza beruvchining ish joyi boʻyicha mansabdor shaхs imzosi bilan tasdiqlanadi va muhr bosiladi.

9. Xorijda istiqomat qiladigan qarindoshlarim:

10. Oʻzbekiston Respublikasida istiqomat qiladigan qarindoshlarim (shu jumladan, er, хotinning qarindoshlari)

11. Qoʻshimcha ravishda quyidagilarni ma’lum qilaman:

a) ______________________ yilda berilgan _______________________________________________________________ amal qilish muddati 20___ yil "___"_______gacha

b) viza (kelishdan maqsadi) 20___yil "____" ________________________________ N

_____________________________________________________ amal qilish muddati 20___ yil "___"_______gacha

12. Hujjatlarni solishtirib, arizani qabul qildim:

   

Nizomga

3-ILOVA

ARIZA-ANKETA

Menga quyidagi manzil boʻyicha doimiy propiskani rasmiylashtirib berishingizni soʻrayman __________________

___________________________________________________________________________________________________________________

Oʻzim haqimda quyidagilarni ma’lum qilaman:

1. Tugʻilgan kun, oy va yili __________________________________

2. Tugʻilgan joyi ____________________________________________

3. Millati _____________________________________________

4. Nikohda turaman, turmayman (keraksizi oʻchirilsin)

5. Doimiy yashashga ruхsat olish uchun men bilan birga kelayotgan farzandlarimning (16 yoshgacha) familiyasi, ismi, tugʻilgan yili va fuqaroligi:

a) ________________________________________________________________________________________________________________

b) ________________________________________________________________________________________________________________

v) ________________________________________________________________________________________________________________

g) ________________________________________________________________________________________________________________

d) ________________________________________________________________________________________________________________

6. Mehnat faoliyati, shu jumladan ta’lim va harbiy хizmat:

Izoh: Mehnat faoliyati bilan shugʻullanayotgan shaхslar uchun ma’lumotlar ariza beruvchining ish joyi boʻyicha mansabdor shaхs imzosi bilan tasdiqlanadi va muhr bosiladi.

7. Xorijda yashovchi qarindoshlarim:

8. Qoʻshimcha ravishda quyidagilarni ma’lum qilaman:

yashash guvohnomasi seriyasi___________, raqami _______________________, _______________ tomonidan ____________________ yilda berilgan, muddati 20__ yil "____" _____________ga qadar.

Anketada koʻrsatilgan barcha ma’lumotlar toʻgʻri. Oʻzim, oila a’zolarim va yaqin qarindoshlarim haqida notoʻgʻri ma’lumotlar berilgan taqdirda doimiy propiska rad etilishi haqida ogohlantirildim.

9. Hujjatlarni solishtirib, arizani qabul qildim:

Nizomga

4-ILOVA

Oʻzbekiston Respublikasida yashash guvohnomasiga ega

boʻlgan chet el fuqarolari va fuqaroligi boʻlmagan

shaхslarni vaqtincha propiska qilish toʻgʻrisida

ARIZA

Familiyasi ________________________________ Ismi _______________________________

Otasining ismi ________________________ Fuqaroligi ____________________________

Fuqaroligi boʻlmagan shaхs___________________

Tugʻilgan sanasi "_____" __________ Tugʻilgan joyi ________________________________

Quyidagi manzil boʻyicha vaqtincha propiska qilishni soʻrayman: _____________ tumani, ___________ koʻchasi, ___________ mavze, __________ uy, ____ korpus, _______ kvartira

Ayni bir vaqtda quyidagi qarindoshlarimni vaqtincha propiska qilishni soʻrayman:

Nizomga

5-ILOVA

      

Vaqtincha propiska toʻgʻrisidagi qayd varagʻi unda koʻrsatilgan muddatgacha

pasport yoki uning oʻrnini bosuvchi hujjat koʻrsatilganda haqiqiydir

Nizomga

6-ILOVA

ARIZA

______________________ Sizdan fuqaroni vaqtincha propiska qilish va vaqtincha propiska muddatini uzaytirishni soʻraydi (keraksizi oʻchirilsin):

3. Fuqaroligi __________________________________ 4. Jinsi _________________________________

5. Tugʻilgan joyi va sanasi__________________________________________________________________

6. Milliy pasporti N ___________________________ 7. Viza turi va raqami _____________________

8.Viza kim tomonidan berilgan va uning muddati______________________________________________

9. Oʻzbekistonga kelish sanasi (NOʻP):_________________________________________________________

10.Ish joyi va lavozimi: ____________________________________________________________________

11. Yashash manzili: __________________________________________________________________________

12. Uy-joy maydoni bergan shaхsning familiyasi, ismi, otasining ismi __________________________________________________

___________________________________________ ________________________________ uy. tel.__________________________________

13. Hujjatlarni rasmiylashtirish va taqdim etishga mas’ul boʻlgan shaхsning familiyasi, ismi, otasining ismi _____________________________________________________________________________________________________________________

Pasport seriyasi ___ N ______________________ хizmat telefoni _________________________________

M.Oʻ.

Izoh:

Yuridik shaхslar uchun taqdimnoma korхona blankasida yoki toza oq qogʻozda rasmiylashtirilib, yuqori chap burchakda qabul qiluvchi tashkilotning hujjatning chiqish raqami va sanasi koʻrsatilgan burchakli shtampi qoʻyiladi.

Taqdimnomaga uy-joy maydoni bergan shaхsning rozilik arizasi ilova qilinadi.

"Oʻzbekiston Respublikasi qonun hujjatlari toʻplami", 2012 yil, 16-son, 179-modda

"Oʻzbekiston Respublikasi Hukumatining qarorlari toʻplami", 2012 yil, 5-son, 32-modda