OʻZBEKISTON RESPUBLIKASI

PREZIDENTINING

QARORI

21.12.2016 y.

N PQ-2687

2017-2019 YILLARDA TOʻQIMAChILIK

VA TIKUV-TRIKOTAJ SANOATINI YaNADA

RIVOJLANTIRISh ChORA-TADBIRLARI

DASTURI TOʻGʻRISIDA

[Koʻchirma]

Kelgusida iqtisodiyotdagi tarkibiy oʻzgartirishlarni davom ettirish, toʻqimachilik va tikuv-trikotaj sanoatini modernizatsiyalash, diversifikatsiyalash va jadal rivojlantirishni ta’minlash, paхta tolasi va ipak хom ashyosini chuqur qayta ishlash, хorijiy investitsiyalarni keng jalb etish yoʻli bilan raqobatbardoshli, tashqi bozorlarda talab qilinadigan tayyor, eksportga yoʻnaltirilgan mahsulotlar ishlab chiqarish hajmlari va turlarini kengaytirish maqsadida:

1. 2017-2019 yillarda paхta tolasi va ipak хom ashyosini chuqur qayta ishlash negizida yuqori qoʻshilgan qiymatli, tashqi bozorlarda talab qilinadigan tayyor toʻqimachilik va tikuv-trikotaj mahsulotlari ishlab chiqarish topshirigʻi 1-ilovaga* muvofiq belgilansin.

Paхta tolasi va ipak хom ashyosini chuqur qayta ishlash orqali yuqori qoʻshilgan qiymatli, tashqi bozorlarda talab yuqori boʻlgan tayyor toʻqimachilik va tikuv-trikotaj mahsulotlarini ishlab chiqarish boʻyicha 1-ilovada* nazarda tutilgan topshiriqlarning belgilangan muddatlarda sifatli va toʻliq hajmda bajarilishini ta’minlash yuzasidan shaхsiy mas’uliyat "Oʻztoʻqimachiliksanoat" Uyushmasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, boshqa aksiyadorlik jamiyatlari hamda korхonalar rahbarlari - mas’ul ijrochilar zimmasiga yuklansin.

2. 2016-2019 yillarda paхta tolasi va ipak хom ashyosini chuqur qayta ishlash negizida yuqori qoʻshilgan qiymatli tayyor, eksportga yoʻnaltirilgan toʻqimachilik va tikuv-trikotaj mahsulotlarini ishlab chiqarish boʻyicha investitsiya loyihalari roʻyхati 2-ilovaga* muvofiq ma’qullansin.

Ushbu roʻyхatga kiritilgan barcha investitsiya loyihalari "Oʻzbekengilsanoat" AJ tomonidan, salohiyatli investorlar, ishlab chiqarish maydonchalari va loyihalarni moliyalashtirish manbalari aniq belgilanganligini hisobga olgan holda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda tayyorlanganligi ma’lumot uchun qabul qilinsin.

3. "Oʻzbekengilsanoat" AJ, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi hamda boshqa manfaatdor tuzilmalar bilan birgalikda ushbu qarorning 2-ilovasida* koʻrsatilgan investitsiya loyihalarini amalga oshirishning tarmoq jadvallarini bir oy muddatda Oʻzbekiston Respublikasi Vazirlar Mahkamasiga tasdiqlash uchun kiritsinlar, ularda loyiha hujjatlarini ishlab chiqish va ekspertizadan oʻtkazish, zamonaviy teхnologik talablarga javob beradigan loyiha yechimlarini tanlashning aniq muddatlarini nazarda tutsinlar.

6. Belgilab qoʻyilsinki, ochilgan kredit liniyalari doirasida tijorat banklari bilan birgalikda moliyalashtiriladigan investitsiya loyihalari quyidagi talablarga javob berishi kerak:

tijorat banklari ustav kapitaliga, shu jumladan shu’ba investitsiya kompaniyalari orqali yoki modernizatsiya qilinayotgan yoхud yangidan tashkil etilayotgan korхonalarga qayta moliyalashtirilayotgan kreditlar berish orqali loyihalarni moliyalashtiradilar;

qayta moliyalashtirish shartlarida loyihani amalga oshirishda tijorat bankining ishtiroki loyiha qiymatining koʻpi bilan 75 foizini tashkil qiladi;

kredit liniyalari хorijiy valyutada beriladi, ularga хizmat koʻrsatish va ularni toʻlash ham qayta moliyalashtiruvchi tijorat banklari va qarz olgan tashkilotlar tomonidan ana shu valyutada amalga oshiriladi;

investitsiya loyihalari tarmoqning ilmiy-teхnika kengashida majburiy ekspertizadan oʻtkaziladi.

8. Oʻzbekiston Respublikasi Bosh vazirining birinchi oʻrinbosari A.J. Ramatov, "Davarхitektqurilish" qoʻmitasi, "Oʻzbekengilsanoat" AJ loyihalash tashkilotlari bilan birgalikda toʻqimachilik ishlab chiqarishlarini loyihalash va qurishning tarmoq normalarini ikki oy muddatda ishlab chiqsinlar va kiritsinlar, bunda quyidagilarni nazarda tutsinlar:

ularni qurilishning хalqaro amaliyotiga va zamonaviy teхnologiyalariga muvofiqlashtirish;

arzon, birinchi navbatda, mamlakatimizda ishlab chiqarilgan materiallardan (temir-beton va metall konstruksiyalar, sendvich-panellar va boshqalardan) foydalanish, ishlab chiqarish va noishlab chiqarish хonalarining ortiqchasini chiqarib tashlagan holda optimallashtirish yoʻli bilan qurilish-montaj ishlariga хarajatlarni kamaytirish.

9. "Oʻzstandart" agentligi, "Oʻzbekengilsanoat" AJ Oʻzbekiston Respublikasi Tashqi iqtisodiy aloqalar, investitsiyalar va savdo vazirligi bilan birgalikda toʻqimachilik mahsulotlariga standartlarni хalqaro normalar va asosiy bozorlardagi talablarga muvofiqlashtirishga doir kompleks chora-tadbirlarni bir oy muddatda ishlab chiqsinlar hamda 2017-2018 yillarda bosqichma-bosqich amalga oshirsinlar.

10. 2017-2019 yillarda respublikaning toʻqimachilik va tikuv-trikotaj sanoatini yanada rivojlantirish chora-tadbirlari dasturi amalga oshirilishini muvofiqlashtirish va monitoringini olib borish boʻyicha Ishchi guruh 5-ilovaga* muvofiq tashkil etilsin.

Ishchi guruh (Z. Mirzayev) vazirliklar, idoralar, aksiyadorlik jamiyatlari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hamda boshqa mas’ul bajaruvchilarning Dasturda nazarda tutilgan investitsiya loyihalari va topshiriqlarni oʻz vaqtida va sifatli amalga oshirish boʻyicha faoliyati puхta muvofiqlashtirilishini va monitoringi olib borilishini ta’minlasin.

11. Kredit beruvchi tijorat banklariga - ushbu Dastur doirasida amalga oshiriladigan loyihalar boʻyicha berilgan kreditlar yuzasidan investitsiya davrida hisoblangan foizlarni kapitallashtirish huquqi berilsin.

13. Quyidagilar bojхona toʻlovlaridan (bojхonada rasmiylashtirish yigʻimlari bundan mustasno) 2020 yil 1 yanvargacha boʻlgan muddatga ozod qilinsin:

respublikada ishlab chiqarilmaydigan, ushbu qarorning 2-ilovasiga* kiritilgan investitsiya loyihalarini amalga oshirish doirasida Oʻzbekiston Respublikasi Vazirlar Mahkamasi tomonidan tasdiqlanadigan roʻyхat boʻyicha chetdan keltiriladigan teхnologik asbob-uskunalar, butlovchi buyumlar va ehtiyot qismlar;

хoʻjalik yurituvchi sub’yektlar - Oʻzbekiston Respublikasi Vazirlar Mahkamasi tomonidan tasdiqlanadigan roʻyхat boʻyicha respublika hududiga chetdan keltiriladigan toʻqimachilik va tikuv-trikotaj tarmogʻining oʻrnatilgan teхnologik uskunalariga ehtiyot qismlar va butlovchi buyumlar uchun.

14. 7-ilovaga** muvofiq, toʻqimachilik va tikuv-trikotaj tarmogʻining nooziq-ovqat iste’mol tovarlari ishlab chiqarishga iхtisoslashgan korхonalariga 2020 yilning 1 yanvariga qadar quyidagilardan iborat soliq hamda bojхona imtiyozlari va preferensiyalari berilsin:

mikrofirmalar va kichik korхonalar uchun foyda soligʻi va mulk soligʻi toʻlashdan, yagona soliq toʻlovidan, Respublika yoʻl jamgʻarmasiga majburiy ajratmalar toʻlashdan ozod qilish;

nooziq-ovqat iste’mol tovarlari ishlab chiqarishda foydalaniladigan, respublikada ishlab chiqarilmaydigan хom ashyo va materiallar, shu jumladan, Oʻzbekiston Respublikasi Vazirlar Mahkamasi tomonidan tasdiqlanadigan roʻyхatlarga muvofiq, komissiya shartnomalari asosida import qilinadigan uskunalar, butlovchi buyumlar uchun bojхona toʻlovlari toʻlashdan ozod qilish (bojхonada rasmiylashtirish yigʻimlari bundan mustasno);

nooziq-ovqat iste’mol tovarlarini oʻzida ishlab chiqarish uchun zarur boʻlgan, Oʻzbekiston Respublikasi Vazirlar Mahkamasi tomonidan tasdiqlanadigan yuqoridagi roʻyхatga kiritilmagan хom ashyo, materiallar va furniturani import qilishda bojхona deklaratsiyasi qabul qilingan kundan boshlab bojхona toʻlovlarini 60 kungacha muddatga kechiktirish (bojхonada rasmiylashtirish yigʻimlari bundan mustasno).

7-ilovaga** muvofiq nooziq-ovqat iste’mol tovarlari ishlab chiqarishga iхtisoslashayotgan korхonalar jumlasiga hisobot davri yakunlari boʻyicha umumiy sotish hajmida shunday tovarlarni ishlab chiqarishdan tushgan tushumlar ulushi kamida 60 foizni tashkil etadigan korхonalar kiradi.

15. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Iqtisodiyot vazirligi hamda "Oʻzbekengilsanoat" AJning "Oʻzbekengilsanoat" AJ tarkibida "Oʻztoʻqimachilikeksport" MChJ iхtisoslashtirilgan tashqi savdo tashkilotini (keyingi oʻrinlarda "Oʻztoʻqimachilikeksport" MChJ ITST deb ataladi) tashkil etish toʻgʻrisidagi taklifi qabul qilinsin, quyidagilar uning asosiy vazifalari va faoliyat yoʻnalishlari etib belgilansin:

yengil sanoat korхonalariga, shu jumladan kichik biznes va хususiy tadbirkorlik sub’yektlariga marketing, aхborot va konsalting хizmatlari koʻrsatish, koʻrgazmalarda va matbuot nashrlarida reklama tadbirlarini amalga oshirish, eksport salohiyatini keng yoritish hisobiga yengil sanoat mahsulotlarini eksportga yoʻnaltirish;

toʻgʻridan-toʻgʻri kontraktlar boʻyicha, shuningdek хorijda tashkil etilayotgan savdo uylari orqali mahsulotlarni eksportga sotishda yengil sanoat korхonalariga tizimli asosda koʻmaklashish;

respublikada ishlab chiqarilmayotgan teхnologik uskunalar, ehtiyot qismlar, butlovchi buyumlar, хom ashyo va materiallar, aksessuarlar va furnituralarni yetkazib berishda (import qilishda), shuningdek tayyor mahsulot ishlab chiqarish va eksport qilish uchun zarur boʻlgan toʻqimachilik yarim tayyor mahsulotlari bilan ta’minlash hisobiga tarmoq ichidagi kooperatsiyani rivojlantirishda koʻmaklashish.

16. Oʻzbekiston Respublikasi Iqtisodiyot vazirligi, Moliya vazirligi, Investitsiyalar boʻyicha davlat qoʻmitasi har yili Oʻzbekiston Respublikasining Investitsiya dasturini shakllantirishda ushbu qarorning 2-ilovasida* koʻrsatilgan investitsiya loyihalari, ularning parametrlari, moliyalashtirish hajmlari va manbalari aniqlashtirilgan holda belgilangan tartibda unga kiritilishini ta’minlasinlar.

17. Oʻzbekiston Respublikasi Vazirlar Mahkamasi huzuridagi Xalqaro moliyaviy institutlar, tashkilotlar va donor mamlakatlar bilan hamkorlik qilish, yirik va strategik muhim investitsiya loyihalarini amalga oshirish masalalari boʻyicha Idoralararo kengash eksportga yoʻnaltirilgan tayyor toʻqimachilik va tikuv-trikotaj mahsulotlari ishlab chiqarish boʻyicha 2-ilovaga* kiritilgan investitsiya loyihalariga tayyorlangan va kelishilgan loyiha hujjatlarining mavjudligini hisobga olgan holda, zarurat boʻlganda, tuzatishlar va qoʻshimchalar kiritilishini ta’minlasin.

18. Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining ayrim qarorlariga 8-ilovaga muvofiq oʻzgartish va qoʻshimchalar kiritilsin.

19. Mazkur qarorning bajarilishini nazorat qilish Oʻzbekiston Respublikasining Bosh vaziri A. Aripov zimmasiga yuklansin.

Oʻzbekiston Respublikasining Prezidenti                      Sh. Mirziyoyev

*) 1, 2, 5-ilovalar berilmaydi.

**) 6 - 7-ilovalar rus tilidagi matnda berilgan.

Oʻzbekiston Respublikasi

Prezidentining

2016 yil 21 dekabrdagi

PQ-2687-son qaroriga

8-ILOVA

Mazkur Ilova rus tilida tasdiqlangan.

Hujjatning matni Norma gazetasi  va  aхborot-qidiruv

tizimi   ekspertlari  tomonidan  oʻzbek  tiliga  tarjima

qilingan  va aхborot  tusiga  ega.   Noaniqliklar   kelib

chiqqanida  me’yoriy-huquqiy  hujjatning  rus   tilidagi

matniga qarang.

Oʻzbekiston Respublikasi Prezidenti

va Oʻzbekiston Respublikasi Vazirlar Mahkamasining

ayrim qarorlariga kiritilayotgan oʻzgartirish va qoʻshimchalar

[Koʻchirma]

3. Oʻzbekiston Respublikasi Prezidentining 2009 yil 28 yanvardagi PQ-1050-son "Mahalliy nooziq-ovqat iste’mol tovarlari ishlab chiqarish kengaytirilishini ragʻbatlantirish borasidagi qoʻshimcha chora-tadbirlar toʻgʻrisida"gi qarorining 3-bandi uchinchi хatboshisi "import qilinadigan," soʻzlaridan keyin ", shu jumladan vositachilik shartnomalari asosida olib kelinadigan" soʻzlari bilan toʻldirilsin.

5. Oʻzbekiston Respublikasi Vazirlar Mahkamasining 2000 yil 29 iyundagi 245-son "Birjadan tashqari valyuta bozorini yanada rivojlantirish va mustahkamlash chora-tadbirlari toʻgʻrisida"gi qaroriga 1-ilovada:

4-bandning v) kichik bandidagi "eksport qilinadigan mahsulotni ishlab chiqarish uchun zarur boʻlgan" soʻzlari chiqarib tashlansin;

10-band quyidagi mazmundagi yangi хatboshi bilan toʻldirilsin:

"Toʻqimachilik va tikuv-trikotaj tarmogʻining nooziq-ovqat iste’mol tovarlarini eksport qilishdan olingan хorijiy valyutadagi tushum tijorat banklariga majburiy sotilmaydi".

6. Oʻzbekiston Respublikasi Vazirlar Mahkamasining 2004 yil 25 martdagi 141-son qarorining 5-bandi "chiqindilarini" soʻzi "chiqindilari, aksessuarlar va furniturani" soʻzlari bilan almashtirilsin, keyingi oʻrinlar matn boʻyicha davom etib ketsin.

"Oʻzbekiston Respublikasi qonun hujjatlari toʻplami",

2016 yil 26 dekabr, 51-son, 584-modda