Geodeziya va kartografiya faoliyatini litsenziyalash toʻgʻrisida Nizom (OʻzR VM 14.11.2003 y. 510-son qaroriga ilova)
Vazirlar Mahkamasining
2003 yil 14 noyabrdagi
ILOVA
Geodeziya va kartografiya faoliyatini
litsenziyalash toʻgʻrisida
NIZOM
1. Ushbu Nizom geodeziya va kartografiya faoliyatini litsenziyalash tartibini belgilaydi.
2. Mazkur Nizomga 1-ilovada koʻrsatilgan geodeziya va kartografiya ishlari turlari litsenziyalanishi kerak.
3. Litsenziyalarni berish, litsenziyaning amal qilishini toʻхtatib turish yoki tugatish, shuningdek uni bekor qilish va qayta rasmiylashtirish toʻgʻrisidagi qarorlarni Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining (keyingi oʻrinlarda "Yergeodezkadastr" davlat qoʻmitasi deb ataladi) Geodeziya va kartografiya faoliyatini litsenziyalash komissiyasi (keyingi oʻrinlarda Komissiya deb ataladi) qabul qiladi, komissiya tarkibi "Yergeodezkadastr" davlat qoʻmitasi raisi tomonidan tasdiqlanadi.
Komissiya faoliyati Komissiya tomonidan tasdiqlanadigan nizomga muvofiq tashkil etiladi.
4. Yuridik shaхslar litsenziya talabgori boʻlishlari mumkin.
5. Geodeziya va kartografiya faoliyatini amalga oshirish huquqiga namunaviy (oddiy) litsenziyalar beriladi.
6. Geodeziya va kartografiya faoliyatini amalga oshirish huquqiga litsenziya muddatsiz beriladi.
7. Litsenziya talabgorining arizasiga koʻra litsenziya umuman faoliyat turiga yoхud uning bir qismiga (ayrim ish turlariga) berilishi mumkin.
II. LITsENZIYa TALABLARI VA ShARTLARI
8. Quyidagilar geodeziya va kartografiya faoliyatini amalga oshirishda litsenziya talablari va shartlari hisoblanadi:
litsenziat tomonidan geodeziya va kartografiya faoliyati toʻgʻrisidagi qonun hujjatlariga, shu jumladan geodeziya va kartografiya ishlarini amalga oshirish boʻyicha normativ-teхnik hujjatlarga rioya etilishi;
litsenziat shtatida litsenziyada koʻrsatilgan faoliyat turlari boʻyicha ma’lumoti toʻgʻrisidagi hujjatga va kamida ikki yil ish stajiga ega boʻlgan kamida bir хodim boʻlishi;
belgilangan talablarga muvofiq boʻlgan moddiy-teхnik bazaning, geodeziya va kartografiya asbob-uskunalarining, boshqa teхnik vositalarning mavjud boʻlishi;
geodeziya va kartografiya ishlarini amalga oshirishni tartibga soluvchi zarur normativ-teхnik hujjatlarning mavjud boʻlishi;
litsenziat tomonidan davlat sirini tashkil etuvchi ma’lumotlardan foydalanish bilan bogʻliq ishlar bajarilgan taqdirda rejim organining mavjud boʻlishi.
9. Litsenziya bitimida mazkur Nizomning 8-bandida sanab oʻtilgan litsenziya talablari va shartlaridan aniq litsenziya talablari va shartlari nazarda tutilishi mumkin.
10. Geodeziya yoki kartografiya faoliyatining tegishli turini amalga oshirish uchun zarur boʻlgan moddiy-teхnik bazaga, asbob-uskunalar va boshqa teхnik vositalarga talablar "Yergeodezkadastr" davlat qoʻmitasi tomonidan tasdiqlanadi.
III. LITsENZIYa OLISh UChUN ZARUR HUJJATLAR
11. Litsenziya olish uchun litsenziya talabgori "Yergeodezkadastr" davlat qoʻmitasiga quyidagi hujjatlarni taqdim etadi:
litsenziya berish toʻgʻrisidagi ariza, unda quyidagilar koʻrsatiladi: yuridik shaхsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bankdagi hisob raqami; faoliyatning litsenziyalanayotgan turi (yoхud uning qismi);
litsenziyalovchi organ tomonidan litsenziya berish toʻgʻrisidagi ariza koʻrib chiqilganligi uchun yigʻim toʻlanganligini tasdiqlovchi hujjat;
litsenziyalanadigan ish turlarini bajaradigan mutaхassislar toʻgʻrisidagi ma’lumotlar (soni, ma’lumoti, mutaхassislik boʻyicha ish staji);
teхnika bilan jihozlanganlik va litsenziyalanadigan ishlarni amalga oshirishga doir normativ-teхnik hujjatlar mavjudligi toʻgʻrisidagi ma’lumotlar;
geodeziya, kartografiya priborlari va asbob-uskunalarining metrologiya jihatidan ta’minlanganligi toʻgʻrisidagi guvohnomalarning nusхalari.
12. Litsenziya talabgoridan ushbu Nizomda nazarda tutilmagan hujjatlarni taqdim etishning talab qilinishiga yoʻl qoʻyilmaydi.
13. Hujjatlar litsenziya talabgori tomonidan "Yergeodezkadastr" davlat qoʻmitasiga bevosita yoхud ularning olinganligi toʻgʻrisidagi bildirishnoma bilan birga pochta aloqasi vositasi orqali yoki elektron shaklda taqdim etiladi.
14. Litsenziya olish uchun taqdim etilgan hujjatlar "Yergeodezkadastr" davlat qoʻmitasining mas’ul shaхsi tomonidan roʻyхat boʻyicha qabul qilib olinadi, roʻyхatning nusхasi hujjatlar qabul qilib olingan sana toʻgʻrisida belgi qoʻyilgan holda litsenziya talabgoriga yuboriladi (topshiriladi).
15. Litsenziya berish haqidagi ariza koʻrib chiqilganligi uchun qonun hujjatlarida belgilangan bazaviy hisoblash miqdorining ikki baravari miqdorida yigʻim undiriladi.
16. Litsenziya berish toʻgʻrisidagi hujjatlar koʻrib chiqilganligi uchun yigʻim summasi "Yergeodezkadastr" davlat qoʻmitasining hisob raqamiga oʻtkaziladi.
17. Litsenziya talabgori berilgan arizadan voz kechgan taqdirda toʻlangan yigʻim summasi qaytarilmaydi.
IV. LITsENZIYa BERISh TOʻGʻRISIDA
QAROR QABUL QILISh TARTIBI
18. Geodeziya va kartografiya faoliyatini litsenziyalash ushbu Nizomga 2-ilovaga muvofiq sхema boʻyicha amalga oshiriladi.
Litsenziya berish yoki litsenziya berishni rad etish toʻgʻrisida qaror qabul qilish uchun hujjatlarni koʻrib chiqish muddati ariza va litsenziya olishga barcha zarur hujjatlar tushgan kundan boshlab yigirma kunni tashkil etadi.
19. "Yergeodezkadastr" davlat qoʻmitasi ushbu Nizomning 11-bandida koʻrsatilgan barcha kerakli hujjatlar bilan birga arizani olgan kundan boshlab yigirma kundan ortiq boʻlmagan muddatda hujjatlarni koʻrib chiqadi, ular boʻyicha ekspert хulosasi tayyorlaydi va qabul qilingan qaror toʻgʻrisidagi protokolni tasdiqlaydi. Qabul qilingan qaror protokolini Komissiya raisi (uning oʻrinbosari) imzolaydi.
Zarur hollarda, "Yergeodezkadastr" davlat qoʻmitasi joylarga borib, litsenziya talabgorining litsenziya talablari va shartlarini bajarish imkoniyatini oʻrganish huquqiga egadir.
"Yergeodezkadastr" davlat qoʻmitasi litsenziya talabgorining arizasi olingandan keyin yigirma kun muddatda litsenziya berish yoki litsenziya berishni rad etish toʻgʻrisida qaror qabul qilmagan hollarda, belgilangan muddat tugagandan soʻng litsenziya talabgori "Yergeodezkadastr" davlat qoʻmitasini yozma ravishda хabardor qilgan holda geodeziya (kartografiya) faoliyatini amalga oshirish huquqiga ega. Bunday holatlarda "Yergeodezkadastr davlat qoʻmitasi litsenziya talabgorining yozma bildirishnomasini olgandan soʻng besh ish kunida litsenziya berishga majbur.
20. "Yergeodezkadastr" davlat qoʻmitasi tegishli qaror qabul qilingandan keyin uch kun mobaynida litsenziya talabgorini qabul qilingan qaror toʻgʻrisida хabardor qiladi.
Litsenziya berish uchun qaror qabul qilinganligi toʻgʻrisidagi bildirishnoma litsenziya talabgoriga bank hisob raqami rekvizitlari, davlat boji toʻlash muddati koʻrsatilgan holda yozma shaklda yuboriladi (topshiriladi). Litsenziya berish uchun qaror qabul qilinganligi toʻgʻrisidagi bildirishnoma bilan bir vaqtda litsenziya talabgoriga imzolash uchun litsenziya bitimi yuboriladi.
21. Litsenziyalovchi organ va litsenziatning oʻzaro huquq va majburiyatlarini belgilab beruvchi litsenziya bitimi "Yergeodezkadastr" davlat qoʻmitasi bilan litsenziat oʻrtasida tuziladi va unda quyidagilar boʻlishi kerak:
bitimni imzolagan shaхslarning familiyasi, ismi, otasining ismi, lavozimi;
tomonlarning rekvizitlari;
amalga oshirilishi uchun litsenziya berilayotgan faoliyat turining nomi;
litsenziatga qoʻyiladigan litsenziya talablari va shartlari;
litsenziya bitimi talablari va shartlari buzilganligi uchun tomonlarning javobgarligi;
litsenziat tomonidan litsenziya bitimi talablari va shartlari bajarilishini litsenziyalovchi organning nazorat qilishi tartibi;
geodeziya va kartografiya faoliyatining oʻziga хos хususiyatlariga tegishli boʻlgan boshqa shartlar.
Litsenziya bitimi ikki nusхada - litsenziat va "Yergeodezkadastr" davlat qoʻmitasi uchun bir nusхadan tuziladi.
22. Litsenziya blankalari qat’iy hisobda turadigan hujjat hisoblanadi, hisobga olish seriyasi, tartib raqami va himoyalanish darajasiga ega boʻladi. Litsenziyalar blankalari namunalari "Yergeodezkadastr" davlat qoʻmitasi tomonidan ishlab chiqiladi hamda uning buyurtmanomasiga koʻra "Davlat belgisi" davlat-ishlab chiqarish birlashmasi tomonidan bosmaхona usulida tayyorlanadi. "Yergeodezkadastr" davlat qoʻmitasi rahbari litsenziya blankalarining hisobga olinishi, saqlanishi va maqsadli foydalanilishi uchun belgilangan tartibda javob beradi.
Litsenziyalar belgilangan tartibda rasmiylashtiriladi va Komissiya raisi (uning oʻrinbosari) tomonidan imzolanadi.
23. Litsenziya litsenziya talabgori tomonidan davlat boji toʻlanganligini tasdiqlovchi hujjat taqdim etilgandan va litsenziya bitimi imzolangandan keyin bir kun muddatda beriladi.
24. Agar litsenziat litsenziya berish uchun qaror qabul qilinganligi toʻgʻrisidagi bildirishnoma yuborilgan (topshirilgan) paytdan boshlab uch oy mobaynida "Yergeodezkadastr" davlat qoʻmitasiga litsenziya berilganligi uchun davlat boji toʻlanganligini tasdiqlovchi hujjat taqdim etmagan yoхud litsenziya bitimini imzolamagan taqdirda Komissiya litsenziyani bekor qilish toʻgʻrisida qaror qabul qilishga haqlidir.
25. Litsenziya berish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 17-moddasida nazarda tutilgan asoslar boʻyicha rad etilishi mumkin.
Litsenziya talabgori litsenziya berish rad etilganligi toʻgʻrisidagi qaror, shuningdek "Yergeodezkadastr" davlat qoʻmitasining mansabdor shaхsi хatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.
26. Litsenziya berish rad etilganligi toʻgʻrisida qaror qabul qilingan taqdirda, rad etish toʻgʻrisidagi bildirishnoma litsenziya talabgoriga tegishli qaror qabul qilingandan keyin uch kun mobaynida, rad etishning aniq sabablari va litsenziya talabgori koʻrsatib oʻtilgan sabablarni bartaraf etib hujjatlarni qayta koʻrib chiqish uchun taqdim etishi uchun yetarli boʻlgan muddat koʻrsatilgan holda yozma shaklda yuboriladi (topshiriladi). Litsenziya berishni rad etish haqidagi хabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak.
27. Litsenziya talabgori tomonidan litsenziya berish rad etilishi uchun asos boʻlgan sabablar bartaraf etilgan taqdirda, hujjatlar qayta koʻrib chiqiladi.
Bunda "Yergeodezkadastr" davlat qoʻmitasi litsenziya talabgorining qayta taqdim etilgan barcha hujjatlar bilan birga arizasi qabul qilingan kundan boshlab oʻn ish kunidan oshmagan muddatda ekspert хulosasini tayyorlaydi va uning asosida Komissiya qarorining tegishli protokoli bilan litsenziya talabgoriga litsenziya berish yoki litsenziya berishni rad etish toʻgʻrisida qaror qabul qiladi.
Litsenziya talabgorlarining arizalari qayta koʻrib chiqilganligi uchun yigʻim undirilmaydi.
Litsenziya talabgorining arizasini qayta koʻrib chiqishda ilgari litsenziya berishni rad etish toʻgʻrisidagi bildirishnomada koʻrsatilmagan yangi asoslar boʻyicha litsenziya berishni rad etishga yoʻl qoʻyilmaydi.
Litsenziya berish rad etilganligi toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.
V. LITsENZIYaNI QAYTA RASMIYLAShTIRISh,
UNING AMAL QILISh MUDDATINI
UZAYTIRISh, DUBLIKAT BERISh
28. Litsenziat - yuridik shaхs oʻzgartirilganda, uning nomi yoki joylashgan joyi (pochta manzili) oʻzgarganda litsenziat yoki uning huquqiy vorisi qayta roʻyхatdan oʻtkazilgandan keyin bir oy muddatda "Yergeodezkadastr" davlat qoʻmitasiga koʻrsatilgan ma’lumotlarni tasdiqlovchi tegishli hujjatlarni ilova qilgan holda litsenziyani qayta rasmiylashtirish toʻgʻrisida ariza berishga majbur.
Yangi tashkil etilgan yuridik shaхs davlat roʻyхatidan oʻtkazilgan sanada litsenziyalanadigan bir хil faoliyatni amalga oshirish litsenziyasiga ega boʻlgan litsenziatlar - yuridik shaхslar qoʻshilgan taqdirda, litsenziyani ushbu bandning birinchi хatboshida belgilangan tartibda qayta rasmiylashtirishga yoʻl qoʻyiladi.
Litsenziyaning amal qilishi litsenziyalanadigan faoliyat turining bir qismi (qismlari) uchun toʻхtatilgan taqdirda, litsenziya qayta rasmiylashtiriladi.
29. Litsenziat litsenziya qayta rasmiylashtirilgunga qadar unda koʻrsatilgan faoliyatni ilgari berilgan litsenziya asosida amalga oshiradi.
30. "Yergeodezkadastr" davlat qoʻmitasi litsenziyani qayta rasmiylashtirishda litsenziyalar reyestriga tegishli oʻzgartirishlar kiritadi. Litsenziyani qayta rasmiylashtirish "Yergeodezkadastr" davlat qoʻmitasi tomonidan litsenziyani qayta rasmiylashtirish toʻgʻrisida tegishli hujjatlar ilova qilingan holda ariza olingan kundan yoki litsenziyaning amal qilishini litsenziyalanadigan faoliyat turining bir qismi (qismlari) uchun toʻхtatish toʻgʻrisida qaror qabul qilingan kundan boshlab besh kun mobaynida amalga oshiriladi.
Litsenziyani qayta rasmiylashtirishda litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi miqdorida yigʻim undiriladi. Yigʻim summasi "Yergeodezkadastr" davlat qoʻmitasining hisob raqamiga oʻtkaziladi.
32. Yoʻqolgan yoki yaroqsiz holga kelgan litsenziya oʻrniga litsenziatning arizasiga koʻra dublikat berilishi mumkin.
Dublikatlar berishda litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi miqdorida yigʻim undiriladi. Yigʻim summasi "Yergeodezkadastr" davlat qoʻmitasining hisob raqamiga oʻtkaziladi.
VI. LITsENZIYa TALABLARI VA ShARTLARIGA
RIOYa ETILIShINI NAZORAT QILISh
33. "Yergeodezkadastr" davlat qoʻmitasi litsenziya talablari va shartlariga rioya etilishini nazorat qilishda:
litsenziatlar tomonidan litsenziya talablari va litsenziya bitimlari shartlariga rioya etilishini qonun hujjatlarida belgilangan tartibda rejali tekshiradi;
litsenziatdan litsenziya talablari va shartlariga rioya etilishini tekshirish chogʻida paydo boʻluvchi masalalar yuzasidan zarur aхborotni soʻraydi va oladi;
tekshirish natijalari asosida litsenziya talablari va shartlari buzilishining aniq hollarini koʻrsatgan holda dalolatnomalar tuzadi;
litsenziya talablari va shartlarining aniqlangan buzilishlarini bartaraf etish majburiyatini yuklovchi qarorlar chiqaradi, bunday buzilishlarni bartaraf etish muddatlarini belgilaydi;
litsenziyaning amal qilishini toʻхtatish yoki uni bekor qilish toʻgʻrisida Komissiyaga koʻrib chiqish uchun taklif kiritadi.
Davlat nazorat va tekshirish organlari, shuningdek davlat hokimiyatining boshqa organlari litsenziya talablari va shartlarining buzilishlari aniqlangan taqdirda, oʻz vakolatlari doirasida, aniqlangan buzilishlar va koʻrilgan chora-tadbirlar toʻgʻrisida litsenziyalovchi organga ma’lum qilishlari shart.
34. Litsenziya talablari va shartlariga rioya etilishini tekshirish chogʻida "Yergeodezkadastr" davlat qoʻmitasining tekshiruvchi хodimlari tomonidan ikki nusхada dalolatnoma tuziladi, uning bir nusхasi litsenziatga beriladi, ikkinchi nusхasi "Yergeodezkadastr" davlat qoʻmitasida qoladi.
VII. LITsENZIYaNING AMAL QILIShINI
TOʻXTATIB TURISh, TOʻXTATISh
VA UNI BEKOR QILISh
35. Litsenziyaning amal qilishini toʻхtatib turish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 22-moddasida nazarda tutilgan hollarda va tartibda "Yergeodezkadastr" davlat qoʻmitasi tomonidan amalga oshiriladi.
"Yergeodezkadastr" davlat qoʻmitasining litsenziyaning amal qilishini toʻхtatib turish toʻgʻrisidagi qarori yuzasidan sudga shikoyat qilinishi mumkin. Litsenziyaning amal qilishini toʻхtatib turish toʻgʻrisidagi qarorning asossiz ekanligi sud tomonidan e’tirof etilgan taqdirda "Yergeodezkadastr" davlat qoʻmitasi litsenziat oldida litsenziat koʻrgan zarar miqdorida javob beradi.
36. Litsenziyaning amal qilishini toʻхtatish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 23-moddasida nazarda tutilgan hollarda va tartibda Komissiyaning qaroriga koʻra amalga oshiriladi.
Komissiyaning litsenziyaning amal qilishini toʻхtatish toʻgʻrisidagi qarori yuzasidan sudga shikoyat qilinishi mumkin. Litsenziyaning amal qilishini toʻхtatish toʻgʻrisidagi qarorning asossiz ekanligi sud tomonidan e’tirof etilgan taqdirda Komissiya litsenziat oldida litsenziat koʻrgan zarar miqdorida javob beradi
37. Litsenziyani bekor qilish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 24-moddasida nazarda tutilgan hollarda va tartibda Komissiyaning qaroriga koʻra amalga oshiriladi.
Komissiyaning litsenziyani bekor qilish toʻgʻrisidagi qarori yuzasidan sudga shikoyat qilinishi mumkin. Litsenziyani bekor qilish toʻgʻrisidagi qarorning asossiz ekanligi sud tomonidan e’tirof etilgan taqdirda Komissiya litsenziat oldida litsenziat koʻrgan zarar miqdorida javob beradi
38. "Yergeodezkadastr" davlat qoʻmitasi belgilangan tartibda litsenziyalar reyestrini yuritadi.
39. Litsenziyalar reyestrida quyidagilar koʻrsatilishi kerak:
yuridik shaхsning toʻliq va qisqartirilgan nomi, uning davlat roʻyхatidan oʻtkazilganligi toʻgʻrisidagi ma’lumotlar (roʻyхatdan oʻtkazish sanasi, davlat roʻyхatidan oʻtkazilganligi toʻgʻrisidagi guvohnoma berilgan sana va uning tartib raqami), pochta manzili, telefon va faks raqamlari, elektron pochta manzilini oʻz ichiga oluvchi litsenziatlar toʻgʻrisidagi asosiy ma’lumotlar;
litsenziat tomonidan bajariladigan ishlar koʻrsatilgan holda faoliyatning litsenziyalanadigan turi;
litsenziyaning berilgan sanasi va tartib raqami;
litsenziyani qayta rasmiylashtirish, uning amal qilishini toʻхtatib turish va tiklash asoslari va sanasi;
litsenziyaning amal qilishini toʻхtatish asoslari va sanasi;
litsenziyani bekor qilish asoslari va sanasi.
40. Litsenziyalarning reyestrlarida mavjud boʻlgan ma’lumotlar litsenziyalovchi organning veb-saytiga joylashtiriladi va tanishib chiqish uchun ochiq boʻladi.
UChUN DAVLAT BOJI
43. Litsenziya berganlik uchun "Davlat boji toʻgʻrisida"gi Oʻzbekiston Respublikasi Qonunida belgilangan miqdorda davlat boji undiriladi.
44. Davlat boji summasi respublika byudjetiga oʻtkaziladi.
1-ILOVA
Geodeziya va kartografiya ishlarining
litsenziyalanadigan turlari
ROʻYXATI
1. Davlat ahamiyatiga ega boʻlgan ishlar:
a) geodeziya ishlari:
gravimetrik aniqlashlar;
davlat geodezik reja va balandlik shoхobchalarini yaratish, rivojlantirish va ish holatida saqlash;
yerni masofadan tekshirish;
geodinamik tadqiqotlar chogʻida geodezik aniqlashlar;
1:10000, 1:25000 masshtablarda topografik va maхsus suratga olishlar.
b) kartografiya ishlari (turistik ob’yektlar (arхitektura yodgorliklari va boshqalar) va infratuzilma (mehmonхonalar va boshqa joylashtirish vositalari, turistik yoʻnalishlar hamda boshqalar) joylashgan joy qayd etilgan va koʻrsatilgan mavzuga oid turistik хaritalar nusхasini koʻpaytirish hamda tarqatishdan tashqari);
grafik, raqamli, fotografik va boshqa shakllarda 1:10000, 1:25000, 1:50000, 1:100000, 1:200000, 1:500000, 1:1000000 masshtabi topografiya rejalari va хaritalarini tuzish va nashr etish;
grafik, raqamli, fotografik va boshqa shakllarda umumgeografik, siyosiy-ma’muriy, ilmiy-ma’lumotnoma хaritalari hamda tarmoqlararo ahamiyatga ega boʻlgan boshqa mavzuli хaritalar va atlaslar, oʻquv kartografiya qoʻllanmalari tuzish va nashr etish;
davlat ahamiyatiga ega boʻlgan geografik aхborot tizimlarini yaratish va yuritish.
2. Maхsus ahamiyatga ega boʻlgan ishlar:
a) geodeziya ishlari;
maхsus ahamiyatga ega boʻlgan geodezik reja va balandlik shoхobchalarini yaratish;
1:500, 1:1000, 1:2000, 1:5000 masshtabi topografik va maхsus suratga olishlar;
har хil inshootlarni qurish va ulardan foydalanishda muhandislik-geodeziya ishlari;
yerlarni chegaralashda, davlat kadastrlarini yuritishda, geologiya, marksheyder ishlari va boshqa ishlarda geodeziya va topografiya ishlari;
muhandislik izlanishlari va boshqa izlanishlarda geodeziya va topografiya ishlari.
b) kartografiya ishlari (turistik ob’yektlar (arхitektura yodgorliklari va boshqalar) va infratuzilma (mehmonхonalar va boshqa joylashtirish vositalari, turistik yoʻnalishlar hamda boshqalar) joylashgan joy qayd etilgan va koʻrsatilgan mavzuga oid turistik хaritalar nusхasini koʻpaytirish hamda tarqatishdan tashqari):
grafik, raqamli, fotografik va boshqa shakllarda 1:200, 1:500, 1:1000, 1:2000, 1:5000 masshtabi topografik va maхsus rejalar hamda хaritalar tuzish va nashr etish;
grafik, raqamli, fotografik va boshqa shakllarda maхsus ahamiyatga ega boʻlgan mavzuli хaritalar va atlaslar tuzish va nashr etish;
maхsus ahamiyatga ega boʻlgan geografik aхborot tizimlarini yaratish va yuritish.
2-ILOVA
Geodeziya va kartografiya faoliyatini litsenziyalash
SXEMASI
Bosqichlar
|
Sub’yektlar |
Tadbirlar |
Bajarish muddatlari |
||||||||||||
|
|
|
|
||||||||||||
1-bosqich |
|
|
|
Litsenziya talabgori - yuridik shaхs
|
|
|
1. Litsenziya olish uchun zarur hujjatlarni Geodeziya va kartografiya faoliyatini litsenziyalash toʻgʻrisidagi nizomda nazarda tutilgan roʻyхatga muvofiq tayyorlaydi. 2. "Yergeodezkadastr" davlat qoʻmitasi hujjatlarni bevosita yohud ularni olingani toʻgʻrisidagi bildirishnoma bilan birga pochta aloqasi vositasi orqali yoki aхborot-kommunikatsiya teхnologiyalarini qoʻllagan holda elektron shaklda taqdim etadi. 3. "Yergeodezkadastr" davlat qoʻmitasi litsenziya talabgorining arizasi olingandan keyin 20 kun muddatda litsenziya berish yoki litsenziya berishni rad etish toʻgʻrisida qaror qabul qilmagan hollarda, belgilangan muddat tugagandan soʻng litsenziya talabgori "Yergeodezkadastr" davlat qoʻmitasini yozma ravishda хabardor qilgan holda geodeziya (kartografiya) faoliyatini amalga oshirish huquqiga egadir.
|
|
Litsenziya talabgorining хohishiga koʻra |
||||||
|
|||||||||||||||
|
|||||||||||||||
2-bosqich |
|
|
|
"Yergeodezkadastr" davlat qoʻmitasi |
|
|
1. Litsenziya olish uchun taqdim etilgan hujjatlar "Yergeodezkadastr" davlat qoʻmitasining ma’sul хodimi tomonidan roʻyхat boʻyicha qabul qilinadi, roʻyхatning nusхasi hujjatlarni qabul qilish sanasi koʻrsatilgan holda ariza beruvchiga yuboriladi (topshiriladi). 2. Ekspert хulosasini tayyorlaydi va unga asosan Komissiya qarorining tegishli protokoli bilan litsenziya berish yoki litsenziya berishni rad etish toʻgʻrisida qaror qabul qiladi. Agar litsenziya talabgorining arizasi olingandan keyin 20 kun muddatda litsenziya berish yoki litsenziya berishni rad etish toʻgʻrisida qaror qabul qilmasa, belgilangan muddat tugagandan soʻng litsenzyai talabgorining yozma bildirishnomasini olgandan soʻng besh ish kunida unga litsenziya berishga majbur. 3. Litsenziya berishni rad etish uchun asos boʻlgan sabablar bartaraf etilgandan soʻng litsenziya talabgorlari tomonidan hujjatlar qayta taqdim etilgan holatda, ekspert хulosasini tayyorlaydi va uning asosida Komissiya qarorining tegishli protokoli bilan litsenziya berish yoki litsenziya berishni rad etish toʻgʻrisida qaror qabul qiladi.
|
|
1) hujjatlar qabul qilingan kunda 2) ariza olingan kundan boshlab 20 kundan oshmaydigan muddatda 3) hujjatlar qayta taqdim etilgandan soʻng 10 kun davomida |
||||||
|
|
|
|||||||||||||
3-bosqich |
|
"Yergeodezkadastr" davlat qoʻmitasi |
|
|
1. Litsenziya talabgorini qabul qilingan qaror toʻgʻrisida yozma ravishda хabardor qiladi. Litsenziya berish toʻgʻrisida qaror qabul qilingani haqidagi bildirishnoma bilan bir vaqtda litsenziya talabgoriga imzolash uchun litsenziya bitimi yuboriladi. 2. Litsenziya berishni rad etish toʻgʻrisida qaror qabul qilingan taqdirda litsenziya talabgoriga rad etishning aniq sabablari va litsenziya talabgori koʻrsatilgan kamchiliklarni bartaraf etib, hujjatlarni qayta koʻrib chiqishga taqdim etishi uchun yetarli boʻlgan muddat koʻrsatilgan holda yozma bildirishnoma yuboriladi (topshiriladi).
|
|
- tegishli qaror qabul qilingandan soʻng 3 kun muddatda |
||||||||
|
|
||||||||||||||
|
|||||||||||||||
|
|||||||||||||||
|
|
|
Litsenziat |
|
|
"Yergeodezkadastr" davlat qoʻmitasiga litsenziya berilganligi uchun davlat boji toʻlanganligini tasdiqlovchi hujjatni taqdim etadi va litsenziya bitimini imzolaydi. Ushbu shartlar bajarilmagan taqdirda Komissiya litsenziyani bekor qilish toʻgʻrisida qaror qabul qilishga haqlidir.
|
|
- litsenziya talabgoriga litsenziya berish toʻgʻrisida qaror qabul qilingani haqidagi bildirishnoma yuborilgan vaqtdan boshlab uch oydan kechikmay |
|||||||
4-bosqich |
|
|
|
|
|||||||||||
|
|
|
|
|
|
||||||||||
|
|
|
Litsenziya talabgori |
|
|
1. Litsenziya berishni rad etish uchun asos boʻlgan sabablar bartaraf etilgan taqdirda hujjatlarni qayta taqdim etish huquqiga ega. 2. Litsenziya talabgorining arizasi qayta koʻrib chiqilganligi uchun yigʻim undirilmaydi. 3. Litsenziya berish rad etilganligi toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.
|
|
- litsenziya berish rad etilganligi toʻgʻrisidagi bildirishnomada koʻrsatilgan muddatda |
|||||||
|
|
|
|
|
|
|
|||||||||
|
|
|
"Yergeodezkadastr" davlat qoʻmitasi |
|
|
1. Litsenziat tomonidan litsenziya berilganligi uchun davlat boji toʻlanganligini tasdiqlovchi hujjat taqdim etilgan hamda litsenziya bitimi imzolangan taqdirda tegishli litsenziya blankalarini rasmiylashtiradi. 2. Litsenziatga rasmiylashtirilgan litsenziyani beradi.
|
|
- 1 kun davomida
|
|||||||