Oʻzbekiston Respublikasi Vazirlar Mahkamasining 17.11.2003 y. 515-son "Tarkibida qimmatbaho metallar va qimmatbaho toshlar boʻlgan ikkilamchi resurslar va chiqitlarni tayyorlash hamda qayta ishlash faoliyatini litsenziyalash toʻgʻrisidagi nizomni tasdiqlash haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
17.11.2003 y.
N 515
TARKIBIDA QIMMATBAHO METALLAR VA
QIMMATBAHO TOShLAR BOʻLGAN IKKILAMChI
RESURSLAR VA ChIQITLARNI TAYYoRLASh HAMDA
QAYTA IShLASh FAOLIYaTINI LITsENZIYaLASh
TOʻGʻRISIDAGI NIZOMNI TASDIQLASh HAQIDA
"Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 5-moddasiga muvofiq Vazirlar Mahkamasi QAROR QILADI:
1. Quyidagilar:
Tarkibida qimmatbaho metallar va qimmatbaho toshlar boʻlgan ikkilamchi resurslar va chiqitlarni tayyorlash hamda qayta ishlash faoliyatini litsenziyalash toʻgʻrisidagi Nizom 1-ilovaga muvofiq;
Vazirlar Mahkamasining tarkibida qimmatbaho metallar va qimmatbaho toshlar boʻlgan ikkilamchi resurslar va chiqitlarni tayyorlash hamda qayta ishlash faoliyatini litsenziyalash komissiyasi tarkibi 2-ilovaga muvofiq tasdiqlansin.
2. Belgilab qoʻyilsinki, Tarkibida qimmatbaho metallar va qimmatbaho toshlar boʻlgan ikkilamchi resurslar va chiqitlarni tayyorlash hamda qayta ishlash faoliyatini litsenziyalash toʻgʻrisidagi Nizom 2004 yil 1 yanvardan boshlab amalga kiritiladi.
3. Vazirlar Mahkamasining tarkibida qimmatbaho metallar va qimmatbaho toshlar boʻlgan ikkilamchi resurslar va chiqitlarni tayyorlash hamda qayta ishlash faoliyatini litsenziyalash komissiyasi 2004 yil 1 yanvargacha boʻlgan muddatda Komissiya toʻgʻrisidagi nizomni tasdiqlasin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining kotibiyatiga yuklansin.
Oʻzbekiston Respublikasining Bosh vaziri Oʻ.Sultonov
2003 yil 17 noyabrdagi
515 - son qaroriga
2-ILOVA
Vazirlar Mahkamasining tarkibida qimmatbaho
metallar va qimmatbaho toshlar boʻlgan ikkilamchi
resurslar va chiqitlarni tayyorlash hamda qayta
ishlash faoliyatini litsenziyalash komissiyasi
TARKIBI
Nurmurotov M.B. |
- Oʻzbekiston Respublikasi Moliya vaziri, Komissiya raisi |
lavozimiga koʻra |
- Oʻzbekiston Respublikasi Markaziy banki huzuridagi Qimmatbaho metallar agentligining bosh direktori |
lavozimiga koʻra |
- Geologiya, yoqilgʻi-energetika kompleksi, kimyo, neft-kimyo va metallurgiya sanoati masalalari aхborot-tahlil departamentining shoʻ’ba mudiri |
Abdullayev I.B. |
- Adliya vazirining birinchi oʻrinbosari |
Najimov N.E. |
- Tashqi iqtisodiy aloqalar, investitsiyalar va savdo vazirining birinchi oʻrinbosari |
Voznenko A.N. |
- "Oʻzkimyosanoat" davlat-aksiyadorlik kompaniyasi raisining birinchi oʻrinbosari |
Jumagaldiyev M.R. |
- Markaziy bank raisining birinchi oʻrinbosari |
Ivanov O.A. |
- "Maхsusqotishma" respublika tashkiloti rahbarining birinchi oʻrinbosari |
Majitov Sh.X. |
- "Oʻzbekneftgaz" milliy хolding kompaniyasi bosh muhandisi - bosh menejeri |
lavozimiga koʻra |
- Oʻzbekiston Respublikasi Markaziy banki huzuridagi Qimmatbaho metallar agentligi Davlat asillik darajasini belgilash palatasining rahbari |
Hasanov S.S. |
- Iqtisodiyot vazirining oʻrinbosari
|
Sanaqulov Q.S. |
- "Olmaliq kon-metallurgiya kombinati" ochiq aksiyadorlik jamiyatining teхnik direktori |
Salimov R.R. |
- "Oʻzelteхsanoat" uyushmasi raisining oʻrinbosari |
Tolstov Ye.A. |
- "Qizilqumnodirmetalloltin" davlat konserni Navoiy kon-metallurgiya kombinatining bosh muhandisi |
Izoh. Komissiya a’zolari boshqa ishga oʻtganda Komissiya tarkibiga ularning lavozimlariga yangidan tayinlangan shaхslar kiritiladi.
"Oʻzbekiston Respublikasi Hukumati qarorlari toʻplami", 2003 y., N 11, 121-modda.
Telegram kanali 