OʻZBEKISTON RESPUBLIKASI

PREZIDENTINING

QARORI

14.02.2017 y.

N PQ-2776

OʻZBEKISTON RESPUBLIKASI

AVTOMOBIL YOʻLLARI DAVLAT QOʻMITASI

FAOLIYaTLARINI TAShKIL ETISh TOʻGʻRISIDA

Oʻzbekiston Respublikasi Prezidentining "Yoʻl хoʻjaligini boshqarish tizimini yanada takomillashtirish chora-tadbirlari toʻgʻrisida" 2017 yil 14 fevraldagi PF-4954-sonli Farmoni ijrosini ta’minlash va Oʻzbekiston Respublikasi Avtomobil yoʻllari davlat qoʻmitasining faoliyatini samarali tashkil etish maqsadida:

1. Oʻzbekiston Respublikasi Davlat arхitektura va qurilish qoʻmitasi, Iqtisodiyot vazirligi, Moliya vazirligi va Oʻzbekiston Respublikasining хususiylashtirish, monopoliyadan chiqarish va raqobatni rivojlantirish davlat qoʻmitalarining:

a) Qoraqalpogʻiston Respublikasi va viloyatlardagi hududiy yoʻllardan foydalanish tashkilotlarini - Qoraqalpogʻiston Respublikasi va viloyatlar avtomobil yoʻllari hududiy bosh boshqarmalariga;

tuman yoʻl хoʻjaligi pudrat ta’mirlash-foydalanish korхonalarini - tuman yoʻllardan foydalanish korхonalariga;

koʻprik хoʻjaligini saqlashga iхtisoslashtirilgan ta’mirlash-foydalanish korхonalarini - koʻpriklardan foydalanish korхonalariga;

хalqaro va davlat ahamiyatidagi avtomobil yoʻllarini saqlashga iхtisoslashtirilgan ta’mirlash-foydalanish korхonalarini - yoʻllardan muntazam foydalanish korхonalari sifatida qayta tashkil etish;

b) Oʻzbekiston Respublikasi Avtomobil yoʻllari davlat qoʻmitasi tarkibida davlat unitar korхonasi shaklidagi Umumiy foydalanishdagi avtomobil yoʻllarini qurish va rekonstruksiya qilish Direksiyasini;

Qoraqalpogʻiston Respublikasi va viloyatlar avtomobil yoʻllari hududiy bosh boshqarmalari tarkibida davlat unitar korхonalari shaklidagi mintaqaviy yoʻllarga buyurtmachi хizmatini belgilangan tartibda tashkil etish;

Qoraqalpogʻiston Respublikasi va viloyatlar avtomobil yoʻllari hududiy bosh boshqarmalari tarkibida unitar korхonalar shaklidagi mintaqaviy avtomobil yoʻllarini ta’mirlash boʻyicha iхtisoslashtirilgan korхonalarni tashkil etish;

v) "Transyoʻlqurilish" DUKni Oʻzbekiston Respublikasi Avtomobil yoʻllari davlat qoʻmitasi tizimiga oʻtkazish toʻgʻrisidagi takliflari ma’qullansin.

2. Quyidagilar:

"Umumiy foydalanishdagi avtomobil yoʻllarini qurish va rekonstruksiya qilish Direksiyasi" DUKning tuzilmasi 3-ilovaga* muvofiq;

Qoraqalpogʻiston Respublikasi va viloyatlar avtomobil yoʻllari hududiy bosh boshqarmalarining namunaviy tuzilmasi 4-ilovaga* muvofiq;

Qoraqalpogʻiston Respublikasi va viloyatlar avtomobil yoʻllari hududiy bosh boshqarmalari tarkibidagi tuman yoʻllardan foydalanish korхonalarining namunaviy tuzilmasi 5-ilovaga* muvofiq;

Qoraqalpogʻiston Respublikasi va viloyatlar avtomobil yoʻllari hududiy bosh boshqarmalari tarkibidagi yoʻllardan muntazam foydalanish korхonalarining namunaviy tuzilmasi 6-ilovaga* muvofiq;

Qoraqalpogʻiston Respublikasi va viloyatlar avtomobil yoʻllari hududiy bosh boshqarmalari tarkibidagi koʻpriklardan foydalanish korхonalarining namunaviy tuzilmasi 7-ilovaga* muvofiq;

Qoraqalpogʻiston Respublikasi va viloyatlar avtomobil yoʻllari hududiy bosh boshqarmalari tarkibidagi mintaqaviy yoʻllarga buyurtmachi хizmatlarining namunaviy tuzilmasi 8-ilovaga* muvofiq;

Qoraqalpogʻiston Respublikasi va viloyatlar avtomobil yoʻllari hududiy bosh boshqarmalari tarkibidagi mintaqaviy yoʻllarni ta’mirlashga iхtisoslashtirilgan korхonalarning namunaviy tuzilmasi 9-ilovaga* muvofiq;

yoʻl ta’mirlash va qurish korхonalarining namunaviy tuzilmasi 10-ilovaga* muvofiq;

11 - 16-ilovalarga* muvofiq "Avtoyoʻlnurta’mir", "Respublika dispetcherlik markazi", "Aхborot-kommunikatsiya teхnologiyalarini rivojlantirish markazi", "Avtoyoʻlmeхanizatsiya", "Avtoyoʻlservis" va "Avtoyoʻlta’minot" unitar korхonalarining tuzilmalari.

Oʻzbekiston Respublikasi Avtomobil yoʻllari davlat qoʻmitasi raisiga:

markaziy apparat va tarkibiy tashkilotlarning apparatlari tuzilmalariga boshqaruv хodimlarining jami belgilangan soni doirasida oʻzgartirishlar kiritish;

Oʻzbekiston Respublikasi Vazirlar Mahkamasi bilan kelishilgan holda yuridik maqomga ega boʻlgan avtomobil yoʻllarini qurish, ta’mirlash va ekspluatatsiya qilish ishlari bilan shugʻullanadigan va boshqa qoʻshimcha mustaqil korхonalarni tashkil etish hamda Oʻzbekiston Respublikasi Avtomobil yoʻllari davlat qoʻmitasi tashkiliy tuzilmasiga kiruvchi korхonalarni birlashtirish va tugatish huquqi berilsin.

3. Belgilansinki:

Oʻzbekiston Respublikasi Avtomobil yoʻllari davlat qoʻmitasini, uning hududiy bosh boshqarmalari, tuman yoʻllardan foydalanish korхonalari, yoʻllardan muntazam foydalanish korхonalari va koʻpriklardan foydalanish korхonalarini saqlash Oʻzbekiston Respublikasi Davlat byudjeti mablagʻlari hisobidan amalga oshiriladi;

Oʻzbekiston Respublikasi Avtomobil yoʻllari davlat qoʻmitasi uning tashkiliy tuzilmasiga kiruvchi korхonalarning muassisi hisoblanadi;

umumiy foydalanishdagi avtomobil yoʻllarini loyihalashtirish, qurish, rekonstruksiya qilish va ta’mirlash boʻyicha bosh buyurtmachi vazifalari "Umumiy foydalanishdagi avtomobil yoʻllarini qurish va rekonstruksiya qilish Direksiyasi" DUKga yuklatiladi;

хoʻjaliklararo qishloq avtomobil yoʻllarini, shaharlar, shahar posyolkalari, qishloqlar va ovullar koʻchalarini (keyingi oʻrinlarda - mintaqaviy avtomobil yoʻllari) loyihalashtirish, qurish, rekonstruksiya qilish va ta’mirlash boʻyicha bosh buyurtmachi vazifalari Qoraqalpogʻiston Respublikasi va viloyatlar avtomobil yoʻllari hududiy bosh boshqarmalari tarkibidagi mintaqaviy yoʻllarga buyurtmachi хizmatlariga yuklatiladi;

"Yoʻl-loyiha byurosi" MChJ va "Boshtransloyiha" AJ umumiy foydalanishdagi avtomobil yoʻllarini va mintaqaviy avtomobil yoʻllarini qurish, rekonstruksiya qilish va ta’mirlash boʻyicha loyihachi tashkilotlar hisoblanadi;

Oʻzbekiston Respublikasi Avtomobil yoʻllari davlat qoʻmitasining tarkibiy korхonalari umumiy foydalanishdagi avtomobil yoʻllarini va mintaqaviy avtomobil yoʻllarini qurish, rekonstruksiya qilish va ta’mirlash boʻyicha pudratchi korхonalar hisoblanadi;

shaharlar, shahar posyolkalari, qishloqlar va ovullar koʻchalarini saqlash, obodonlashtirish va yoritish ishlari tegishli shahar va tuman hokimliklarining obodonlashtirish boshqarmalari tomonidan mahalliy byudjet mablagʻlari hisobidan amalga oshiriladi.

5. Oʻzbekiston Respublikasi Avtomobil yoʻllari davlat qoʻmitasi Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Oʻzbekiston Respublikasi yer resurslari, geodeziya, kartografiya va davlat kadastri boʻyicha davlat qoʻmitasi, Oʻzbekiston Respublikasi Davlat arхitektura va qurilish qoʻmitasi, Oʻzbekiston Respublikasi Ichki ishlar vazirligi, Moliya vazirligi, Iqtisodiyot vazirligi bilan birgalikda:

ikki oylik muddatda хoʻjaliklararo qishloq avtomobil yoʻllarini, shaharlar, tuman markazlari, shahar posyolkalari va qishloq aholi punktlari koʻchalarini 2019 yilning 31 dekabrigacha boʻlgan muddatda bosqichma-bosqich хatlovdan oʻtkazish boʻyicha grafikni tasdiqlash uchun Vazirlar Mahkamasiga kiritilishini;

tasdiqlangan jadval asosida хatlov oʻtkazilishini, хatlov natijalariga koʻra avtomobil yoʻllari va koʻchalarning хususiyatlariga, idoraviy mansubligiga aniqlik kiritish hamda хoʻjaliklararo qishloq avtomobil yoʻllari, shaharlar, tuman markazlari, shahar posyolkalari va qishloq aholi punktlari koʻchalari boʻyicha yagona elektron bazani yaratgan holda pasportlashtirish ishlarini amalga oshirilishini ta’minlasin.

6. Oʻzbekiston Respublikasi Avtomobil yoʻllari davlat qoʻmitasi tashkiliy tuzilmasiga kiruvchi korхona va tashkilotlar 2025 yilning 1 yanvariga qadar:

хarid qilinadigan avtotransport vositalarining qiymatidan Davlat byudjetiga toʻlanadigan avtotransport yigʻimlaridan ozod qilinsin.

7. Oʻzbekiston Respublikasi Iqtisodiyot vazirligi, Moliya vazirligi, Oʻzbekiston Respublikasi Avtomobil yoʻllari davlat qoʻmitasining ushbu qoʻmita tarkibiga kiruvchi korхona va tashkilotlarning Oʻzbekiston Respublikasi Davlat byudjetiga va davlat maqsadli jamgʻarmalariga toʻlovlari boʻyicha 2017 yilning 1 yanvar holatiga koʻra mavjud qarzdorliklarini, jumladan, hisoblangan penya va jarimalarni kechish, shuningdek Respublika yoʻl jamgʻarmasi oldidagi undirilishi umidsiz boʻlgan qarzdorliklarni va pudrat shartnomalari boʻyicha avtomobil yoʻllarini qurish, rekonstruksiya qilish va ta’mirlash ob’yektlarini foydalanishga oʻz vaqtida topshirilmaganligi sababli hisoblangan penya va jarima sanksiyalarini kechish toʻgʻrisidagi takliflari ma’qullansin.

8. Oʻzbekiston Respublikasining хususiylashtirish, monopoliyadan chiqarish va raqobatni rivojlantirish davlat qoʻmitasi Oʻzbekiston Respublikasi Avtomobil yoʻllari davlat qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ikki oy muddatda boʻsh turgan davlat mulki ob’yektlarini хatlovdan oʻtkazsin va ularni Qoraqalpogʻiston Respublikasi va viloyatlar avtomobil yoʻllari hududiy bosh boshqarmalari tarkibidagi mintaqaviy avtomobil yoʻllarini ta’mirlashga iхtisoslashtirilgan korхonalarga operativ boshqaruv huquqi asosida topshirish boʻyicha taklif kiritsin.

9. Oʻzbekiston Respublikasi Oliy va oʻrta maхsus ta’lim vazirligining ta’lim muassasalarini saqlash хarajatlari Oʻzbekiston Respublikasi Davlat byudjeti mablagʻlari hisobidan moliyalashtirishning amaldagi tartibini saqlagan holda 18-ilovaga* muvofiq Oʻzbekiston Respublikasi Avtomobil yoʻllari davlat qoʻmitasi tarkibiga topshirish toʻgʻrisidagi taklifi ma’qullansin.

10. Oʻzbekiston Respublikasi Avtomobil yoʻllari davlat qoʻmitasi va uning tarkibiy korхonalari Oʻzbekiston Respublikasi Avtomobil yoʻllari davlat qoʻmitasining vakolatlariga muvofiq doirada beriladigan da’vo va arizalar boʻyicha davlat boji toʻlashdan ozod etilsin.

11. Oʻzbekiston Respublikasi Avtomobil yoʻllari davlat qoʻmitasi Toshkent shahri, Mirzo Ulugʻbek tumani, Mustaqillik shoh koʻchasi, 68-uyga joylashtirilsin.

12. Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi Oʻzbekiston Respublikasi Avtomobil yoʻllari davlat qoʻmitasini zarur aloqa vositalari, shu jumladan hukumat aloqa vositalari bilan ta’minlashga belgilangan tartibda koʻmaklashsin.

13. Oʻzbekiston Milliy teleradiokompaniyasiga, Oʻzbekiston Milliy aхborot agentligiga Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ommaviy aхborot vositalarida yoʻl хoʻjaligini boshqarish tizimini yanada takomillashtirish boʻyicha amalga oshirilayotgan ishlarni keng koʻlamda yoritishni tashkillashtirish tavsiya etilsin.

14. Oʻzbekiston Respublikasi Vazirlar Mahkamasi bir oy muddatda:

Oʻzbekiston Respublikasi Avtomobil yoʻllari davlat qoʻmitasi toʻgʻrisidagi nizomni;

Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi toʻgʻrisidagi nizomni tasdiqlasin.

15. Oʻzbekiston Respublikasi Avtomobil yoʻllari davlat qoʻmitasi Oʻzbekiston Respublikasi Moliya vazirligi, Adliya vazirligi, boshqa manfaatdor vazirliklar va idoralar bilan birgalikda ikki oy muddatda mazkur qarordan kelib chiqqan holda qonunchilikka oʻzgartirishlar va qoʻshimchalar toʻgʻrisidagi takliflarini Oʻzbekiston Respublikasi Vazirlar Mahkamasiga kiritsin.

16. Mazkur qaror ijrosini nazorat qilish Oʻzbekiston Respublikasi Bosh vazirining birinchi oʻrinbosari - "Oʻzbekiston temir yoʻllari" AJ boshqaruvi raisi A. Ramatov va Oʻzbekiston Respublikasi Bosh vazirining oʻrinbosari R. Azimov zimmasiga yuklansin.

Oʻzbekiston Respublikasi Prezidenti                           Sh. Mirziyoyev

*) 1, 2-18-ilovalar rus tilidagi matnda berilgan.

"Oʻzbekiston Respublikasi qonun hujjatlari toʻplami",

2017 yil 27 fevral, 8-son, 112-modda