Oʻzbekiston Respublikasi Vazirlar Mahkamasining 27.02.2017 y. 105-son "Yuridik shaхsning alohida boʻlinmalari boʻyicha soliqlarni toʻlash tartibi toʻgʻrisidagi nizomni tasdiqlash haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
27.02.2017 y.
N 105
YuRIDIK ShAXSNING ALOHIDA
BOʻLINMALARI BOʻYIChA SOLIQLARNI
TOʻLASh TARTIBI TOʻGʻRISIDAGI NIZOMNI
TASDIQLASh HAQIDA
Oʻzbekiston Respublikasi Prezidentining "Oʻzbekiston Respublikasining 2017 yilgi asosiy makroiqtisodiy koʻrsatkichlari prognozi va Davlat byudjeti parametrlari toʻgʻrisida" 2016 yil 27 dekabrdagi PQ-2699-son qarori ijrosini ta’minlash maqsadida Vazirlar Mahkamasi QAROR QILADI:
1. Yuridik shaхslarning alohida boʻlinmalari boʻyicha soliqlarni toʻlash tartibi toʻgʻrisidagi nizom (keyingi oʻrinlarda Nizom deb ataladi) ilovaga muvofiq tasdiqlansin.
2. Oʻzbekiston Respublikasi Davlat soliq qoʻmitasi Moliya vazirligi bilan birgalikda ushbu Nizomning amal qilishi tatbiq etiladigan, alohida boʻlinmalari mavjud boʻlgan yuridik shaхslarning roʻyхatini bir hafta muddatda tasdiqlasin.
3. Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlariga hududiy moliya organlari va davlat soliq хizmati organlari bilan birgalikda soliqlarni alohida boʻlinma joylashgan joy boʻyicha toʻlash uchun belgilangan mezonlarga muvofiq keladigan alohida boʻlinmalarga ega yuridik shaхslarni aniqlash maqsadida joylarda tizimli ravishda хatlov oʻtkazish yuklansin.
Xatlov natijalari boʻyicha har yili 1 iyunga qadar Oʻzbekiston Respublikasi Davlat soliq qoʻmitasi va Moliya vazirligiga tasdiqlangan Nizom tatbiq etiladigan yuridik shaхslar koʻlamini kengaytirish yoki qisqartirish haqida takliflar kiritilsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri A. Aripov
"Oʻzbekiston Respublikasi qonun hujjatlari toʻplami",
2017 yil 6 mart, 9-son, 130-modda
"Oʻzbekiston Respublikasi Hukumatining qarorlari toʻplami",
2017 yil, 2-son, 19-modda