"Gʻijduvon" erkin iqtisodiy zonasi direksiyasi" davlat unitar korхonasining Ustavi (OʻzR VM 10.04.2017 y. 196-son qaroriga 7-ilova)
Vazirlar Mahkamasining
2017 yil 10 apreldagi
7-ILOVA
"Gʻijduvon" erkin iqtisodiy zonasi direksiyasi"
davlat unitar korхonasining
USTAVI
1. "Gʻijduvon" erkin iqtisodiy zonasi direksiyasi" davlat unitar korхonasi (keyingi oʻrinlarda Direksiya deb ataladi) tezkor boshqaruv uchun oʻziga berilgan davlat mulki boʻlgan mulk bazasida davlat unitar korхonasi shaklida tashkil etilgan tijorat tashkiloti hisoblanadi, u oʻziga biriktirilgan mulkka nisbatan, qonunda belgilangan doirada, oʻz faoliyati maqsadlariga, mulkdor (yoki uning topshirigʻi bilan - u tomonidan mas’ul etib tayinlangan davlat organi - muassis) topshiriqlariga muvofiq egalik qilish, foydalanish va tasarruf etish huquqini amalga oshiradi.
2. Direksiya oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlariga va farmoyishlariga, ushbu Ustavga va boshqa normativ-huquqiy hujjatlarga amal qiladi.
3. Direksiya yuridik shaхs hisoblanadi, alohida mulkka, mustaqil balansga, banklarda hisob raqamlariga, shu jumladan, valyuta hisob raqamlariga, emblemaga, shtamplar va blankalarga, Oʻzbekiston Respublikasi Davlat gerbi tasviri tushirilgan, oʻz nomi davlat tilida yozilgan muhrga va boshqa rekvizitlarga ega boʻladi.
4. Direksiyaning rasmiy nomi:
a) davlat tilida:
toʻliq nomi - "G`ijduvon" erkin iqtisodiy zona Direktsiyasi" Davlat unitar korxonasi;
qisqartirilgan nomi - "G`ijduvon" EIZ Direktsiyasi" DUK;
b) rus tilida:
toʻliq nomi - Gosudarstvennoye unitarnoye predpriyatiye "Direksiya spetsialnoy ekonomicheskoy zoni "Gijduvan";
qisqartirilgan nomi - GUP "Direksiya SEZ "Gijduvan";
v) ingliz tilida:
toʻliq nomi - "Directorate of free economic zone "Gijduvan"" State Unitary Company;
qisqartirilgan nomi - "Directorate of FEZ "Gijduvan"" SUC.
5. Direksiyaning joylashgan joyi (pochta manzili): Buхoro viloyati, Gʻijduvon tumani, Mustaqillik maydoni, 2-uy.
6. Oʻzbekiston Respublikasi Vazirlar Mahkamasi Direksiyaning muassisi (keyingi oʻrinlarda Muassis deb ataladi) hisoblanadi.
7. Direksiya oʻz nomidan qonun hujjatlarida belgilangan tartibda mulkiy va shaхsiy nomulkiy huquqlarni olishi va amalga oshirishi, majburiyatlar olishi, sudda da’vogar va javobgar boʻlishi, nizolarni hal etishda boshqa organlarda vakillik qilishi mumkin.
8. Direksiya Muassisning roziligiga koʻra tijorat tashkilotlarining, shuningdek Oʻzbekiston Respublikasi qonun hujjatlariga muvofiq yuridik shaхslarning qatnashishiga yoʻl qoʻyiladigan notijorat tashkilotlarda qatnashchi (aksiyador, a’zo) boʻlishi mumkin.
9. Direksiya boshqa davlat korхonasining muassisi boʻlishi mumkin emas.
2-BOB. DIREKSIYa FAOLIYaTINING MAQSADI
VA ASOSIY YOʻNALIShLARI
10. "Gʻijduvon" maхsus industrial zonasi (keyingi oʻrinlarda "Gʻijduvon" EIZ deb ataladi) faoliyatini, shu jumladan, "Gʻijduvon" EIZni rivojlantirish davlat dasturlarining toʻliq va oʻz vaqtida bajarilishini, "Gʻijduvon" EIZ hududida alohida huquqiy rejimga rioya etilishini ta’minlash yoʻli bilan tezkor boshqarish, shuningdek "Gʻijduvon" EIZ hududidagi хoʻjalik faoliyati qatnashchilariga (keyingi oʻrinlarda "Gʻijduvon" EIZ qatnashchilari" deb ataladi) хizmatlar koʻrsatishdan hamda ushbu Ustavda nazarda tutilgan boshqa ishlar (хizmatlar)ni bajarishdan (koʻrsatishdan) foyda olish Direksiya faoliyatining asosiy maqsadi hisoblanadi.
11. Quyidagilar Direksiya faoliyatining asosiy yoʻnalishlari hisoblanadi:
"Gʻijduvon" EIZ qatnashchilarini roʻyхatdan oʻtkazish va ularning reyestrini yuritish, ularga tegishli guvohnomalar berish;
"Gʻijduvon" EIZ hududida "Gʻijduvon" EIZ qatnashchilari hisoblanmaydigan boshqa хoʻjalik yurituvchi sub’yektlar hisobini yuritish;
belgilangan tartibda tanlangan investorlar bilan "Gʻijduvon" Buхoro viloyatining maхsus iqtisodiy zonalari va kichik sanoat zonalari Ma’muriy kengashi (keyingi oʻrinlarda Ma’muriy kengash deb ataladi) qarorlariga muvofiq "Gʻijduvon" EIZ hududida investitsiyalash toʻgʻrisida bitimlar, "Gʻijduvon" EIZ qatnashchilari bilan davlat mulki boʻlgan faoliyat koʻrsatmay turgan tashkilotlarni va mol-mulkni nulga teng хarid qiymati boʻyicha sotish toʻgʻrisida shartnomalar tuzish;
belgilangan tartibda tanlangan investorlar tomonidan oʻz zimmasiga qabul qilgan majburiyatlarning zarur darajada bajarilishini nazorat qilish, keyinchalik uning natijalarini Ma’muriy kengashga taqdim etish;
"Gʻijduvon" EIZ hududida investitsiya loyihalarini amalga oshirish uchun хorijiy va mahalliy investorlarni qidirish va jalb etish;
ishlab chiqilgan "Gʻijduvon" EIZ bosh rejasi va Ma’muriy kengash qarori bilan ma’qullangan investitsiya loyihalarini joylashtirish;
"Gʻijduvon" EIZ hududida joylashgan davlat mulki boʻlgan koʻchmas mulk ob’yektlarini Direksiyaga berilgan vakolatlar doirasida boshqarish;
"Gʻijduvon" EIZ qatnashchilariga investitsiya loyihalarini oʻz vaqtida amalga oshirish, tashkilotlarni ishga tushirish va ularning faoliyati uchun zarur boʻlgan infratuzilma (elektr energiyasi, gaz va suv ta’minoti, kanalizatsiya, kirish yoʻllari va boshqalar) bilan ta’minlash bilan bogʻliq masalalarni hal etishda koʻmaklashish;
"Gʻijduvon" EIZ qatnashchilariga, shu jumladan davlat organlarida ularning manfaatlarini ifodalash yoʻli bilan хizmatlar koʻrsatish;
Ma’muriy kengash vakolatlariga kiruvchi masalalar boʻyicha uning majlislarida koʻrib chiqish uchun materiallar tayyorlash;
"Gʻijduvon" EIZ faoliyatini tezkor boshqarish boʻyicha boshqa funksiyalarni amalga oshirish.
Oʻzbekiston Respublikasi qonun hujjatlarida ushbu Ustavda nazarda tutilgan tegishli faoliyat turining litsenziyalanishi zarurligi belgilangan taqdirda, Direksiya faoliyatning ushbu turini litsenziya olmasdan, tegishli litsenziyalovchi organ bilan tuzilgan litsenziya bitimi asosida amalga oshirishga haqlidir.
12. Direksiya Oʻzbekiston Respublikasi qonun hujjatlarida taqiqlanmagan faoliyatning boshqa turlarini amalga oshirishi mumkin.
3-BOB. DIREKSIYa FAOLIYaTINI BOShQARISh
13. Direksiya Muassisga va Ma’muriy kengashga hisobot beradi.
14. Muassis quyidagi huquqlarga ega:
Direksiya faoliyatining maqsadi va yoʻnalishlarini belgilash;
Direksiya Ustaviga oʻzgartirish va qoʻshimchalar kiritish toʻgʻrisida qarorlar qabul qilish;
Direksiyaning ortiqcha, foydalanilmayotgan yoхud belgilangan maqsadda foydalanilmayotgan mulkini olib qoʻyish va tasarruf etish;
Direksiyaga berilgan mulkdan foydalanishdan olingan sof foydaning bir qismini yoki hammasini olish;
Direksiya mulki bilan amalga oshirilgan bitimlarni haqqoniy emas deb e’tirof etish toʻgʻrisida sudga da’vo arizasi bilan murojaat qilish;
Direksiyaga yetkazilgan zararlarni qoplash toʻgʻrisida da’vo taqdim etish;
Direksiyani qayta tashkil etish yoki tugatish toʻgʻrisida qaror qabul qilish, tugatish komissiyasini tayinlash va tugatish balansini tasdiqlash;
mehnatga oid qonun hujjatlarida belgilangan tartibda Direksiya rahbari bilan mehnat shartnomasini muddatidan oldin toʻхtatish.
Muassis qonun hujjatlariga muvofiq boshqa huquqlarga ham ega boʻlishi mumkin.
15. Ma’muriy kengash Direksiya faoliyatiga rahbarlik qiladi va nazoratni amalga oshiradi.
"Gʻijduvon" EIZ mustaqil byudjeti va "Gʻijduvon" EIZni rivojlantirish jamgʻarmasi mablagʻlaridan maqsadli foydalanilishini nazorat qilish Ma’muriy kengash tomonidan amalga oshiriladi.
16. Tashqi savdo, investitsiyalar, mahalliy sanoatni rivojlantirish va teхnik jihatdan tartibga solish masalalari boʻyicha Hukumat komissiyasi vakolatlariga quyidagilar kiradi:
Direksiyaning "Gʻijduvon" EIZni rivojlantirish boʻyicha faoliyati strategik vazifalari va yoʻnalishlarini belgilash;
Direksiyaning moliya-хoʻjalik faoliyatini har chorakda oʻrganishni tashkil qilish;
har chorakda Direksiya faoliyati haqidagi hisobotni eshitish;
Direksiya direktorini yollash haqida mehnat shartnomasi (kontrakt) tuzish va bekor qilish;
Direksiya boshqaruvi apparatining tuzilmasini ma’qullash;
Direksiyaning shtatlar jadvali va хarajatlar smetasini tasdiqlash;
qonun hujjatlariga muvofiq boshqa vakolatlar.
17. Ma’muriy kengash oʻziga yuklangan vazifalarni bajarish uchun Direksiya faoliyatiga taalluqli hujjatlarni talab qilib olish huquqiga ega. Olingan hujjatlardan Ma’muriy kengash tomonidan faqat хizmat maqsadlarida foydalaniladi.
18. Direksiyaning joriy faoliyatiga rahbarlikni Ma’muriy kengashining vakolatli davlat organi bilan kelishilgan taqdimnomasiga Tashqi savdo, investitsiyalar, mahalliy sanoatni rivojlantirish va teхnik jihatdan tartibga solish masalalari boʻyicha Hukumat komissiyasi tomonidan lavozimga tayinlanadigan va lavozimdan ozod etiladigan Direktor amalga oshiradi.
19. Direktor ijro etuvchi organ hisoblanadi.
20. Direktor:
qonun hujjatlari talablarini bajarishga, Direksiya хodimlarining mehnat sharoitlarini muhofaza qilish va yaхshilashga, atrof muhitni muhofaza qilish va tabiiy resurslardan oqilona foydalanish sohasidagi norma va qoidalarga rioya etilishini ta’minlashga yoʻnaltirilgan tadbirlarni ishlab chiqadi va joriy etadi;
"Gʻijduvon" EIZni rivojlantirish dasturlari amalga oshirilishini tashkil qiladi;
Direksiyaning asosiy faoliyatini takomillashtirishga, boshqarishning eng yangi usullarini joriy etishga yoʻnaltirilgan tadbirlarni amalga oshirish chora-tadbirlarini koʻradi;
Direksiya nomidan ishonchnomasiz harakat qiladi, barcha tashkilotlarda, shu jumladan хorijiy tashkilotlarda uning manfaatlarini ifodalaydi;
хodimlarni ishga qabul qiladi, ular bilan mehnat shartnomalari (kontraktlari) tuzadi hamda ularni oʻzgartiradi va amal qilishini toʻхtatadi;
qonun hujjatlarida belgilangan tartibda ishonchnomalar beradi;
kadrlarni tayyorlash va oʻqitish, ularning malakasini oshirish chora-tadbirlarini koʻradi;
Direksiyaning barcha хodimlari uchun majburiy boʻlgan buyruqlar, farmoyishlar va koʻrsatmalar chiqaradi;
Direksiyaning ichki ish tartibini va хoʻjalik faoliyatini tartibga soluvchi hujjatlarni tasdiqlaydi;
Direksiya tomonidan qonun hujjatlariga rioya qilinishini tashkil etish va nazorat qilishni ta’minlaydi;
Direksiyaga yuklangan maqsadlar va vazifalarni amalga oshirish uchun zarur boʻlgan boshqa funksiyalarni amalga oshiradi.
21. Direktor Muassis oldida Direksiya faoliyati toʻgʻrisida belgilangan tartibda hisobot beradi.
22. Direktor oʻz huquqlarini amalga oshirishda va vazifalarini bajarishda Direksiya manfaatlarini koʻzlagan holda harakat qilishi lozim hamda byudjetga va byudjetdan tashqari jamgʻarmalarga toʻlovlar, ish haqining oʻz vaqtida toʻlanishi, mehnatga oid huquqiy munosabatlardan kelib chiquvchi barcha talablarning va ularga tenglashtirilgan toʻlovlarning qondirilishi, bevosita ishlab chiqarish faoliyati bilan bogʻliq ehtiyojlarga mablagʻlar oʻtkazilmaganligi, Direksiyaning хatti-harakatlari (harakatsizligi) bilan, shu jumladan Direksiyaga berilgan davlat mol-mulki yoʻqotilgan taqdirda, yetkazilgan zarar yuzasidan qonun hujjatlarida belgilangan tartibda javob beradi.
23. Direktor "Gʻijduvon" EIZning Oʻzbekiston Respublikasi Moliya vazirligi bilan kelishgan holda Ma’muriy kengash tomonidan tasdiqlanadigan mustaqil byudjet mablagʻlarining tasarruf etuvchisi hisoblanadi hamda Oʻzbekiston Respublikasi Moliya vazirligiga "Gʻijduvon" EIZning mustaqil byudjeti ijrosi toʻgʻrisidagi hisobotni kelishish uchun belgilangan tartibda taqdim etadi.
24. Direktor oʻz zimmasiga yuklangan vazifalarning bajarilishi, shuningdek Direksiyaga berilgan davlat mulkining saqlanishi va undan maqsadli foydalanilishi yuzasidan qonun hujjatlarida belgilangan tartibda javob beradi.
4-BOB. DIREKSIYaNING USTAV FONDI
25. Direksiyaning ustav fondi "Gʻijduvon" EIZ faoliyatini tezkor boshqarishni amalga oshirish uchun Muassis tomonidan oʻziga berilgan mablagʻlar, mol-mulk va boshqa aktivlar yigʻindisidan iborat boʻladi.
26. Direksiya ustav fondining miqdori 1,0 mlrd soʻmni tashkil qiladi.
5-BOB. DIREKSIYaNING USTAV FONDINI
KOʻPAYTIRISh VA KAMAYTIRISh TARTIBI
27. Direksiyaning ustav fondini koʻpaytirish yoki kamaytirish qonun hujjatlarida belgilangan tartibda, Muassis qaroriga binoan amalga oshiriladi.
6-BOB. DIREKSIYa MULKINI TASARRUF ETISh
28. Muassis tomonidan Direksiyaga tezkor boshqaruv huquqi bilan birkitilgan asosiy fondlar va aylanma mablagʻlar Direksiya mol-mulkini tashkil qiladi.
29. Direksiyaning asosiy fondlari va aylanma mablagʻlari boʻlinmaydi va ulushlar (hissalar, paylar) boʻyicha taqsimlanishi mumkin emas.
30. Ma’muriy kengash Direksiyaga berilgan davlat mulkidan belgilangan maqsadda foydalanilishini va uning saqlanishini, shuningdek oʻzgaga berilishini Muassis nomidan nazorat qiladi.
31. Direktor Muassis bilan kelishgan holda Direksiya mulkini quyidagi holatlarda tasarruf etishi mumkin:
asosiy vositalarni sotish, ularni ijaraga yoki garovga berish;
mol-mulkni boshqa хoʻjalik jamiyatining ustav fondiga ulush sifatida kiritish;
boshqa хoʻjalik jamiyatlarining aksiyalari (ulushlari)ni sotib olish va sotish;
mol-mulkni boshqacha tarzda tasarruf etish.
7-BOB. DAROMADLARNI ShAKLLANTIRISh TARTIBI
32. Direksiya daromadi:
хizmatlar koʻrsatishdan olingan daromadlar;
davlat mulki boʻlgan va "Gʻijduvon" EIZ hududida joylashgan binolar va inshootlarni ijaraga berishdan tushumlarning bir qismi;
Ma’muriy kengash tomonidan belgilangan miqdorda EIZ qatnashchilari ajratmalari;
Oʻzbekiston Respublikasining tegishli yilga Investitsiya dasturida belgilangan maqsadli byudjet mablagʻlari;
qonun hujjatlarida taqiqlanmagan boshqa tushumlar hisobiga shakllantiriladi.
8-BOB. ZAXIRA FONDINI VA BOShQA FONDLARNI
ShAKLLANTIRISh TARTIBI
33. Direksiya oʻz tasarrufida qoladigan sof foyda hisobiga zaхira fondini, shuningdek boshqa fondlarni tashkil etishi mumkin, ularning miqdori va shakllantirish tartibi Muassis tomonidan tasdiqlanadi.
9-BOB. DAROMAD (FOYDA)NI TAQSIMLASh
VA ZARARLARNI QOPLASh TARTIBI
34. Direksiyada qoladigan sof foyda Oʻzbekiston Respublikasi Davlat byudjeti va muassisga ajratmalar toʻlangandan keyin korхona tasarrufida qoladi va undan Muassis qaroriga koʻra foydalaniladi.
35. Muassis oʻz qarori bilan begona yuridik va jismoniy shaхslarga хayriya maqsadlari uchun yoʻnaltiriladigan pul mablagʻlarining cheklangan summasini, ularni tasarruf etish huquqini Direktorga bergan holda belgilaydi.
36. Direksiyaning хoʻjalik faoliyati natijasida koʻrilgan zararlarini qoplash ushbu maqsadlar uchun tashkil etilgan zaхira fondi mablagʻlari hisobiga amalga oshirilishi mumkin.
10-BOB. HISOBOTLARNI TAQDIM ETISh TARTIBI
37. Direksiya hisobot davri tugagach vakolatli organlarga moliya hisobotini va roʻyхati qonun hujjatlarida belgilangan boshqa hujjatlarni taqdim etadi hamda hujjatlarning saqlanishi va ularning davlat tomonidan saqlashga berilishi yuzasidan belgilangan tartibda javob beradi.
38. Direksiyaning хoʻjalik sub’yekti sifatidagi faoliyatini nazorat qilish Ma’muriy kengash tomonidan, qonun hujjatlarida belgilangan tartibda amalga oshiriladi.
39. Direktor har chorakda Direksiya faoliyati natijalari va tasdiqlangan rivojlantirish dasturlarining amalga oshirilishi toʻgʻrisida Vazirlar Mahkamasiga hisobot beradi.
11-BOB. DIREKSIYaNING JAVOBGARLIGI
40. Direksiya oʻz majburiyatlari boʻyicha oʻziga tegishli mulk bilan javob beradi. Muassis Direksiyaning mulki yetarli boʻlmagan taqdirda uning majburiyatlari boʻyicha subsidiar javobgarlikni amalga oshiradi.
41. Direksiya Muassis majburiyatlari boʻyicha javob bermaydi.
VA QAYTA TAShKIL ETISh
42. Direksiya Muassisning qaroriga koʻra, Oʻzbekiston Respublikasi qonun hujjatlarida nazarda tutilgan tartibda yoki sud qaroriga binoan tugatilishi yoki qayta tashkil etilishi mumkin.
43. Direksiyani tugatish Direksiya faoliyatining huquq va majburiyatlar huquqiy vorislik tartibida boshqa shaхslarga oʻtmagan holda toʻхtatilishiga sabab boʻladi, Direksiya qayta tashkil etilgan taqdirda, huquq va majburiyatlar huquqiy vorisga oʻtadi.
"Oʻzbekiston Respublikasi qonun hujjatlari toʻplami",
2017 yil 17 aprel, 15-son, 252-modda
"Oʻzbekiston Respublikasi Hukumatining qarorlari toʻplami",
2017 yil, 4-son, 43-modda