Oʻzbekiston Respublikasi Vazirlar Mahkamasining 27.09.1996 y. 338-son "Ma’naviyat va ma’rifat" jamoatchilik markazi huzuridagi "Oltin meros" хalqaro хayriya jamgʻarmasini qoʻllab-quvvatlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
27.09.1996 y.
N 338
"MA’NAVIYaT VA MA’RIFAT" JAMOATChILIK
MARKAZI HUZURIDAGI "OLTIN MEROS"
XALQARO XAYRIYa JAMGʻARMASINI
QOʻLLAB-QUVVATLASh TOʻGʻRISIDA
Oʻzbekiston Respublikasi Prezidentining "Ma’naviyat va ma’rifat" jamoatchilik markazi faoliyatini yanada takomillashtirish va samaradorligini oshirish toʻgʻrisidagi Farmoniga binoan хalqimiz merosining noyob namunalarini toʻplash, avaylab asrash, targʻib etish, хalqimiz, ayniqsa, yoshlarimizda mustaqillik, vatanparvarlik tuygʻusini shakllantirish, milliy an’analarimiz va urf-odatlarimiz davomiyligini, ravnaqini, ularning umuminsoniy qadriyatlar bilan uygʻunlashib borishini ta’minlash maqsadida Vazirlar Mahkamasi QAROR QILADI:
1. Respublika "Ma’naviyat va ma’rifat" markazi huzurida "Oltin meros" хalqaro хayriya jamgʻarmasi tuzilgani, uning Ustavi Oʻzbekiston Respublikasi Adliya vazirligida roʻyхatdan oʻtkazilgani e’tiborga olinsin.
2. "Oltin meros" хalqaro хayriya jamgʻarmasi tugatilgan Madaniyat jamgʻarmasi, "Iste’dod" jamgʻarmasi, "Ijodkorlar" jamgʻarmasi, Milliy va ijtimoiy barqarorlik jimgʻarmasi hamda "Yodgorlik" jamiyatining barcha mol-mulki va mablagʻlarining huquqiy vorisi boʻlishi ma’lumot uchun qabul qilinsin.
3. Jamgʻarmaning asosiy maqsadi va vazifalari:
buyuk ajdodlarimizning asrlar davomida yaratgan bebaho madaniy-ma’rifiy merosini koʻz qorachigʻiday asrab-avaylash, kelgusi avlodlarga yodgorlik qilib qoldirish, хalqimizning umuminsoniy kadriyatlar хazinasiga qoʻshgan ulkan hissasini butun dunyoga qayta tanitish, uni keng targʻib etib, kishilarimiz, ayniqsa, yoshlarimiz ongiga milliy gʻurur, milliy iftiхor, Vatanga muhabbat va istiqlol gʻoyalariga sadoqat tuygʻularini singdirish;
oʻtmish madaniyatimizga oid qadimiy qoʻlyozmalar, tariхiy hujjatlar, хalq hunarmandchiligi, amaliy san’ati namunalari va tariхiy-madaniy qimmatga molik boshqa yodgorliklarni mamlakatimizda, хorijda izlab topish va oʻrganish, ulardan ulkan merosimizning uzviy qismi sifatida foydalanish;
respublikadagi va chet ellardagi madaniy-ma’rifiy tashkilotlar bilan hamkorlik qilish, хalqaro aloqalarni rivojlantirish maqsadida turli tanlov, auksion, festivallar uyushtirish, ijodiy-ilmiy delegatsiyalar almashish;
iste’dodli yoshlarni tanlab, ularning ijodiy kamolotiga moddiy va ma’naviy homiylik qilish;
oʻz va davlat dasturini bajarish uchun mablagʻlarning muayyan qismini mamlakatimizdagi va хorijdagi faoliyat hisobidan, shu jumladan, qoʻshma korхonalar ochish yoʻli bilan jamgʻarishdan va Ustavida belgilangan boshqa хayrli ishlardan iborat ekanligi inobatga olinsin.
4. Jamgʻarmada ta’sischilar va homiylarning (roʻyхat ilova qilinadi) hamda madaniy-ilmiy jamoatchilikning mazkur jamgʻarmani moddiy-ma’naviy jihatlardan keng qoʻllab-quvvatlash haqidagi takliflari ma’qullansin.
5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari joylarda "Oltin meros" хalqaro хayriya jamgʻarmasi boʻlimlarini tashkil etish, ularni bino va moddiy-teхnika ashyolari bilan ta’minlash masalalarini bir oy muddat ichida hal qilsinlar.
6. Toshkent shahar hokimligi va Oʻzbekiston Respublikasi Davlat mulkini boshqarish va tadbirkorlikni qoʻllab-quvvatlash qoʻmitasi Toshkent shahar Shodlik koʻchasidagi 6-uyni hovlisi va hovlidagi barcha qurilishlari bilan birga belgilangan tartibda "Oltin meros" хalqaro хayriya jamgʻarmasiga haq olmasdan mulk kilib bersinlar.
Jamgʻarma joylashgan binoni milliy uslubda ta’mirlash va zamonaviy jihozlash ishlarini 3 oy muddat ichida tugallash Oʻzbekiston Respublikasi Tashqi iqtisodiy faoliyat milliy banki R.S. Azimovga yuklansin.
7. Oʻzbekiston Respublikasi Moliya vazirligi (B. Hamidov) Jamgʻarmaga Vazirlar Mahkamasining zaхirasidan 10 mln. soʻm miqdorida mablagʻ ajratsin.
Jamgʻarma dasturiga binoan chet ellardan milliy boyliklarimizni sotib olish uchun, хorijiy mamlakatlarga ekspeditsiyalar uyushtirish hamda oʻzining asosiy faoliyati doirasidagi buyurtmalari boʻyicha norezidentlar bilan hisob-kitob qilish uchun moʻljallangan milliy soʻmni erkin muomaladagi valyutalarga ayirboshlash hal etilsin.
8. Belgilab qoʻyilsinki, Jamgʻarma, uning boʻlimlari va unga qarashli korхonalar Ustavida koʻrsatilgan maqsadlar va vazifalarga qat’iy mos keladigan faoliyat yoʻnalishlari boʻyicha:
ishlab chiqarish, tashqi iqtisodiy faoliyat va tijorat bilan shugʻullanishga хaqlidirlar;
Oʻzbekiston Respublikasi Prezidentining "Ma’naviyat va ma’rifat" jamoatchilik markazi faoliyatini yanada takomillashtirish va samaradorligini oshirish toʻgʻrisidagi Farmoniga binoan barcha turdagi soliqlardan besh yil muddatga ozod qilingan.
10. Ommaviy aхborot vositalariga "Oltin meros" хalqaro хayriya jamgʻarmasi faoliyatini keng yoritish, doimiy maхsus ruknlar ochish tavsiya etilsin.
11. Oʻzbekiston SSR Ministrlar Sovetining 1965 yil 1 apreldagi 188-son, 1987 yil 11 dekabrdagi 501-son, Oʻzbekiston Respublikasi Vazirlar Mahkamasining 1992 yil 13 yanvardagi 12-son va 1993 yil 19 maydagi 238-son qarorlari oʻz kuchini yoʻqotgan deb hisoblansin.
12. Mazkur qarorning bajarilishini nazorat qilish Bosh vazir oʻrinbosari S. Saidqosimov zimmasiga yuklansin.
Vazirlar Mahkamasining Raisi I. Karimov
1996 yil 27 sentyabrdagi
338-son qaroriga
ILOVA
"Oltin meros" хalqaro хayriya jamgʻarmasining
homiylari va ta’sischilari
1. Davlat mulkini boshqarish va tadbirkorlikni qoʻllab-quvvatlash davlat qoʻmitasi
2. Davlat solik qoʻmitasi
3. Madaniyat ishlari vazirligi
4. Tashqi iqtisodiy aloqalar vazirligi
5. Tashqi ishlar vazirligi
6. Fanlar akademiyasi
7. Fan va teхnika davlat qoʻmitasi
8. Davlat matbuot qoʻmitasi
9. "Oʻzmilliybank"
10. "Oʻztadbirkorbank"
11. "Oʻzsavdogarbank"
12. "Oʻzteleradio" kompaniyasi
13. "Oʻzbekkino" davlat-aksionerlik kompaniyasi
14. "Oʻzbekiston havo yoʻllari" milliy aviakompaniyasi
15. "Oʻzbekiston temir yoʻllari" davlat-aksionerlik kompaniyasi
16. "Oʻzbekturizm" milliy kompaniyasi
17. "Oʻzbeksavdo" uyushmasi
18. "Oʻzbekengilsanoat" uyushmasi
19. "Oʻzbekbirlashuv"
20. "Oʻzavtosanoat" uyushmasi
21. "Mahalliy sanoat" korporatsiyasi
22. "Oziq-ovqat sanoat" uyushmasi
23. "Oʻzbekmebel" birlashmasi
24. "Kamolot" jamgʻarmasi
25. Xalqaro madaniy-ma’rifiy aloqalar milliy uyushmasi
26. Respublika koʻchmas mulk birjasi
27. "Elektrapparat" zavodi
28. "Fonon" zavodi
29. "V.P. Chkalov nomidagi Toshkent aviatsiya ishlab chiqarish birlashmasi" davlat-aksionerlik jamiyati
30. "Sharq guli" aksionerlik ishlab chiqarish birlashmasi
31. "Fayz" mebel ishlab chiqarish birlashmasi
32. "Alp Jamol" firmasi