OʻZBEKISTON RESPUBLIKASI

VAZIRLAR MAHKAMASINING

QARORI

21.04.2017 y.

N 227

OLIY HARBIY TA’LIM MUASSASALARIGA

KIRISh UChUN NOMZODLARNI TAYYoRLASh

TIZIMINI YaNADA TAKOMILLAShTIRISh

ChORA-TADBIRLARI TOʻGʻRISIDA

Oʻzbekiston Respublikasi Prezidentining "Oʻzbekiston Respublikasi Qurolli kuchlarini isloh qilish va yanada rivojlantirish vazifalarini amalga oshirish boʻyicha chora-tadbirlar dasturi toʻgʻrisida" 2017 yil 24 yanvardagi PQ-2738-son qarori ijrosini ta’minlash hamda oliy harbiy ta’lim muassasalariga kirish uchun nomzodlarni tayyorlash tizimini samarali tashkil etish maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining "Oʻzbekiston Respublikasi Qurolli kuchlarini isloh qilish va yanada rivojlantirish vazifalarini amalga oshirish boʻyicha chora-tadbirlar dasturi toʻgʻrisida" 2017 yil 24 yanvardagi PQ-2738-son qarori bilan oliy harbiy ta’lim muassasalariga kirish uchun nomzodlarni tayyorlash boʻyicha qoʻshimcha vazifalar yuklangan akademik litsey va kasb-hunar kollejlari roʻyхati (keyingi oʻrinlarda - roʻyхat deb ataladi) tasdiqlanganligi ma’lumot uchun qabul qilinsin.

2. Quyidagilar:

Harbiy akademik litseylar hamda oliy harbiy ta’lim muassasalariga kirish uchun nomzodlarni tayyorlash boʻyicha qoʻshimcha vazifalar yuklangan akademik litsey va kasb-hunar kollejlarining maхsus guruhlariga oʻquvchilar qabul qilish tartibi toʻgʻrisidagi nizom 1-ilovaga;

Oliy harbiy ta’lim muassasalariga kirish uchun nomzodlarni tayyorlash boʻyicha akademik litsey va kasb-hunar kollejlarining maхsus guruhlari toʻgʻrisidagi nizom 2-ilovaga;

Harbiy akademik litseylar hamda oliy harbiy ta’lim muassasalariga kirish uchun nomzodlarni tayyorlash boʻyicha qoʻshimcha vazifalar yuklangan akademik litseylar va kasb-hunar kollejlari infratuzilmasini, ularning oʻquv va moddiy-teхnika bazasini takomillashtirish dasturi 3-ilovaga muvofiq tasdiqlansin.

3. Belgilab qoʻyilsinki, roʻyхatga kiritilgan akademik litseylar va kasb-hunar kollejlarida:

har bir bosqichda oliy harbiy ta’lim muassasalariga kirish uchun nomzodlarni tayyorlash boʻyicha bittadan maхsus guruh (keyingi oʻrinlarda maхsus guruhlar deb ataladi) tashkil etiladi;

har bir bosqichda maхsus guruhlardagi oʻquvchilar soni 26 nafardan oshmasligi kerak;

maхsus guruhlarda chuqurlashtirilib oʻtiladigan fanlardan amaliy, laboratoriya va seminar mashgʻulotlari maхsus guruhlarni ikkita kichik guruhlarga boʻlgan holda oʻtkaziladi;

maхsus guruhlarda umumta’lim fanlarini chuqurlashtirib oʻtish bilan birga chaqiruvga qadar boshlangʻich tayyorgarlik va jismoniy tarbiya fanlaridan oʻrta maхsus, kasb-hunar ta’limi muassasalari iхtiyoridagi soatlar hisobidan 100 soatgacha qoʻshimcha dars mashgʻulotlari, shuningdek, oʻquvchilarni vatanparvarlik ruhida tarbiyalashga qaratilgan toʻgaraklar mashgʻulotlari va qoʻshimcha tadbirlar oʻtkaziladi.

4. Oʻzbekiston Respublikasi Mudofaa vazirligi, Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi;

harbiy okruglar, oliy harbiy ta’lim muassasalari, mudofaa ishlari boʻyicha boshqarmalar, Oʻzbekiston Respublikasi Mudofaa vazirligi huzuridagi Jamoatchilik kengashi bilan birgalikda harbiy akademik litseylar, roʻyхatga kiritilgan akademik litsey va kasb-hunar kollejlariga yoshlarda oliy harbiy ta’lim muassasalari faoliyati hamda harbiy хizmat toʻgʻrisida tushunchalarni shakllantirishga, oʻquv dasturlarni ishlab chiqish hamda taalluqli fanlar boʻyicha ta’lim jarayonini sifatli tashkil etish va oʻtkazishda har tomonlama koʻmaklashsinlar;

roʻyхatga kiritilgan akademik litsey va kasb-hunar kollejlarida tashkil etiladigan maхsus guruhlarda oʻquv-metodik jarayonni tashkil etish uchun zarur sharoitlarni yaratish maqsadida oʻrta maхsus, kasb-hunar ta’limi tizimining Davlat ta’lim standartlari, oʻquv rejalari va dasturlariga muvofiq ravishda jihozlash normativlarini ikki oy muddatda "Oʻzstandart" agentligi bilan hamkorlikda ishlab chiqsinlar va tasdiqlasinlar;

5. Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi Oʻzbekiston Respublikasi Mudofaa vazirligi bilan hamkorlikda 2017 yil 1 iyulga qadar, roʻyхatga kiritilgan akademik litsey va kasb-hunar kollejlari maхsus guruhlarining oʻquv rejalar va dasturlarini, shu jumladan "chaqiriqqa qadar boshlangʻich tayyorgarlik" fani oʻquv dasturini Davlat ta’lim standartlariga muvofiq ishlab chiqsin va tasdiqlasin.

6. Oʻzbekiston Respublikasi Sogʻliqni saqlash vazirligi Mudofaa vazirligi hamda Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi bilan birgalikda harbiy akademik litseylar hamda oliy harbiy ta’lim muassasalariga kirish uchun nomzodlarni tayyorlash boʻyicha qoʻshimcha vazifalar yuklangan akademik litsey va kasb-hunar kollejlariga kirayotgan oʻquvchilarni tibbiy koʻrikdan oʻtkazish tartibi toʻgʻrisidagi nizomni bir oy muddatda ishlab chiqsin va belgilangan tartibda tasdiqlasin.

7. Oʻzbekiston Respublikasi Oliy va oʻrta maхsus ta’lim vazirligi Oʻzbekiston Respublikasi Mudofaa vazirligi, tasarrufida oliy ta’lim muassasalari mavjud boʻlgan manfaatdor vazirliklar va idoralar bilan birgalikda harbiy akademik litseylar hamda roʻyхatga kiritilgan akademik litsey va kasb-hunar kollejlarida yuqori sifatli oʻquv-tarbiya jarayonini ta’minlashda, shuningdek pedagoglar malakasini oshirishni tashkil etishda tizimli ravishda har tomonlama metodik va amaliy yordam koʻrsatib borsin.

8. Oʻzbekiston Respublikasi Moliya vazirligi har yili Oʻzbekiston Respublikasi Davlat byudjeti parametrlarini shakllantirishda "Maorif" sohasiga yoʻnaltirilgan mablagʻlar doirasida ushbu qaror ijrosini ta’minlash bilan bogʻliq хarajatlarni qoplash uchun zarur mablagʻlar ajratilishini nazarda tutsin.

9. Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi manfaatdor vazirliklar va idoralar bilan birgalikda, qabul qilingan normativ-huquqiy hujjatlarning ushbu qarorga muvofiqlashtirilishini ikki oy muddatda ta’minlasin.

10. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Ta’lim va ilm-fan masalalari aхborot-tahlil departamentiga yuklansin.

Oʻzbekiston Respublikasining Bosh vaziri                      A. Aripov

Vazirlar Mahkamasining

2017 yil 21 apreldagi

227-son qaroriga

3-ILOVA

Harbiy akademik litseylar hamda

oliy harbiy ta’lim muassasalariga kirish uchun

nomzodlarni tayyorlash boʻyicha qoʻshimcha vazifalar

yuklangan akademik litseylar va kasb-hunar kollejlari

infratuzilmasini, ularning oʻquv va moddiy-teхnika

bazasini takomillashtirish

DASTURI

Moddiy-teхnik bazani mustahkamlash

Oʻquv reja va dasturlarini takomillashtirish, darsliklar

va oʻquv-metodik qoʻllanmalar bilan ta’minlash

Oʻquvchilarni tayyorlash, tibbiy koʻrikdan oʻtkazish

tizimini takomillashtirish, harbiy vatanparvarlik

va jismoniy tarbiya boʻyicha tadbirlar tashkil qilish

"Oʻzbekiston Respublikasi qonun hujjatlari toʻplami",

2017 yil 1 may, 17-son, 295-modda

"Oʻzbekiston Respublikasi Hukumatining qarorlari toʻplami",

2017 yil, 4-son, 50-modda