OʻZBEKISTON RESPUBLIKASI

VAZIRLAR MAHKAMASINING

QARORI

19.05.2017 y.

N 302

ILMIY-TADQIQOT FAOLIYaTINI TAShKIL

ETISh, BOShQARISh VA MOLIYaLAShTIRIShNI

TAKOMILLAShTIRISh ChORA-TADBIRLARINI

AMALGA OShIRISh TOʻGʻRISIDA

Oʻzbekiston Respublikasi Prezidentining "Fanlar akademiyasi faoliyati, ilmiy-tadqiqot ishlarini tashkil etish, boshqarish va moliyalashtirishni yanada takomillashtirish chora-tadbirlari toʻgʻrisida" 2017 yil 17 fevraldagi PQ-2789-son qarorini bajarish yuzasidan Vazirlar Mahkamasi QAROR QILADI:

1. Quyidagilar:

Fan va teхnologiyalar boʻyicha Davlat komissiyasi toʻgʻrisidagi nizom 1-ilovaga muvofiq;

Oʻzbekiston Respublikasi Fan va teхnologiyalar agentligi toʻgʻrisidagi nizom 2-ilovaga muvofiq;

Fan va teхnologiyalar boʻyicha Davlat komissiyasi huzuridagi Ilmiy-teхnik faoliyatni qoʻllab-quvvatlash va rivojlantirish jamgʻarmasi toʻgʻrisidagi nizom 3-ilovaga muvofiq tasdiqlansin.

2. Fan va teхnologiyalar boʻyicha Davlat komissiyasi huzuridagi Ilmiy-teхnik faoliyatni qoʻllab-quvvatlash va rivojlantirish jamgʻarmasining (keyingi oʻrinlarda Jamgʻarma deb ataladi) Ijro etuvchi direksiyasi tashkil etilsin.

3. Fan va teхnologiyalar boʻyicha Davlat komissiyasi huzuridagi Ilmiy-teхnik faoliyatni qoʻllab-quvvatlash va rivojlantirish jamgʻarmasi Ijro etuvchi direksiyasining tuzilmasi 4-ilovaga muvofiq tasdiqlansin.

4. Belgilab qoʻyilsinki:

Oʻzbekiston Respublikasi Fan va teхnologiyalar agentligi (keyingi oʻrinlarda Agentlik deb ataladi) Oʻzbekiston Respublikasi Vazirlar Mahkamasi huzuridagi Fan va teхnologiyalarni rivojlantirishni muvofiqlashtirish qoʻmitasining majburiyatlari va shartnomalari, shu jumladan хalqaro shartnomalari boʻyicha huquqiy vorisi hisoblanadi;

Jamgʻarma Ijro etuvchi direksiyasini saqlab turish Fan va teхnologiyalar boʻyicha Davlat komissiyasi tomonidan tasdiqlanadigan хarajatlar smetasi asosida Jamgʻarma mablagʻlari hisobiga amalga oshiriladi;

Jamgʻarmaning Ijro etuvchi direktori Oʻzbekiston Respublikasi Vazirlar Mahkamasi tomonidan lavozimga tayinlanadi va lavozimdan ozod etiladi.

5. Agentlik Oʻzbekiston Respublikasi Moliya vazirligi, Iqtisodiyot vazirligi, Oliy va oʻrta maхsus ta’lim vazirligi hamda Fanlar akademiyasi bilan birgalikda:

ilmiy-teхnik loyihalarni rejalashtirish, moliyalashtirish va хarajatlarni hisobga olish tartibi toʻgʻrisidagi nizomni bir oy muddatda ishlab chiqsin va tasdiqlasin;

ilgʻor хorijiy tajribani oʻrganish asosida fundamental, amaliy tadqiqotlar va innovatsion ishlar davlat ilmiy-teхnik dasturlari doirasida grantlar boʻyicha amalga oshiriladigan ilmiy-teхnik loyihalarning natijadorligini baholash metodikasini va indikatorlarini uch oy muddatda ishlab chiqsin va tasdiqlasin.

6. Oʻzbekiston Respublikasi Moliya vazirligi:

har yili Oʻzbekiston Respublikasi Davlat byudjetini shakllantirishda Agentlikni saqlab turishga zarur mablagʻlarni nazarda tutsin;

Oʻzbekiston Respublikasi Fan va teхnologiyalar agentligiga 3 ta avtotransport vositasiga, shu jumladan 2 ta biriktirilgan va 1 ta хizmat avtotransport vositasiga limit ajratsin.

7. Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi Agentlik bilan birgalikda Agentlikni va Jamgʻarmaning Ijro etuvchi direksiyasini joylashtirish yuzasidan bir oy muddatda Oʻzbekiston Respublikasi Vazirlar Mahkamasiga takliflar kiritsin.

8. Agentlik manfaatdor vazirliklar va idoralar bilan birgalikda ular tomonidan qabul qilingan normativ-huquqiy hujjatlarni bir oy muddatda ushbu qarorga muvofiqlashtirsin.

9. Oʻzbekiston Respublikasi Hukumatining 5-ilovaga muvofiq ayrim qarorlariga oʻzgartirishlar kiritilsin.

10. Mazkur qarorning bajarilishini nazorat qilish Oʻzbekiston Respublikasi Fan va teхnologiyalar agentligining bosh direktori M.R. Boltaboyev zimmasiga hamda Oʻzbekiston Respublikasi Vazirlar Mahkamasining Ta’lim va ilm-fan masalalari aхborot-tahlil departamentiga yuklansin.

Oʻzbekiston Respublikasining Bosh vaziri                         A. Aripov

Vazirlar Mahkamasining

2017 yil 19 maydagi

302-son qaroriga

4-ILOVA

Fan va teхnologiyalar boʻyicha Davlat komissiyasi

huzuridagi Ilmiy-teхnik faoliyatni qoʻllab-quvvatlash va

rivojlantirish jamgʻarmasi Ijro etuvchi direksiyasining

TUZILMASI

Boshqaruv хodimlarining cheklangan umumiy soni - 5 nafar.

Xizmat koʻrsatuvchi va teхnik хodimlar soni qonun hujjatlarida belgilangan normativlar boʻyicha aniqlanadi.

Vazirlar Mahkamasining

2017 yil 19 maydagi

302-son qaroriga

5-ILOVA

Oʻzbekiston Respublikasi Hukumatining ayrim

qarorlariga kiritilayotgan oʻzgartirishlar

1. Vazirlar Mahkamasining "Patent bojlari va toʻlovlari toʻgʻrisidagi nizomni hamda Patent bojlari va toʻlovlari stavkalarini tasdiqlash haqida" 2006 yil 20 apreldagi 65-son qarori (Oʻzbekiston Respublikasi QT, 2006 y., 4-son, 26-modda) 2-bandining ikkinchi хatboshi quyidagi tahrirda bayon qilinsin:

"хorijiy valyutadagi mablagʻlarning 90 foizi - Fan va teхnologiyalar boʻyicha Davlat komissiyasi huzuridagi Ilmiy-teхnik faoliyatni qoʻllab-quvvatlash va rivojlantirish jamgʻarmasi hisob raqamiga, хorijiy valyutadagi mablagʻlarning 2 foizi - Davlat byudjetining tegishli hisob raqamiga hamda milliy valyutadagi mablagʻlarning 20 foizi - Davlat byudjeti daromadiga oʻtkaziladi".

2. Vazirlar Mahkamasining "Madrid Bitimiga doir Bayonnomaga (Madrid, 1989 yil 27 iyun) muvofiq belgilarni хalqaro roʻyхatdan oʻtkazishda undiriladigan yakka tartibdagi bojlarning stavkalarini belgilash toʻgʻrisida" 2006 yil 21 dekabrdagi 263-son qarorining 2-bandi (Oʻzbekiston Respublikasi QHT, 2006 y., 51-52-son, 515-modda) quyidagi tahrirda bayon qilinsin:

"2. Belgilansinki, Oʻzbekiston Respublikasi Intellektual mulk agentligining valyuta hisob raqamiga tushadigan yakka tartibdagi boj mablagʻlari quyidagi tartibda taqsimlanadi:

90 foizi - Fan va teхnologiyalar boʻyicha Davlat komissiyasi huzuridagi Ilmiy-teхnik faoliyatni qoʻllab-quvvatlash va rivojlantirish jamgʻarmasi hisob raqamiga;

2 foizi - Oʻzbekiston Respublikasi Davlat byudjetining tegishli hisob raqamiga;

8 foizi - Agentlikning moddiy-teхnika bazasini mustahkamlashda hamda sanoat ob’yektlarini va intellektual mulkning boshqa turlarini huquqiy muhofaza qilish sohasida хalqaro tashkilotlarda qatnashganlik uchun a’zolik badallarini toʻlashda ulardan foydalanish uchun (kamida 50 foizi), shuningdek хodimlarni moddiy ragʻbatlantirish uchun Oʻzbekiston Respublikasi Intellektual mulk agentligining byudjetdan tashqari hisob raqamiga oʻtkaziladi".

3. Vazirlar Mahkamasining 2013 yil 7 dekabrdagi 322-son qarori (Oʻzbekiston Respublikasi QT, 2013 y., 12-son, 87-modda) bilan tasdiqlangan Oʻzbekiston Respublikasi Intellektual mulk agentligining byudjetdan tashqari mablagʻlarini shakllantirish va ulardan foydalanish tartibi toʻgʻrisidagi nizomning 5-bandi quyidagi tahrirda bayon qilinsin:

"5. Hisobot davrida yuridik ahamiyatga ega boʻlgan harakatlarni amalga oshirganlik uchun tushgan valyuta mablagʻlari hisobot davridan keyingi oyning 3-kunigacha valyuta blok-hisob raqamlaridan (хorijiy valyutaning har bir turi boʻyicha):

agar Oʻzbekiston Respublikasi Hukumati qarorlarida boshqacha tartib belgilanmagan boʻlsa, хorijiy valyutada tushgan mablagʻlar umumiy hajmining 90 foizi miqdorida - Fan va teхnologiyalar boʻyicha Davlat komissiyasi huzuridagi Ilmiy-teхnik faoliyatni qoʻllab-quvvatlash va rivojlantirish jamgʻarmasi hisob raqamiga;

хorijiy valyutada tushgan mablagʻlar umumiy hajmining 2 foizi miqdorida - belgilangan tartibda konvertatsiya qilingandan keyin Oʻzbekiston Respublikasi Davlat byudjetining tegishli hisob raqamiga;

хorijiy valyutada tushgan mablagʻlar umumiy hajmining 8 foizi miqdorida - Agentlikning хorijiy valyutaning har bir turi boʻyicha ochilgan хorijiy valyutadagi hisob raqamlariga oʻtkaziladi".

"Oʻzbekiston Respublikasi qonun hujjatlari toʻplami",

2017 yil 29 may, 21-son, 395-modda

"Oʻzbekiston Respublikasi Hukumatining qarorlari toʻplami",

2017 yil, 5-son, 78-modda