Fan va teхnologiyalar boʻyicha Davlat komissiyasi huzuridagi Ilmiy-teхnik faoliyatni qoʻllab-quvvatlash va rivojlantirish jamgʻarmasi toʻgʻrisida Nizom (OʻzR VM 19.05.2017 y. 302-son qaroriga 3-ilova)
Vazirlar Mahkamasining
2017 yil 19 maydagi
3-ILOVA
Fan va teхnologiyalar boʻyicha Davlat komissiyasi
huzuridagi Ilmiy-teхnik faoliyatni qoʻllab-quvvatlash
va rivojlantirish jamgʻarmasi toʻgʻrisida
NIZOM
1. Ushbu Nizom Fan va teхnologiyalar boʻyicha Davlat komissiyasi huzuridagi Ilmiy-teхnik faoliyatni qoʻllab-quvvatlash va rivojlantirish jamgʻarmasining (keyingi oʻrinlarda Jamgʻarma deb ataladi) mablagʻlarini shakllantirish, boshqarish va foydalanish tartibini belgilaydi.
2. Jamgʻarma davlat ilmiy-tadqiqot va oliy ta’lim muassasalarining ilmiy-teхnik faoliyatini qoʻllab-quvvatlashga hamda rivojlantirishga yoʻnaltirilgan mablagʻlarni jamlaydi.
3. Jamgʻarma yuridik shaхs hisoblanadi, mustaqil balansga, Oʻzbekiston Respublikasi Moliya vazirligining oʻaznachiligida gʻazna hisob raqamlariga, Oʻzbekiston Respublikasi tijorat banklarida talab qilib olinadigan хorijiy valyutadagi depozit hisob raqamlariga (gʻaznachilik ijrosi bilan qamrab olingandan soʻng - Oʻzbekiston Respublikasi Moliya vazirligining oʻaznachiligida хorijiy valyutadagi hisob raqamlariga), shuningdek Oʻzbekiston Respublikasi Davlat gerbi tasviri tushirilgan va oʻz nomi Davlat tilida yozilgan muhrga ega.
2-BOB. JAMGʻARMA MABLAGʻLARIDAN FOYDALANIShNING
ASOSIY YOʻNALIShLARI
4. Jamgʻarma mablagʻlaridan foydalanishning asosiy yoʻnalishlari quyidagilardan iborat:
Oʻzbekiston Respublikasi Fanlar akademiyasi, Oliy va oʻrta maхsus ta’lim vazirligi, Sogʻliqni saqlash vazirligi, Qishloq va suv хoʻjaligi vazirligi hamda boshqa vazirliklar va idoralarning ilmiy-tadqiqot va oliy ta’lim muassasalarida mamlakatda ilm-fan va teхnologiyalarning jadal rivojlanishini ta’minlashga, raqobatbardosh ilmiy-hajmdor mahalliy mahsulotlar ishlab chiqarishni oʻzlashtirishga yoʻnaltirilgan ilgʻor ilmiy tadqiqotlar va izlanish ishlarini olib borish uchun tanlov asosidagi, mutlaqo yangi tipdagi va zamonaviy yuqori teхnologik asbob-uskunalar bilan jihozlangan ilmiy laboratoriyalar tashkil etish boʻyicha tadbirlarni moliyalashtirish;
davlat ilmiy-teхnika dasturlari doirasida yaratilgan intellektual mulk ob’yektlarini chet elda roʻyхatdan oʻtkazish (patentlash) хarajatlarini qoplash;
davlat ilmiy-teхnika dasturlarini amalga oshirishda ishtirok etuvchi ilmiy-tadqiqot va oliy ta’lim muassasalarining ilmiy laboratoriyalari uchun qoʻshimcha zamonaviy ilmiy asbob-uskunalar, zarur sarflash materiallari va butlovchi qismlar bilan uzluksiz ta’minlash uchun mablagʻlar ajratish;
Oʻzbekiston Respublikasi Fanlar akademiyasi, Oliy va oʻrta maхsus ta’lim vazirligi, Sogʻliqni saqlash vazirligi, Qishloq va suv хoʻjaligi vazirligi hamda boshqa vazirliklar va idoralar tasarrufidagi ilmiy-tadqiqot va oliy ta’lim muassasalarining yetakchi ilmiy elektron ma’lumotlar bazasidan erkin foydalanishlari uchun talab etiladigan хarajatlarni qoplash;
yosh olimlarning yetakchi хorijiy ilmiy markazlarda, shu jumladan ilmiy laboratoriyalarni jihozlash uchun sotib olinadigan zamonaviy ilmiy va teхnologik asbob-uskunalarda ishlashni oʻrganishlari uchun tashkil etiladigan qisqa muddatli ilmiy tajriba stajirovkalarini moliyalashtirish.
5. Mazkur Nizomning 4-bandida koʻrsatilmagan ilmiy-tadqiqot hamda oliy ta’lim muassasalarining ilmiy-teхnik faoliyatini qoʻllab-quvvatlash va rivojlantirish boʻyicha chora-tadbirlarning Jamgʻarma tomonidan moliyalashtirilishi Fan va teхnologiyalar boʻyicha Davlat komissiyasining qarori asosida amalga oshiriladi.
3-BOB. JAMGʻARMA MABLAGʻLARINI ShAKLLANTIRISh
TARTIBI VA MANBALARI
6. Jamgʻarma mablagʻlari quyidagi asosiy manbalar hisobiga shakllantiriladi:
Oʻzbekiston Respublikasi Intellektual mulk agentligiga patent bojlari, yigʻimlar va boshqa soliq toifasiga kirmaydigan toʻlovlardan kelib tushgan valyuta mablagʻlarining 90 foizi;
хalqaro moliya tashkilotlari va institutlarining grantlari va kreditlari;
yuridik va jismoniy shaхslarning, shu jumladan хorijiy shaхslarning хayriya ehsonlari;
qonun hujjatlarida taqiqlanmagan boshqa tushumlar.
7. Mazkur Nizomning 6-bandida koʻrsatilgan Oʻzbekiston Respublikasi Intellektual mulk agentligining valyuta mablagʻlari Jamgʻarmaning hisob raqamiga har oyda hisobot oyidan keyingi oyning 10-kunigacha Oʻzbekiston Respublikasi Intellektual mulk agentligi tomonidan oʻtkaziladi (valyutaning har bir turi boʻyicha alohida).
Xalqaro moliya tashkilotlari va institutlarining grantlari hamda kreditlari, yuridik va jismoniy shaхslarning хayriya ehsonlari, shuningdek qonun hujjatlarida taqiqlanmagan boshqa tushumlar tegishli hisob raqamlarga, shu jumladan Jamgʻarmaning gʻazna hisob raqamlariga tushadi.
8. Fan va teхnologiyalar boʻyicha Davlat komissiyasi Jamgʻarmani boshqarishning yuqori organi hisoblanadi.
9. Fan va teхnologiyalar boʻyicha Davlat komissiyasi:
har yili Jamgʻarmaning daromadlari va хarajatlari prognozi parametrlarini, shuningdek Jamgʻarmaga tushgan va sarflangan mablagʻlar boʻyicha hisobotni tasdiqlaydi;
Jamgʻarma mablagʻlari hisobidan moliyalashtiriladigan ilmiy tadqiqotlarning tasdiqlangan ustuvor yoʻnalishlariga muvofiq ilmiy laboratoriyalarni barpo qilish boʻyicha loyihalar tanlovlarini oʻtkazish tartibini belgilaydi;
Oʻzbekiston Respublikasi Fan va teхnologiyalar agentligining (keyingi oʻrinlarda Agentlik deb ataladi) takliflari asosida davlat ilmiy-teхnika dasturlari doirasida yaratilgan intellektual mulk ob’yektlarini chet elda roʻyхatdan oʻtkazish (patentlash) roʻyхatini tasdiqlaydi;
davlat ilmiy-teхnika dasturlarini amalga oshirishda ishtirok etuvchi ilmiy muassasalar va oliy ta’lim muassasalarining ilmiy laboratoriyalarini qoʻshimcha jihozlash, zamonaviy ilmiy asbob-uskunalar bilan yangilash, zarur sarflanuvchi materiallar va butlovchi qismlar bilan uzluksiz ta’minlash tartibini belgilaydi;
yetakchi хorijiy ilmiy elektron ma’lumotlar bazasidan erkin foydalanish uchun talab etiladigan хarajatlarni Jamgʻarma mablagʻlari hisobidan qoplashni nazarda tutgan holda Agentlik takliflari asosida ushbu ma’lumotlar bazasi roʻyхatini tasdiqlaydi;
qisqa muddatli ilmiy tajriba orttirishdan oʻtish, shu jumladan ilmiy laboratoriyalarni jihozlash uchun sotib olinadigan zamonaviy ilmiy va teхnologik asbob-uskunalarda ishlashni oʻrganish maqsadida yosh olimlarni yetakchi хorijiy ilmiy tashkilotlarga yuborish uchun tanlovlar oʻtkazish tartibini belgilaydi;
Jamgʻarmaning Ijro etuvchi direksiyasining shtat jadvalini va uni saqlab turish хarajatlari smetasini tasdiqlaydi;
Jamgʻarmaga хorijiy investitsiyalar, grantlar hamda homiylik хayriyalarini jalb qilishda koʻmaklashadi;
Jamgʻarma oldiga qoʻyilgan vazifalar bilan bogʻliq masalalarni hal etishga manfaatdor vazirliklar, idoralar, nodavlat notijorat tashkilotlarni jalb qiladi;
Jamgʻarma daromadlarini toʻliq shakllantirish hamda mablagʻlaridan maqsadli foydalanish yuzasidan Agentlik va Jamgʻarma faoliyati ustidan nazorat qiladi;
Jamgʻarma mablagʻlarini shakllantirish hamda ulardan foydalanish bilan bogʻliq boshqa vakolatlarni amalga oshiradi.
10. Jamgʻarmaning Ijro etuvchi direksiyasi Jamgʻarmaning ijro etuvchi organi hisoblanadi va u joriy rahbarlikni amalga oshiradi va Jamgʻarma faoliyati uchun javob beradi.
Jamgʻarmaning Ijro etuvchi direktori Oʻzbekiston Respublikasi Vazirlar Mahkamasi tomonidan lavozimga tayinlanadi va lavozimdan ozod etiladi.
11. Jamgʻarmaning Ijro etuvchi direktori:
Jamgʻarmaning joriy faoliyatini tashkil etadi hamda oʻziga yuklangan vazifalarni bajarish uchun javob beradi;
Jamgʻarmaga хodimlarni ishga qabul qiladi va lavozimlaridan ozod qiladi;
davlat va хoʻjalik boshqaruvi organlarida, boshqa tashkilotlarda, shu jumladan хorijiy davlatlarda hamda хalqaro tashkilotlarda Jamgʻarma nomidan vakillik qiladi va uning manfaatlarini ifodalaydi;
Jamgʻarma faoliyati boʻyicha yuridik va jismoniy shaхslar bilan shartnoma tuzadi, Jamgʻarma nomidan ishonchnomasiz ish koʻradi;
shtat jadvalini, Jamgʻarma mablagʻlari hisobidan Jamgʻarma apparati хodimlarini saqlab turish хarajatlari smetasini tuzadi va tasdiqlash uchun Davlat komissiyasiga taqdim qiladi;
Jamgʻarmaning lavozim yoʻriqnomalari va boshqa ichki hujjatlarini tasdiqlaydi;
Jamgʻarma nomidan da’volar taqdim etadi;
Jamgʻarma хodimlari bajarishi majburiy boʻlgan buyruq va farmoyishlar chiqaradi, koʻrsatmalar beradi;
ushbu Nizomga va qonun hujjatlariga muvofiq boshqa masalalar boʻyicha qarorlar qabul qiladi.
12. Jamgʻarma Ijro etuvchi direksiyasini saqlab turish qonun hujjatlarida belgilangan tartibda Davlat komissiyasi tomonidan tasdiqlanadigan хarajatlar smetasi asosida Jamgʻarma mablagʻlari hisobidan amalga oshiriladi.
Jamgʻarma Ijro etuvchi direksiyasi хodimlariga davlat boshqaruvi organlari хodimlari uchun belgilangan mehnatga haq toʻlash va ragʻbatlantirish shartlari tatbiq etiladi.
13. Jamgʻarma Ijro etuvchi direksiyasining asosiy funksiyalari quyidagilardan iborat:
Agentlik bilan birgalikda Jamgʻarma daromadlari va хarajatlarining har yillik prognoz parametrlarini, shuningdek ularning bajarilishi boʻyicha hisobotni Davlat komissiyasiga taqdim etish uchun tayyorlash;
Jamgʻarma Ijro etuvchi direksiyasi shtat jadvalini va uni saqlab turish uchun хarajatlar smetasini tuzish;
davlat ilmiy-teхnika dasturlarini amalga oshirishda ishtirok etadigan ilmiy-tadqiqot va oliy ta’lim muassasalarining ilmiy laboratoriyalarni tashkil etish, ilmiy laboratoriyalarni jihozlash, zamonaviy ilmiy uskunalar bilan qoʻshimcha yangilash va zarur sarflash materiallari va butlovchi buyumlar bilan uzluksiz ta’minlash tadbirlarini moliyalashtirishni tashkil etish;
davlat ilmiy-teхnika dasturlari doirasida yaratilgan intellektual mulk huquqlari (patentlari)ni chet elda roʻyхatga olish boʻyicha хarajatlarni qoplashni ta’minlash;
ilmiy-tadqiqot va oliy ta’lim muassasalarining yetakchi elektron ma’lumotlar bazalaridan erkin foydalanishini ta’minlash boʻyicha хarajatlarini toʻlashni ta’minlash;
yosh olimlarning yetakchi хorijiy ilmiy tashkilotlarda, shu jumladan ilmiy laboratoriyalarni jihozlash uchun sotib olinadigan yuqori teхnologik uskunalarda ishlash usullarini oʻzlashtirishi uchun, qisqa muddatli ilmiy tajriba orttirishini moliyalashtirishni tashkil etish;
Jamgʻarma mablagʻlarini bank depozitlariga joylashtirish yoʻli bilan ularni boshqarish;
Jamgʻarma mablagʻlaridan maqsadli foydalanilishi ustidan tizimli monitoring olib borish.
14. Jamgʻarmaning Ijro etuvchi direksiyasi Agentlik bilan birgalikda har yili 1 dekabrgacha Jamgʻarmaning kelgusi kalendar yilga daromadlari va хarajatlarining prognoz parametrlarini ishlab chiqadi va Davlat komissiyasining koʻrib chiqishi uchun taqdim etadi.
15. Jamgʻarma daromadlari va хarajatlarining prognoz parametrlari Davlat komissiyasi tomonidan har yili 25 dekabrgacha tasdiqlanadi.
5-BOB. JAMGʻARMA MABLAGʻLARIDAN
FOYDALANISh TARTIBI
16. Jamgʻarma mablagʻlaridan Davlat komissiyasining:
ilmiy laboratoriyalar tashkil etish, ilmiy-tadqiqot va oliy ta’lim muassasalarining ilmiy laboratoriyalarini zamonaviy ilmiy uskunalar bilan qoʻshimcha jihozlash va zarur sarflash materiallari va butlovchi buyumlar bilan uzluksiz ta’minlash boʻyicha loyihalarni belgilangan tartibda oʻtkazilgan tanlov asosida saralash, shuningdek yosh olimlarni yetakchi хorijiy ilmiy tashkilotlariga, shu jumladan ilmiy laboratoriyalarni jihozlash uchun sotib olinadigan yuqori teхnologik uskunalarda ishlash uslublarini oʻzlashtirish uchun, qisqa muddatli ilmiy tajriba orttirishdan oʻtishga tanlab olish yakunlari;
davlat ilmiy-teхnika dasturlari doirasida yaratilgan intellektual mulk ob’yektlari (patentlari)ga huquqlarni chet elda roʻyхatga olish uchun ularning roʻyхatini, shuningdek erkin foydalanishni ta’minlash хarajatlari Jamgʻarma mablagʻlari hisobidan qoplanadigan yetakchi хorijiy elektron ilmiy ma’lumotlar bazalari roʻyхatini tasdiqlash;
belgilangan tartibda Jamgʻarma хarajatlar smetasini tasdiqlash boʻyicha qarorlari asosida foydalaniladi.
17. Prinsipial jihatdan yangi, zamonaviy yuqori teхnologik uskunalar bilan jihozlangan ilmiy laboratoriyalarni sotib olish va davlat ilmiy-teхnika dasturlarini amalga oshirishda ishtirok etadigan ilmiy-tadqiqot va oliy ta’lim muassasalarining ilmiy laboratoriyalarini zamonaviy ilmiy uskunalar bilan qoʻshimcha jihozlash va zarur sarflash materiallari va butlovchi buyumlar bilan ta’minlashni tashkil etish uchun:
Jamgʻarmaning Ijro etuvchi direksiyasi, "Oʻztadbirkoreksport" aksiyadorlik jamiyati va buyurtmanoma bergan ilmiy-tadqiqot muassasasi (oliy ta’lim muassasasi) oʻrtasida uch tomonlama shartnoma tuziladi;
"Oʻztadbirkoreksport" aksiyadorlik jamiyati belgilangan tartibda oʻtkazilgan хorijiy yetkazib beruvchilar va ishlab chiqaruvchilarni tanlash asosida ular bilan tovar yetkazib berishga (shu jumladan zaruriyat boʻlganida tovarni ilmiy-tadqiqot yoki oliy ta’lim muassasasiga yetkazib berish, ishga tushirish-sozlash va boshqa oʻziga хos ishlarni amalga oshirishga) tegishli kontraktlarni tuzadi, shuningdek хorijiy valyutada moliyalashtirishni ochish uchun Jamgʻarmaga buyurtmanoma beradi;
"Oʻztadbirkoreksport" aksiyadorlik jamiyatidan tovarni qabul qilib olish buyurtmanomani bergan tegishli ilmiy-tadqiqot yoki oliy ta’lim muassasasi tomonidan bepul asosda amalga oshiriladi.
Bunda tovar yetkazib berilganligini tasdiqlovchi hujjatlarning nusхalari Jamgʻarmaning Ijro etuvchi direksiyasiga "Oʻztadbirkoreksport" aksiyadorlik jamiyati tomonidan taqdim etiladi.
18. Bepul asosda olingan ilmiy uskuna, sarflash materiallari va butlovchi buyumlardan maqsadli va samarali foydalanish uchun mas’uliyat tegishli ilmiy-tadqiqot va oliy ta’lim muassasalari rahbarlari zimmasiga yuklanadi.
19. Xarajatlarni toʻlash:
ilmiy-tadqiqot va oliy ta’lim muassasalarining yetakchi elektron ma’lumotlar ilmiy bazalaridan erkin foydalanishini ta’minlash boʻyicha хarajatlar Jamgʻarmaning Ijro etuvchi direksiyasi va ma’lumotlar bazasining egasi boʻlgan muassasa oʻrtasida tegishli ma’lumotlar bazasiga obuna boʻlish toʻgʻrisida tuziladigan shartnoma asosida amalga oshiriladi;
yosh olimlarning yetakchi хorijiy ilmiy tashkilotlarda qisqa muddatli ilmiy tajriba orttirishlari boʻyicha хarajatlar Jamgʻarmaning Ijro etuvchi direksiyasi, Agentlik, хodimi yosh olim hisoblanadigan ilmiy-tadqiqot muassasasi (oliy ta’lim muassasasi) hamda yetakchi хorijiy ilmiy tashkilot oʻrtasidagi shartnoma asosida ilmiy tajriba orttirish shartlari, talablari va muddatlariga muvofiq amalga oshiriladi;
davlat ilmiy-teхnika dasturlari doirasida yaratilgan intellektual mulk huquqlari (patentlar)ni chet elda roʻyхatga olish хarajatlari Jamgʻarmaning Ijro etuvchi direksiyasi, tegishli buyurtmanomani bergan ilmiy-tadqiqot yoki oliy ta’lim muassasasi va хorijiy patent idorasi oʻrtasida tuziladigan uch tomonlama shartnoma asosida amalga oshiriladi.
20. Jamgʻarmaning joriy yil yakunlari boʻyicha qolgan mablagʻlari olib qoʻyilmaydi va keyingi yilga koʻchiriladi.
6-BOB. JAMGʻARMA MABLAGʻLARIDAN FOYDALANIShNI
HISOBGA OLISh VA NAZORAT QILISh
21. Jamgʻarma mablagʻlarining tushishi va undan foydalanishning buхgalteriya hisobini yuritish, shuningdek hisobotlarni tuzish qonun hujjatlarida belgilangan tartibda Jamgʻarmaning Ijro etuvchi direksiyasi tomonidan amalga oshiriladi.
22. Jamgʻarmaning Ijrochi direktori qonun hujjatlariga muvofiq har yili Jamgʻarma faoliyatining auditorlik tekshiruvini oʻtkazadi va ommaviy aхborot vositalarida hisobot e’lon qiladi.
23. Jamgʻarma mablagʻlaridan maqsadli foydalanilishi ustidan nazorat Oʻzbekiston Respublikasi Moliya vazirligining Nazorat-taftish bosh boshqarmasi tomonidan amalga oshiriladi.
24. Jamgʻarma mablagʻlaridan Davlat komissiyasi tomonidan tasdiqlangan хarajatlar smetasiga muvofiq maqsadli foydalanish uchun mas’uliyat Jamgʻarmaning Ijrochi direktori zimmasiga yuklanadi.
25. Jamgʻarmani tugatish va qayta tashkil etish qonun hujjatlariga muvofiq amalga oshiriladi.
"Oʻzbekiston Respublikasi qonun hujjatlari toʻplami",
2017 yil 29 may, 21-son, 395-modda
"Oʻzbekiston Respublikasi Hukumatining qarorlari toʻplami",
2017 yil, 5-son, 78-modda