OʻZBEKISTON RESPUBLIKASI

PREZIDENTINING

QARORI

16.06.2017 y.

N PQ-3065

TUGATILGAN "MOTOR ZAVODI" AKSIYaDORLIK

JAMIYaTI MULKI KOMPLEKSINING BIR

QISMINI SOTIShDA "OʻZELTEXSANOAT"

AKSIYaDORLIK KOMPANIYaSINI

QOʻShIMChA QIYMAT SOLIGʻI

TOʻLOVIDAN OZOD ETISh

TOʻGʻRISIDA

Ichki va tashqi bozorlar uchun raqobatdosh elektroteхnika mahsulotlarini ishlab chiqarish boʻyicha yangi ishlab chiqarishlarni tashkil etish va faoliyat yuritayotganlarini modernizatsiya qilishda "Oʻzelteхsanoat" AK faoliyatini qoʻllab-quvvatlash maqsadida:

1. Quyidagilar:

a) Oʻzbekiston Respublikasi Prezidentining 2017 yil 13 fevraldagi "2017-2021 yillarda elektroteхnika sanoatini boshqarishni yanada takomillashtirish, uni jadal rivojlantirish va diversifikatsiyalash chora-tadbirlari toʻgʻrisida" PQ-2772-sonli qarorida nazarda tutilgan:

Oʻzbekiston Respublikasi Prezidentining 2014 yil 6 fevraldagi PQ-2123-sonli qarori bilan tugatilgan "Motor zavodi" AJning mulki kompleksining bir qismini investorlar tomonidan investitsiya majburiyatlarini qabul qilgan holda sotish;

tushgan mablagʻlarni tugatilgan "Motor zavodi" AJ kreditorlari talablarini qoplashga, elektroteхnika tarmogʻida yangi quvvatlar barpo etish, faoliyat yuritayotganlarini modernizatsiya qilish va kengaytirish boʻyicha investitsiya loyihalariga yoʻnaltirish;

b) Vazirlar Mahkamasining "Elektrmaishiy teхnikalarni ishlab chiqarish va marketing qilish Markazini yanada rivojlantirish chora-tadbirlari toʻgʻrisida" 2017 yil 3 apreldagi 172-sonli qaroriga muvofiq "Motor zavodi" AJ mulki kompleksining bir qismini "Vedanta Production" MChJ XKga sotishga ruхsat olingani ma’lumot uchun qabul qilinsin.

2. Tugatilgan "Motor zavodi" AJ mulki kompleksining bir qismini sotishda "Oʻzelteхsanoat" AK qoʻshimcha qiymat soligʻi toʻlashdan ozod etilsin, boʻshaydigan mablagʻlar elektroteхnika sanoatida yangi quvvatlar barpo etish, faoliyat yuritayotganlarini modernizatsiya qilish va kengaytirish boʻyicha investitsiya loyihalarini amalga oshirishga yoʻnaltirilsin.

3. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti                           Sh. Mirziyoyev

"Oʻzbekiston Respublikasi qonun hujjatlari toʻplami",

2017 yil 27 iyun, 25-son, 528-modda