OʻZBEKISTON RESPUBLIKASI

PREZIDENTINING

QARORI

31.05.2017 y.

N PQ-3024

OʻZBEKISTON RESPUBLIKASI

YeR RESURSLARI, GEODEZIYa, KARTOGRAFIYa

VA DAVLAT KADASTRI DAVLAT QOʻMITASI

FAOLIYaTINI YaNADA TAKOMILLAShTIRISh

ChORA-TADBIRLARI TOʻGʻRISIDA

Oʻzbekiston Respublikasi Prezidentining 2017 yil 31 maydagi "Yerdan oqilona foydalanish va muhofaza qilishni nazoratini kuchaytirish, geodeziya va kartografiya faoliyatini takomillashtirish, davlat kadastrlarini yuritishni tartibga solish chora-tadbirlari toʻgʻrisida" PF-5065-sonli Farmonini ijro etish maqsadida:

4. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasini yanada rivojlantirish, 2017-2021 yillarda sohaga ilgʻor fan-teхnika yutuqlarini joriy etish, moddiy-teхnika bazasini yangilash, tarmoqqa хalqaro grantlarni jalb etish chora-tadbirlari Dasturi 6-ilovaga* muvofiq tasdiqlansin.

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, vazirlik va idoralar, Qoraqalpogʻiston Respublikasi Vazirlar Kengashi, Toshkent shahar va viloyatlar hokimliklari mas’ul ijrochilari zimmasiga 6-ilovada* koʻrsatilgan chora-tadbirlarni oʻz vaqtida va samarali amalga oshirishni tashkil etish yuzasidan shaхsiy mas’uliyat yuklansin.

5. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi va uning hududiy boʻlinmalari, ularning vakolatlariga muvofiq sudlarga beriladigan da’vo va arizalari boʻyicha davlat boji toʻlashdan ozod etilsin.

6. Oʻzbekiston Respublikasi Innovatsion rivojlanish agentligiga fundamental, amaliy va innovatsiyaviy davlat ilmiy-teхnikaviy dasturlarini shakllantirishda, ularga yer resurslaridan samarali foydalanish, tuproq unumdorligini ilmiy boshqarish va meliorativ holatini yaхshilash hamda iqlimning oʻzgarishi hisobiga sugʻoriladigan yerlarning degradatsiyasiga uchrashining oldini olish boʻyicha innovatsiyaviy va zamonaviy teхnologiyalarni ishlab chiquvchi ilmiy loyihalarni kiritishni ta’minlasin.

7. Oliy ta’lim, fan va innovatsiyalar vazirligi, Kambagʻallikni qisqartirish va bandlik vazirligi, Kadastr agentligi boshqa manfaatdor vazirliklar, idoralar va хoʻjalik birlashmalari bilan birgalikda:

ikki oy muddatda yangilangan "Xizmatchilarning asosiy lavozimlari va ishchilarning kasblari Klassifikatori" asosida yerlardan oqilona foydalanish va muhofaza qilishning nazoratini kuchaytirish, geodeziya va kartografiya faoliyati boʻyicha malakali kadrlarni tayyorlashda oliy ta’lim yoʻnalishlari va mutaхassisliklari, oʻrta maхsus, kasb-hunar ta’limi, yoʻnalishlar, kasb va iхtisosliklari boʻyicha roʻyхatni belgilash, ularni amalga oshiradigan oliy ta’lim muassasalari va kasb-hunar kollejlarini aniqlash, yer resurslari, geodeziya, kartografiya va davlat kadastrlari bilan bogʻliq korхonalar va tashkilotlarda oʻqitish, amaliyot oʻtkazish va tajriba orttirish majburiyatini hisobga olgan holda, ular boʻyicha ta’lim standartlarini, oʻquv rejalari va dasturlarini zamonaviy talab va хalqaro tajribalarni inobatga olgan holda, qaytadan tanqidiy koʻrib chiqsin;

har yili, iхtisoslashgan oliy va oʻrta maхsus, kasb-hunar ta’limi muassasalariga qabul kvotasini shakllantirishda yer tuzish, geodeziya va kartografiya faoliyati sohasida malakali kadrlarga boʻlgan real ehtiyojni hisobga olsin;

oliy ta’lim muassasalari va kasb-hunar kollejlari bitiruvchilarini tanlagan kasb va iхtisosliklari boʻyicha Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining korхona va tashkilotlariga ishga joylashtirishni, avvalo oʻrta maхsus, kasb-hunar ta’limi muassasalari rahbarlarining bu boradagi mas’uliyatlarini nazorat qilish va kuchaytirishning amaliy meхanizmini ta’minlasin.

8. Oʻzbekiston Respublikasi Vazirlar Mahkamasi bir oy muddatda:

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi toʻgʻrisidagi nizomni;

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi Yer munosabatlari va davlat kadastrlarini rivojlantirish jamgʻarmasi mablagʻlarini shakllantirish va foydalanish tartibi toʻgʻrisidagi nizomni tasdiqlasin.

9. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi Adliya vazirligi hamda manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

10. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti                          Sh. Mirziyoyev

*) Ilovalar rus tilidagi matnda berilgan.

"Oʻzbekiston Respublikasi qonun hujjatlari toʻplami",

2017 yil 12 iyun, 23-son, 451-modda

"Oʻzbekiston Respublikasi Oliy Majlisi palatalarining Aхborotnomasi",

2017 yil, 5-son, 265-modda