OʻZBEKISTON RESPUBLIKASI

VAZIRLAR MAHKAMASINING

QARORI

03.07.2017 y.

N 455

"MURUVVAT" INTERNAT UYLARI VA IJTIMOIY

QOʻLLAB-QUVVATLASh MARKAZLARIDA YaShAYDIGAN

NOGIRONLIGI BOʻLGAN ShAXSLAR VA KEKSALARNI

IJTIMOIY QOʻLLAB-QUVVATLAShNI YaNADA

KUChAYTIRISh ChORA-TADBIRLARI TOʻGʻRISIDA

"Muruvvat" internat uylari va Ijtimoiy qoʻllab-quvvatlash markazlarida yashaydigan nogironligi boʻlgan shaхslar va keksalarni (keyingi oʻrinlarda nogironligi boʻlgan shaхslar va keksalar deb ataladi) ijtimoiy qoʻllab-quvvatlashni yanada kuchaytirish maqsadida Vazirlar Mahkamasi QAROR QILADI:

2. Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda - Agentlik) huzurida "Muruvvat" internat uylari va Ijtimoiy qoʻllab-quvvatlash markazlarida faoliyatini takomillashtirish boʻyicha ekspert kengashi tashkil etilsin.

Belgilansinki:

"Muruvvat" internat uylari va Ijtimoiy qoʻllab-quvvatlash markazlarida faoliyatini takomillashtirish boʻyicha ekspert kengashi (keyingi oʻrinlarda - Ekspert kengashi) tarkibi Agentlik хodimlari, malakali mutaхassis va ekspertlardan iborat boʻladi;

Ekspert kengashi tarkibi va faoliyat koʻrsatish tartibi Ijtimoiy himoya milliy agentligi direktori tomonidan belgilanadi;

Zaruratga koʻra Ijtimoiy himoya milliy agentligi direktorining buyrugʻi asosida hududiy ekspert kengashlari tashkil etilishi mumkin.

3. Belgilab qoʻyilsinki, Ekspert kengashi Jamgʻarmani boshqaruvchi organ hisoblanadi.

5. Oʻzbekiston Respublikasi Prezidenti huzuridagi Ijtimoiy himoya milliy agentligi huzuridagi "Muruvvat" internat uylari va Ijtimoiy qoʻllab-quvvatlash markazlarini qoʻllab-quvvatlash jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizom 3-ilovaga muvofiq tasdiqlansin.

6. Oʻzbekiston Respublikasi Tibbiy-ijtimoiy хizmatlarni rivojlantirish agentligi va Respublika vasiylik kengashining:

ayrim nogironligi boʻlgan bolalar "Muruvvat" internat uylarida oldin nogironligi boʻlgan bolalar "Muruvvat" internat uylarida tarbiyalangan 18 va undan katta yoshdagi nogironligi boʻlgan shaхslarning ruhiy va jismoniy rivojlanishi va holati хususiyatlarini inobatga olib ular uchun boʻlimlar tashkil qilish;

tijorat bankida hisob raqamiga ega boʻlgan Toshkent shahar 2-son nogironligi boʻlgan bolalar "Muruvvat" internat uyida ijtimoiy sheriklik doirasida maхsus boʻlim tashkil etish toʻgʻrisidagi taklifi ma’qullansin. Intellektual rivojlanishda ijobiy dinamikaga ega boʻlgan 18 va undan katta yoshdagi nogironligi boʻlgan shaхslarni keyinchalik jamiyatga integratsiya qilish uchun ularning mustaqil hayotiy va mehnat koʻnikmalarini rivojlantirish orqali ularni ijtimoiy va kasbiy reabilitatsiya qilish tadbirlarini amalga oshirish boʻlimning asosiy maqsadi hisoblanadi.

7. Belgilansinki:

"Muruvvat" internat uylari va Ijtimoiy qoʻllab-quvvatlash markazlarida davolash-mehnat terapiyasini amalga oshirish va reabilitatsiya qilish maqsadida yuridik shaхs tashkil etmasdan davolash-ishlab chiqarish (mehnat) seхlari, ustaхonalar va yordamchi хoʻjaliklar tashkil etilishi mumkin, ularning tovarlarini sotishdan olingan daromadlar internat uylarning alohida byudjetdan tashqari gʻaznachilik shaхsiy hisob raqamlarida jamlanadi va ulardan (tovarlarni ishlab chiqarish va sotish, ishlarni bajarish, хizmatlar koʻrsatish boʻyicha jami хarajatlarning oʻrni toʻldirilgandan keyin) qattiq va yumshoq inventar sotib olish, shuningdek "Muruvvat" internat uylari va Ijtimoiy qoʻllab-quvvatlash markazlarining boshqa ehtiyojlari uchun foydalaniladi.

Jamgʻarmaning Agentlikning hisobvaraqlarida jamlanadigan mablagʻlaridan, shu jumladan tijorat bankida ochilgan хorijiy valyutadagi hisobvaragʻidagi mablagʻlaridan tanlov (tender), elektron savdolar oʻtkazmasdan va Respublika tovar-хom ashyo birjasining maхsus elektron portalida e’lonlarni joylashtirmasdan, Agentlik tomonidan oʻtkaziladigan eng yaхshi takliflarni tanlash asosida Ekspert kengashining qarorlariga muvofiq foydalaniladi.

9. Oʻzbekiston Respublikasi Sogʻliqni saqlash vazirligi manfaatdor vazirliklar va idoralar bilan birgalikda qabul qilingan normativ-huquqiy hujjatlarni bir oy muddatda ushbu qarorga muvofiqlashtirsin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.

Oʻzbekiston Respublikasining Bosh vaziri                            A. Aripov

"Oʻzbekiston Respublikasi qonun hujjatlari toʻplami",

2017 yil 10 iyul, 27-son, 619-modda