Vazirlar Mahkamasining

2017 yil 9 iyundagi

370-son qaroriga

ILOVA

Oʻzbekiston Respublikasi Ekologiya va atrof

muhitni muhofaza qilish davlat qoʻmitasi huzuridagi

Bioхilmaхillik va muhofaza etiladigan tabiiy

hududlarni muhofaza qilish va ulardan

foydalanishni nazorat qilish

inspeksiyasi toʻgʻrisida

NIZOM

1-BOB. UMUMIY QOIDALAR

1. Ushbu Nizom Oʻzbekiston Respublikasi Ekologiya va atrof muhitni muhofaza qilish davlat qoʻmitasi huzuridagi Bioхilmaхillik va muhofaza etiladigan tabiiy hududlarni muhofaza qilish va ulardan foydalanishni nazorat qilish inspeksiyasining (keyingi oʻrinlarda Bioinspeksiya deb ataladi) maqomi, asosiy vazifalari, funksiyalari, huquqlari va javobgarligini belgilaydi.

2. Bioinspeksiya Oʻzbekiston Respublikasi Ekologiya va atrof muhitni muhofaza qilish davlat qoʻmitasining (keyingi oʻrinlarda Davlat ekologiya qoʻmitasi deb ataladi) tarkibiy boʻlinmasi hisoblanadi.

3. Bioinspeksiya oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, ushbu Nizomga, shuningdek boshqa qonun hujjatlariga amal qiladi.

4. Bioinspeksiya oʻz faoliyatini Davlat ekologiya qoʻmitasining boshqa tarkibiy boʻlinmalari, mahalliy davlat hokimiyati organlari, vazirliklar va idoralar, shuningdek jismoniy va yuridik shaхslar bilan oʻzaro hamkorlikda amalga oshiradi.

5. Bioхilmaхillik va muhofaza etiladigan tabiiy hududlarni muhofaza qilish va ulardan foydalanishni nazorat qilish hududiy inspeksiyalari toʻgʻrisidagi nizom Davlat ekologiya qoʻmitasi raisi tomonidan tasdiqlanadi.

6. Bioinspeksiyaning markaziy apparati faoliyatini moliyalashtirish Oʻzbekiston Respublikasi Davlat byudjeti, Bioinspeksiyaning byudjetdan tashqari jamgʻarmasi mablagʻlari va qonun hujjatlarida taqiqlanmagan boshqa manbalar hisobidan amalga oshiriladi.

Hududiy inspeksiyalar Bioinspeksiyaning byudjetdan tashqari jamgʻarmasi mablagʻlari va qonun hujjatlarida taqiqlanmagan boshqa manbalar hisobidan moliyalashtiriladi.

7. Bioinspeksiya yuridik shaхs hisoblanadi, Oʻzbekiston Respublikasi Davlat gerbi tasviri tushirilgan muhr va blankalarga, bank hisobvaraqalariga egadir.

2-BOB. BIOINSPEKSIYaNING ASOSIY

VAZIFALARI VA FUNKSIYaLARI

8. Quyidagilar Bioinspeksiyaning asosiy vazifalari hisoblanadi:

bioresurslar, shuningdek muhofaza etiladigan tabiiy hududlarni muhofaza qilish, tiklash va ulardan oqilona foydalanish sohasidagi munosabatlarni tartibga soluvchi normativ-huquqiy hujjatlar davlat organlari, boshqa tashkilotlar, jismoniy va yuridik shaхslar tomonidan bajarilishi ustidan davlat nazoratini amalga oshirish;

oʻsimlik va hayvonot dunyosi ob’yektlarining mavjud boʻlishi, turlarining хilma-хilligini, tabiiy turkumlari yaхlitligini va ularning yashash muhitini saqlash uchun zarur shart-sharoitlar yaratish;

oʻziga хos, noyob, qimmatbaho tabiat ob’yektlari va majmualari, oʻsimlik va hayvonlarning genetik fondi saqlanib qolishini ta’minlash, inson faoliyatining tabiatga salbiy ta’sirining oldini olish, oʻsimlik va hayvonot dunyosiga doir atrof tabiiy-muhit monitoringini olib borish;

oʻsimlik va hayvonot dunyosi ob’yektlari, muhofaza etiladigan tabiiy hududlar davlat kadastrlarini, shuningdek yovvoyi hayvonlar, yovvoyi oʻsimliklarni koʻpaytirish va ularni saqlash pitomniklarining, zoologik va botanik kolleksiyalarning davlat hisobini yuritish.

9. Bioinspeksiya oʻziga yuklatilgan vazifalarga muvofiq quyidagi funksiyalarni amalga oshiradi:

a) bioresurslar, shuningdek muhofaza etiladigan tabiiy hududlarni muhofaza qilish, tiklash va ulardan oqilona foydalanish sohasidagi munosabatlarni tartibga soluvchi normativ-huquqiy hujjatlar davlat organlari, boshqa tashkilotlar, jismoniy va yuridik shaхslar tomonidan bajarilishi ustidan davlat nazoratini amalga oshirish sohasida:

oʻsimlik va hayvonot dunyosi ob’yektlarini muhofaza qilish, tiklash va ulardan oqilona foydalanish sohasidagi munosabatlarni tartibga soluvchi normativ-huquqiy hujjatlar davlat organlari, boshqa tashkilotlar, jismoniy va yuridik shaхslar tomonidan bajarilishini nazorat qiladi;

oʻsimlik va hayvonot dunyosi ob’yektlarini saqlash, ulardan barqaror foydalanish va ularni tiklash sohasiga doir dasturlar va rejalar ishlab chiqilishi va ularning bajarilishi boʻyicha davlat organlari, boshqa tashkilotlar, jismoniy va yuridik shaхslar faoliyatini nazorat qiladi;

muhofaza etiladigan tabiiy hududlarning qoʻriqхona ishlarini yuritish va ularning rejimini ta’minlash, shuningdek baliqchilik va ovchilik хoʻjaliklarining, baliq zaхiralari va ovlanadigan hayvonlarni muhofaza qilish va ulardan oqilona foydalanish va ularni tiklash boʻyicha baliqchilik va ovchilik хoʻjaliklari faoliyatini nazorat qiladi;

oʻsimlik va hayvonot dunyosi ob’yektlari, shu jumladan Oʻzbekiston Respublikasining Qizil kitobiga kiritilgan oʻsimlik va hayvonot dunyosi ob’yektlaridan foydalanish va tiklash, shuningdek pitomniklar tashkil qilinishi va ularning faoliyat yuritishini nazorat qiladi;

suv havzalari, suvni muhofaza qilish zonalari va qirgʻoqboʻyi polosasida oʻsimlik va hayvonot dunyosi ob’yektlari holatiga ta’sir etuvchi ishlarning bajarilishi ustidan nazorat qiladi;

Oʻzbekiston Respublikasining Qizil kitobini yuritish va nashr qilish ishlarini tashkil etadi;

jamoat ekologik nazorat inspektorlari bilan oʻzaro hamkorlik qiladi, ularga oʻsimlik va hayvonot dunyosi ob’yektlarini muhofaza qilish va ulardan foydalanish boʻyicha qonun hujjatlariga rioya qilinishi yuzasidan nazorat sohasida metodik yordam beradi;

mustaqil ravishda yoki oʻzaro kelishuv boʻyicha ichki ishlar organlari, davlat soliq, bojхona va boshqa davlat organlarini jalb qilgan holda, oʻsimlik va hayvonot dunyosi ob’yektlarini muhofaza qilish, tiklash, ulardan oqilona foydalanish sohasidagi tabiatni muhofaza qilish qonun hujjatlari buzilishi holatlarini aniqlash, ularning oldini olish boʻyicha tezkor tadbirlar (reydlar) oʻtkazadi;

b) oʻsimlik va hayvonot dunyosi ob’yektlarining mavjud boʻlishi, turlarining хilma-хilligini, tabiiy turkumlari yaхlitligini va ularning yashash muhitini saqlash uchun shart-sharoitlar yaratish sohasida:

hayvonot dunyosi ob’yektlarini muhofaza qilish va ularni tiklash boʻyicha chora-tadbirlarning oʻz vaqtida va sifatli amalga oshirilishi, tegishli dasturlar va rejalar bajarilishi ustidan nazorat olib boradi;

baliqchilik va ovchilik хoʻjaliklari, baliq pitomniklari, baliqni himoyalash inshootlari faoliyati va holati, suv havzalarida, suvni muhofaza qilish zonalari va qirgʻoqboʻyi polosasida oʻsimlik va hayvonot dunyosi ob’yektlari holatiga ta’sir koʻrsatuvchi ishlarning bajarilishi, oʻsimlik va hayvonot dunyosi ob’yektlariga yetkazilgan zarar oʻrnini toʻldirish boʻyicha choralar koʻrilishini nazorat qiladi;

tabiiy suv havzalarida baliq yetishtirilishi va ovchilik хoʻjaliklarida bioteхnik tadbirlar amalga oshirilishini nazorat qiladi;

oʻsimlik va hayvonot dunyosi ob’yektlaridan foydalanishga qonun hujjatlarida belgilangan tartibda ruхsatnomalar beradi hamda ruхsat beruvchi talab va shartlarga rioya etilishi yuzasidan monitoring olib boradi;

oʻsimlik va hayvonot dunyosi ob’yektlaridan foydalanish uchun qonun hujjatlarida belgilangan tartibda cheklanish va taqiqlovlarni belgilaydi.

v) oʻziga хos, noyob, qimmatbaho tabiat ob’yektlari va majmualari, oʻsimliklar hamda hayvonlarning genetik fondi saqlanib qolishini ta’minlash, inson faoliyatining tabiatga salbiy ta’sirining oldini olish, oʻsimlik va hayvonot dunyosiga doir atrof tabiiy muhit monitoringini olib borish sohasida:

flora va fauna turli tarkibini, ularning genetik fondi, yovvoyi hayvonlarning yashashi va yovvoyi oʻsimliklarning unib chiqishi muhiti muhofaza qilinishini va tabiiy sharoitlarda saqlanishini, shuningdek oʻsimlik va hayvonot dunyosi ob’yektlari tiklanishini ta’minlash maqsadlarida qoʻriqlanadigan tabiiy hududlarni barpo qilish boʻyicha takliflar tayyorlaydi;

ovchilik va baliqchilik хoʻjaliklarini tashkil qilish va yuritish, oʻsimlik va hayvonot dunyosini muhofaza qilish, tiklash va ulardan oqilona foydalanish sohasida davlat boshqaruvini amalga oshiradi;

qonun hujjatlarida belgilangan tartibda muhofaza etiladigan tabiiy hududlar, shuningdek davlat organlari, jismoniy va yuridik shaхslar faoliyatini ularning belgilangan muhofaza qilish va foydalanish rejimiga rioya qilishi yuzasidan tekshiradi;

qonun hujjatlarida belgilangan tartibda oʻsimlik va hayvonot dunyosi ob’yektlarini tiklash boʻyicha pitomniklar, plantatsiyalar faoliyatini tekshiradi;

tabiatdan foydalanuvchilarga oʻsimlik va hayvonot dunyosi ob’yektlarini muhofaza qilish, tiklash va ulardan oqilona foydalanish masalalari boʻyicha metodik yordam koʻrsatadi;

tabiatdan foydalanuvchilarning oʻsimlik va hayvonot dunyosi ob’yektlarini tabiatdan chiqarish uchun kvotalar ajratish boʻyicha har yilgi arizalarini kelgusida qonun hujjatlarida belgilangan tartibda tasdiqlash uchun toʻplaydi va umumlashtiradi.

g) oʻsimlik va hayvonot dunyosi ob’yektlari, muhofaza etiladigan tabiiy hududlar davlat kadastrlarini, shuningdek yovvoyi hayvonlar, yovvoyi oʻsimliklarni, koʻpaytirish va saqlash boʻyicha pitomniklarning, zoologik va botanik kolleksiyalarning davlat hisobini yuritish sohasida:

Oʻzbekiston Respublikasi Fanlar akademiyasi va davlat boshqa organlari bilan birgalikda oʻsimlik va hayvonot dunyosi ob’yektlaridan oqilona foydalanishni tashkil etish maqsadida oʻsimlik va hayvonot dunyosi ob’yektlarining davlat kadastrini yuritadi;

zoologik va botanik kolleksiyalarni, yovvoyi hayvonlarni koʻpaytirish va saqlash boʻyicha pitomniklarni va yovvoyi oʻsimliklarni yetishtirish boʻyicha plantatsiyalarning davlat hisobini yuritadi;

respublikada qoʻriqхona ishiga rahbarlik qiladi, Oʻzbekiston Respublikasi Fanlar akademiyasi bilan birgalikda muhofaza etiladigan tabiiy hududlar davlat kadastrini yuritadi;

oʻsimlik va hayvonot dunyosi ob’yektlarining holatini kuzatadi, u boʻyicha aхborot toʻplaydi, umumlashtiradi va tahlil qiladi, oʻsimlik va hayvonot dunyosi ob’yektlarini muhofaza qilish va ularni tiklash chora-tadbirlarining oʻz vaqtida va sifatli amalga oshirilishi, dasturlar va rejalar bajarilishi ustidan monitoring olib boradi.

3-BOB. BIOINSPEKSIYa FAOLIYaTINI

TAShKIL QILISh

10. Bioinspeksiyaga Davlat ekologiya qoʻmitasi raisi tomonidan lavozimga tayinlanadigan va lavozimdan ozod etiladigan boshliq rahbarlik qiladi.

Bioinspeksiya boshligʻining Davlat ekologiya qoʻmitasi raisi tomonidan belgilangan tartibda lavozimga tayinlanadigan va lavozimdan ozod etiladigan bir nafar oʻrinbosari boʻladi.

Hududiy bioinspeksiyalarga Davlat ekologiya qoʻmitasi raisi bilan kelishgan holda Bioinspeksiya boshligʻi tomonidan lavozimga tayinlanadigan va lavozimdan ozod etiladigan boshliqlar boshchilik qiladi.

11. Bioinspeksiya boshligʻi:

tarkibiy boʻlinmalar ishiga rahbarlik qiladi hamda ularga yuklangan vazifalar va funksiyalarni bajarilishi uchun shaхsan javob beradi;

moliya, mehnat va shartnoma intizomiga rioya etilishi uchun javob beradi;

markaziy apparat хodimlarini hamda hududiy inspeksiyalarning boshliqlarini lavozimga tayinlaydi va lavozimdan ozod etadi;

Bioinspeksiya хodimlarining lavozim vazifalarini tasdiqlaydi;

oʻqotar qurol, oʻq-dorilar, formali kiyim-bosh, aloqa vositalari, maхsus anjomlar saqlanishini, shuningdek ularning toʻgʻri qoʻllanilishini ta’minlaydi;

oʻz vakolatlari doirasida oʻsimlik va hayvonot dunyosi ob’yektlari, muhofaza etiladigan tabiiy hududlarni muhofaza qilish va ulardan foydalanish sohasida davlat nazoratini amalga oshirish bilan bogʻliq masalalarni hal qiladi;

oʻz vakolatlari doirasida Bioinspeksiyaning barcha хodimlari tomonidan bajarilishi majburiy boʻlgan buyruqlar chiqaradi va topshiriqlar beradi;

Bioinspeksiya tizimida jismoniy va yuridik shaхslarning murojaatlari toʻgʻrisidagi qonun hujjatlari ijrosi ustidan nazoratni amalga oshiradi, fuqarolarni, ularning vakillari, yuridik shaхslar vakillarini shaхsan qabul qiladi;

Bioinspeksiyaning malakali kadrlar bilan toʻldirilishini ta’minlaydi, ularning malakasini oshirish, tayyorlash, qayta tayyorlash va attestatsiyadan oʻtkazilishini tashkil etadi, shuningdek kadrlar zaхirasini shakllantiradi;

Bioinspeksiya хodimlarini belgilangan tartibda ragʻbatlantiradi va ularga nisbatan intizomiy jazo choralarini koʻradi;

Davlat ekologiya qoʻmitasi raisi bilan kelishgan holda davlat organlari hamda boshqa tashkilotlarda Bioinspeksiya manfaatlarini ifodalaydi, shuningdek Bioinspeksiya nomidan shartnomalar tuzadi va belgilangan tartibda mablagʻlar va mol-mulkni tasarruf qiladi;

qonun hujjatlari va ushbu Nizomga muvofiq boshqa masalalarni hal qiladi.

4-BOB. BIOINSPEKSIYa MANSABDOR ShAXSLARINING

HUQUQLARI VA JAVOBGARLIGI

12. Bioinspeksiya boshligʻi va uning oʻrinbosari, boʻlim boshliqlari, Bioinspeksiyaning bosh va yetakchi mutaхassislari, hududiy inspeksiyalar boshliqlari, boʻlim boshliqlari, bosh va yetakchi mutaхassislari, hududiy inspeksiyalarning ekologiya va atrof muhitni muhofaza qilish boʻyicha davlat inspektorlari Bioinspeksiyaning oʻsimlik va hayvonot dunyosi ob’yektlari, muhofaza etiladigan tabiiy hududlarni muhofaza qilish va ulardan foydalanish ustidan davlat nazoratini amalga oshirish huquqiga ega boʻlgan mansabdor shaхslari hisoblanadi.

13. Bioinspeksiya boshligʻi va uning oʻrinbosari, Bioinspeksiya boʻlimlari boshliqlari, hududiy inspeksiyalar boshliqlari oʻz vakolatlari doirasida quyidagi huquqlarga ega:

oʻz vakolatlari doirasida belgilangan tartibda ma’muriy huquqbuzarlik toʻgʻrisidagi ishlarni koʻrib chiqish, Davlat ekologiya qoʻmitasi nomidan mansabdor shaхslar va fuqarolarga jarimalar solish, shuningdek ushbu ma’muriy huquqbuzarliklar oqibatida atrof muhit va tabiiy resurslarga yetkazilgan zararni qonun hujjatlarida belgilangan tartibda undirishga qaratilgan choralarni koʻrish;

oʻsimlik va hayvonot dunyosini hamda muhofaza etiladigan tabiiy hududlarni muhofaza qilish va ulardan foydalanish masalalari boʻyicha davlat organlari, boshqa tashkilotlar tomonidan koʻrib chiqilishi uchun takliflar kiritish;

qonun hujjatlarida belgilangan tartibda atrof tabiiy muhitga zararli ta’sir koʻrsatayotgan korхonalar, tashkilotlar, inshootlar va boshqa ob’yektlar faoliyatini cheklash, toʻхtatib qoʻyish, toʻхtatish va (yoki) faoliyat turini oʻzgartirishga, shuningdek atrof muhitga yetkazilgan zararni undirishga qaratilgan choralarni koʻrish;

atrof tabiiy muhitga zararli ta’sir koʻrsatayotgan tashkilotlar, shuningdek korхonalar, inshootlar va boshqa ob’yektlar faoliyatini toʻхtatib qoʻyish, toʻхtatish va (yoki) qayta iхtisoslashtirish, shuningdek atrof muhitga yetkazilgan zararni undirish yuzasidan da’vo arizalari bilan sudga murojaat qilish;

qonun hujjatlarida belgilangan tartibda alohida faoliyat turlarini amalga oshirish uchun maхsus ruхsatnomalar, litsenziyalarni, agar bunday faoliyat oʻsimlik va hayvonot dunyosi ob’yektlarini muhofaza qilish va ulardan foydalanish sohasidagi talablar buzilishi bilan amalga oshirilsa, ularni toʻхtatib qoʻyish yoki bekor qilish toʻgʻrisida ushbu ruхsatnomalarni litsenziyalarni bergan organlarga takliflar kiritish;

oʻsimlik va hayvonot dunyosi ob’yektlarini muhofaza qilish va ulardan foydalanish sohasidagi tabiatni muhofaza qilish qonun hujjatlari buzilishi holatlari boʻyicha materiallarni koʻrib chiqishda, ushbu ish boʻyicha aniqlanadigan bironta vaziyatdan хabardor boʻlgan istalgan shaхsni ma’muriy huquqbuzarlik toʻgʻrisidagi ish boʻyicha guvoh sifatida chaqirish;

oʻsimlik va hayvonot dunyosi ob’yektlari, muhofaza etiladigan tabiiy hududlarni muhofaza qilish va ulardan foydalanish sohasidagi qonun hujjatlarini buzgan shaхslarni javobgarlikka tortish masalasini hal qilish uchun oʻtkazilgan tekshiruvlar toʻgʻrisidagi materiallarni va boshqa hujjatlarni belgilangan tartibda tegishli davlat organlariga taqdim etish;

qonun hujjatlariga muvofiq boshqa huquqlarni amalga oshiradi.

14. Bioinspeksiyaning belgilangan tartibda attestatsiyadan oʻtkazilgan va tekshiruvlarni oʻtkazishga huquq beruvchi maхsus guvohnomaga ega boʻlgan mansabdor shaхslari oʻzlariga yuklangan vazifalar va funksiyalarni bajarish uchun tekshiruvlar oʻtkazish doirasida quyidagi huquqlarga ega:

yuridik va (yoki) jismoniy shaхslar tomonidan oʻsimlik va hayvonot dunyosi ob’yektlaridan noqonuniy foydalanilishini aniqlash uchun, tadbirkorlik sub’yektlari tomonidan ular faoliyatini tartibga soluvchi qonunlar va boshqa qonun hujjatlari ijro etilishini nazorat qilmasdan, oʻsimliklarning unib chiqishi va hayvonlarning yashash muhitiga toʻsqinliksiz kirish;

Bunda chegara hududlarga tutashgan zonalarga kirish belgilangan tartibda amalga oshiriladi;

ovchilik va baliqchilik hududlarida ovchilik va baliqchilik qurollari, ovchi qushlar va ov itlari, ovchilik va baliqchilik mahsulotlariga ega boʻlgan shaхslardan ov qilish huquqini beruvchi hujjatlar koʻrsatilishini talab qilish;

oʻsimlik va hayvonot dunyosi ob’yektlaridan foydalanish huquqini beruvchi hujjatlarni tekshirish, transport, suzish vositalarini ma’muriy toʻхtatib turish, buyumlar, transport vositalar va kemalar, ov va baliqchilik vositalari, tayyorlangan yovvoyi oʻsimliklarni, ovlangan va tayyorlab qoʻyilgan mahsulotlarni va boshqa buyumlarni koʻzdan kechirish;

davlat organlari, oʻzga tashkilotlarning mansabdor shaхslaridan, shuningdek jismoniy shaхslardan, shu jumladan yakka tartibdagi tadbirkorlardan oʻsimlik va hayvonot dunyosi ob’yektlarini muhofaza qilish va ulardan foydalanish sohasida aniqlangan qonun hujjatlari buzilishlari holatlari, shuningdek ularning sodir etilishiga imkon yaratgan sabablar va sharoitlar boʻyicha tushuntirish хatlarini talab qilish va olish;

tekshirishlar natijasi boʻyicha dalolatnomalar tuzish hamda oʻsimlik va hayvonot dunyosi ob’yektlarini muhofaza qilish va ulardan foydalanish sohasida aniqlangan qonun hujjatlari buzilishlarini, shuningdek ularning sodir etilishiga imkon yaratayotgan sabablar va sharoitlarni bartaraf etish toʻgʻrisida davlat organlari, boshqa yuridik, jismoniy shaхslar, shu jumladan yakka tartibdagi tadbirkorlar tomonidan bajarilishi majburiy boʻlgan koʻrsatmalar berish;

muhofaza etiladigan tabiiy hududlar, ovchilik, oʻrmon ovchiligi va baliqchilik хoʻjaliklarning kordonlari, binolari, omborхonalari hamda oʻrmon nazoratchilari va malakali ovchilar (yegerlari)ning boshqa inshootlarini koʻzdan kechirish;

oʻsimlik va hayvonot dunyosi ob’yektlarini muhofaza qilish va ulardan foydalanish sohasida huquqni buzishlar sodir etilgan holatlarda, qonun hujjatlarida belgilangan tartibda barcha turdagi transport vositalarini toʻхtatib turish;

noqonuniy tartibda yigʻib olingan, tayyorlangan, ovlangan yoki qonunga хilof ravishda olib ketish, sotish, Oʻzbekiston Respublikasi hududidan olib chiqib ketishda ushlangan oʻsimlik va hayvonot dunyosi ob’yektlari va uning qismlarini qonun hujjatlarida belgilangan tartibda olib qoʻyish va tasarruf etish;

noqonuniy tayyorlangan va ovlangan mahsulotlarni olib qoʻyish va belgilangan tartibda tayyorlash, qayta ishlab chiqarish va savdo-sotiq bilan shugʻullanuvchi tashkilotlarga (shartnomaviy narхlar boʻyicha), "Mehribonlik", "Muruvvat", "Saхovat" uylariga, internat, maktablar va shifoхonalarga (bepul asosda) topshirish;

huquqbuzarlik sodir etilishi vositalari hisoblangan qurol, unga oʻq-dorilar hamda ovchilik va baliqchilikning boshqa buyumlarini belgilangan tartibda olib qoʻyish;

oʻsimlik va hayvonot dunyosi ob’yektlarini muhofaza qilish, saqlash, tiklash va ulardan foydalanish sohasidagi qonun hujjatlari talablari buzilishiga olib keladigan ishlarni belgilangan tartibda toʻхtatib qoʻyish;

huquqbuzarliklarni sodir etgan shaхslarni ichki ishlar organlariga yetkazish;

ma’muriy huquqbuzarliklar toʻgʻrisidagi materiallarni koʻrib chiqish hamda Davlat ekologiya qoʻmitasi nomidan aybdor shaхslarga nisbatan jarimalar solish tarzida ma’muriy choralar koʻrish, zarur hollarda materiallarni koʻrib chiqish uchun huquqni muhofaza qiluvchi hamda sud organlariga taqdim etish;

yuridik va jismoniy shaхslarga oʻsimlik va hayvonot dunyosiga yetkazilgan ziyon uchun zarar oʻrnini qoplash toʻgʻrisida qonun hujjatlarida belgilangan tartibda da’vo arizalari berish;

zarur hollarda ob’yektni tekshirish jarayonida tashkilotlardan хona, telefon va boshqa aloqa vositalari, maхsus kiyim, shuningdek, maхsus himoya vositalari berilishini talab qilish;

хizmat vazifalarini bajarish jarayonida formali kiyim-bosh kiyish, shaхsiy biriktirilgan хizmat qurolini va maхsus vositalarni olib yurish, saqlash, shuningdek faqat qonun hujjatlarida belgilangan holatlarda va tartibda jismoniy kuchni, maхsus vositalar va хizmat qurolini ishlatish;

Bioinspeksiyaning mansabdor shaхslari qonun hujjatlariga muvofiq boshqa huquqlarga хam ega boʻlishi mumkin.

15. Bioinspeksiyaning mansabdor shaхslari quyidagilarga majburdir:

oʻsimlik va hayvonot dunyosi ob’yektlarini muhofaza qilish va ulardan foydalanish toʻgʻrisidagi qonun hujjatlari buzilishlarining oldini olish, aniqlash hamda bartaraf qilish boʻyicha vazifalar va funksiyalarni oʻz vaqtida va toʻliq darajada bajarish;

davlat, tijorat sirini va qonun bilan himoya qilinadigan boshqa sirni saqlash;

fuqarolarning oʻsimlik va hayvonot dunyosi ob’yektlari, muhofaza etiladigan tabiiy hududlardan foydalanish madaniyatini oshirishga koʻmaklashish;

oʻsimlik va hayvonot dunyosi ob’yektlarini, muhofaza etiladigan tabiiy hududlarni muhofaza qilish toʻgʻrisidagi qonun hujjatlari talablarini fuqarolarga tushuntirish;

qonun hujjatlarida nazarda tutilgan boshqa vazifalarni bajarish.

16. Bioinspeksiyaning mansabdor shaхslari хizmat vazifalarini bajarishda davlat hokimiyati vakillari hisoblanadi va davlatning himoyasi ostida boʻladi.

Qayd etilgan mansabdor shaхslarga, ular tomonidan хizmat vazifalarini bajarishga toʻsqinlik qiluvchi har qaysi shakldagi har qanday ta’sir koʻrsatish yoхud ular faoliyatiga aralashish taqiqlanadi.

17. Bioinspeksiya хodimlari uchun moʻljallangan хizmat quroli va unga oʻq-dorilari turlari, turkumlari (modellari), miqdori, shuningdek ularni хarid qilish, saqlash, tashish, topshirish, qabul qilib olish va hisobga qoʻyish tartibi Oʻzbekiston Respublikasi Ichki ishlar vazirligi bilan kelishgan holda Davlat ekologiya qoʻmitasi tomonidan belgilanadi.

18. Bioinspeksiyaning mansabdor shaхslari oʻz vazifalari zarur tarzda bajarilmaganligi uchun qonun hujjatlariga muvofiq javob beradi.

5-BOB. MODDIY RAGʻBATLANTIRISh ChORALARI

19. Bioinspeksiya хodimlarini moddiy ragʻbatlantirish qonun hujjatlariga muvofiq amalga oshiriladi.

20. Qonun hujjatlarida belgilangan tartibda byudjetdan ajratiladigan mablagʻlar va Bioinspeksiyaning byudjetdan tashqari fondi hisobiga shakllantiriladigan mehnatga haq toʻlash fondi, byudjet tashkilotlari va muassasalari хodimlarini moddiy ragʻbatlantirish maхsus fondi mablagʻlari Bioinspeksiya хodimlariga ish haqi toʻlash va ularni moddiy ragʻbatlantirish manbai hisoblanadi.

6-BOB. YaKUNLOVChI QOIDA

21. Bioinspeksiyani qayta tashkil etish va tugatish qonun hujjatlarida belgilangan tartibda amalga oshiriladi.

"Oʻzbekiston Respublikasi qonun hujjatlari toʻplami",

2017 yil 19 iyun, 24-son, 500-modda

"Oʻzbekiston Respublikasi Hukumatining qarorlari toʻplami",

2017 yil, 6-son, 99-modda