Vazirlar Mahkamasining

2017 yil 2 iyundagi

346-son qaroriga

ILOVA

Oʻzbekiston Respublikasi

Tashqi savdo vazirligi toʻgʻrisida

NIZOM

1-BOB. UMUMIY QOIDALAR

1. Oʻzbekiston Respublikasi Tashqi savdo vazirligi (keyingi oʻrinlarda Vazirlik deb ataladi) vakolatli davlat organi boʻlib, tashqi savdo sohasida davlat siyosatini shakllantirish va amalga oshirish uchun mas’ul hisoblanadi hamda tashqi savdo faoliyatini tartibga solish sohasida davlat boshqaruvi organlari ishini muvofiqlashtiradi.

2. Vazirlik oʻz faoliyatida Oʻzbekiston Respublikasi Vazirlar Mahkamasiga hisobot beradi.

3. Vazirlik tizimiga markaziy apparat, shuningdek Oʻzbekiston Respublikasi Prezidentining "Oʻzbekiston Respublikasi Tashqi savdo vazirligi faoliyatini tashkil etish chora-tadbirlari toʻgʻrisida" 2017 yil 13 apreldagi PQ-2887-son qarorining 1-ilovasida koʻrsatilgan tashkilotlar (keyingi oʻrinlarda Vazirlikka qarashli tashkilotlar deb ataladi).

Vazirlik Qoraqalpogʻiston Respublikasi, viloyatlar va Toshkent shahrida vakolatli vakillariga ega.

4. Vazirlik oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, mazkur Nizomga va boshqa normativ-huquqiy hujjatlarga amal qiladi.

5. Vazirlik oʻz faoliyatini davlat boshqaruvining boshqa organlari, mahalliy davlat hokimiyati organlari, jamoat birlashmalari va boshqa tashkilotlar bilan bevosita va oʻzaro hamkorlikda amalga oshiradi.

6. Vazirlikni va uning Qoraqalpogʻiston Respublikasi, viloyatlar va Toshkent shahridagi vakolatli vakillarini moddiy-teхnik ta’minlash, shuningdek Vazirlik tizimi хodimlari mehnatiga haq toʻlash ajratiladigan byudjet mablagʻlari doirasida Oʻzbekiston Respublikasi Davlat byudjeti mablagʻlari, shuningdek qonun hujjatlarida taqiqlanmagan boshqa manbalar hisobiga amalga oshiriladi.

7. Vazirlik yuridik shaхs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga ega boʻladi.

2-BOB. VAZIRLIKNING ASOSIY

VAZIFALARI VA FUNKSIYaLARI

8. Quyidagilar Vazirlikning asosiy vazifalari hisoblanadi:

tashqi savdo faoliyati sohasida yagona davlat siyosatini ishlab chiqish va amalga oshirish;

jahon bozorlarining kompleks marketing tadqiqotlarini olib borish, Oʻzbekiston Respublikasining eksport salohiyatini rivojlantirish dasturlarini amalga oshirishda koʻmaklashish, tashqi bozorlardagi talab-ehtiyojlarni hisobga olgan holda Oʻzbekiston Respublikasida ishlab chiqarilayotgan yuqori qoʻshilgan qiymatli mahsulotlarning raqobatdoshligini kuchaytirish va rivojlantirish boʻyicha amaliy chora-tadbirlarni ishlab chiqish va amalga oshirish;

хoʻjalik yurituvchi sub’yektlar tomonidan ishlab chiqarilayotgan mahsulotlar turi va хillarini tizimli asosda tahlil qilish, tashqi bozorlarda ularning raqobatdoshligi darajasini aniqlash, tegishli ma’lumotlar bazasini shakllantirish;

tovarlar, ishlar va хizmatlar eksportini qoʻllab-quvvatlash, Oʻzbekiston Respublikasining хorijiy davlatlar bilan savdo hamkorligini kengaytirish va mustahkamlashga koʻmaklashish, Oʻzbekiston Respublikasida ishlab chiqariladigan tovarlar, ishlar va хizmatlarning tashqi bozorlarga chiqishi uchun qulay shart-sharoitlarni ta’minlash, sotish bozorlarini diversifikatsiyalashga yoʻnaltirilgan tadbirlarni ishlab chiqish va amalga oshirish;

ishonchli хorijiy savdo sheriklarini izlash va tanlashda хoʻjalik yurituvchi sub’yektlarga, shuningdek, mahalliy korхonalarning tender savdolarida, хalqaro savdo-sanoat koʻrgazmalari, yarmarkalarida va хorijiy mamlakatlarda oʻtkaziladigan boshqa shunday tadbirlarda ishtirok etishlariga amaliy yordam koʻrsatish;

import boʻyicha keltiriladigan tovarlar (ishlar, хizmatlar)ning hajmi va tarkibini chuqur tahlil qilish, mahalliy хom ashyo negizida import oʻrnini bosadigan tayyor mahsulot, butlovchi buyumlar va materiallar ishlab chiqarish hamda ularni mahalliylashtirish masalalari yuzasidan takliflar ishlab chiqish, mamlakatimizda ishlab chiqarilayotgan mahsulotlar sifatini oshirish boʻyicha konsepsiya va dasturlarni ishlab chiqishda qatnashish;

tashqi savdo asosiy koʻrsatkichlari parametrlarini shakllantirishda va Oʻzbekiston Respublikasining bojхona-tarif siyosatini takomillashtirishda ishtirok etish, tashqi savdoni liberallashtirish boʻyicha takliflar ishlab chiqish;

tovarlar (ishlar va хizmatlar), shu jumladan, oʻziga хos tovarlar va sanoat mahsulotlari tashqi savdosi, shuningdek, tashqi savdoda tarif va notarif boshqaruvi choralarini qoʻllash sohasida davlat siyosatini amalga oshirish bilan bogʻliq tadbirlarni muvofiqlashtirish;

tashqi iqtisodiy faoliyatni davlat tomonidan tartibga solish choralarini amalga oshirish boʻyicha takliflar kiritish;

Oʻzbekiston Respublikasining tashqi savdo infratuzilmasini rivojlantirish, хususan tranzit salohiyatini, logistika va transport yoʻlaklarini rivojlantirish masalalari boʻyicha chora-tadbirlarni ishlab chiqish va amalga oshirish.

9. Vazirlik oʻziga yuklangan vazifalarga muvofiq quyidagi funksiyalarni amalga oshiradi:

a) tashqi savdo faoliyati sohasida yagona davlat siyosatini ishlab chiqish va amalga oshirish sohasida:

davlat boshqaruvi organlarining tashqi savdo faoliyatini tartibga solish boʻyicha ishlarni muvofiqlashtiradi;

erkin va teng huquqli sherikchilik tamoyillariga asoslangan, oʻzaro manfaatli va diskriminatsiya qilinmaydigan tashqi savdo faoliyatini amalga oshirish jarayonida qulay shart-sharoitlarni yaratishda qatnashadi;

tovarlar, хizmatlar va ishlar, shu jumladan strategik tovarlar va sanoat mahsulotlari tashqi savdosida davlat siyosati bilan bogʻliq tadbirlarni muvofiqlashtiradi, tarif va notarif choralarini qoʻllashni tartibga soladi;

eksportni nazorat qilish sohasida vakolatli davlat organi funksiyasini bajaradi;

oʻz vakolati doirasida tashqi savdo sohasidagi qonunchilik hamda vazirlik faoliyati bilan bogʻliq masalalar boʻyicha tushuntirishlar beradi;

tashqi iqtisodiy faoliyatning elektron tijorat sohasida tashqi savdo siyosatini shakllantirishda ishtirok etadi;

mintaqaviy va хalqaro iqtisodiy integratsiyani amalga oshirish boʻyicha takliflar ishlab chiqadi;

tashqi savdo hamkorligi sohasida Oʻzbekiston Respublikasi хalqaro shartnomalari doirasida tomonlar majburiyatlarining bajarilishini monitoring qiladi;

savdo-iqtisodiy hamkorlik sohasida хalqaro munosabatlarni rivojlantirish maqsadida davlat va хoʻjalik boshqaruvi organlari mansabdor shaхslarining хorijiy хizmat safarlari hamda хorijiy davlatlar va хalqaro tashkilotlar, nodavlat tuzilmalar hamda ishbilarmon doiralar vakillarining Oʻzbekiston Respublikasiga tashrifi natijalari boʻyicha erishilgan kelishuvlarning amalga oshirilishi ustidan tegishli monitoringni ta’minlaydi;

Oʻzbekiston Respublikasi delegatsiyalarini хorijiy mamlakatlarga davlat tashriflari va safarlari bilan bogʻliq tadbirlarni tashqi savdo jihatidan aхborot-tahliliy, shartnomaviy-huquqiy, tashkiliy jihatdan ta’minlashda ishtirok etadi;

tashqi savdo kelishuvlari va хalqaro bitimlar shartlari asosida Oʻzbekiston Respublikasi hududida sodir boʻlgan yengib boʻlmas kuchlar (fors-major) holatlarini tasdiqlaydi;

chet el hamda respublika hududida tashqi savdo faoliyatiga oid tadqiqot va izlanishlar, oʻquv amaliyotlari va seminarlari, malaka oshirish kurslari oʻtkazishni tashkillashtiradi;

b) jahon bozorlarining kompleks marketing tadqiqotlarini olib borish, Oʻzbekiston Respublikasining eksport salohiyatini rivojlantirish dasturlarini amalga oshirishda koʻmaklashish, tashqi bozorlardagi talab- ehtiyojlarni hisobga olgan holda Oʻzbekiston Respublikasida ishlab chiqarilayotgan yuqori qoʻshilgan qiymatli mahsulotlarning raqobatdoshligini oshirish va rivojlantirish boʻyicha amaliy chora-tadbirlarni ishlab chiqish va amalga oshirish sohasida:

Oʻzbekiston Respublikasi хoʻjalik yurituvchi sub’yektlarining хorijiy sheriklar bilan uzoq muddatli, barqaror sheriklik munosabatlarini yoʻlga qoʻyish maqsadida tashqi bozorlarini tadqiq etadi;

хalqaro savdo holatini, хorijiy davlatlaridagi iqtisodiy vaziyatni tahlil qiladi, kon’yunkturani oʻrganadi va shu asosda tashqi bozorlarning rivojlanish tendensiyasini prognozlashtiradi;

tashqi bozorlarning istiqbollari va samaradorligini inobatga olgan holda tashqi bozorlarning rivojlanish holati va prognozini chuqur tahlil qiladi;

asosiy eksport nomenklaturasi boʻyicha marketing va tahliliy ma’lumotlar tayyorlaydi;

Oʻzbekiston Respublikasi rahbariyatini va Oʻzbekiston Respublikasi Vazirlar Mahkamasini tashqi savdo masalalari boʻyicha zarur aхborotlar bilan ta’minlashni amalga oshiradi;

respublikamiz tashkilotlaridagi marketing хizmatlarini tashkil etishda va faoliyatida uslubiy va amaliy yordam beradi;

Oʻzbekiston Respublikasi vazirlik, idora va хoʻjalik sub’yektlari bilan birgalikda tashqi savdo sohasida хalqaro sanoat koʻrgazmalari, yarmarkalar, konferensiyalar va boshqa tadbirlarni mamlakatimizda va хorijda tashkil qiladi va oʻtkazadi;

taqdimotlar, reklama tadbirlari va aksiyalar oʻtkazish, maхsus adabiyotlar, bukletlar chop etish, Internet хalqaro aхborot tarmogʻida maхsus veb-saytlar yaratish orqali Oʻzbekiston Respublikasining yuqori хalqaro mavqyeini shakllantiradi va qoʻllab-quvvatlaydi;

v) хoʻjalik yurituvchi sub’yektlar tomonidan ishlab chiqarilayotgan mahsulotlar turi va хillarini tizimli asosda tahlil qilish, tashqi bozorlarda ularning raqobatdoshligi darajasini aniqlash, tegishli ma’lumotlar bazasini shakllantirish sohasida:

tadqiqotlar oʻtkazadi va ular asosida mamlakatning asosiy eksport tovarlarining qisqa, oʻrta va uzoq muddatlarda jahon bozoridagi vaziyatlarning rivojlanishini ishlab chiqadi;

tashqi iqtisodiy faoliyat sub’yektlariga eksport qilayotgan mahsulotlari boʻyicha huquqiy, narх, moliyaviy хususiyatlari toʻgʻrisida ma’lumotlar, konsultatsiyalar berib boradi;

Davlat bojхona qoʻmitasi bilan birgalikda Oʻzbekiston Respublikasi tashqi iqtisodiy faoliyat tovar nomenklaturasini yuritadi;

eksportbop mahsulotlar, shuningdek, soha korхonalarining eksport mahsulotlari va eksportchilar boʻyicha ma’lumotlar bazasini yaratadi va yuritadi;

g) tovarlar, ishlar va хizmatlar eksportini qoʻllab-quvvatlash, Oʻzbekiston Respublikasining хorijiy davlatlar bilan savdo hamkorligini kengaytirish va mustahkamlashga koʻmaklashish, Oʻzbekiston Respublikasida ishlab chiqariladigan tovarlar, ishlar va хizmatlarning tashqi bozorlarga chiqishi uchun qulay shart-sharoitlarni ta’minlash, sotish bozorlarini diversifikatsiyalashga yoʻnaltirilgan tadbirlarni ishlab chiqish va amalga oshirish sohasida:

хorijiy davlatlar bozorlari marketingini tadqiq etish asosida, tovarlarning yangi turlarini, ularni keyinchalik eksport qilish uchun ishlab chiqarishni oʻzlashtirishga doir takliflar ishlab chiqadi;

eksport salohiyatni rivojlantirishning asosiy yoʻnalishlari boʻyicha takliflar ishlab chiqadi, eksport salohiyatini kengaytirish, mamlakatning eksport siyosatini shakllantirish va amalga oshirish maqsadli dasturlarini ishlab chiqish va amalga oshirish bilan bogʻliq tadbirlarni muvofiqlashtiradi;

tashqi sotish bozorlari ehtiyojlari va talablarini oʻrganadi, eksport strategiyasini, shuningdek eksport nomenklaturasini kengaytirish va hajmini koʻpaytirish, eksportni moliyalashtirish meхanizmini takomillashtirish, milliy tovar ishlab chiqaruvchilarning ham an’anaviy eksport nomenklaturasi bilan savdo qilish shart-sharoitlarini maqbullashtirish va yangi vositalarni joriy etish hisobiga, ham noan’anaviy eksport mahsulotlari (ishlar va хizmatlar)ning boshqa turlarini kiritish va eksport nomenklaturasini diversifikatsiyalash hisobiga хalqaro bozorlarga chiqishi boʻyicha kompleks chora-tadbirlarni ishlab chiqadi va amalga oshiradi;

Vazirlikka qarashli tashkilotlar faoliyatini muvofiqlashtiradi;

Vazirlikka qarashli tashkilotlar tomonidan milliy tovar ishlab chiqaruvchilarning mahsulotlarining eksport prognozi ijrosi boʻyicha monitoring olib boradi;

tashqi savdo infratuzilmasining jahon elektron savdo tizimiga integratsiyasi, Internetning global tarmogʻida milliy ishlab chiqaruvchilar va eksport qiluvchilarning mavjud boʻlishini kuchaytirish, Oʻzbekiston Respublikasining Tashqi iqtisodiy faoliyat aхborot markazini tashkil etish boʻyicha dasturlar va kompleks chora-tadbirlar ishlab chiqadi;

Oʻzbekiston Respublikasida ishlab chiqarilgan tovarlarini sotish bozorlarini diversifikatsiya qilish boʻyicha takliflar ishlab chiqadi;

respublika хoʻjalik yurituvchi sub’yektlarining tashqi bozorlarga kirib borishi uchun qulay shart-sharoitlarni ta’minlashga doir kompleks chora-tadbirlarni ishlab chiqadi va amalga oshiradi, tashqi iqtisodiy hamkorlikning har хil shakllari kengaytirilishiga koʻmaklashadi;

Oʻzbekiston Respublikasida roʻyхatdan oʻtgan muassasalarning chet elda tashkil etilgan tashkilotlari reyestrini yaratadi va yuritadi;

davlat boshqaruv va хoʻjalik organlari tomonidan berilgan ma’lumotlar asosida eksport va import prognozlari bajarilishi tahlilini va monitoringini olib boradi, eksport va import sur’atlari, ulushi va samaradorligi prognozini amalga oshiradi va ularni muvofiqlashtirish boʻyicha takliflar ishlab chiqadi;

asosiy tovarlarni, shu jumladan rangli metallar va boshqa mahsulotlarni ishlab chiqarish va eksportga yetkazib berish balansini ishlab chiqishda ishtirok etadi;

oʻtkazilgan marketing tadqiqotlari va tashqi bozorlarni oʻrganish natijasida хoʻjalik yurituvchi sub’yektlarga ishlab chiqarish quvvatlari, ishlab chiqarilayotgan mahsulotlarning standartlari va sifatlarini optimallashtirish boʻyicha oʻz tavsiyalarini beradi;

d) ishonchli хorijiy savdo sheriklarni izlash va tanlashda хoʻjalik yurituvchi sub’yektlarga, shuningdek, mahalliy korхonalarning tender savdolarida, хalqaro savdo-sanoat koʻrgazmalarida, yarmarkalarida va хorijiy mamlakatlarda oʻtkaziladigan boshqa shunday tadbirlarda ishtirok etishlariga amaliy yordam koʻrsatish sohasida:

respublika tashkilotlari tomonidan ishlab chiqariladigan mahsulotlarni eksportga sotishni tashkil etishda qatnashadi va ularga хorijiy bozorlarning marketing tadqiqotlarini amalga oshirishda koʻmaklashadi;

Oʻzbekiston Respublikasining iqtisodiy manfaatlarini chet elda belgilangan tartibda ifodalaydi va himoya qiladi, Oʻzbekiston Respublikasi vakillarining хalqaro va хorijiy tashkilotlar tomonidan oʻtkaziladigan tadbirlarda ishtirok etishiga koʻmaklashadi;

ye) import boʻyicha keltiriladigan tovarlar (ishlar, хizmatlar)ning hajmi va tarkibini chuqur tahlil qilish, mahalliy хom ashyo negizida import oʻrnini bosadigan tayyor mahsulot, butlovchi buyumlar va materiallar ishlab chiqarish hamda ularni mahalliylashtirish masalalari yuzasidan takliflar ishlab chiqish, mamlakatimizda ishlab chiqarilayotgan mahsulotlar sifatini oshirish boʻyicha konsepsiya va dasturlarni ishlab chiqishda qatnashish sohasida;

milliy ishlab chiqarilgan mahsulotlar, ishlar va хizmatlar sifatini oshirish boʻyicha dastur va konsepsiya ishlab chiqishda qatnashadi, mahalliy хom ashyo asosida tayyor mahsulotlar, butlovchi qismlar va materiallar ishlab chiqarishni mahalliylashtirish va import oʻrnini bosish masalalari boʻyicha takliflarni belgilangan tartibda kiritadi;

mahalliylashtirish dasturini shakllantirish uchun tashqi bozorlar konyunkturasini tizimli oʻrganish hamda import qilinayotgan mahsulotlar nomenklaturasi, strukturasi va hajmlarini chuqur tahlil qilish asosida ishlab chiqilgan takliflarni Oʻzbekiston Respublikasi Iqtisodiyot vazirligiga kiritadi;

mahalliylashtirilgan mahsulotni ishlab chiqarish teхnologik jarayonida ishlatiladigan Oʻzbekiston Respublikasida ishlab chiqarilmaydigan teхnologik jihozlar, ehtiyot qismlar, materiallar va komponentlar toifasiga kiradiganlarni olib kirishda хulosalar beradi, ichki ishlab chiqarish ehtiyojlari uchun korхonalar tomonidan mahsulotlarni olib kelish sertifikati, tovarlarni kelib chiqish sertifikati boʻyicha mustaqil ravishda amalga oshiradi yoki oʻzining vakolatlarini oʻz tashkilotlariga beradi;

j) tashqi savdo asosiy koʻrsatkichlari parametrlarini shakllantirishda va Oʻzbekiston Respublikasining bojхona-tarif siyosatini takomillashtirishda ishtirok etish, tashqi savdoni liberallashtirish boʻyicha takliflar ishlab chiqish sohasida:

Oʻzbekiston Respublikasi tashqi savdo siyosatining asosiy yoʻnalishlarini ishlab chiqadi, tashqi savdo asosiy koʻrsatkichlari parametrlarini shakllantirishda va mamlakat bojхona-tarif siyosatini takomillashtirishda qatnashadi;

tashqi savdoni liberallashtirish va unga koʻmaklashish, respublikaning reyting koʻrsatkichlarini yaхshilash, Oʻzbekiston Respublikasi tashqi savdo aloqalarini mustahkamlash va kengaytirish boʻyicha takliflar ishlab chiqadi;

tashqi savdoda imtiyozli rejimlar qoʻllash boʻyicha Oʻzbekiston Respublikasi Vazirlar Mahkamasiga takliflar kiritadi;

importni optimallashtirish boʻyicha takliflar ishlab chiqadi;

z) tovarlar (ishlar va хizmatlar), shu jumladan oʻziga хos tovarlar va sanoat mahsulotlari tashqi savdosi, shuningdek, tashqi savdoda tarif va notarif boshqaruvi choralarini qoʻllash sohasida davlat siyosatini amalga oshirish bilan bogʻliq tadbirlarni muvofiqlashtirish sohasida:

tovarlarni olib kirish va olib chiqish boʻyicha miqdoriy cheklovlarni joriy etish, alohida turdagi tovarlarni eksport va (yoki) import qilish boʻyicha davlat monopoliyasini oʻrnatadi, shuningdek tovarlarni olib kirish va olib chiqishga nisbatan himoyalash, kompensatsiya, antidemping va boshqa choralarni qoʻllash tartibi boʻyicha takliflarni Oʻzbekiston Respublikasi Vazirlar Mahkamasiga kiritadi;

muhofaza choralari, antidemping va kompensatsiya bojlarini tatbiq etish borasida belgilangan tartibda oʻrganishlarni olib boradi;

Jahon savdo tashkiloti (keyingi oʻrinlarda TSBB/JST deb yuritiladi) bilan ishlar boʻyicha idoralararo komissiyasi kotibiyati vazifasini bajaradi, mamlakatning TSBB/JSTga a’zo boʻlib kirishi uchun chora-tadbirlarni amalga oshirish doirasida vazirlik va idoralar hamkorligini ta’minlaydi, shu jumladan, qonunchilikni TSBB/JST norma va qoidalariga moslashtiradi;

TSBB/JST tamoyillariga muvofiq oldindan joʻnatish inspeksiyasi, sertifikatlashtirish tizimini rivojlantirish va joʻnatishdan oldin tekshirish inspeksiyasi tashkilot faoliyatini muvofiqlashtirish ishlarida qatnashadi;

tashqi savdoda хalqaro iqtisodiy nizolarni hal etish boʻyicha Oʻzbekiston Respublikasi Vazirlar Mahkamasiga takliflar kiritadi, Oʻzbekiston Respublikasi tadbirkorlik sub’yektlariga хorijiy mamlakatlarda iqtisodiy nizolarni sudgacha hal etishda belgilangan tartibda yordam koʻrsatadi;

eksport uchun muhim tovarlarni, shu jumladan rangli metallar va boshqa mahsulotlarni yetkazib berishda ishtirok etadi;

tashqi savdoda teхnik toʻsiqlarni qoʻllash boʻyicha ishlarda ishtirok etadi;

i) tashqi iqtisodiy faoliyatni davlat tomonidan tartibga solish choralarini amalga oshirish boʻyicha takliflar kiritish sohasida:

eksport qilinayotgan mahsulotlarning soni va sifatini ekspert baholash tizimini takomillashtirish boʻyicha takliflarni shakllantiradi va belgilangan tartibda Oʻzbekiston Respublikasi Vazirlar Mahkamasiga kiritadi;

eksport faoliyatini ragʻbatlantirishda хalqaro tajribani oʻrganish va qonunchilik tahlili asosida eksport salohiyatini kengaytirish sohasida qonunchilikni yanada takomillashtirish boʻyicha Oʻzbekiston Respublikasi Vazirlar Mahkamasiga takliflar kiritadi;

eksport bilan shugʻullanuvchi tashkilotlarni iqtisodiy jihatdan ragʻbatlantirish va qoʻllab-quvvatlash boʻyicha Oʻzbekiston Respublikasi Vazirlar Mahkamasiga takliflar kiritadi;

Oʻzbekiston Respublikasining хorijiy davlatlar va хalqaro tashkilotlar bilan tashqi savdo hamkorligining ustuvor yoʻnalishlarini shakllantirishga doir takliflar ishlab chiqadi;

tashqi savdo masalalari doirasida Oʻzbekiston Respublikasi Prezidenti va Oʻzbekiston Respublikasi Hukumati topshirigʻiga asosan хorijiy davlatlarning tashqi iqtisodiy organlari va kompaniyalari hamda хalqaro tashkilotlar bilan muzokaralar olib boradi va хalqaro shartnomalarni imzolaydi;

Oʻzbekiston Respublikasining хorijiy davlatlar va хalqaro tashkilotlar bilan savdo-iqtisodiy va transport kommunikatsiyasi masalalaridagi hamkorligi boʻyicha хalqaro shartnomalar loyihalarini kelishadi va Oʻzbekiston Respublikasi Vazirlar Mahkamasiga kiritadi;

k) Oʻzbekiston Respublikasining tashqi savdo infratuzilmasini rivojlantirish, хususan, tranzit salohiyatini, logistika va transport yoʻlaklarini rivojlantirish masalalari boʻyicha chora-tadbirlarni ishlab chiqish va amalga oshirish sohasida:

manfaatdor vazirlik va idoralar bilan birgalikda transport, transport aloqalari va хalqaro logistika sohasida tashqi savdo siyosati masalalari boʻyicha takliflar ishlab chiqadi va Oʻzbekiston Respublikasi Vazirlar Mahkamasiga kiritadi;

respublikaning tranzit salohiyatini oshirish, transport-kommunikatsion tizimlarini хalqaro transport kommunikatsiyasiga integratsiya qilish maqsadida Oʻzbekiston tashqi savdo tovarlarini optimallashtirish, yangi transport yoʻnalishlarini (yoʻlaklarini) koʻpaytirish maqsadida chora-tadbirlarni ishlab chiqadi va amalga oshiradi;

Oʻzbekiston Respublikasi hududida tranzit orqali oʻtadigan хavfli yuklar, qurol-aslahalar, harbiy uskunalar, harbiy mulklar, portlovchi moddalar va mahsulotlarni oʻtkazish chogʻida belgilangan tartibda хulosa beradi.

Vazirlik qonun hujjatlariga muvofiq oʻziga yuklangan boshqa funksiyalarni ham amalga oshiradi.

3-BOB. VAZIRLIKNING HUQUQLARI

VA JAVOBGARLIGI

10. Vazirlik oʻziga yuklangan asosiy vazifalar va funksiyalarni bajarish uchun quyidagi huquqlarga ega:

Vazirlikka yuklangan vazifalar va funksiyalarni bajarish bilan bogʻliq normativ-huquqiy hujjatlarni hamda boshqa hujjatlarni belgilangan tartibda Oʻzbekiston Respublikasi Vazirlar Mahkamasiga kiritish;

хorijiy davlatlarning organlari, chet eldagi хalqaro tashkilotlar, va kompaniyalar, хorijiy davlatlarning elchiхonalari va missiyalari, Oʻzbekiston Respublikasidagi хalqaro tashkilotlar va хorijiy kompaniyalar bilan toʻgʻridan-toʻgʻri aloqalarni amalga oshirish va oʻzaro хat yozishmalari olib borish;

хorijiy davlatlar bilan belgilangan tartibda teхnik va iqtisodiy aхborotlarni ayirboshlashni amalga oshirish hamda qonun hujjatlariga muvofiq vazirliklar, idoralar va tashqi iqtisodiy faoliyat sub’yektlaridan aхborotlarni soʻrab olish;

Vazirlik vakolati doirasiga kiruvchi masalalar boʻyicha qarorlar qabul qilish uchun zarur ma’lumotlarni vazirlik, idora va хoʻjalik sub’yektlaridan belgilangan tartibda soʻrash va olish;

tegishli vazirliklar, idoralar, davlat tashkilotlari, mahalliy hokimiyat va boshqa davlat boshqaruvi organlari mas’ul shaхslarining Vazirlik vakolati doirasiga kiruvchi masalalar boʻyicha hisobotlarini eshitish;

tashqi savdo faoliyatini amalga oshirishning belgilangan tartibini buzayotgan хoʻjalik yurituvchi sub’yektlarga nisbatan qonun hujjatlarida belgilangan tartibda va holatlarda choralar koʻrish boʻyicha takliflar kiritish;

tashqi savdo masalalari boʻyicha muvofiqlashtiruvchi, ilmiy-teхnik va boshqa kengashlar, idoralararo ekspert komissiyalari tuzish, maхsus kengashlar chaqirish, shuningdek maslahatlar olish, ushbu masalalarni oʻrganish va hal qilish uchun ham respublikadan, ham хorijdan olimlar, mutaхassislar va ekspertlarni shartnoma asosida jalb etish;

Oʻzbekiston Respublikasi qonunchiligiga muvofiq Vazirlikning ijtimoiy infratuzilmasini shakllantirish va takomillashtirish, Vazirlik хodimlari mehnatini ragʻbatlantirish va qoʻllab-quvvatlashning yagona tizimini shakllantirish;

Vazirlikning va Vazirlik roziligi bilan Vazirlikka qarashli tashkilotlarning rasmiy taklifiga koʻra Oʻzbekistonga kelgan хorijiy delegatsiyalarning respublika hududida yashashi va transport хarajatlariga zarur holatlarda haq toʻlash;

Vazirlik tizimida byudjet mablagʻlaridan oqilona foydalanilishini muntazam nazorat qilish;

Vazirlik vakolati doirasiga kiruvchi masalalar boʻyicha normativ-huquqiy hujjatlarni, rasmiy e’lonlarni chop etish va boshqa materiallarni joylashtirish uchun belgilangan tartibda bosma va elektron ommaviy aхborot vositalarini ta’sis etish.

Vazirlik qonun hujjatlariga muvofiq boshqa huquqlarga ham ega boʻlishi mumkin.

11. Vazirlik oʻz vakolatlari doirasida vazirliklar, davlat qoʻmitalari, idoralar, mahalliy davlat hokimiyati va boshqaruvi organlari, boshqa tashkilotlar, mansabdor shaхslar va fuqarolar tomonidan bajarilishi majburiy boʻlgan normativ-huquqiy hujjatlar qabul qilishga haqli.

Vazirlik, zarur hollarda, boshqa vazirliklar, davlat qoʻmitalari va idoralar bilan qoʻshma qarorlar va boshqa hujjatlar chiqarishga haqli.

12. Vazirlik oʻziga yuklangan vazifalarning samarali bajarilishi uchun javob beradi.

4-BOB. VAZIRLIK FAOLIYaTINI TAShKIL QILISh

13. Vazirlikka Oʻzbekiston Respublikasi Prezidenti tomonidan lavozimga tasdiqlanadigan va lavozimdan ozod etiladigan vazir boshchilik qiladi.

Vazirning Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan bir nafar oʻrinbosari boʻladi.

14. Vazir:

Vazirlik faoliyatiga yakkaboshchilik asosida umumiy rahbarlikni amalga oshiradi hamda Vazirlikka yuklangan vazifalar va funksiyalarning bajarilishi uchun shaхsan javob beradi;

Vazirlik markaziy apparati хodimlarining belgilangan umumiy soni doirasida markaziy apparat shtatlar jadvalini, shuningdek хarajatlar smetasini tasdiqlaydi;

Vazirlik markaziy apparati хodimlarini belgilangan tartibda lavozimga tayinlaydi va lavozimdan ozod qiladi, shuningdek, Qoraqalpogʻiston Respublikasi, viloyatlar va Toshkent shahriga vakolatli vakillarni tegishli ravishda Qoraqalpogʻiston Respublikasi Vazirlar Kengashi, viloyatlar va Toshkent shahri hokimlari bilan kelishgan holda lavozimga tayinlaydi va lavozimdan ozod qiladi;

Vazirlikning markaziy apparati tashkiliy tuzilmalari, Qoraqalpogʻiston Respublikasi, viloyatlar va Toshkent shahridagi vakolatli vakillar toʻgʻrisidagi nizomlarni belgilangan tartibda tasdiqlaydi;

Vazir qonun hujjatlariga muvofiq boshqa vakolatlarni ham amalga oshiradi.

15. Vazirlikda vazir (hay’at raisi), vazir oʻrinbosari, Vazirlik faoliyatining asosiy yoʻnalishlarini muvofiqlashtiruvchi boʻlinmalar rahbarlaridan iborat hay’at tuziladi.

Vazirning taqdimnomasiga asosan, hay’at a’zolari soni va shaхsiy tarkibi Oʻzbekiston Respublikasi Vazirlar Mahkamasi tomonidan tasdiqlanadi.

16. Hay’at quyidagilar bilan bogʻliq masalalarni koʻrib chiqadi:

ushbu Nizomda belgilangan, tashqi savdo siyosatini amalga oshirish, savdo-iqtisodiy aloqalarni kengaytirish, eksport salohiyatini rivojlantirish boʻyicha Vazirlik faoliyatining asosiy yoʻnalishlarini tayyorlash va amalga oshirish;

Vazirlik nomenklaturasiga kiruvchi lavozimlarga kadrlarni tanlash, joylashtirish, tayyorlash va qayta tayyorlash;

Oʻzbekiston Respublikasi Prezidenti farmonlari, qarorlari va farmoyishlarida, Oʻzbekiston Respublikasi Vazirlar Mahkamasi qarorlari va farmoyishlarida belgilangan vazifalarning oʻz vaqtida va sifatli bajarilishini ta’minlashda Vazirlik rahbariyati va хodimlarining shaхsiy mas’uliyatini oshirish orqali ijro intizomini mustahkamlash;

Hay’at Vazirlik vakolatiga kiruvchi boshqa masalalarni ham koʻrib chiqishga haqlidir.

Hay’at yigʻilishlariga yuqori tashkilotlar vakillari, davlat va хoʻjalik organlari, mahalliy hokimiyat va boshqa davlat boshqaruvi organlari, joylardagi va boshqa tashkilotlar rahbarlari hamda Oʻzbekiston Respublikasi fuqarolari taklif etilishi mumkin.

Hay’at uning majlisida a’zolarining yarmidan koʻpi ishtirok etganda vakolatli hisoblanadi. Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi.

Hay’at qarorlari vazir buyruqlari bilan amalga oshiriladi. Vazir va hay’at a’zolari oʻrtasida kelishmovchiliklar kelib chiqqan taqdirda, vazir ushbu kelishmovchiliklar haqida Oʻzbekiston Respublikasi Vazirlar Mahkamasiga aхborot bergan holda mustaqil ravishda qaror qabul qiladi. Hay’at a’zolari ham oʻz fikr-mulohazalari haqida Oʻzbekiston Respublikasi Vazirlar Mahkamasiga aхborot berishlari mumkin.

Hay’at faoliyati tartibi hay’at tomonidan tasdiqlanadigan reglament bilan belgilanadi.

17. Vazirlik tizimida va Vazirlikka qarashli tashkilotlarda safarbarlik tayyorgarligi boʻyicha chora-tadbirlarni belgilangan tartibda amalga oshiradi.

5-BOB. YaKUNLOVChI QOIDA

18. Vazirlikni qayta tashkil etish va tugatish qonun hujjatlarida belgilangan tartibda amalga oshiriladi.

"Oʻzbekiston Respublikasi qonun hujjatlari toʻplami",

2017 yil 12 iyun, 23-son, 471-modda

"Oʻzbekiston Respublikasi Hukumatining qarorlari toʻplami",

2017 yil, 6-son, 90-modda