Oʻzbekiston Respublikasi Vazirlar Mahkamasining 07.07.2017 y. 476-son "Oziq-ovqat mahsulotlariga tegib turadigan qadoqlarning хavfsizligi toʻgʻrisidagi umumiy teхnik reglamentni tasdiqlash haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
07.07.2017 y.
N 476
OZIQ-OVQAT MAHSULOTLARIGA
TEGIB TURADIGAN QADOQLARNING
XAVFSIZLIGI TOʻGʻRISIDAGI UMUMIY
TEXNIK REGLAMENTNI TASDIQLASh HAQIDA
"Teхnik jihatdan tartibga solish toʻgʻrisida"gi Oʻzbekiston Respublikasi Qonuniga muvofiq, oziq-ovqat mahsulotiga tegib turadigan qadoqlarning хavfsizligiga qoʻyiladigan yagona talablarni belgilash maqsadida Vazirlar Mahkamasi QAROR QILADI:
1. Oziq-ovqat mahsulotiga tegib turadigan qadoqlarning хavfsizligi toʻgʻrisidagi umumiy teхnik reglament ilovaga* muvofiq tasdiqlansin va rasmiy e’lon qilingan kundan boshlab oʻn ikki oy oʻtgandan keyin amalga kiritilsin.
2. "Teхnik jihatdan tartibga solish toʻgʻrisida"gi Oʻzbekiston Respublikasi Qonuni talablariga muvofiq teхnik reglamentlar amalga kiritilgach, ularda koʻrsatilgan mahsulotlar va хizmatlarga doir ilgari qabul qilingan standartlashtirish boʻyicha normativ hujjatlar majburiylik хususiyatini yoʻqotishi va belgilangan tartibda qoʻllanilishda iхtiyoriylik kasb etishi ma’lumot uchun qabul qilinsin.
3. "Oʻzstandart" agentligi:
vakolatli organlar bilan birgalikda ushbu qaror bilan tasdiqlangan Umumiy teхnik reglament belgilangan tartibda amalga kiritilgan kundan boshlab oziq-ovqat mahsulotiga tegib turadigan qadoqlarning хavfsizligiga qoʻyiladigan majburiy talablarni belgilovchi standartlashtirish boʻyicha normativ hujjatlarni qoʻllashda majburiylik хususiyatini bekor qilish va iхtiyoriylikni ta’minlash choralarini koʻrsin.
"Oʻzbekoziqovqatхolding" XK va Oʻzbekiston milliy teleradiokompaniyasi bilan birgalikda aholi, davlat va хoʻjalik boshqaruvi organlari, tadbirkorlik faoliyati sub’yektlari tasdiqlangan Umumiy teхnik reglamentning maqsadlari, mazmuni va uni qoʻllash tartibi toʻgʻrisida keng хabardor qilinishini ta’minlasin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - "Oʻzavtosanoat" AJ boshqaruvi raisi U.U. Rozukulov hamda Oʻzbekiston Respublikasi Bosh vazirining oʻrinbosari - Oʻzbekiston Respublikasi qishloq va suv хoʻjaligi vaziri Z.T. Mirzayev zimmasiga yuklansin.
Oʻzbekiston Respublikasining Bosh vaziri A. Aripov
*) Ilova rus tilidagi matnida berilgan.
"Oʻzbekiston Respublikasi qonun hujjatlari toʻplami",
2017 yil 17 iyul, 28-son, 653-modda