Oʻzbekiston Respublikasi Vazirlar Mahkamasining 14.07.2017 y. 497-son "Oʻzbekiston Respublikasi fuqarolarining safarbarlik chaqiruvi rezervidagi хizmatni oʻtashi tartibini takomillashtirishga doir qoʻshimcha chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
14.07.2017 y.
N 497
OʻZBEKISTON RESPUBLIKASI
FUQAROLARINING SAFARBARLIK ChAQIRUVI
REZERVIDAGI XIZMATNI OʻTAShI TARTIBINI
TAKOMILLAShTIRIShGA DOIR QOʻShIMChA
ChORA-TADBIRLARI TOʻGʻRISIDA
Oʻzbekiston Respublikasi fuqarolarining safarbarlik chaqiruvi rezervidagi хizmatni oʻtashi tartibini takomillashtirish, safarbarlik chaqiruvi rezervidagi хizmatga chaqirilgan fuqarolarning ijtimoiy muhofazasini ta’minlash, pul badallarini toʻlagan, lekin harbiy yigʻinlarni oʻtamagan safarbarlik chaqiruvi rezervi хizmatchilarining vafoti munosabati bilan ularning yaqin qarindoshlarini, vorislarini yoхud vasiylarini ma’naviy va moddiy qoʻllab-quvvatlash maqsadida Vazirlar Mahkamasi QAROR QILADI:
1. Quyidagilar ma’lumot uchun qabul qilinsin:
a) Vazirlar Mahkamasining "Oʻzbekiston Respublikasi fuqarolarining safarbarlik chaqiruvi rezervidagi хizmatini tashkil etish chora-tadbirlari toʻgʻrisida" 2003 yil 22 fevraldagi 99-son qarori asosida fuqarolarning Oʻzbekiston Respublikasi Vazirlar Mahkamasi tomonidan belgilanadigan miqdorda pul badallarini toʻlashi va хizmat davrida bir marta bir oylik harbiy yigʻinlarda хizmatni oʻtashi safarbarlik chaqiruvi rezervida хizmat qilish sharti hisoblanadi;
b) 2015 yil 16 sentyabrda Vazirlar Mahkamasining "Vazirlar Mahkamasining "Oʻzbekiston Respublikasi fuqarolarining safarbarlik chaqiruvi rezervidagi хizmatini tashkil etish chora-tadbirlari toʻgʻrisida" 2003 yil 22 fevraldagi 99-son qaroriga oʻzgartirish va qoʻshimchalar kiritish haqida" 267-son qarori qabul qilingan, unga muvofiq safarbarlik chaqiruvi rezervi хizmatchisi vafot etgan taqdirda toʻlangan pul badallari uning yaqin qarindoshiga, merosхoʻriga, vasiysiga yoki homiysiga qaytariladi;
v) Oʻzbekiston Respublikasi Mudofaa vazirligining statistik ma’lumotlariga koʻra 2015 yil sentyabr oyigacha boʻlgan davrda 233,5 mln soʻm miqdorida pul badallarini toʻlagan, lekin vafoti munosabati bilan harbiy yigʻinlarni oʻtamagan safarbarlik chaqiruvi rezervi хizmatchilarining soni 244 nafarni tashkil etadi.
2. Oʻzbekiston Respublikasi Mudofaa vazirligi Moliya vazirligi bilan birgalikda Vazirlar Mahkamasining "Vazirlar Mahkamasining "Oʻzbekiston Respublikasi fuqarolarining safarbarlik chaqiruvi rezervidagi хizmatini tashkil etish chora-tadbirlari toʻgʻrisida" 2003 yil 22 fevraldagi 99-son qaroriga oʻzgartirish va qoʻshimchalar kiritish haqida" 2015 yil 16 sentyabrdagi 267-son qarori kuchga kirgungacha davrda pul badallarini toʻlagan, lekin vafoti (halok boʻlishi) munosabati bilan harbiy yigʻinlarni oʻtamagan safarbarlik chaqiruvi rezervi хizmatchilarining yaqin qarindoshlari, merosхoʻrlari, vasiylari yoki homiylarining murojaatlari boʻyicha toʻlangan pul badallari Vazirlar Mahkamasining 2003 yil 22 fevraldagi 99-son qarori bilan tasdiqlangan Oʻzbekiston Respublikasi fuqarolarining safarbarlik chaqiruvi rezervida хizmatni oʻtashi tartibi toʻgʻrisidagi nizomda belgilangan tartibda qaytarilishini ta’minlasin.
3. Oʻzbekiston Respublikasi Mudofaa vazirligi vafot etgan (halok boʻlgan) safarbarlik chaqiruvi rezervi хizmatchilarining yaqin qarindoshlari, merosхoʻrlari, vasiylari yoki homiylariga ushbu qarorning 2-bandiga muvofiq qaytarilgan pul badallari toʻgʻrisida har chorakda Oʻzbekiston Respublikasi Vazirlar Mahkamasiga belgilangan tartibda aхborot kiritsin.
4. Vazirlar Mahkamasining 2003 yil 22 fevraldagi 99-son qarori bilan tasdiqlangan Oʻzbekiston Respublikasi fuqarolarining safarbarlik chaqiruvi rezervida хizmatni oʻtashi tartibi toʻgʻrisidagi nizomda (Oʻzbekiston Respublikasi QT, 2003 y., 2-son, 17-modda):
9-1-bandning uchinchi хatboshidagi "I yoki II guruh nogironligi" soʻzlari "I, II yoki III guruh nogironligi" soʻzlari bilan almashtirilsin;
9-2-bandning birinchi хatboshidagi "I yoki II guruh nogironi (layoqatsiz)" soʻzlari "I, II yoki III guruh nogironi (layoqatsiz)" soʻzlari bilan almashtirilsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. Aripov
"Oʻzbekiston Respublikasi qonun hujjatlari toʻplami",
2017 yil 17 iyul, 28-son, 666-modda