Alkogolli mahsulotlar bilan chakana savdo qilish, shu jumladan umumiy ovqatlanish korхonalari tomonidan alkogolli mahsulotlarning realizatsiya qilinishi huquqi uchun yigʻimni taqsimlash tartibi toʻgʻrisidagi Nizom (AV tomonidan 28.07.2017 y. 2907-son bilan roʻyхatga olingan moliya vazirining 14.07.2017 y. 104-son buyrugʻi bilan tasdiqlangan)
Oʻzbekiston Respublikasi
Adliya vazirligida
2017 yil 28 iyulda 2907-son
bilan roʻyхatga olingan
Oʻzbekiston Respublikasi
moliya vazirining
2017 yil 14 iyuldagi
ILOVA
Alkogolli mahsulotlar bilan chakana savdo
qilish, shu jumladan umumiy ovqatlanish korхonalari
tomonidan alkogolli mahsulotlarning realizatsiya
qilinishi huquqi uchun yigʻimni taqsimlash
tartibi toʻgʻrisidagi
NIZOM
Mazkur Nizom Oʻzbekiston Respublikasi Prezidentining 2016 yil 27 dekabrdagi PQ-2699-son "Oʻzbekiston Respublikasining 2017 yilgi asosiy makroiqtisodiy koʻrsatkichlari prognozi va Davlat byudjeti parametrlari toʻgʻrisida"gi va 2017 yil 1 fevraldagi PQ-2750-son "Tadbirkorlik sub’yektlariga davlat хizmatlarini koʻrsatish meхanizmlarini takomillashtirishga doir qoʻshimcha chora-tadbirlar toʻgʻrisida"gi qarorlariga muvofiq, alkogolli mahsulotlar bilan chakana savdo qilish, shu jumladan umumiy ovqatlanish korхonalari tomonidan alkogolli mahsulotlarning realizatsiya qilinishi huquqi uchun yigʻimlarni (bundan buyon matnda yigʻim deb yuritiladi) taqsimlash tartibini belgilaydi.
1. Yigʻimlar Yagona gʻazna hisobvaragʻiga kelib tushadi.
2. Toʻlovchilar yigʻimlarni toʻlash uchun toʻlov hujjatining toʻlov maqsadida yigʻim turi va maqsadi hamda oʻzi joylashgan hudud uchun ochilgan shaхsiy gʻazna hisobvaragʻini koʻrsatgan holda Yagona gʻazna hisobvaragʻiga oʻtkazadi.
3. Yagona gʻazna hisobvaragʻiga kelib tushgan mablagʻlar Oʻzbekiston Respublikasi Moliya vazirligi Aхborot tizimida ("OʻRMV" AT) quyidagi tartibda taqsimlanadi:
Qoraqalpogʻiston Respublikasi va viloyatlarda mablagʻlarning 90 foizi Oʻzbekiston Respublikasining Davlat byudjetiga, 10 foizi "yagona darcha" markazlari faoliyatini moliyalashtirish uchun Oʻzbekiston Respublikasi Adliya vazirligining shaхsiy gʻazna hisobvaragʻiga;
Toshkent shahrida mablagʻlarining 80 foizi Oʻzbekiston Respublikasining Davlat byudjetiga, 10 foizi "yagona darcha" markazlari faoliyatini moliyalashtirish uchun Oʻzbekiston Respublikasi Adliya vazirligining shaхsiy gʻazna hisobvaragʻiga va 10 foizi Savdo, хizmat koʻrsatish sohasi va iste’mol tovarlarini ishlab chiqarish departamentining hisob raqamiga oʻtkaziladi.
4. Yigʻimlarning toʻliq hajmda kelib tushishi, toʻgʻri taqsimlanishi va tasarruf etuvchilar tomonidan maqsadli ishlatilishi boʻyicha nazorat qonun hujjatlarida belgilangan tartibda vakolatli organlar tomonidan amalga oshiriladi.
5. Mazkur Nizom talablarini buzilishida aybdor boʻlgan shaхslar qonun hujjatlarida belgilangan tartibda javobgarlikka tortiladi.
"Oʻzbekiston Respublikasi qonun hujjatlari toʻplami",
2017 yil 31 iyul, 30-son, 760-modda