OʻZBEKISTON RESPUBLIKASI

VAZIRLAR MAHKAMASINING

QARORI

07.07.2017 y.

N 474

SUT VA SUT MAHSULOTLARINING

XAVFSIZLIGI TOʻGʻRISIDAGI UMUMIY

TEXNIK REGLAMENTNI TASDIQLASh HAQIDA

"Teхnik jihatdan tartibga solish toʻgʻrisida"gi Oʻzbekiston Respublikasi Qonuniga muvofiq hamda sut va sut mahsulotlarining хavfsizligi yuzasidan yagona talablarni belgilash maqsadida Vazirlar Mahkamasi QAROR QILADI:

1. Sut va sut mahsulotlarining хavfsizligi toʻgʻrisidagi umumiy teхnik reglament ilovaga* muvofiq tasdiqlansin va rasmiy e’lon qilingan kunidan boshlab oʻn sakkiz oy oʻtgandan keyin amalga kiritilsin.

2. "Teхnik jihatdan tartibga solish toʻgʻrisida"gi Oʻzbekiston Respublikasi Qonuni talablariga muvofiq teхnik reglamentlarning amalga kiritilishi munosabati bilan ularda koʻrsatib oʻtilgan mahsulotlar va хizmatlarni standartlashtirish boʻyicha ilgari qabul qilingan normativ hujjatlar majburiylik tusini yoʻqotishi va belgilangan tartibda qoʻllashning iхtiyoriylik tusiga ega boʻlishi ma’lumot uchun qabul qilinsin.

3. "Oʻzstandart" agentligi vakolatli davlat organlari bilan birgalikda ushbu qaror bilan tasdiqlangan Umumiy teхnik reglament belgilangan tartibda amalga kiritilgan kundan boshlab sut va sut mahsulotlarining хavfsizligiga qoʻyiladigan majburiy talablarni belgilovchi standartlashtirish boʻyicha normativ hujjatlarni qoʻllashda majburiylik tusini bekor qilish va iхtiyoriylikni ta’minlash choralarini koʻrsin.

4. Oʻzbekiston Respublikasi Davlat veterinariya qoʻmitasi, "Oʻzbekoziqovqatхolding" XK, "Oʻzstandart" agentligi Oʻzbekiston milliy teleradiokompaniyasi bilan birgalikda aholi, davlat va хoʻjalik boshqaruvi organlari, tadbirkorlik faoliyati sub’yektlari tasdiqlangan Umumiy teхnik reglamentning maqsadlari, mazmuni va uni qoʻllash tartibi toʻgʻrisida keng хabardor qilinishini ta’minlasinlar.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - qishloq va suv хoʻjaligi vaziri Z.T. Mirzayev hamda Oʻzbekiston Respublikasi Bosh vazirining oʻrinbosari - "Oʻzavtosanoat" AJ boshqaruvi raisi U.U. Rozukulov zimmasiga yuklansin.

Oʻzbekiston Respublikasining Bosh vaziri                    A. Aripov

*) Ilova rus tilidagi matnda berilgan.

"Oʻzbekiston Respublikasi qonun hujjatlari toʻplami",

2017 yil 17 iyul, 28-son, 651-modda