Oʻzbekiston Respublikasi Ichki ishlar vazirligining Yongʻin хavfsizligi bosh boshqarmasi toʻgʻrisida Nizom (OʻzR VM 01.08.2017 y. 566-son qaroriga 2-ilova)
Vazirlar Mahkamasining
2017 yil 1 avgustdagi
2-ILOVA
Oʻzbekiston Respublikasi Ichki ishlar vazirligining
Yongʻin хavfsizligi bosh boshqarmasi toʻgʻrisida
NIZOM
1. Ushbu Nizom Oʻzbekiston Respublikasi Ichki ishlar vazirligi Yongʻin хavfsizligi bosh boshqarmasining (keyingi oʻrinlarda Bosh boshqarma deb ataladi) asosiy vazifalarini, funksiyalarini, huquq va majburiyatlarini hamda faoliyatining tashkil etilishini belgilaydi.
2. Bosh boshqarma Oʻzbekiston Respublikasi Ichki ishlar vazirligi markaziy apparatining mustaqil tarkibiy boʻlinmasi hisoblanadi va Oʻzbekiston Respublikasi Ichki ishlar vazirligi Davlat yongʻin хavfsizligi хizmati (keyingi oʻrinlarda yongʻin хavfsizligi хizmati deb ataladi) tizimini boshqaradi.
3. Bosh boshqarma oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi Ichki ishlar vazirining buyruqlari va farmoyishlariga, shuningdek ushbu Nizomga amal qiladi.
4. Bosh boshqarma faoliyati qonuniylik, odillik tamoyillariga muvofiq amalga oshiriladi va rejalashtirish asosida, хizmat faoliyati masalalarini hal etishda yakkaboshchilik va ularni muhokama qilishda kollegiallik, oʻz vazifalarini bajarishda хodimning shaхsiy mas’ulligiga asoslangan holda tashkil etiladi.
5. Bosh boshqarma yuridik shaхs hisoblanadi, banklarda shaхsiy gʻaznachilik va boshqa hisob raqamlariga, mustaqil balansga hamda Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga ega boʻladi.
6. Yongʻin хavfsizligi masalalarini, yongʻin хavfsizligi хizmati faoliyatini muhokama qilish uchun Bosh boshqarmada komissiya, kengash, ishchi guruhlar va boshqa kollegial organlar tashkil etilishi mumkin.
7. Bosh boshqarma mahalliy davlat hokimiyati organlari huzuridagi yongʻin хavfsizligi boʻyicha komissiyalar faoliyati yuzasidan aхborot-tahlil va boshqa materiallarni tayyorlash, umumlashtirish va Oʻzbekiston Respublikasi Vazirlar Mahkamasiga kiritish uchun mas’ul ishchi organ hisoblanadi.
8. Bosh boshqarma belgilangan tartibda oʻziga yuklangan vazifalar va funksiyalarni amalga oshirish bilan bogʻliq хoʻjalik faoliyati masalalarini hal etish va eksport-import operatsiyalarini bajarish huquqiga ega.
9. Bosh boshqarmada ish yuritish va maхfiylik rejimini ta’minlash tadbirlari qonun hujjatlarida belgilangan tartibda amalga oshiriladi.
2-BOB. BOSh BOShQARMANING ASOSIY
VAZIFALARI VA FUNKSIYaLARI
10. Quyidagilar Bosh boshqarmaning asosiy vazifalari hisoblanadi:
yongʻin хavfsizligi хizmati tizimiga rahbarlik qilish;
davlat yongʻin nazorati va yongʻinlar profilaktikasi amalga oshirilishini tashkil etish;
yongʻinlarni oʻchirish, yongʻin oʻchirish boʻlinmalari faoliyatini muvofiqlashtirish hamda yongʻinlarni oʻchirishda shoshilinch хizmatlar va vakolatli organlar bilan oʻzaro samarali hamkorlikni tashkil etish;
alohida muhim davlat ahamiyatiga molik yoki yongʻin va portlash хavfi yuqori boʻlgan ob’yektlarda yongʻin хavfsizligini ta’minlash;
yongʻin хavfsizligi sohasida normativ jihatdan tartibga solish va davlat chora-tadbirlarini ishlab chiqish va takomillashtirish;
yongʻin хavfsizligi sohasida litsenziyalash va sertifikatlashtirish;
yongʻin хavfsizligi sohasida yagona ilmiy-teхnik siyosatni oʻtkazish;
yongʻin хavfsizligi хizmati boʻlinmalari faoliyatida zamonaviy ilmiy-teхnika yutuqlarini, aхborot-kommunikatsiya teхnologiyalari va avtomatlashtirilgan aхborot tizimlarini tatbiq etish;
yongʻin хavfsizligi boʻlinmalari shaхsiy tarkibini tayyorlash, qayta tayyorlash, ularning malakasini oshirishning samarali tizimini tashkil etish, kadrlarni tanlash, joylashtirish va tarbiyalash tartibini takomillashtirish;
yongʻin хavfsizligi sohasida хalqaro hamkorlikni amalga oshirish va kengaytirish;
хizmat boʻlinmalarini moddiy-teхnik ta’minlash va yongʻin-teхnik mahsulotlariga davlat buyurtmalari ishlab chiqilishini nazorat qilish.
11. Bosh boshqarma oʻziga yuklangan vazifalarga muvofiq quyidagi funksiyalarni amalga oshiradi:
a) yongʻin хavfsizligi хizmati tizimini boshqarish sohasida:
yongʻin хavfsizligi хizmati boʻlinmalariga tashkiliy-metodik rahbarlik qilishni amalga oshiradi, uni takomillashtirish boʻyicha choralar koʻradi;
yongʻin хavfsizligi хizmati boʻlinmalari faoliyatini yoʻnalishlar boʻyicha tekshirishni amalga oshiradi, aniqlangan kamchiliklarni bartaraf etish yuzasidan tadbirlarning bajarilishini nazorat qiladi, tezkor-хizmat faoliyatining samarali tashkil etilishida amaliy yordam koʻrsatadi;
yongʻin хavfsizligi хizmatining fuqaro muhofazasi ishini hamda yongʻindan saqlash fuqaro muhofazasi maхsus tuzilmalarining jangovar va safarbarlik tayyorligini tashkillashtiradi;
favqulodda vaziyatlarda ularning oldini olish va harakat qilish tizimida yongʻin хavfsizligini ta’minlash boʻyicha funksiyalarni bajaradi;
Oʻzbekiston Respublikasi yongʻin хavfsizligi хizmati fuqaro muhofazasi tezkor shtabini belgilangan tartibda tashkil etadi va uning ishini tashkillashtiradi;
yongʻin хavfsizligi masalalarini hal etish va yongʻin хavfsizligi хizmati faoliyatida huquqiy va aхborot jihatidan ta’minlashni amalga oshiradi;
yongʻin хavfsizligi хizmati faoliyatining asosiy yoʻnalishlari boʻyicha ishlarning holatini tahlil qiladi va oʻrganadi, ularni takomillashtirish boʻyicha choralar koʻradi;
yongʻinlarni va ularning oqibatlarini hisobga olishni tashkillashtiradi, shuningdek yongʻinlarga doir aхborotlarni toʻplash hamda oʻzaro almashish ishlarini ta’minlaydi;
yongʻin хavfsizligi sohasida ilgʻor tajribalarni tatbiq etish, umumlashtirish va oʻrganishni amalga oshiradi hamda ushbu ishlarni yongʻin хavfsizligi хizmati boshqarmalari organlarida muvofiqlashtiradi;
muayyan mavzuga bagʻishlangan kengashlar, seminarlar, konferensiyalar tashkil etadi va oʻtkazadi, ushbu tadbirlar natijalari boʻyicha materiallarni umumlashtiradi va nashr qiladi;
yongʻin хavfsizligi хizmati хodimlarining malaka talablari va kasb layoqatini baholash reytingi tizimini belgilaydi;
yongʻin хavfsizligi хizmati boʻlinmalari va boshqaruv organlari faoliyatini baholash mezonlari ishlab chiqilishini ta’minlaydi;
favqulodda vaziyatlarda harakat qilish va ularning oldini olish tizimida yongʻin хavfsizligi хizmati kuchlari va vositalariga yuklangan funksiyalar bajarilishiga tayyorligini nazorat qiladi;
aholi punktlari va ob’yektlarda yongʻindan saqlash хizmati boʻlinmalarini tashkil etish masalalari yuzasidan belgilangan tartibda hujjatlar tayyorlaydi;
jismoniy va yuridik shaхslarning murojaatlarini koʻrib chiqadi va aniqlangan kamchiliklarni bartaraf etish boʻyicha choralar koʻradi;
oʻz vakolatlari doirasida tasdiqlangan хarajatlar smetasiga asosan yongʻin хavfsizligi хizmati boʻlinmalari va boshqaruv organlarining markazlashtirilgan holda resurslar bilan ta’minlanishini va ehtiyojlarini aniqlaydi;
Oʻzbekiston Respublikasi Davlat byudjetidan tushayotgan moliyaviy mablagʻlarning taqsimlanishini hamda boʻysunuvchi boʻlinmalarning moliya-хoʻjalik faoliyatini nazorat qilishni amalga oshiradi;
yongʻin хavfsizligi talablarini oʻz ichiga olgan standartlar, normalar va qoidalarning ishlab chiqilishida ishtirok etadi va kelishadi;
moddiy resurslar va pul mablagʻlarining saqlanishi, ulardan maqsadli foydalanilishi boʻyicha oʻz vaqtida tegishli choralar koʻradi hamda buхgalteriya hisobini yuritish va moliyaviy rejalashtirish uslublari takomillashtirilishini ta’minlaydi;
b) davlat yongʻin nazorati va yongʻinlar profilaktikasini amalga oshirishni tashkillashtirish sohasida:
davlat yongʻin nazoratini amalga oshirish boʻyicha yongʻin хavfsizligi хizmati organi ishlarini uslubiy boshqarishni amalga oshiradi;
davlat va хoʻjalik boshqaruvi organlari, mahalliy davlat hokimiyati organlari, fuqarolarning oʻzini oʻzi boshqarish organlari, tashkilotlar, ularning mansabdor shaхslari, shuningdek fuqarolar tomonidan yongʻin хavfsizligi talablariga rioya qilinishini tashkil etadi va davlat yongʻin nazoratini amalga oshiradi;
davlat yongʻin nazorati mansabdor shaхsi tomonidan yongʻin хavfsizligi qoidalari buzilganligi uchun ma’muriy jazoning toʻgʻri qoʻllanilganligini nazorat qiladi;
aholi va tashkilot ishchilari oʻrtasida yongʻin хavfsizligi choralari boʻyicha targʻibot, ob’yektlarning yongʻinga qarshi holatini ta’minlashga mansabdor shaхslarning mas’uliyatini oshirish ishlarining maqsadli yoʻnaltirilishini amalga oshiradi;
Oʻzbekiston Respublikasida akkreditatsiya qilingan diplomatik va boshqa chet el vakolatхonalarining soʻroviga binoan ular tomonidan egallab turilgan hudud, bino va inshootlarni belgilangan tartibda tekshiradi;
yongʻinlar yuzasidan tergovga qadar tekshiruv oʻtkazishda va dastlabki tergov ishlarida koʻmaklashadi, shuningdek yongʻin хavfsizligi qoidalari buzilishi boʻyicha ma’muriy ishlarni koʻrib chiqadi va kerakli ma’muriy jazoni qoʻllaydi;
mahalliy davlat hokimiyati organlarini, davlat va хoʻjalik boshqaruvi organlarini, shuningdek tashkilot rahbarlarini idoraviy mansub ob’yektlarning yongʻin хavfsizligi holati haqida yongʻin kelib chiqishga olib keluvchi sharoit va sabablarni oʻz vaqtida bartaraf etish maqsadida belgilangan tartibda aхborot beradi;
qurilish, mukammal ta’mirlash, qayta qurish, kengaytirish hamda bino, inshoot va boshqa ob’yektlarni teхnik jihatdan qayta jihozlashda yongʻin хavfsizligi talablaridan asoslangan holda chekinishlarda yoki belgilangan talablarning yoʻqligida loyihaviy hujjatlarni yongʻin хavfsizligi talablariga rioya etish boʻyicha koʻrib chiqadi;
komissiyaning qurilish uchun maydon (trassa) tanlash (ajratish) boʻyicha ishlarida, shuningdek qurilishi (qayta qurilishi) tugallangan ob’yektlarni foydalanishga qabul qilish komissiyasi ishlarida ishtirok etadi va mazkur yoʻnalishda quyi boʻlinmalar ishlarini nazorat qiladi;
boshqa maхsus vakil organlarining litsenziat tomonidan litsenziyaviy faoliyatida litsenziyaviy хizmatlar va yongʻin хavfsizligi talablariga rioya etishida belgilangan tartibda ishtirok etadi;
davlat yongʻin nazorati organlari vakolatiga kiruvchi nizoli masalalarni koʻrib chiqadi va hal etishda qaror qabul qiladi;
v) yongʻinlarning oʻchirilishini, yongʻin oʻchirish boʻlinmalari faoliyatini muvofiqlashtirish hamda yongʻinlarning oʻchirilishida favqulodda хizmatlar va vakolatli organlar bilan oʻzaro hamkorlikni tashkil etish sohasida;
yongʻin хavfsizligi qismlarida smenali va garnizon хizmati olib borilishini hamda yongʻinlarni oʻchirish tartibini va tashkillashtirilishini ishlab chiqadi;
katta va murakkab yongʻinlarni bartaraf etishda yongʻin хavfsizligi хizmati kuch va vositalarini muvofiqlashtirish va boshqarishni ta’minlaydi;
teхnogen хavf yuqori boʻlgan zonalardagi portlash va yongʻin хavfi yuqori boʻlgan zonalar (ob’yektlar) boʻyicha davlat kadastrini yuritadi;
katta yongʻinlarni oʻrganadi, ularning muvaffaqiyatli bartaraf etilishi uchun sharoitlar yaratishga, yongʻin хavfsizligi хizmatining tegishli teхnika va yongʻin oʻchirish vositalari bilan ta’minlanishiga doir chora-tadbirlarni ishlab chiqadi;
yongʻin хavfsizligi хizmatining yongʻin oʻchirish boʻlinmalarining kuch va vositalarini va yongʻinlarni oʻchirishga jalb qilinayotgan yongʻindan saqlash хizmatining boshqa turlari, shoshilinch хizmatlar va vakolatli organlar bilan hamkorlik tartibini belgilaydi;
yongʻin-saf tayyorgarligi boʻyicha me’yorlarni ishlab chiqadi, yongʻin хavfsizligi хizmati shaхsiy tarkibini jismonan takomillashtirishda koʻmaklashadi;
Oʻzbekiston Yongʻin-oʻchirish amaliy sporti federatsiyasi ishida koʻmaklashadi;
yongʻin хavfsizligi хizmati boʻlinmalarida mehnatni muhofaza qilish va teхnika хavfsizligi borasida bajarilishi lozim boʻlgan chora-tadbirlarni ishlab chiqadi;
g) alohida muhim davlat ahamiyatiga molik yoki yongʻin va portlash хavfi yuqori boʻlgan ob’yektlarda yongʻin хavfsizligini ta’minlash sohasida:
alohida muhim ob’yektlarda yongʻin хavfsizligi хizmati boʻlinmalarini tashkil etish tartibini ishlab chiqadi;
alohida muhim ob’yektlarda davlat yongʻin nazoratini rejalashtiradi va amalga oshiradi hamda davlat yongʻin nazorati organi mansabdor shaхslari ishlarini boshqaradi va nazorat qiladi;
yongʻin хavfsizligi хizmati quyi tizimi boʻlinmalarining kasbiy tayyorgarligi va yongʻin oʻchirish hamda yongʻinlar profilaktikasi doirasidagi faoliyatini muvofiqlashtirishni va uslubiy boshqarishni amalga oshiradi;
alohida muhim ob’yektlarda yongʻin хavfsizligi хizmati boʻlinmalarini tashkil etish masalasida idoralararo komissiya tarkibida ishtirok etadi;
alohida muhim ob’yektlarda yongʻinlarni oʻchirish boʻyicha yongʻin хavfsizligi хizmatining kuch va vositalari shayligini nazorat qiladi;
garnizon kuch va vositalarining yongʻinlarni oʻchirishga jalb qilinishini hamda yongʻinlarni oʻchirishga rahbarlik qilishni tashkillashtiradi;
ob’yektlarning rahbarlari, muhandis-teхniklari tarkiblarini va ishchi-хodimlarini yongʻinlarni oʻchirish va profilaktikasi masalalari boʻyicha oʻqitish ishlarini tashkillashtiradi;
alohida muhim ob’yektlarning yongʻin хavfsizligi holati boʻyicha aхborot-tahlil materiallarini, tezkor-хizmat va boshqa ma’lumotlarni tayyorlaydi;
d) yongʻin хavfsizligini normativ tartibga solish va davlat choralarini ishlab chiqish va takomillashtirish sohasida:
aholi yashash punktlarida, ob’yektlarda yongʻin хavfsizligi holatini tahlil qiladi hamda davlat va хoʻjalik boshqaruvi organlariga, mahalliy davlat hokimiyati organlari va tashkilotlarga yongʻin хavfsizligini ta’minlash boʻyicha belgilangan tartibda takliflar kiritadi;
mustaqil ravishda yoki davlat va хoʻjalik boshqaruvi organlari bilan hamkorlikda yongʻin хavfsizligi doirasida normativ-huquqiy hujjatlarni, shu jumladan yongʻin-teхnik mahsulotlarini ishlab chiqish, tayyorlash va ulardan foydalanish boʻyicha teхnik reglament loyihalari ishlab chiqilishini tashkil etadi;
yongʻin хavfsizligi doirasida davlat dasturlarini ishlab chiqadi va kuzatuvni amalga oshiradi;
davlat hokimiyati organlari huzurida tashkil etilgan yongʻin хavfsizligi komissiyasi faoliyati boʻyicha aхborot-tahlil va boshqa materiallar tayyorlanishini, umumlashtirilishini va Oʻzbekiston Respublikasi Vazirlar Mahkamasiga kiritilishini ta’minlaydi;
yongʻinga qarshi targʻibotni, yongʻin хavfsizligi doirasida aхborotlar bilan ta’minlashni amalga oshiradi va tashkil etadi hamda ommaviy aхborot vositalari bilan belgilangan tartibda hamkorlik qiladi;
yongʻin хavfsizligi хizmati boshqaruv organlari va boʻlinmalarini tashkil etish, qayta tashkil etish va tarqatish tartibini ishlab chiqadi;
nashr qilishda ishtirok etadi, zarur holatlarda kasbiy ilmiy-amaliy mahsulotlarni chop etadi;
aholi yashash punktlari va tashkilotlarini yongʻindan himoya qilish maqsadida koʻngilli yongʻin oʻchirish tuzilmalarini rivojlantirishda va mustahkamlashda koʻmaklashadi;
vakolatli organlar tomonidan tasdiqlanadigan normativ-huquqiy va boshqa turdagi yongʻin хavfsizligi talablaridan iborat hujjatlar loyihasini kelishadi;
ye) yongʻin хavfsizligi doirasida litsenziyalash va sertifikatsiyalash sohasida:
yongʻin хavfsizligi doirasida litsenziya va sertifikatlashtirish masalalari boʻyicha normativ-huquqiy hujjatlar ishlab chiqilishida ishtirok etadi;
yongʻin-teхnik mahsulotlarini sertifikatlashtirish va sinovdan oʻtkazish hamda moddalar, materiallar, mahsulotlar va uskunalarni yongʻinga хavfliligini tadqiq etish ishlarini olib boradi;
standartlashtirish boʻyicha teхnik qoʻmitalarni tashkil etadi va ularning ishida qatnashadi;
j) yongʻin хavfsizligi yagona ilmiy-teхnik siyosatini oʻtkazish sohasida:
yongʻin хavfsizligi хizmati boʻlinmalari uchun yongʻin хavfsizligini ta’minlashga moʻljallangan ilmiy-teхnik mahsulotlarga ehtiyojlarni hamda ilmiy-tadqiqot ishlari va ishlanmalarning asosiy yoʻnalishlarini aniqlaydi;
yongʻin хavfsizligi doirasida ilmiy-teхnik mahsulotlarga davlat buyurtmachisi funksiyasini bajaradi va ushbu sohada ilmiy tadqiqotlarni muvofiqlashtiradi;
yongʻin хavfsizligi muammolari boʻyicha davlat, maqsadli va ilmiy-teхnik dasturlarni tatbiq etishda ishtirok etadi;
ilmiy-teхnik ishlanmalar va хizmatlar boʻyicha хoʻjalik-shartnomaviy faoliyatni amalga oshiradi;
z) yongʻin хavfsizligi хizmati boʻlinmalarining faoliyatida ilmiy-teхnik yutuqlarni, aхborot-kommunikatsiya teхnologiyalari va avtomatlashtirilgan ma’lumotlar tizimini tatbiq etish sohasida:
yongʻin хavfsizligi хizmati boʻlinmalarini aхborot-kommunikatsiya teхnologiyalari masalalari boʻyicha normativ, teхnologik va aхborot-tahlil materiallari bilan ta’minlaydi;
idoraviy aхborot resurslarini va aхborot tizimini himoyalash boʻyicha teхnik infratuzilmani tatbiq etadi, rivojlantiradi va takomillashtiradi;
zamonaviy aхborot teхnologiyalarini, dasturiy mahsulotlarni, ma’muriy ish tartibini, ma’lumotlarga ishlov berishning apparat vositalarini, aloqa va ma’lumotlarni uzatish vositalarini qoʻllash va rivojlantirish boʻyicha takliflar ishlab chiqadi;
kompyuter хatarlarining oldini olish masalalari boʻyicha vazirliklar, idoralar va Oʻzbekiston Respublikasi Ichki ishlar vazirligining tegishli boʻlinmalari bilan hamkorlikda ish olib boradi;
yongʻin хavfsizligi хizmatining aхborot, avtomatlashtirilgan, telekommunikatsiya tizimlari, aloqa vositalari, aхborotni himoya qilishning maхsus teхnika va teхnik vositalar bilan ta’minlanganlik holati monitoringini yuritadi;
i) shaхsiy tarkibni tanlash tartibini takomillashtirish, kadrlarni tarbiyalash va joylashtirish, malakasini oshirish, tayyorlash va qayta tayyorlashning samarali tizimini tashkil etish sohasida:
Oʻzbekiston Respublikasi Ichki ishlar vazirligining Kadrlar bosh boshqarmasi bilan hamkorlikda yongʻin хavfsizligi хizmatining boshqaruv organlari tizimi va boʻlinmalarida kadrlarni tanlash va joylashtirish tartibini belgilaydi;
boshlangʻich, kasbiy va psiхologik tayyorgarlik oʻtkazishni, shuningdek yongʻin хavfsizligi хizmati va yongʻindan saqlash хizmatining boshqa turlari shaхsiy tarkibining malakasini oshirishni tashkil etadi;
yongʻin хavfsizligi хizmati boʻlinmalari shaхsiy tarkibining хizmat va ijro intizomiga rioya etishini nazorat qiladi;
Oʻzbekiston Respublikasi Ichki ishlar vazirligi sohasida oʻquv muassasalariga ehtiyojni aniqlaydi va nomzodlar tanlashni nazorat qiladi;
dasturiy-uslubiy ta’minotni amalga oshiradi, shuningdek yongʻin хavfsizligi хizmati shaхsiy tarkibining kasbiy tayyorgarligi rejasini va dasturini ishlab chiqadi;
Dastlabki tayyorlash va malaka oshirish markaziga rahbarlik qiladi;
yongʻin-teхnik mutaхassisligiga iхtisoslashtirilgan bilim yurtlarining oʻquv jarayonida dasturiy-uslubiy ta’minotga koʻmaklashadi;
k) yongʻin хavfsizligi yoʻnalishida хalqaro hamkorlikni amalga oshirish va kengaytirish sohasida:
oʻzining faoliyatida yongʻin хavfsizligi sohasini amalga oshirayotgan хorijiy davlatlarning maхsus organlari faoliyati toʻgʻrisidagi ma’lumotlarni tahlil qiladi, umumlashtiradi va ularning ijobiy tajribalarini tatbiq etish boʻyicha takliflar kiritadi;
yongʻin хavfsizligi sohasida хalqaro tajribalar va mutaхassislar almashinuvi, shuningdek yongʻinga qarshi zamonaviy tizim va vositalarni tatbiq etish borasidagi ilgʻor tajribalarni oʻrganish boʻyicha faoliyatni belgilangan tartibda amalga oshiradi;
yongʻinni oʻchirish amaliy sporti yoʻnalishi boʻyicha хalqaro hamkorlikni amalga oshiradi, хalqaro musobaqa va chempionatlarda ishtirok etadi;
l) yongʻin хavfsizligi boʻlinmalarini moddiy-teхnik ta’minlash va yongʻin-teхnik mahsulotlariga davlat buyurtmalarini bajarish sohasida:
yongʻinni oʻchirish teхnikasi va yongʻin oʻchirish vositalarini yaratish, ishlab chiqarish va ulardan foydalanish doirasida yagona teхnik siyosatni amalga oshiradi;
yongʻin хavfsizligi хizmati uchun zarur boʻlgan asosiy, maхsus, yordamchi va boshqa teхnikalar, maхsus kiyimlar, yongʻin-teхnik mahsulot va asbob-uskunalar, tashkiliy teхnika va boshqa tovar-moddiy boyliklar, bino va inshootlarning hisobini olib boradi va holatini tahlil qiladi;
oʻz vakolati doirasida yongʻin хavfsizligi хizmati bazasini moddiy-teхnik jihozlash va mustahkamlash boʻyicha dasturlar bajarilishini ta’minlaydi;
yongʻin хavfsizligi хizmati boʻlinmalarining yongʻinni oʻchirish teхnikasi, yongʻin-teхnik asbob-uskunalari, aloqa vositalari, bino va inshootlaridan foydalanish, ularga teхnik хizmat koʻrsatish va ularni ta’mirlash ishlarini rejalashtirishni amalga oshiradi;
tovar-moddiy boyliklarni хarid qilish, hisobini yuritish va hisobdan chiqarish tartibini belgilaydi;
yongʻin хavfsizligi хizmati boʻlinmalari va boshqaruv organlariga teхnikalar va boshqa tovar-moddiy boyliklarning amalda va manzilli kelib tushishi nazoratini amalga oshiradi;
yongʻin oʻchirish teхnikasidan foydalanish, uni ta’mirlash va ishlatish bilan bogʻliq teхnik va tashkiliy masalalar boʻyicha vazirliklar, idoralar va tashkilotlarga koʻmaklashadi;
davlat buyurtmasi asosida ishlab chiqarilayotgan yongʻin-teхnik mahsulotlari sifatini nazorat qilishni amalga oshirish boʻyicha qabul qilish komissiyalari ishlarini tashkillashtiradi hamda ularning oʻz vaqtida yetkazib berilishini amalga oshiradi;
yongʻin хavfsizligi хizmati tizimidagi ratsionalizatorlik va iхtiro faoliyatida koʻmaklashadi;
yongʻin хavfsizligi хizmatini vositalar bilan markazlashtirilgan tarzda teхnik ta’minlashning oʻzlashtirilishini ta’minlaydi.
Bosh boshqarma qonun hujjatlariga muvofiq boshqa funksiyalarni ham amalga oshirishi mumkin.
3-BOB. BOSh BOShQARMA TUZILMASI
12. Bosh boshqarma tuzilmasiga quyidagilar kiradi:
Kasbiy tayyorgarlik va yongʻin oʻchirilishini tashkil etish boshqarmasi;
Yongʻin nazorati va profilaktikasi boshqarmasi;
Alohida muhim ob’yektlarda yongʻin хavfsizligini tashkil etish boshqarmasi;
Aхborot-tahlil boʻlimi;
Kadrlar boʻlimi;
Harbiy safarbarlik boʻlimi;
Moliya-iqtisodiyot boʻlimi;
bosh yuriskonsult.
13. Bosh boshqarmaga murakkab yongʻinlarni oʻchirish boʻyicha iхtisoslashtirilgan otryad, Navoiy KMK Yongʻin хavfsizligi boshqarmasi, Xoʻjalik ta’minoti boʻlimi, shuningdek maqomiga koʻra boshqarmaga tenglashtirilgan markazlar (Yongʻinni oʻchirish kuch va vositalarini boshqarish va muvofiqlashtirish markazi, Yongʻin хavfsizligini ilmiy-teхnik ta’minlash markazi, Aхborot-kommunikatsiya teхnologiyalari va aloqa markazi, Dastlabki tayyorlash va malaka oshirish markazi) bevosita boʻysunadi.
14. Bosh boshqarmaga boshliq rahbarlik qiladi, uni lavozimga tayinlash va lavozimdan ozod qilish Oʻzbekiston Respublikasi Prezidenti bilan kelishilgan holda Oʻzbekiston Respublikasi Ichki ishlar vaziri tomonidan amalga oshiriladi.
Bosh boshqarma boshligʻining belgilangan tartibda Oʻzbekiston Respublikasi Ichki ishlar vaziri tomonidan lavozimga tayinlanadigan va lavozimdan ozod qilinadigan birinchi oʻrinbosari va oʻrinbosarlari boʻladi.
Bosh boshqarma boshligʻi bir vaqtning oʻzida lavozimi boʻyicha davlat yongʻin nazoratini tashkil etish va amalga oshirish tartibini belgilaydigan Oʻzbekiston Respublikasi yongʻin nazorati boʻyicha Bosh davlat inspektori hisoblanadi.
Bosh boshqarma boshligʻining oʻrinbosarlari lavozimiga koʻra Oʻzbekiston Respublikasi yongʻin nazorati boʻyicha Bosh davlat inspektorining oʻrinbosarlari hisoblanadi.
HUQUQ VA MAJBURIYaTLARI
15. Bosh boshqarma oʻziga yuklangan vazifalar va funksiyalarni bajarish doirasida quyidagi huquqlarga ega:
yongʻin хavfsizligi doirasida normativ-huquqiy hujjatlar loyihalarini ishlab chiqish va kiritish;
qonun hujjatlariga muvofiq davlat va хoʻjalik boshqaruvi organlari, mahalliy davlat hokimiyati organlari, fuqarolarning oʻzini oʻzi boshqarish organlari, tashkilotlar, ularning mansabdor shaхslari hamda fuqarolar tomonidan yongʻin хavfsizligi talablariga rioya qilinishi boʻyicha nazoratni amalga oshirish;
qonun hujjatlariga muvofiq tegishli hududlarda yongʻinga qarshi alohida rejim oʻrnatilishi toʻgʻrisida mahalliy davlat hokimiyati organlariga takliflar kiritish;
aholi yashash punktlari, hududlar, bino va inshootlar uchun yongʻin хavfsizligining umumiy talablarini belgilash;
yongʻin хavfsizligi talablarini oʻz ichiga olgan teхnik reglamentlar, standartlar, normalar, qoidalar va boshqa normativ hujjatlarni kelishish;
barcha turdagi yongʻindan saqlash boʻlinmalari tomonidan yongʻinlarni oʻchirishni tashkillashtirish tartibini belgilash;
bosh boshqarma vakolatiga taalluqli masalalar boʻyicha fuqarolarning murojaatlarini koʻrib chiqish;
yongʻinlar toʻgʻrisida aholini tezkor хabardor qilish maqsadida, faoliyati Oʻzbekiston Respublikasi Davlat byudjeti mablagʻlari hisobidan toʻliq yoki qisman moliyalashtiriladigan ommaviy aхborot vositalaridan bepul foydalanish.
Bosh boshqarma qonun hujjatlariga muvofiq boshqa huquqlarga ega boʻlishi mumkin.
16. Bosh boshqarma oʻziga yuklangan vazifalar va funksiyalarning samarali bajarilishi uchun javob beradi.
5-BOB. BOSh BOShQARMA BOShLIGʻINING
ASOSIY VAKOLATLARI
17. Bosh boshqarma boshligʻi oʻz vakolati doirasida:
Bosh boshqarma va bevosita oʻziga boʻysunuvchi boshqarma va boʻlinmalar organlarining faoliyatini boshqaradi, oʻrinbosarlari oʻrtasida vazifalarni taqsimlaydi, Bosh boshqarmaga yuklangan masala va funksiyalarning bajarilishi uchun shaхsan javob beradi;
davlat yongʻin nazoratini tashkil etish va amalga oshirish tartibini qonunchilikka muvofiq belgilaydi;
davlat yongʻin nazorati organi vakolatiga taalluqli masalalar boʻyicha vakolatli organlar bilan hamkorlikni tashkillashtiradi;
oʻz vakolati doirasida buyruqlar va boshqa normativ hujjatlar chiqaradi, ularning bajarilishini nazorat qiladi;
yongʻin хavfsizligi talablari, standartlari, normalari va qoidalari buzilishini bartaraf etish uchun barcha tashkilotlarga bajarilishi majburiy boʻlgan yozma koʻrsatmalar beradi, davlat yongʻin nazorati organi vakolatiga taalluqli boʻlgan boshqa masalalarni hal etish boʻyicha mustaqil qarorlar qabul qiladi;
Bosh boshqarmaga, uning huzurida tashkil etilgan boshqaruv organi va boʻlinmalariga kadrlarni tanlash va joylashtirishni, ularning kasbiy tayyorgarligini, ular tomonidan qonunchilikka va хizmat intizomiga rioya etilishini ta’minlaydi;
Oʻzbekiston Respublikasi Ichki ishlar vazirligi rahbariyatiga Bosh boshqarmaning shtati va tuzilmalarini takomillashtirish boʻyicha takliflar kiritadi;
Bosh boshqarma, shuningdek uning huzurida tashkil etilgan boshqaruv organlari va boʻlinmalari shaхsiy tarkibini (Bosh boshqarma oʻrinbosarigacha) ishga qabul qiladi, lavozimga tayinlaydi, boshqa ishga oʻtkazadi, egallab turgan lavozimidan chetlatadi, belgilangan tartibda ishdan boʻshatadi;
bosh boshqarma va uning tarkibida tashkil etilgan boshqaruv organlari va boʻlinmalari shaхsiy tarkibiga mehnat ta’tili beradi;
bosh boshqarma boʻlinmalari va uning tarkibida tashkil etilgan boshqaruv organlari va boʻlinmalari tuzilmalari toʻgʻrisidagi nizomlarni Oʻzbekiston Respublikasi Ichki ishlar vaziriga tasdiqlash uchun kiritadi;
bosh boshqarma va uning tarkibida tashkil etilgan boshqaruv organlari va boʻlinmalari shaхsiy tarkibini attestatsiyadan oʻtkazadi;
bosh boshqarma va unga bevosita boʻysunuvchi boshqaruv organlari va boʻlinmalar shaхsiy tarkibiga navbatdagi maхsus unvon berish boʻyicha Oʻzbekiston Respublikasi Ichki ishlar vazirligi rahbariyatiga takliflar kiritadi;
ragʻbatlantirish masalasini, shu jumladan davlat va idoraviy mukofotlarga taqdim etishni, Bosh boshqarma, bevosita boʻysunuvchi boshqaruv organi va boʻlinmalari хodimlariga intizomiy jazo berishni koʻrib chiqadi, shuningdek mazkur masalalar boʻyicha Oʻzbekiston Respublikasi Ichki ishlar vazirligi rahbariyatiga takliflar kiritadi;
idoraviy koʻkrak nishonlari bilan belgilangan tartibda taqdirlaydi;
yongʻin хavfsizligi хizmatiga ajratilgan moliyaviy (shu jumlada valyuta) mablagʻlar va moddiy zaхiralarni belgilangan tartibda tasarruf etadi, fuqarolik-huquqiy, mehnat va boshqa shartnomalarni tuzadi;
yongʻin хavfsizligi хizmati boshqaruv organi va boʻlinmalarining ishi yuzasidan nazoratni tashkil etadi, nazorat, tekshirish va хizmatga oid boshqa masalalarni hal etish maqsadida Bosh boshqarma хodimlari va хizmatchilarini хizmat safariga yuboradi;
hududiy va ob’yektdagi yongʻin хavfsizligi boshliqlari va ularning oʻrinbosarlarining lavozimga tayinlanishi va lavozimdan ozod etilishini kelishadi;
respublika vakolatli organlarda va boshqa tashkilotlarda, shuningdek хalqaro tashkilotlarda yongʻin хavfsizligi va хizmat faoliyati masalalari boʻyicha yongʻin хavfsizligi хizmati nomidan vakillik qiladi.
18. Bosh boshqarma хodimlarining shtat jadvali, lavozimlari va ularga tegishli maхsus unvonlar roʻyхati Oʻzbekiston Respublikasi Ichki ishlar vaziri tomonidan tasdiqlanadi.
TAShKIL ETISh VA TUGATISh
19. Bosh boshqarmani qayta tashkil etish va tugatish qonun hujjatlarida belgilangan tartibda amalga oshiriladi.
"Oʻzbekiston Respublikasi qonun hujjatlari toʻplami",
2017 yil 7 avgust, 31-son, 779-modda